ಗುರುವಿನ ಗೋಚಾರ ಫಲ

                                 ಹರಿಃ ಓಂ

                   ಓಂ. ಶ್ರೀ ಗಣೇಶಾಯ ನಮಃ

                    ಓಂ ಶ್ರೀ ಗುರುಭ್ಯೋನಮಃ

*ಗುರುವಿನ ಗೋಚಾರ ಫಲ ಯಾವಾಗ ?* 

ಮನುಷ್ಯ ಜೀವನದಲ್ಲಿ ಸುಖಿಯಾಗಿರಬೇಕು, ಆತ ಸುಖವಾಗಿರಬೇಕಿದ್ದರೆ ಯಾವ ಕೊರತೆಯೂ ಇರಬಾರದು, ಇಂಥ ಸುಖವನ್ನು ಕಂಡುಕೊಳ್ಳಲಿಕ್ಕೆ ಮನುಷ್ಯನಿಗೆ ಜ್ಞಾನ ಬೇಕು.  ಈ ಸುಖ ಹಾಗೂ ಅರಿವು ಎರಡನ್ನೂ ನಮ್ಮ ಅನುಭವಕ್ಕೆ ತಂದುಕೊಡುವ ಗ್ರಹವೇ ಗುರುಗ್ರಹ. ಹೀಗಾಗಿ ಗುರುಗ್ರಹಕ್ಕೆ  ಜ್ಯೋತಿಷ ಶಾಸ್ತ್ರದಲ್ಲಿ ಶ್ರೇಷ್ಠ ಸ್ಥಾನವಿದೆ *.  ‘‘ಬೃಹಸ್ಪತಿ: ಶ್ರೇಷ್ಠ ಮತಿ:’’* ಅಂತ ಕರೀತಾರೆ. ಅಂದರೆ ಗುರುವು ಶ್ರೇಷ್ಠ ಬುದ್ಧಿಯನ್ನು ಹೊಂದಿರುವಾತ ಎಂದರ್ಥ.

              ಬೃಹಜ್ಜಾತಕದಲ್ಲಿ ಉಲ್ಲೇಖಿಸಿದಂತೆ *‘‘ಹೋರಾಸ್ವಾಮಿ ಗುರುಜ್ಞವೀಕ್ಷಿತಯುತಾನಾನ್ಯೈಶ್ಚ ವೀರ್ಯೋತ್ಕಟಾ ಭವತಿ’’* ಎಂಬ ಭದ್ರ ಬಲವನ್ನು ಕೊಡುತ್ತಾನೆ ಈ ಗುರು.    ಹಾಗಂದರೆ ಒಬ್ಬರ ಜಾತಕದಲ್ಲಿ ಅವರ ರಾಶಿಯನ್ನೋ, ಅಥವಾ ಲಗ್ನವನ್ನೋ ಗುರುಗ್ರಹ ನೋಡಿದರೆ, ಅಥವಾ ಸೇರಿದ್ದರೆ ಆ ವ್ಯಕ್ತಿ  ಅತ್ಯಂತ ಬಲಿಷ್ಠ ವ್ಯಕ್ತಿಯಾಗುತ್ತಾನೆ. ಹೀಗಾಗಿ ಜಾತಕದಲ್ಲಿ ಗುರು ಗ್ರಹಕ್ಕೆ ಯಾರಿಗೂ ಇಲ್ಲದ ಪ್ರಾಶಸ್ತ್ಯವನ್ನ ಕೊಟ್ಟಿದ್ದಾರೆ. ಅಷ್ಟೇ ಯಾಕೆ ನಮ್ಮ ಮನೆಯಲ್ಲಿ ಒಂದು ಮಂಗಳಕಾರ್ಯ ನಡೆಯಬೇಕಿದ್ದರೆ ಗುರುಬಲ ಅತ್ಯವಶ್ಯಕ, ಅದರಲ್ಲೂ ವಿವಾಹ, ಉಪನಯನದಂಥ ಕಾರ್ಯಕ್ರಮಗಳಿಗೆ ಗುರುಬಲವೇ ಜೀವಬಲ. ಇಂಥ ಗುರು ಈಗ ಸ್ಥಾನಬದಲಾವಣೆ ಮಾಡಿದ್ದಾನೆ. ಇಷ್ಟು ದಿನ ವೃಶ್ಚಿಕ ರಾಶಿಯಲ್ಲಿದ್ದ ಗುರು ಈಗ ಧನಸ್ಸು ರಾಶಿಯನ್ನು ಪ್ರವೇಶ ಮಾಡಿದ್ದಾನೆ. 

         ಈ ಗುರುವಿನ ಗೋಚಾರ ದಿಂದ ಕೆಲವು ರಾಶಿಗಳಿಗೆ ಶುಭಫಲ,  ಹಾಗೆಯೇ ಕೆಲವು ರಾಶಿಗಳಿಗೆ ಸಾಮಾನ್ಯ ಪಲಗಳುಂಟಾಗುತ್ತದೆ,  ಹಾಗಾದರೆ  ....ಈ ಫಲಗಳು ಯಾವಾಗ ದೊರೆಯುತ್ತದೆ, ಸ್ಥಾನ.ಬದಲಾವಣೆ ಆದ ತಕ್ಷಣವೇ ಫಲ ದೊರೆಯಬಹುದೇ? ಅಥವಾ  ಯಾವಾಗ? ಈ ಪ್ರಶ್ನೆ ಕಾಡುತ್ತದೆ.  ಪೃಚ್ಛಕರು ನಮ್ಮ ಬಳಿ ಬಂದಾಗ ಗ್ರಹಗಳ ಬದಲಾವಣೆ ಆದ ನಂತರ ಫಲವೆಂದು ಹೇಳುತ್ತೇವೆ.  ಆದರೆ ಗ್ರಹಗಳ ಬದಲಾವಣೆ ಆದ ನಂತರವೂ ಪರಿಸ್ಥಿತಿಯಲ್ಲಿ ಬದಲಾವಣೆ ಆಗದೇ ಇದ್ದಾಗ ... ನಮ್ಮ ಪ್ರಿಡಿಕ್ಷನ್ ತಪ್ಪೇನೂ ಅನ್ನುವ ಅನುಮಾನ ಬರದೇ ಇರೋಲ್ಲ...  ಹಾಗಾದರೆ ಗುರುವಿನ ಫಲ ಯಾವಾಗ..?

     ಒಂದು ಗ್ರಹ ಸ್ಥಾನ ಬದಲಾವಣೆ ಮಾಡಿದ ಕೂಡಲೆ ಫಲ ಕೊಟ್ಟುಬಿಡುತ್ತದೆ ಎಂಬುದು ಕೇವಲ ಕಲ್ಪನೆಯಾಗುತ್ತದೆ. ಒಂದು ಗ್ರಹ ಫಲ ಕೊಡಬೇಕಿದ್ದರೆ ಆ ಗ್ರಹಕ್ಕೆ ಬಲವಿರಬೇಕು. ಅಂದರೆ ಆ ಗ್ರಹ ತನ್ನ ಸ್ವಂತ ಮನೆಯಲ್ಲೋ, ತನ್ನ ಉಚ್ಚರಾಶಿಯಲ್ಲೋ, ತನ್ನ ಮೂಲ ತ್ರಿಕೋಣ ರಾಶಿಯಲ್ಲೋ ಇರಬೇಕು. ಅದನ್ನು ಸ್ಥಾನ ಬಲವೆಂದು ಕರೆಯುತ್ತಾರೆ. ಈಗ ಗುರು ಪ್ರವೇಶವಾಗಿರುವುದು ಧನಸ್ಸು ರಾಶಿಗೆ. ಧನಸ್ಸು ರಾಶಿ ಗುರುವಿನ ಸ್ವಂತ ಮನೆ. ಅಲ್ಲದೆ ಮೂಲ ತ್ರಿಕೋಣ ಸ್ಥಾನವೂ ಹೌದು. ( ಪ್ರಾರಂಭದ 10 ಅಂಶ ( ಡಿಗ್ರಿ ) ಮೂಲ ತ್ರಿಕೋಣ ನಂತರದ 20 ಡಿಗ್ರಿ ಸ್ವಕ್ಷೇತ್ರವಾಗಿದೆ. ) ಹೀಗಾಗಿ ಗುರುವಿಗೆ ಸಂಪೂರ್ಣಬಲ ಬಂದಿದೆ. ಬಲ ಬಂದಿದೆ ಆದರೆ ಶಾಸ್ತ್ರದ ಪ್ರಕಾರ ಗುರು ತನ್ನ ಫಲವನ್ನು ಕೊಡಲಿಕ್ಕೆ ಇನ್ನೂ ಕೆಲವು ದಿನಗಳಕಾಲ ಹೋಗಬೇಕು. ಯಾಕೆಂದರೆ ಅದಕ್ಕೊಂದು ಆಧಾರವನ್ನು ಕೊಡುತ್ತಾರೆ ಪಿತಾಮಹ ವರಾಹಮಿಹಿರರು.

 *" *ದಿನಕರ ರುಧಿರೌ ಪ್ರವೇಶ ಕಾಲೇ ಗುರು ಬೃಗುಜೌ ಭವನಸ್ಯ* *ಮಧ್ಯಯಾತೌ* 

 *ರವಿಸುತ ಶಶಿನೌ ವಿನರ್ಗಮಸ್ಥೌ*ಶಶಿತನಯ: ಫಲದಸ್ತು ಸಾರ್ವಕಾಲಂ "*

ಜ್ಯೋತಿಷದಲ್ಲಿ ಈ ಸೂತ್ರ ಪ್ರಧಾನವಾಗಿದೆ. ಇದರ ಆಧಾರದ ಮೇಲೆಯೇ ಗ್ರಹಗಳು ಫಲಕೊಡುವ ಕಾಲವನ್ನು ನಿರ್ಣಯಿಸಬೇಕಾಗುತ್ತದೆ.  ಈ ಸೂತ್ರ ವಿವರಿಸುವ ಹಾಗೆ ಕೆಲವು ಗ್ರಹಗಳು ಒಂದು ರಾಶಿಯನ್ನು ಪ್ರವೇಶ ಮಾಡಿದ ಕೂಡಲೇ ಫಲಕೊಡಲಿಕ್ಕೆ ಸಮರ್ಥವಾಗಿರುತ್ತವೆ. ಇನ್ನೂ ಕೆಲವು ಕಾಲಾನಂತರದಲ್ಲಿ ಫಲ ಕೊಡಲಿಕ್ಕೆ ಯೋಗ್ಯವಾಗುತ್ತವೆ. ಅವುಗಳನ್ನ ಅರಿಯದೇ ಫಲವನ್ನು ಹೇಳುವುದು ಕಷ್ಟವಾಗುತ್ತದೆ. ಹಾಗಾದರೆ ಯಾವ ಗ್ರಹಗಳು ಯಾವಾಗ ಫಲ ಕೊಡುತ್ತವೆ ಎಂಬುದು ನಮಗೆ ಅರ್ಥವಾಗಬೇಕು. ಮೇಲಿನ ಸೂತ್ರವೇ ವಿವರಿಸುವ ಹಾಗೆ ರಾಶಿಯನ್ನು ಪ್ರವೇಶ ಮಾಡಿದ ತಕ್ಷಣವೇ ಫಲಕೊಡುವ ಗ್ರಹಗಳೆಂದರೆ ರವಿ ಹಾಗೂ ಕುಜರು.

ಇನ್ನೂ ಕೆಲವು ಗ್ರಹಗಳು *ಭವನಸ್ಯ ಮಧ್ಯಯಾತೌ* ಅಂದರೆ, ರಾಶಿಯ ಮಧ್ಯಭಾಗದಲ್ಲಿ ಫಲವನ್ನು ಕೊಡುತ್ತಾರೆ, ಹಾಗೆ ರಾಶಿಯ ಮಧ್ಯಭಾಗದಲ್ಲಿ ಫಲ ಕೊಡುವ ಗ್ರಹಗಳು *ಗುರು ಹಾಗೂ ಶುಕ್ರರು.* ಇನ್ನೂ ಕೆಲವು ರಾಶಿಯ ಕೊನೆಯ ಭಾಗದಲ್ಲಿ ಫಲವನ್ನು ಕೊಟ್ಟು ಮುಂದಿನ ರಾಶಿಗೆ ಹೋಗಲಿವೆ. ಆ ಗ್ರಹಗಳೆಂದರೆ *ಶನಿ ಹಾಗೂ* *ಚಂದ್ರರು* . ಇನ್ನು *ಬುಧ ಗ್ರಹ* ಮಾತ್ರ ಎಲ್ಲ ಕಾಲದಲ್ಲೂ ಅಂದರೆ ರಾಶಿಯ ಪ್ರವೇಶದಿಂದ ಹಿಡಿದು ಮತ್ತೊಂದು ರಾಶಿಗೆ ಹೋಗುವವರೆಗೆ ಎಲ್ಲ ಸಮಯದಲ್ಲೂ ಫಲಕೊಡುತ್ತಾನೆ ಅಂತ. 

        ಅಲ್ಲಿಗೆ ಗುರು ಗ್ರಹ ಪ್ರವೇಶವಾದ ಕೂಡಲೇ ಸಂಪೂರ್ಣ ಫಲವನ್ನು ಕೊಡುವುದಿಲ್ಲ ರಾಶಿಯ ಮಧ್ಯಭಾಗದಲ್ಲಿ ತನ್ನ ಫಲವನ್ನು ಕೊಡಲಿಕ್ಕೆ ಸಂಪೂರ್ಣ ಬಲಿಷ್ಠನಾಗಿರುತ್ತಾನೆ. ರಾಶಿಯ ಮಧ್ಯ ಭಾಗ ಅಂದರೆ ಒಂದು ರಾಶಿಗೆ 30 ಅಂಶ. ಆ 30 ಅಂಶಗಳನ್ನ ಮೂರು ಭಾಗ ಮಾಡಿದರೆ ಅದನ್ನೇ ದ್ರೇಕ್ಕಾಣ ಅಂತಾರೆ. ಮೊದಲ ಭಾಗವನ್ನು ಪ್ರಥಮ ದ್ರೆಕ್ಕಾಣ ವೆಂತಲೂ ದ್ರೇಕ್ಕಾಣಗಳನ್ನು ಕಳೆದು 10 ಡಿಗ್ರಿಯಿಂದ 20 ಡಿಗ್ರಿಯವರಿದೆ ದ್ವಿತೀಯ ದೇಕ್ಕಾಣ ಎಂತಲೂ 20 ಡಿಗ್ರಿಯಿಂದ 30 ಡಿಗ್ರಿಯವರೆಗೆ ತೃತೀಯ ದೇಕ್ಕಾಣ ವೆಂತಲೂ ಕರೆಯುತ್ತಾರೆ.10 ನೇ ಡಿಗ್ರಿಯಿಂದ 20 ನೇ ಡಿಗ್ರಿಯ ಈ ದ್ವಿತೀಯ ದೇಕ್ಕಾಣದ ಭಾಗವನ್ನೇ ರಾಶಿಯ ಮಧ್ಯಭಾಗ ಅಂತ ಕರೀತಾರೆ. ಹಾಗಾಗಿ ಗುರು ಆ ಮಧ್ಯ ದ್ರೇಕ್ಕಾಣಕ್ಕೆ ಬರಲಿಕ್ಕೆ ಇನ್ನೂ ಕೆಲ ದಿನಗಳು ಬೇಕು. ಹಾಗಂತ ಫಲವಿಲ್ಲ ಅಂತಲ್ಲ, ಫಲವಿದೆ ... ಸಂಪೂರ್ಣ ಫಲ ಬರಲಿಕ್ಕೆ ಕಾಯಬೇಕು ಅಷ್ಟೆ. 

ಮುಂದುವರಿಯುತ್ತದೆ......

 *✍️ ಡಾ: B.N. ಶೈಲಜಾ ರಮೇಶ್*

ಸೂರ್ಯ ಗ್ರಹಣ... ಒಂದು ಪಕ್ಷಿ ನೋಟ

                          ಹರಿಃ ಓಂ

         ಓಂ ಶ್ರೀ ಮಹಾಗಣಪತಯೇ ನಮಃ

                ಓಂ ಶ್ರೀ ಗುರುಭ್ಯೋನಮಃ

ಸೂರ್ಯ ಗ್ರಹಣ ... ಒಂದು ಪಕ್ಷಿನೋಟ

*********************************

*ಕೇತುಗ್ರಸ್ತ ಕಂಕಣಾಕೃತಿ ಸೂರ್ಯಗ್ರಹಣ*

Picture source : internet/ social media

       ದಿನಾಂಕ 26 ಡಿಸೆಂಬರ 2019 ಗುರುವಾರ  (ಬೆಳಿಗ್ಗೆ)

        ಶ್ರೀಶಕೆ 1941 ಶ್ರೀವಿಕಾರಿ ನಾಮ ಸಂವತ್ಸರ ಮಾರ್ಗಶಿರ ಕೃಷ್ಣ ಅಮಾವಾಸ್ಯೆ

        ಕರ್ನಾಟಕ,ತಮಿಳನಾಡು ಹಾಗೂ ಕೇರಳದ ಕೆಲವು ಪ್ರದೇಶದಲ್ಲಿ ಮಾತ್ರ ಕಂಕಣಾಕೃತಿಯು ಅಂದರೆ ವಜ್ರದ ಉಂಗುರದಂತೆ ಕಾಣಿಸುವ ಈ ಸೂರ್ಯ ಗ್ರಹಣವು, ಉಳಿದಂತೆ ಭಾರತದಾದ್ಯಂತ ಖಂಡಗ್ರಾಸವಾಗಿ ಕಾಣಿಸುವದು. 

ಸೂರ್ಯಗ್ರಹಣ ಹೇಗೆ ಜರಗುತ್ತದೆ?

        ಇದೊಂದು ನೈಸರ್ಗಿಕ ಸಹಜ ಪ್ರಕ್ರಿಯೆ. ಭೂಮಿ, ಸೂರ್ಯ ಹಾಗೂ ಚಂದ್ರನ ಮಧ್ಯೆ ನಡೆಯುವಂತಹ ಪ್ರಕ್ರಿಯೆ. ಸೂರ್ಯ ಚಂದ್ರ ಭೂಮಿ ಇವು ಒಂದೇ ಸಮತಲ ರೇಖೆಯಲ್ಲಿ ಬಂದಾಗ ಮಾತ್ರಾ ಸೂರ್ಯ ಗ್ರಹಣ ಸ೦ಭವಿಸುತ್ತದೆ. ಈ ಮೂರು ಗ್ರಹಗಳು ಒಂದೇ ರೇಖೆಗೆ ಸಮನಾಗಿ ಬಂದು ತಲುಪುತ್ತದೆ. ಈ ವೇಳೆ ಸೂರ್ಯನ ಕಿರಣಗಳು ಭೂಮಿಯನ್ನ ಸ್ಪರ್ಶಿಸದಂತೆ ಚಂದ್ರ ತಡೆಯುತ್ತದೆ. ಈ ಸಂದರ್ಭದಲ್ಲಿ ಸೂರ್ಯಗ್ರಹಣ ಉಂಟಾಗುತ್ತದೆ.  ಶೇಕಡಾ 85ರಷ್ಟು ಸೂರ್ಯ ಗ್ರಹಣ ಗೋಚರವಾಗಲಿದೆ. 

ಸರಿಸುಮಾರು ಬೆಳಗ್ಗೆ 8 ಗಂಟೆ 5 ನಿಮಿಷಕ್ಕೆ ಗ್ರಹಣ ಆರಂಭವಾಗಲಿದೆ. ಬೆಳಗ್ಗೆ 9 ಗಂಟೆ 26 ನಿಮಿಷಕ್ಕೆ ಗ್ರಹಣದ ಮಧ್ಯ ಕಾಲ ಇರಲಿದೆ. ಅಂದರೆ, ಈ ಕಾಲದಲ್ಲಿ ಸಂಪೂರ್ಣ ಸೂರ್ಯ ಗ್ರಹಣ ಗೋಚರಿಸಲಿದೆ. ಬೆಳಗ್ಗೆ ಸುಮಾರು 11 ಗಂಟೆ 6 ನಿಮಿಷಕ್ಕೆ ಗ್ರಹಣ ಅಂತ್ಯವಾಗಲಿದೆ.

ಗ್ರಹಣದ ಆರಂಭ ಕಾಲ, ಮಧ್ಯ ಕಾಲ ಹಾಗೂ ಅಂತ್ಯ ಕಾಲ ಜಿಲ್ಲೆಯಿಂದ ಜಿಲ್ಲೆಗೆ ರಾಜ್ಯದಿಂದ ರಾಜ್ಯಕ್ಕೆ ವ್ಯತ್ಯಾಸವಾಗುತ್ತದೆ. ಆದ್ರೆ, ಕೆಲವೇ ಸೆಕೆಂಡ್‌ಗಳ ವ್ಯತ್ಯಾಸದಲ್ಲಿ ಎಲ್ಲರಿಗೂ ಗ್ರಹಣ ಗೋಚರವಾಗಲಿದೆ. ಗ್ರಹಣದ ದಿನ ಆಗಸದಲ್ಲಿ ಮೋಡ ಕವಿಯುವ ಸಾಧ್ಯತೆಯೂ ಇರುತ್ತದೆ. ಮೋಡಗಳು ಇಲ್ಲವಾದಲ್ಲಿ ಗ್ರಹಣದ ವೀಕ್ಷಣೆ ಸುಲಭವಾಗಲಿದೆ.

     ಸೂರ್ಯ ಜಗತ್ತಿನ ಆತ್ಮ, ಸೂರ್ಯನ ಕಿರಣ ಇಲ್ಲ ಎಂದಾದರೆ ಭೂಮಿಯ ಮೇಲೆ ಹಗಲು-ರಾತ್ರಿ ಎನ್ನುವ ಸಂಗತಿಯೇ ಇರುವುದಿಲ್ಲ. ಸೂರ್ಯನ ಬೆಳಕು ಇಲ್ಲದೆ ಹೋದರೆ ಭೂಮಿಯ ಮೇಲೆ ಸಾಕಷ್ಟು ಅನಾರೋಗ್ಯಗಳು ಹಾಗೂ ಅಂಧಕಾರವು ತುಂಬಿಕೊಳ್ಳುವುದು. ಸೂರ್ಯನ ಒಂದು ಕಿರಣದಿಂದ ಇಂದು ಪ್ರಕೃತಿಯಲ್ಲಿರುವ ಜೀವ ಸಂಕುಲವು ಆರೋಗ್ಯಕರ ಜೀವನವನ್ನು ಕಾಣುತ್ತಿದ್ದಾರೆ. ಭೌಗೋಳಿಕವಾಗಿ ಸೂರ್ಯನು ಬಾಹ್ಯಾಕಾಶದಲ್ಲಿ ಗೋಚರಿಸುವ ಒಂದು ಕಾಯ ಅಂತಾದರೂ......  ಹಿಂದೂ ಧರ್ಮದ ಪ್ರಕಾರ ಸೂರ್ಯನು ನಮ್ಮ ಬದುಕನ್ನು ಹಸನಾಗಿಸುವ ದೇವರು.  ಹಾಗಾಗಿ ನಿತ್ಯ ಸೂರ್ಯೋದಯವಾಗುತ್ತಿದ್ದಂತೆ ಸೂರ್ಯನಿಗೆ ನಮಸ್ಕರಿಸಿ, ದಿನದ ಆರಂಭವನ್ನು ಮಾಡುತ್ತೇವೆ. ನಮ್ಮ ರಕ್ಷಕನಾದ ಸೂರ್ಯನ ಮೇಲೆ ಉಂಟಾಗುವ ಕೆಲವು ಕಾಯಗಳ ಪ್ರಭಾವದಿಂದ ಗ್ರಹಣ ಉಂಟಾಗುವುದು. ಗ್ರಹಣವನ್ನು ಸಾಮಾನ್ಯವಾಗಿ ಸೂತಕ, ಅಶೌಚ, ಅಮಂಗಳ ಎಂದು ಪರಿಗಣಿಸಲಾಗುವುದು. ಜೀವ ಕುಲವನ್ನು ಸಂರಕ್ಷಿಸುವ ದೇವನಿಗೆ ಗ್ರಹಣ ಉಂಟಾದರೆ ಆಗ ಪ್ರಕೃತಿಯಲ್ಲಿ ಮಾಲಿನ್ಯ ಉಂಟಾಗುವುದು. ಜೊತೆಗೆ ಅಹಿತಕರ ಘಟನೆಗಳು ಸಂಭವಿಸುತ್ತವೆ. ಗ್ರಹಣದ ಪ್ರಭಾವ ಪ್ರತಿಯೊಬ್ಬ ವ್ಯಕ್ತಿಯ ಜೀವನದ ಮೇಲೂ ಗಂಭೀರವಾದ ಪ್ರಭಾವವನ್ನು ಉಂಟುಮಾಡುವುದು ಎನ್ನಲಾಗುತ್ತದೆ.

ಹಿಂದೂ ಸಂಪ್ರದಾಯದ ಪ್ರಕಾರ ಗ್ರಹಣ ಕಾಲದ ಆಚರಣೆಗಳೇನು..?

          ಗ್ರಹಣ ಕಾಲದಲ್ಲಿ ಗ್ರಹಣ ಆರಂಭದಿಂದ ಹಿಡಿದು ಅಂತ್ಯದವರೆಗೂ ಅನ್ನಾಹಾರ ಸೇವನೆ ನಿಷಿದ್ಧ. ಗ್ರಹಣಕ್ಕೂ ಮುನ್ನ ಮನೆಯಲ್ಲಿ ಬೇಯಿಸಿದ ಆಹಾರ ಪದಾರ್ಥಗಳನ್ನು ಉಳಿಸಿ ಇಟ್ಟಿದ್ದರೆ ಅದನ್ನು ಬಳಸಬಾರದು. ಗ್ರಹಣ ಮೋಕ್ಷದ ಬಳಿಕ ಸ್ನಾನ, ಶುದ್ಧೀಕರಣ, ಜಪ-ತಪದ ಬಳಿಕ ಅಡುಗೆ ಮಾಡಿಕೊಂಡು ಊಟ ಮಾಡಬೇಕು. ಗರ್ಭಿಣಿಯರಿಗೆ ಸೂರ್ಯ ಗ್ರಹಣದ ವೇಳೆ ಬೆಳಕು ಬೀಳದಂತೆ ನೋಡಿಕೊಳ್ಳಬೇಕು. ಅತಿನೇರಳೆ ಕಿರಣಗಳು ಗರ್ಭಿಣಿಯರಿಗೆ ತಾಗಬಾರದು ಎಂಬ ವೈಜ್ಞಾನಿಕ ಹಿನ್ನೆಲೆಯೂ ಈ ನಂಬಿಕೆಗೆ ಇದೆ.

ಈ ವರ್ಷದಲ್ಲಿ ನಡೆಯುತ್ತಿರುವ ಕೊನೆಯ   ಸೂರ್ಯಗ್ರಹಣ

          2019ರ ಸಾಲಿನ ಕೊನೆಯಲ್ಲಿ ಕಾಣಿಸಿಕೊಳ್ಳುತ್ತಿರುವ ಸೂರ್ಯಗ್ರಹಣವು ಸಾಕಷ್ಟು ಗಂಭೀರ ಪ್ರಭಾವ ಬೀರುವ ಸಾಧ್ಯತೆಗಳಿವೆ ಎಂದು ಅಂದಾಜಿಸಲಾಗಿದೆ. ಡಿಸೆಂಬರ್ 26 ರಂದು ಸಂಭವಿಸುವ ಈ ಸೂರ್ಯ ಗ್ರಹಣವು ಗುರುವಾರ ಮೂಲಾ ನಕ್ಷತ್ರ, ಧನುರಾಶಿಯಲ್ಲಿ ಸೂರ್ಯನಿಗೆ ಕಂಕಣಾಕೃತಿಯಲ್ಲಿ ಕೇತು ಗ್ರಹಣವು ಸಂಭವಿಸುವುದು

ಸೂರ್ಯ ಗ್ರಹಣಕ್ಕೆ ಒಳಗಾಗುವ ನಕ್ಷತ್ರ ಮತ್ತು ರಾಶಿಗಳು

         ಸೂರ್ಯಗ್ರಹಣ ಉಂಟಾದಾಗ ದ್ವಾದಶ ರಾಶಿಗಳು ಹಾಗೂ ನಕ್ಷತ್ರಗಳ ಮೇಲೆ ವಿಶೇಷವಾದ ಪ್ರಭಾವ ಉಂಟಾಗುವುದು. ಸೂರ್ಯ ಮತ್ತು ಗ್ರಹಣದ ಕಾರಣಗಳಿಂದಾಗಿ ವೈಯಕ್ತಿಯ ಜೀವನದಲ್ಲೂ ಸಾಕಷ್ಟು ಬದಲಾವಣೆ ಹಾಗೂ ಪ್ರಭಾವ ಉಂಟಾಗುವ ಸಾಧ್ಯತೆಗಳಿವೆ. ಅದರಲ್ಲೂ ಗ್ರಹಣವು ಯಾವ ರಾಶಿ ಮತ್ತು ನಕ್ಷತ್ರಗಳ ಮೇಲೆ ಹಿಡಿದಿದೆ? ಹಾಗೂ ಗ್ರಹಣದ ದುಷ್ಪರಿಣಾಮ ಯಾವ ಗ್ರಹ ಮತ್ತು ನಕ್ಷತ್ರಗಳ ಮೇಲೆ ಉಂಟಾಗುವುದು ಎನ್ನುವುದನ್ನು ಮೊದಲು ಗ್ರಹಿಸಬೇಕು. ಹಿಂದೂ ಪಂಚಾಂಗಗಳ ಪ್ರಕಾರ ಡಿಸೆಂಬರ್ 26ರಂದು ಕಾಣಿಸಿಕೊಳ್ಳುವ ಗ್ರಹಣವು ಮೂಲಾ, ಮಖ, ಅಶ್ವಿನಿ, ಜೇಷ್ಠಾ ಮತ್ತು ಪೂರ್ವಾಷಾಢಾ ನಕ್ಷತ್ರಗಳ ಮೇಲೆ ಹಾಗೂ ಧನುಸ್ಸು, ಮಕರ, ವೃಶ್ಚಿಕ, ವೃಷಭ ಮತ್ತು ಕರ್ಕಾಟಕ ರಾಶಿಗಳ ಮೇಲೆ ಗಮನಾರ್ಹ ಋಣಾತ್ಮಕ ಪ್ರಭಾವ ಬೀರುವುದು.

ಪೌರಾಣಿಕ   ಕಥೆಗಳ  ಪ್ರಕಾರ

         ಪ್ರಾಚೀನ ಗ್ರಂಥಗಳು ಹಾಗೂ ಪುರಾಣಗಳ ಪ್ರಕಾರ   ರಾಕ್ಷಸರ ಹಾಗೂ ದೇವತೆಗಳ ನಡುವೆ ಜಗಳ ಹಾಗೂ ವೈಮನಸ್ಸು ಉಂಟಾದಾಗ ಗ್ರಹಣಗಳು ಸಂಭವಿಸಿದವು ಎನ್ನುವ ಪುರಾಣಕಥೆಗಳು ಇರುವುದನ್ನು ಕಾಣಬಹುದು.

ಗ್ರಹಣಕ್ಕೆ ಕಾರಣವಾಗುವ ರಾಹು-ಕೇತು

         ವಿಷ್ಣು ಪುರಾಣದ ಪ್ರಕಾರ, ಅಮರತ್ವವನ್ನು ಪಡೆಯಲು ಅಮೃತವನ್ನು ಕುಡಿಯಬೇಕು. ಅಮೃತವನ್ನು ಪಡೆಯಲು ಸಮುದ್ರ ಮಂಥನ ಮಾಡಬೇಕು ಎಂದಾಯಿತು. ಆಗ ಒಂದು ಭಾಗದಲ್ಲಿ ರಾಕ್ಷಸರು ಇನ್ನೊಂದು ಭಾಗದಲ್ಲಿ ದೇವತೆಗಳು ನಿಂತು ಸಮುದ್ರ ಮಂಥನ ಮಾಡಿದರು. ಆಗ ಅಮೃತವು ದೊರೆಯಿತು. ಅದನ್ನು ದೇವತೆಗಳಿಗೆ ನೀಡುವಾಗ, ಸ್ವರ್ಭಾನು  ಎನ್ನುವ ರಾಕ್ಷಸನು ದೇವತೆಗಳ ವೇಷವನ್ನು ಧರಿಸಿ ಸೂರ್ಯ ಮತ್ತು ಚಂದ್ರನ ನಡುವೆ ಕುಳಿತನು. ಅಪ್ಸರೆಯ ರೂಪದಲ್ಲಿ ಬಂದ ವಿಷ್ಣು ದೇವನು ಅಮೃತವನ್ನು ಸೂರ್ಯ ಮತ್ತು ಚಂದ್ರನಿಗೆ ನೀಡಿದನು. ಆಗ ಅವರು ತಮ್ಮ ಮಧ್ಯದಲ್ಲಿ ಕುಳಿತಿರುವವನು ರಾಕ್ಷಸ ಎಂದು ಹೇಳಿದರು. ಆಗ ಅವನು ಅಮೃತವನ್ನು ಕುಡಿಯುವಷ್ಟರಲ್ಲಿ ವಿಷ್ಣು ಅವನ ತಲೆಯನ್ನು ಕತ್ತರಿಸಿದನು. ಆದರೆ ಸ್ವಲ್ಪ ಅಮರತ್ವವು ಅವನ ದೇಹದ ಒಳಗೆ ಹೋಗಿತ್ತು. ಹಾಗಾಗಿ ಅವನ ರುಂಡ ಮತ್ತು ಮುಂಡವು ಬೇರೆಯಾದರೂ ಅವನು ಅಮರನಾಗಿ ಉಳಿದನು. ಆ ರುಂಡ ಮತ್ತು ಮುಂಡವನ್ನು ರಾಹು ಮತ್ತು ಕೇತು ಎಂದು ಪರಿಗಣಿಸಿದರು. ಸೂರ್ಯ ಮತ್ತು ಚಂದ್ರನ ಕಾರಣದಿಂದಾಗಿ ಅಮೃತವನ್ನು ಕುಡಿಯಲು ಸಾಧ್ಯವಾಗಲಿಲ್ಲ ಎಂದು ರಾಹು ಮತ್ತು ಕೇತುವಿಗೆ ಅತ್ಯಂತ ಕೋಪ ಬಂದಿತ್ತು. ಅದಕ್ಕಾಗಿ ಪ್ರತಿಕಾರವನ್ನು ತೀರಿಸಿಕೊಳ್ಳಲು ಆಗಾಗ ರಾಹು ಸೂರ್ಯ ಚಂದ್ರನನ್ನು ಹಿಡಿಯುತ್ತಲೇ ಇರುತ್ತಾನೆ. ನಂತರ ಅವರನ್ನು ನುಂಗಲು ಪ್ರಯತ್ನಿಸುತ್ತಾನೆ. ಆದರೆ ರಾಹುವಿಗೆ ಕೈಗಳು ಇಲ್ಲದೆ ಇರುವುದರಿಂದ ಅವರನ್ನು ಹೆಚ್ಚು ಸಮಯ ಹಿಡಿದಿಟ್ಟುಕೊಳ್ಳಲು ಸಾಧ್ಯವಾಗದೆ ಹೋಗುವುದು. ಅದನ್ನೇ ಸೂರ್ಯ ಮತ್ತು ಚಂದ್ರ ಗ್ರಹಣ ಎಂದು ಪರಿಗಣಿಸಲಾಗುವುದು. ಹಾಗಾಗಿಯೇ ಗ್ರಹಣಗಳು ಅಲ್ಪ ಅವಧಿಯವರೆಗೆ ಮಾತ್ರ ಇರುತ್ತದೆ ಎನ್ನಲಾಗುವುದು.

ಗ್ರಹಣದ ಪರಿಣಾಮ

           ರಾಹುವು ಸೂರ್ಯ ಮತ್ತು ಚಂದ್ರನನ್ನು ಅತ್ಯಂತ ದುರುದ್ದೇಶದಿಂದಲೇ ಹಿಡಿಯುತ್ತಾನೆ. ಹಾಗಾಗಿ ಪರಿಸರದಲ್ಲಿಯೂ ಅತಿಯಾಗಿ ಮಾಲಿನ್ಯ ಹಾಗೂ ಅಶುಚಿ ಉಂಟಾಗುವುದು. ಅದಕ್ಕಾಗಿ ಆ ಸಮಯದಲ್ಲಿ ಊಟ-ತಿಂಡಿಯನ್ನು ತಿನ್ನಬಾರದು ಎನ್ನುವ ಪದ್ಧತಿ ಇದೆ. ಸೂರ್ಯನ ಅನುಪಸ್ಥಿತಿಯಲ್ಲಿ ಪರಿಸರದಲ್ಲಿ ಸಾಕಷ್ಟು ಹಾನಿಕಾರಕ ಬ್ಯಾಕ್ಟೀರಿಯಾಗಳು ಮತ್ತು ಸೂಕ್ಷ್ಮ ಜೀವಿಗಳು ಹುಟ್ಟಿಕೊಳ್ಳುತ್ತವೆ. ಅವು ನಮ್ಮ ಆರೋಗ್ಯದ ಮೇಲೆ ಗಂಭೀರ ಪರಿಣಾಮವನ್ನು ಉಂಟುಮಾಡುತ್ತವೆ ಎಂದು ಹೇಳಲಾಗುವುದು.

ಗ್ರಹಣ ಹಿಡಿದಾಗ ಕೈಗೊಳ್ಳಬೇಕಾದ ಕ್ರಮಗಳು

ಗ್ರಹಣದ ಸಮಯದಲ್ಲಿ ದೇವರನ್ನು ಸ್ಪರ್ಶಿಸುವುದು ಮತ್ತು ಪೂಜಿಸುವುದನ್ನು ನಿಷೇಧಿಸಲಾಗಿದೆ. ಹಾಗಾಗಿ ದೇವಾಲಯದ ಬಾಗಿಲು ಸಹ ಗ್ರಹಣದ ಸಮಯದಲ್ಲಿ ಮುಚ್ಚಲಾಗುವುದು. ಗ್ರಹಣದ ನಂತರ ದೇವರನ್ನು ಶುದ್ಧೀಕರಿಸಿ ಗಂಗಾಜಲದಲ್ಲಿ ತೊಳೆಯಲಾಗುವುದು.

ಗ್ರಹಣದ ಸಮಯದಲ್ಲಿ ಜಪ, ಧ್ಯಾನ, ದೇವರ ನಾಮ ಸ್ಮರಣೆ, ದೇವರ ಪ್ರಾರ್ಥನೆ, ಸ್ತುತಿ, ಗೀತೆಗಳನ್ನು ಹಾಡುವುದರಿಂದ ಉಂಟಾಗುವ ಕೆಟ್ಟ ಪರಿಣಾಮಗಳ ಪ್ರಭಾವವನ್ನು ಕಡಿಮೆ ಮಾಡಬಹುದು.

 ಗ್ರಹಣ ಕಾಲದಲ್ಲಿ ತುಳಸಿ ಹಾಗೂ ಧರ್ಭೆ

ಗ್ರಹಣದ ಕಾಲದಲ್ಲಿ ಪರಿಸರವು ಸಂಪೂರ್ಣವಾಗಿ ಮಲೀನಗೊಂಡಿರುತ್ತದೆ. ಆ ಸಮಯದಲ್ಲಿ ಊಟ-ತಿಂಡಿಯನ್ನು ಮಾಡಬಾರದು. ಹಾಗೆ ಮಾಡಿದರೆ ಅನಾರೋಗ್ಯ ಕಾಡುವುದು. ಬೇಯಿಸಿದ ಆಹಾರ ಪದಾರ್ಥಗಳಿದ್ದರೆ ಅವುಗಳಿಗೆ ತುಳಸಿ ಎಲೆ  ಹಾಗೂ  ಧರ್ಭೆ ಹಾಕಿ ಇಡಲಾಗುವುದು. ಅದು ಪವಿತ್ರತೆಯನ್ನು ಕಾಪಾಡಿಕೊಳ್ಳಬೇಕು . ಗ್ರಹಣ ಮುಗಿದ ನಂತರ ಪವಿತ್ರ ನೀರು ಅಥವಾ ಗಂಗಾ ನೀರಿನಲ್ಲಿ ಸ್ನಾನ ಮಾಡಿ ಶುದ್ಧವಾಗಬೇಕು. ಮತ್ತು ಶುದ್ಧ ಬಟ್ಟೆಯನ್ನು ಧರಿಸಬೇಕು. ಗರ್ಭಿಣಿಯರು ಗ್ರಹಣದ ಸಮಯದಲ್ಲಿ ಮನೆಯಿಂದ ಆಚೆ ಹೋಗಬಾರದು. ಯಾವುದೇ ಆಹಾರವನ್ನು ಸೇವಿಸಬಾರದು. ಅದು ಮಗುವಿನ ಮೇಲೆ ಕೆಟ್ಟ ಪರಿಣಾಮ ಬೀರುವುದು.

ಗ್ರಹಣ ದೋಷ ಪರಿಹಾರ ಕ್ರಮಗಳು

ಗ್ರಹಣ ದೋಷಕ್ಕೆ ಒಳಗಾದ ನಕ್ಷತ್ರ ಮತ್ತು ರಾಶಿಯವರು ಈಶ್ವರ ದೇವಸ್ಥಾನಕ್ಕೆ ದೀಪದ ಎಣ್ಣೆಯನ್ನು ನೀಡಬೇಕು. ದೇವಾಲಯಕ್ಕೆ ಭೇಟಿ ನೀಡಿ ಕನಿಷ್ಠ 21 ಪ್ರದಕ್ಷಿಣೆಯನ್ನು ಹಾಕಬೇಕು. ಗ್ರಹಣಕ್ಕೆ ಸಂಬಂಧಿಸಿದ ಧಾನ್ಯಗಳನ್ನು ದಾನ ಮಾಡಬೇಕು. ಸೂರ್ಯನಿಗೆ ಸಂಬಂಧಿಸಿದ ಗೋಧಿ ಧಾನ್ಯವನ್ನು ಕೆಂಪು ಬಟ್ಟೆಯಲ್ಲಿ ಸುತ್ತಿ ದಾನ ಮಾಡಬೇಕು.ಕೇತುವಿಗೆ ಸಂಬಂಧಿಸಿದ ಹುರುಳಿ ಧಾನ್ಯವನ್ನು ಚಿತ್ರದಿಂದ ಕೂಡಿರುವ ಬಟ್ಟೆಯಲ್ಲಿ ಸುತ್ತಿ ದಾನ ಮಾಡಬೇಕು.

      *  ವೇಧಕಾಲ :*

         ಖಂಡಗ್ರಾಸ ಗ್ರಹಣವು ಗುರುವಾರ ಬೆಳಿಗ್ಗೆ ಮೊದಲನೇ ಪ್ರಹರದಲ್ಲಿ ಆಗುವದರಿಂದ ಅದರ ಹಿಂದಿನ ದಿನವಾದ ಬುಧವಾರ ರಾತ್ರಿ 08.05 ರಿಂದ ವೇಧಕಾಲವಿದೆ. ಬುಧವಾರ ರಾತ್ರಿ 08.05ರ ನಂತರ ವೇಧಕಾಲದ ಉಪವಾಸಾದಿ ನಿಯಮಗಳನ್ನು ಎಲ್ಲರೂ ಪಾಲಿಸಬೇಕು. ಗರ್ಭಿಣಿಯರು, ಬಾಲಕರು, ವೃದ್ಧರು ಹಾಗೂ ಅಶಕ್ತರು ಅರ್ಧಯಾಮ ಅಂದರೆ ಬುಧವಾರ ರಾತ್ರಿ 02.05 ನಿಮಿಷದವರೆಗೂ ಉಪಹಾರವನ್ನು ಅಥವಾ ಔಷಧೋಪಚಾರವನ್ನು ಮಾಡಬಹುದು. ಅದೂ ಕೂಡ ಸಾಧ್ಯವಾಗದರು ತೀವ್ರ ಅನಾರೋಗ್ಯದ ಸಂದರ್ಭದಲ್ಲಿ ಮುಹೂರ್ತ ಮಾತ್ರ ಅಂದರೆ ಗುರುವಾರ ಬೆಳಿಗ್ಗೆ 07.17ರ ಒಳಗೆ ಔಷಧಿ ಅಥವಾ ಅಲ್ಪ ಆಹಾರವನ್ನು ತೆಗೆದುಕೊಳ್ಳಬಹುದು. ಗ್ರಹಣಕಾಲದಲ್ಲಿ ಎಲ್ಲರೂ ಉಪವಾಸಾದಿ ನಿಯಮಗಳನ್ನು ಪಾಲಿಸಬೇಕು.

*ಸೂರ್ಯಗ್ರಹಣದಿಂದ ದ್ವಾದಶ ರಾಶಿಗಳ ಫಲ*

*ಶುಭ ಫಲ :   ಕರ್ಕ   ತುಲಾ   ಕುಂಭ  ಮೀನ ರಾಶಿಯವರಿಗೆ

*ಮಿಶ್ರ  ಫಲ :  ಮೇಷ    ಮಿಥುನ   ತುಲಾ   ವೃಶ್ಚಿಕ* ರಾಶಿಯವರಿಗೆ

*ಅನಿಷ್ಟ ಫಲ :  ವೃಷಭ  ಕನ್ಯಾ   ಧನು    ಮಕರ* ರಾಶಿಯವರಿಗೆ.

        ಸೂರ್ಯ, ಚಂದ್ರ, ಬುಧ, ಗುರು,  ಶನಿ ಮತ್ತು ಕೇತುಗಳು ಧನುಸ್ಸು ರಾಶಿಯಲ್ಲಿ ಇದ್ದು, ಗ್ರಹಣವು ಧನುಸ್ಸು ರಾಶಿಯಲ್ಲಿ ನಡೆಯುವುದರಿಂದ ಈ ಆರೂ ಗ್ರಹಗಳು ಪ್ರತಿಯೊಂದು ಜೀವಿಗಳ ಮೇಲೆ ತಮ್ಮ ಪ್ರಭಾವವನ್ನು ಬೀರಲಿದೆ.   ಹೀಗಾಗಿ ಪ್ರತಿಯೊಂದು ರಾಶಿಯ ಮೇಲೆ ಸೂರ್ಯಗ್ರಹಣದಿಂದ ಉಂಟಾಗುವ ಪರಿಣಾಮವೇನು? ಆಯಾಯ ರಾಶಿಯವರು ಯಾವ ಪರಿಹಾರ ಕ್ರಮ ಮಾಡಬೇಕು ಎನ್ನುವುದರ ಬಗ್ಗೆ ಒಂದು ಅವಲೋಕನ... 

ಯಾವ ಯಾವ ರಾಶಿಗೆ ಯಾವ ರೀತಿಯ ಫಲ :-

 ಮೇಷ ರಾಶಿ :--  ಮೇಷ ರಾಶಿಯವರಿಗೆ ಸೂರ್ಯಗ್ರಹಣವು ಅಶುಭವಾಗಿರುವುದು.  ಮೇಷ ರಾಶಿಗೆ ತ್ರಿಕೋಣದಲ್ಲಿ,  ಮೇಷ ರಾಶ್ಯಾಧಿಪ ಕುಜನ  ಸ್ನೇಹಿತ  ರವಿಗೆ ಈ ರಾಶಿಯ ಒಂಭತ್ತನೇ ಮನೆಯ ಭಾಗ್ಯಸ್ಥಾನದಲ್ಲಿ  ಸಂಭವಿಸುತ್ತಿರುವುದರಿಂದ . ಆರು ಗ್ರಹಗಳ ಸಂಯೋಜನೆಯು ಮೇಷ ರಾಶಿಯ ಅದೃಷ್ಟಗಳು  ಕಡಿಮೆಯಾಗಲಿದೆ.    ಆರೋಗ್ಯ ಸಮಸ್ಯೆಗಳು ಕಂಡುಬರಬಹುದು. ಇನ್ನಿತರ ಸಮಸ್ಯೆಗಳೂ ಹೆಚ್ಚಾಗಬಹುದು. ಹಾಗಾಗಿ ಸಮಯ ಹಾಗೂ ಸಂದರ್ಭಗಳನ್ನು ನೋಡಿ ಕೆಲಸ ಮಾಡುವುದು ಉತ್ತಮ. ಯಾವುದೇ ಹೊಸ ಕೆಲಸವನ್ನು ಆರಂಭಿಸುವುದರಿಂದ ಸಮಸ್ಯೆಯುಂಟಾಗಬಹುದು.  ವೈವಾಹಿಕ ಜೀವನದಲ್ಲಿ ಸಾಕಷ್ಟು ಒತ್ತಡಗಳು ಉಂಟಾಗಬಹುದು. ವ್ಯಾಪಾರ ವ್ಯವಹಾರದಲ್ಲಿ ಏರಿಳಿತಗಳು ಕಂಡುಬರಬಹುದು.

ಪರಿಹಾರ:  ಆದಿತ್ಯ ಹೃದಯ ಹಾಗೂ ''ಓಂ ಅಂಗಾರಕಾಯ ನಮಃ'' ಮಂತ್ರವನ್ನು 108 ಬಾರಿ ಪಠಿಸುವುದು ಒಳ್ಳೆಯದು

 ವೃಷಭ ರಾಶಿ :   ಈ ರಾಶಿಯವರಿಗೆ  ಸೂರ್ಯಗ್ರಹಣವು ಅಷ್ಟಮ ಸ್ಥಾನದಲ್ಲಿ ನಡೆಯುತ್ತದೆ.  ಅಷ್ಟಮವು  ಆಯುಷ್ಯವನ್ನು ತೋರಿಸುವುದರಿಂದ ಈ ರಾಶಿಯವರು ಎಚ್ಚರಿಕೆಯಿಂದಿರುವುದು ಒಳಿತು. ಈ ಸಮಯದಲ್ಲಿ ಅನೇಕ ಸಂದಿಗ್ಧ ಪರಿಸ್ಥಿತಿಯನ್ನು ಎದುರಿಸಬೇಕಾಗಬಹುದು. ವಾಹನ ಚಾಲನೆಯಲ್ಲಿ ಆದಷ್ಟು ಎಚ್ಚರಿಕೆ ವಹಿಸಬೇಕು . ಆರೋಗ್ಯದಲ್ಲಿ  ಏರುಪೇರು ಕಂಡುಬರಬಹುದು. ಆದರೆ ಆರ್ಥಿಕ ಪರಿಸ್ಥಿತಿಯಲ್ಲಿ ಸ್ವಲ್ಪ ಸುಧಾರಣೆ ಕಂಡು ಬರುವುದು.

ಪರಿಹಾರ:ಸೂರ್ಯಗ್ರಹಣದ ಕೆಟ್ಟ ಪ್ರಭಾವವನ್ನು ಕಡಿಮೆಗೊಳಿಸಲು ದುರ್ಗಾಸಪ್ತಶತಿ ಪಾರಾಯಣ, "  ಓಂ ದುಂ ದುರ್ಗಾಯೈ "  ಈ ಮಂತ್ರ ಪಠಣದಿಂದ  ಒಳಿತಾಗುತ್ತದೆ. 

 ಮಿಥುನ ರಾಶಿ:---  ಈ ರಾಶಿಯ ಏಳನೇ ಮನೆಯಲ್ಲಿ ಗ್ರಹಣವು ಸಂಭವಿಸುವುದರಿಂದ  ಹಾಗೂ  ಆರು ಗ್ರಹಗಳ ಸಂಯೋಜನೆಯಿಂದಾಗಿ ಮೇಷ ರಾಶಿಯವರ ಆರೋಗ್ಯ ಹಾಗೂ  ಸಂಗಾತಿಯ ಆರೋಗ್ಯವು ಹದಗೆಡಬಹುದು. ವೈವಾಹಿಕ ಜೀವನದಲ್ಲಿ ಸಣ್ಣ ಮನಃಸ್ತಾಪದಿಂದ ಕುಟುಂಬದ ವಾತಾವರಣವೂ ಹದಗೆಡಬಹುದು... ಪಾಲುಗಾರಿಕೆಯ ವ್ಯಾಪಾರ ವ್ಯವಹಾರದಲ್ಲಿಯೂ ತೊಂದರೆಯಾಗುವ ಸಾಧ್ಯತೆ ಇರುತ್ತದೆ. ವಿನಾಕಾರಣ ಮಾನಸಿಕ ಒತ್ತಡ ಉಂಟಾಗಬಹುದು.

ಪರಿಹಾರ:  ವಿಷ್ಣುಸಹಸ್ರನಾಮ ಪಾರಾಯಣ ಮಾಡುವುದು  ಒಳ್ಳೆಯದು. 

 ಕಟಕ ರಾಶಿ:-   ಕಟಕ ರಾಶಿಯ ಆರನೇ ಮನೆಯಲ್ಲಿ ಗ್ರಹಣವು ಆರು ಗ್ರಹಗಳ ಸಂಯೋಜನೆಯೊಂದಿಗೆ ನಡೆಯುವುದರಿಂದ  ಶತ್ರು ನಿಗ್ರಹ. ಶತ್ರುಗಳ ಮೇಲೆ ಪ್ರಾಬಲ್ಯ ಸಾಧಿಸುವ ಯೋಗ ಕಟಕ ರಾಶಿಯವರಿಗೆ, ನ್ಯಾಯಾಲಯದಲ್ಲಿ ಯಾವುದೇ ವ್ಯಾಜ್ಯ ದಾವೆಗಳು ನಡೆಯುತ್ತಿದ್ದಲ್ಲಿ  ಯಶಸ್ಸನ್ನು ಸಾಧಿಸುವ ಯೋಗವಿದ್ದಾಗ್ಯೂ.   ಆರೋಗ್ಯದಲ್ಲಿ ಏರುಪೇರಾಗಬಹುದು.  ಮುಖ್ಯವಾಗಿ ಹೊಟ್ಟೆಯ ಸಮಸ್ಯೆ, ವಿಷ ಪ್ರಯೋಗಗಲಾಗುವ ಸಾಧ್ಯತೆ. ಹಾಗಾಗಿ ಆಹಾರದಲ್ಲಿ ಜಾಗ್ರತೆಯಾಗಿರಬೇಕಾಗುತ್ತದೆ.

ಪರಿಹಾರ:   ಅಕ್ಕಿ, ಬಿಳಿ ಬಟ್ಟೆ,  ಸಕ್ಕರೆ, ಮೊಸರು, ಹಾಲು, ಮುತ್ತು,  ದಕ್ಷಿಣೆಯ ಸಮೇತ ದಾನ ಮಾಡಿ . ಮಹಾಮೃತ್ಯುಂಜಯ ಮಂತ್ರವನ್ನು ಪಠಿಸಿದರೆ  ಒಳಿತು.

 ಸಿಂಹ ರಾಶಿ:--

 ಸೂರ್ಯಗ್ರಹಣದ ನಕಾರಾತ್ಮಕ ಪ್ರಭಾವವು ಸಿಂಹ ರಾಶಿಯವರಿಗೆ ಹೆಚ್ಚು. ರಾಶಿಯ ಐದನೇ ಮನೆಯಲ್ಲಿ ಗ್ರಹಣವು ನಡೆಯುವುದರಿಂದ ಆರು ಗ್ರಹಗಳ ಸಂಯೋಜನೆಯಿಂದಾಗಿ ಸಮಸ್ಯೆಗಳೇ ಹೆಚ್ಚು.  ಗೌರವ ಮತ್ತು ಖ್ಯಾತಿ ಕುಸಿಯುವ ಸಂಭವ .  ಕೋಪವನ್ನು ಆದಷ್ಟು ನಿಯಂತ್ರಿಸಿಕೊಳ್ಳುವುದು ಉತ್ತಮ ಇಲ್ಲದಿದ್ದಲ್ಲಿ ವ್ಯವಹಾರಕ್ಕೆ ಹಾಗೂ ಆರೋಗ್ಯಕ್ಕೆ ಸಂಬಂಧಿಸಿದಂತೆ ತೊಂದರೆ.  ಸಂವಹನದಲ್ಲಿ ತೊಂದರೆ, ಮಾತಿನ ಮೇಲೆ ನಿಗಾ ಇರಲಿ, ಮಕ್ಕಳ   ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸಬೇಕು. 

ಪರಿಹಾರ: ಗ್ರಹಣ ಮೋಕ್ಷಾನಂತರ ಹಸುವಿಗೆ ಬೆಲ್ಲವನ್ನು ನೀಡಿದರೆ ಒಳ್ಳೆಯದು. 

'ಆದಿತ್ಯ ಹೃದಯ ಸ್ತೋತ್ರ'ವನ್ನು  ಪಾರಾಯಣ ಮಾಡಬೇಕು.

[ ಕನ್ಯಾ ರಾಶಿ :-  ಕನ್ಯಾ ರಾಶಿಯ ಚತುರ್ಥ ಕೇಂದ್ರದಲ್ಲಿ ಆರು ಗ್ರಹಗಳ ಸಂಯೋಜನೆಯಲ್ಲಿ ಗ್ರಹಣ ನಡೆಯುವುದರಿಂದ  ತಾಯಿಯ ಆರೋಗ್ಯದಲ್ಲಿ ಸಮಸ್ಯೆ ಕಂಡುಬರಬಹುದು.  ಯಾವುದೇ ಸ್ಥಿರಾಸ್ತಿ, ಚರಾಸ್ತಿಯ ಖರೀದಿಗೆ ಉತ್ತಮ ಕಾಲವಲ್ಲ. . ನಿಮ್ಮ ಪ್ರೀತಿಯ ಜೀವನ ಹಾಗೂ ದಾಂಪತ್ಯ ಜೀವನ, ಕುಟುಂಬದ ವಾತಾವರಣದ ಬಗ್ಗೆಯೂ ಜಾಗರೂಕರಾಗಿರಬೇಕು.  ಆರ್ಥಿಕ ಸಮಸ್ಯೆ ಗಳು ಉದ್ಭವಿಸುತ್ತವೇ. ಅತಿಯಾದ ಕೋಪವನ್ನು ತಡೆಯಬೇಕು

ಪರಿಹಾರ:-  ಹಸುವಿಗೆ ಹಸಿರು ಹುಲ್ಲನ್ನು ನೀಡಿ ಅಥವಾ ಹಸಿರು ವಸ್ತ್ರವನ್ನು ದಾನ  ನೀಡಿದರೆ ಒಳ್ಳೆಯದು. ಹಾಗೆಯೇ ವಿಷ್ಣು ಸಹಸ್ತ್ರನಾಮ ಪಾರಾಯಣ ಹಾಗೂ ಬುಧ ಮಂತ್ರವನ್ನು ಜಪಿಸಿದರೆ ಉತ್ತಮ.

 ತುಲಾ ರಾಶಿ:--  ತುಲಾ ರಾಶಿಯವರಿಗೆ  ಈ ಗ್ರಹಣ.ಅಷ್ಟೇನೂ ಕೆಟ್ಟ ಪರಿಣಾಮ ಬೀರುವುದಿಲ್ಲ...  ಆದರೂ ಮೂರನೇ ಮನೆಯಲ್ಲಿ ನಡೆಯಲ್ಲಿ ಗ್ರಹಣವಾಗುತ್ತಿರುವುದರಿಂದ, ಮೂರನೆ ಮನೆಯು ಶಕ್ತಿ ಹಾಗೂ ಒಡಹುಟ್ಟಿದವರಿಗೆ ಸಂಬಂಧಿಸಿರುವುದರಿಂದ ಶಕ್ತಿ ಕುಗ್ಗುವ ಸಾಧ್ಯತೆ ಹಾಗೂ  ಸಹೋದರ ಸಹೋದರಿಯೊಂದಿಗಿನ ಸಂಬಂಧವು ಹದಗೆಡಬಹುದು. ಕೋಪ ಹೆಚ್ಚಾಗಬಹುದು.  ಅನವಶ್ಯಕ ವಾದವಿವಾದಗಳಲ್ಲಿ ತೊಡಗಬಹುದು..  ಹಾಗಾಗಿ ಈ ರಾಶಿಯವರು ಮೌನವಾಗಿದ್ದರೆ ಉತ್ತಮ. ಗ್ರಹಣದ ದುಷ್ಪರಿಣಾಮಗಳನ್ನು ತಪ್ಪಿಸಲು ಗ್ರಹಣದ ದಿನದಂದು ಧಾರ್ಮಿಕ ಕಾರ್ಯಗಳಲ್ಲಿ ಪಾಲ್ಗೊಳ್ಳಬಹುದು.

ಪರಿಹಾರ:  ಶುಕ್ರ ಮಂತ್ರಜಪ (  : ಓಂ ಹ್ರೀಂ ಶ್ರೀಂ ಶುಕ್ರಾಯ ನಮಃ ) ಮಾಡಬೇಕು ಹಾಗೂ  ಆಹಾರ ಸೇವನೆಗೂ ಮುನ್ನ ಪ್ರಾಣಿಗಳಿಗೆ ಆಹಾರ ಕೊಡುವುದು ಉತ್ತಮ. 

ವೃಶ್ಚಿಕ ರಾಶಿ : -- ಈ ಸೂರ್ಯಗ್ರಹಣವು ವೃಶ್ಚಿಕ ರಾಶಿಯವರಿಗೆ ಅಶುಭವಾಗಿರುತ್ತದೆ. ಈ ರಾಶಿಯ ಎರಡನೇ ಮನೆಯಲ್ಲಿ ಗ್ರಹಣವು ಸಂಭವಿಸಲಿದೆ. ಜನ್ಮಕುಂಡಲಿಯಲ್ಲಿ ಎರಡನೇ ಮನೆಯು ಹಣಕ್ಕೆ ಸಂಬಂಧಿಸಿರುವುದರಿಂದ ಆರು ಗ್ರಹಗಳ ಸಂಯೋಜನೆಯು ಹಣಕಾಸಿನ ಸ್ಥಿತಿಯ ಮೇಲೆ ಪ್ರಭಾವ ಬೀರುತ್ತದೆ. ಈ ಕಾರಣದಿಂದಾಗಿ ಕೆಲವು ಆರ್ಥಿಕ ಸಮಸ್ಯೆಗಳನ್ನು ಎದುರಾಗಬಹುದು. ಬರಬೇಕಾಗಿದ್ದ ಹಣ ಕೈಸೇರದಿರಬಹುದು. ಕುಟುಂಬದ ಸದಸ್ಯರೊಂದಿಗೆ ಜಗಳವಾಡುವ ಸಂದರ್ಭ ಬರಬಹುದು. ಇದರಿಂದಾಗಿ ಮಾನಸಿಕ ಅಸಮತೋಲನ ಉಂಟಾಗಬಹುದು. ಆದ್ದರಿಂದ ಮನಸ್ಸನ್ನು ಆದಷ್ಟೂ ಶಾಂತವಾಗಿರಿಸಿಕೊಳ್ಳಬೇಕು.ಅನಾವಶ್ಯಕ  ಚರ್ಚೆಯನ್ನು ಮಾಡದಿರುವುದೇ ಉತ್ತಮ .

ಪರಿಹಾರ:  ಕುಜ ಗ್ರಹಾರಾಧನೆ ಮಾಡಬೇಕು.

ಮಂತ್ರ: ಓಂ ಕ್ಷಿತಿ ಪುತ್ರಾಯ ವಿದ್ಮಯೇ ಲೋಹಿತಾಂಗಯೇ ಧೀಮಹೀ,ತನ್ನೋ ಭೌಮಃ ಪ್ರಚೋದಯಾತ್‌ ಈ ಮಂತ್ರ ಜಪವನ್ನು ಮಾಡಿದರೆ ಉತ್ತಮ.

 ಧನುಸ್ಸು ರಾಶಿ:-- ಧನಸ್ಸು ರಾಶಿಯಲ್ಲಿಯೇ ಸೂರ್ಯಗ್ರಹಣವು ನಡೆಯುವುದರಿಂದ ಗ್ರಹಣವು ಈ ರಾಶಿಯವರಿಗೆ ಹೆಚ್ಚಿನ ಪ್ರಭಾವ ಬೀರಲಿದೆ.  ಮಾನಸಿಕ ಚಿಂತೆಗಳು ಕಾಣಿಸಿಕೊಳ್ಳುತ್ತವೆ. ಇನ್ನೊಂದೆಡೆ ಆರೋಗ್ಯದ ಸಮಸ್ಯೆಯೂ ಕಾಣಿಸಿಕೊಳ್ಳಬಹುದು. ತಲೆ,  ಹೃದಯ, ಹೊಟ್ಟೆ ಹಾಗೂ ತೊಡೆಗೆ ಸಂಬಂಧಿಸಿದ ಆರೋಗ್ಯ ಸಮಸ್ಯೆಗಳು ಕಾಡಬಹುದು.  ಜೊತೆಗೆ ಸಂಗಾತಿಯ ಆರೋಗ್ಯದಲ್ಲೂ ಸಮಸ್ಯೆಗಳು ಕಂಡುಬರಬಹುದು. , ಆದಷ್ಟು ಶಾಂತರೀತಿಯಲ್ಲಿ ವರ್ತಿಸಿದರೆ ಒಳ್ಳೆಯದು. .

ಪರಿಹಾರ: ತುಪ್ಪದ ದೀಪವನ್ನು ಹಚ್ಚಿ ವಿಷ್ಣುವನ್ನು ಆರಾಧಿನೆ ಮಾಡಬೇಕು, ಗುರುವಿನ ಹಾಗೂ ತಂದೆತಾಯಿಯ ಆಶೀರ್ವಾದದೊಂದಿಗೆ ವಿಷ್ಣು ಸಹಸ್ರನಾಮ ಪಾರಾಯಣ ಮಾಡಬೇಕು

 ಓಂ ನಮೋ ಭಗವತೇ ವಾಸುದೇವಾಯ  ಈ ಮಂತ್ರ ವನ್ನು 108 ಬಾರಿ ಜಪಿಸಬೇಕು.

 ಮಕರ ರಾಶಿ:-- ಮಕರ ರಾಶಿಗೆ ಹನ್ನೆರಡನೇ ಮನೆಯಲ್ಲಿ ಸೂರ್ಯಗ್ರಹಣವು ನಡೆಯುವುದರಿಂದ   ಆರು ಗ್ರಹಗಳ ಸಂಯೋಜನೆಯು ಖರ್ಚುಗಳನ್ನು ಹೆಚ್ಚಾಮಾಡುತ್ತವೆ . ದಾಂಪತ್ಯದಲ್ಲಿ  ವಿರಸ,  ಅನಾವಶ್ಯಕ ಖರ್ಚು,   ಆಸ್ಪತ್ರೆ ಅಥವಾ ನ್ಯಾಯಾಲಯಕ್ಕೂ ಹೋಗುವಂತಹ ಸಂದರ್ಭ ಬರಬಹುದು. ಶತ್ರು ಹಾನಿ ಉಂಟಾಗಬಹುದು.  ಪ್ರತಿಯೊಂದು ಕಾರ್ಯವನ್ನೂ ಯೋಚಿಸಿ ಮಾಡಿದರೆ ಒಳಿತು.

ಪರಿಹಾರ: - ಕಪ್ಪು ಕಂಬಳಿ ದಾನ .  ಎಳ್ಳು , ಎಳ್ಳೆಣ್ಣೆ ದಾನ, ಶನೈಶ್ಚರ ಮಂತ್ರ ಪಠಣ, ( ಓಂ ಶಂ ಶನೈಶ್ಚರಾಯ ನಮಃ ) ಹನುಮಾನ್ ಚಾಲೀಸಾ ಪಠಣ ಒಳ್ಳೆಯದು.

 ಕುಂಭರಾಶಿ :-- ಸೂರ್ಯಗ್ರಹಣವು ಕುಂಭ ರಾಶಿಯವರಿಗೆ ಅಷ್ಟೇನೂ ದುಷ್ಪರಿಣಾಮ ಬೀರುವುದಿಲ್ಲ. ಗ್ರಹಣವು ಈ ರಾಶಿಯ ಹನ್ನೊಂದನೇ ಮನೆಯಲ್ಲಿ ನಡೆಯುವುದರಿಂದ  ಇದು ಈ ರಾಶಿಯವರಿಗೆ ಹೆಚ್ಚಿನ ಫಲವನ್ನು ನೀಡಲಿದೆ. ಆರ್ಥಿಕ ಪರಿಸ್ಥಿತಿಯಲ್ಲಿ ಸುಧಾರಣೆ, ಹಿರಿಯ ಸಹೋದರರಿಂದ ಅನುಕೂಲ,  ಆಸೆಗಳು ಈಡೇರುವ ಸಮಯ,   ಆದರೂ  ಆರೋಗ್ಯದ ಕಡೆಗೆ ಗಮನ ಹರಿಸುವುದು ಉತ್ತಮ.   ಮಕ್ಕಳು, ಹಾಗೂ , ಸ್ನೇಹ ಸಂಬಂಧಗಳಿಂದ ಸಮಸ್ಯೆಯು ಒದಗಿಬರಬಹುದು.

ಪರಿಹಾರ:   ಶನೈಶ್ಚರ ಮಂತ್ರ ಪಠಣ ,  ಸುಂದರಕಾಂಡವನ್ನು ಓದುವುದರಿಂದ ಶುಭ.

ಮೀನ ರಾಶಿ:-- ಮೀನ ರಾಶಿಯ  ಹತ್ತನೇ ಮನೆಯಲ್ಲಿ ಗ್ರಹಣವು ನಡೆಯಲಿದೆ. ಈ ಮನೆಯು ಕರ್ಮವನ್ನು( ಕೆಲಸ,.ವೃತ್ತಿ ) ಪ್ರತಿನಿಧಿಸುವುದರಿಂದ, ವೃತ್ತಿ ಯಲ್ಲಿ ಸಮಸ್ಯೆ ಗಳಾಗುವ ಸಾಧ್ಯತೆ.  ಮೇಲಧಿಕಾರಿಕಾರಿಗಳೊಂದಿಗೆ  ಕಿರಿಕಿರಿ, ಸ್ಥಾನಪಲ್ಲಟ, ದೂಷಣೆ,  ಹಿಂಬಡ್ತಿ  ಆಗುವ. ಸಂಭವ. ಅನಾವಶ್ಯಕ ಚರ್ಚೆಯಿಂದ ದೂರವಿದ್ದರೆ ಒಳಿತು.  . ಕುಟುಂಬದ ಸಮಸ್ಯೆಯಿಂದ ಮಾನಸಿಕ ಒತ್ತಡಗಳು ಹೆಚ್ಚಾಗಬಹುದು. 

ಪರಿಹಾರ:  ಗುರುಮಂತ್ರ( ಓಂ ಬೃಂ ಬೃಹಸ್ಪತಯೇ ನಮಃ ) ಜಪ,  ಕಡಲೆ ದಾನ,   ಶಿವನ ಆರಾಧನೆ,  ಗುರುಗಳ ಆರಾಧನೆ ಒಳಿತನ್ನು ಮಾಡುತ್ತದೆ.

        ಸೂರ್ಯನಿಗಷ್ಟೇ ಗ್ರಹಣವಾದರೂ.. ಒಂದೇ ರಾಶಿಯಲ್ಲಿ ಇರುವ ಇನ್ನೈದು ಗ್ರಹಗಳು ಗ್ರಹಣದ ಪ್ರಭಾವದಿಂದ ತಮ್ಮ ಸಾತ್ವಿಕ  ಶಕ್ತಿಯನ್ನು ಕಳೆದುಕೊಳ್ಳುತ್ತವೆ, ಹಾಗಾಗಿ      ರವಿ, ಚಂದ್ರ, ಗುರು, ಬುಧ, ಶನಿ, ಕೇತು ಈ ಗ್ರಹಗಳ  ಕುಃಪ್ರಭಾವ ಕಡಿಮೆ ಆಗಿ ಸಾತ್ವಿಕ ಶಕ್ತಿತಯನ್ನು ಅನಾವರಣ ಗೊಳಿಸಲು ಗ್ರಹಾರಾಧನೆಯನ್ನು ಮಾಡಬೇಕಾಗುತ್ತದೆ... ಆಯಾ ಗ್ರಹಗಳ ಮಂತ್ರ ಪಠನೆಯಿಂದ  ಆಯಾ ಗ್ರಹಗಳ.ಶುಭ ಶಕ್ತಿಯನ್ನು ಪಡೆಯಬಹುದಾಗಿದೆ.

✍️  ಡಾ : B.N. ಶೈಲಜಾ ರಮೇಶ್

ಗುರುವಿನ ಗೋಚಾರ ಫಲ

                                 ಹರಿಃ ಓಂ

                   ಓಂ. ಶ್ರೀ ಗಣೇಶಾಯ ನಮಃ

                    ಓಂ ಶ್ರೀ ಗುರುಭ್ಯೋನಮಃ

*ಗುರುವಿನ ಗೋಚಾರ ಫಲ ಯಾವಾಗ ?* 

ಮನುಷ್ಯ ಜೀವನದಲ್ಲಿ ಸುಖಿಯಾಗಿರಬೇಕು, ಆತ ಸುಖವಾಗಿರಬೇಕಿದ್ದರೆ ಯಾವ ಕೊರತೆಯೂ ಇರಬಾರದು, ಇಂಥ ಸುಖವನ್ನು ಕಂಡುಕೊಳ್ಳಲಿಕ್ಕೆ ಮನುಷ್ಯನಿಗೆ ಜ್ಞಾನ ಬೇಕು.  ಈ ಸುಖ ಹಾಗೂ ಅರಿವು ಎರಡನ್ನೂ ನಮ್ಮ ಅನುಭವಕ್ಕೆ ತಂದುಕೊಡುವ ಗ್ರಹವೇ ಗುರುಗ್ರಹ. ಹೀಗಾಗಿ ಗುರುಗ್ರಹಕ್ಕೆ  ಜ್ಯೋತಿಷ ಶಾಸ್ತ್ರದಲ್ಲಿ ಶ್ರೇಷ್ಠ ಸ್ಥಾನವಿದೆ *.  ‘‘ಬೃಹಸ್ಪತಿ: ಶ್ರೇಷ್ಠ ಮತಿ:’’* ಅಂತ ಕರೀತಾರೆ. ಅಂದರೆ ಗುರುವು ಶ್ರೇಷ್ಠ ಬುದ್ಧಿಯನ್ನು ಹೊಂದಿರುವಾತ ಎಂದರ್ಥ.

              ಬೃಹಜ್ಜಾತಕದಲ್ಲಿ ಉಲ್ಲೇಖಿಸಿದಂತೆ *‘‘ಹೋರಾಸ್ವಾಮಿ ಗುರುಜ್ಞವೀಕ್ಷಿತಯುತಾನಾನ್ಯೈಶ್ಚ ವೀರ್ಯೋತ್ಕಟಾ ಭವತಿ’’* ಎಂಬ ಭದ್ರ ಬಲವನ್ನು ಕೊಡುತ್ತಾನೆ ಈ ಗುರು.    ಹಾಗಂದರೆ ಒಬ್ಬರ ಜಾತಕದಲ್ಲಿ ಅವರ ರಾಶಿಯನ್ನೋ, ಅಥವಾ ಲಗ್ನವನ್ನೋ ಗುರುಗ್ರಹ ನೋಡಿದರೆ, ಅಥವಾ ಸೇರಿದ್ದರೆ ಆ ವ್ಯಕ್ತಿ  ಅತ್ಯಂತ ಬಲಿಷ್ಠ ವ್ಯಕ್ತಿಯಾಗುತ್ತಾನೆ. ಹೀಗಾಗಿ ಜಾತಕದಲ್ಲಿ ಗುರು ಗ್ರಹಕ್ಕೆ ಯಾರಿಗೂ ಇಲ್ಲದ ಪ್ರಾಶಸ್ತ್ಯವನ್ನ ಕೊಟ್ಟಿದ್ದಾರೆ. ಅಷ್ಟೇ ಯಾಕೆ ನಮ್ಮ ಮನೆಯಲ್ಲಿ ಒಂದು ಮಂಗಳಕಾರ್ಯ ನಡೆಯಬೇಕಿದ್ದರೆ ಗುರುಬಲ ಅತ್ಯವಶ್ಯಕ, ಅದರಲ್ಲೂ ವಿವಾಹ, ಉಪನಯನದಂಥ ಕಾರ್ಯಕ್ರಮಗಳಿಗೆ ಗುರುಬಲವೇ ಜೀವಬಲ. ಇಂಥ ಗುರು ಈಗ ಸ್ಥಾನಬದಲಾವಣೆ ಮಾಡಿದ್ದಾನೆ. ಇಷ್ಟು ದಿನ ವೃಶ್ಚಿಕ ರಾಶಿಯಲ್ಲಿದ್ದ ಗುರು ಈಗ ಧನಸ್ಸು ರಾಶಿಯನ್ನು ಪ್ರವೇಶ ಮಾಡಿದ್ದಾನೆ. 

         ಈ ಗುರುವಿನ ಗೋಚಾರ ದಿಂದ ಕೆಲವು ರಾಶಿಗಳಿಗೆ ಶುಭಫಲ,  ಹಾಗೆಯೇ ಕೆಲವು ರಾಶಿಗಳಿಗೆ ಸಾಮಾನ್ಯ ಪಲಗಳುಂಟಾಗುತ್ತದೆ,  ಹಾಗಾದರೆ  ....ಈ ಫಲಗಳು ಯಾವಾಗ ದೊರೆಯುತ್ತದೆ, ಸ್ಥಾನ.ಬದಲಾವಣೆ ಆದ ತಕ್ಷಣವೇ ಫಲ ದೊರೆಯಬಹುದೇ? ಅಥವಾ  ಯಾವಾಗ? ಈ ಪ್ರಶ್ನೆ ಕಾಡುತ್ತದೆ.  ಪೃಚ್ಛಕರು ನಮ್ಮ ಬಳಿ ಬಂದಾಗ ಗ್ರಹಗಳ ಬದಲಾವಣೆ ಆದ ನಂತರ ಫಲವೆಂದು ಹೇಳುತ್ತೇವೆ.  ಆದರೆ ಗ್ರಹಗಳ ಬದಲಾವಣೆ ಆದ ನಂತರವೂ ಪರಿಸ್ಥಿತಿಯಲ್ಲಿ ಬದಲಾವಣೆ ಆಗದೇ ಇದ್ದಾಗ ... ನಮ್ಮ ಪ್ರಿಡಿಕ್ಷನ್ ತಪ್ಪೇನೂ ಅನ್ನುವ ಅನುಮಾನ ಬರದೇ ಇರೋಲ್ಲ...  ಹಾಗಾದರೆ ಗುರುವಿನ ಫಲ ಯಾವಾಗ..?

     ಒಂದು ಗ್ರಹ ಸ್ಥಾನ ಬದಲಾವಣೆ ಮಾಡಿದ ಕೂಡಲೆ ಫಲ ಕೊಟ್ಟುಬಿಡುತ್ತದೆ ಎಂಬುದು ಕೇವಲ ಕಲ್ಪನೆಯಾಗುತ್ತದೆ. ಒಂದು ಗ್ರಹ ಫಲ ಕೊಡಬೇಕಿದ್ದರೆ ಆ ಗ್ರಹಕ್ಕೆ ಬಲವಿರಬೇಕು. ಅಂದರೆ ಆ ಗ್ರಹ ತನ್ನ ಸ್ವಂತ ಮನೆಯಲ್ಲೋ, ತನ್ನ ಉಚ್ಚರಾಶಿಯಲ್ಲೋ, ತನ್ನ ಮೂಲ ತ್ರಿಕೋಣ ರಾಶಿಯಲ್ಲೋ ಇರಬೇಕು. ಅದನ್ನು ಸ್ಥಾನ ಬಲವೆಂದು ಕರೆಯುತ್ತಾರೆ. ಈಗ ಗುರು ಪ್ರವೇಶವಾಗಿರುವುದು ಧನಸ್ಸು ರಾಶಿಗೆ. ಧನಸ್ಸು ರಾಶಿ ಗುರುವಿನ ಸ್ವಂತ ಮನೆ. ಅಲ್ಲದೆ ಮೂಲ ತ್ರಿಕೋಣ ಸ್ಥಾನವೂ ಹೌದು. ( ಪ್ರಾರಂಭದ 10 ಅಂಶ ( ಡಿಗ್ರಿ ) ಮೂಲ ತ್ರಿಕೋಣ ನಂತರದ 20 ಡಿಗ್ರಿ ಸ್ವಕ್ಷೇತ್ರವಾಗಿದೆ. ) ಹೀಗಾಗಿ ಗುರುವಿಗೆ ಸಂಪೂರ್ಣಬಲ ಬಂದಿದೆ. ಬಲ ಬಂದಿದೆ ಆದರೆ ಶಾಸ್ತ್ರದ ಪ್ರಕಾರ ಗುರು ತನ್ನ ಫಲವನ್ನು ಕೊಡಲಿಕ್ಕೆ ಇನ್ನೂ ಕೆಲವು ದಿನಗಳಕಾಲ ಹೋಗಬೇಕು. ಯಾಕೆಂದರೆ ಅದಕ್ಕೊಂದು ಆಧಾರವನ್ನು ಕೊಡುತ್ತಾರೆ ಪಿತಾಮಹ ವರಾಹಮಿಹಿರರು.

 *" *ದಿನಕರ ರುಧಿರೌ ಪ್ರವೇಶ ಕಾಲೇ ಗುರು ಬೃಗುಜೌ ಭವನಸ್ಯ* *ಮಧ್ಯಯಾತೌ* 

 *ರವಿಸುತ ಶಶಿನೌ ವಿನರ್ಗಮಸ್ಥೌ*ಶಶಿತನಯ: ಫಲದಸ್ತು ಸಾರ್ವಕಾಲಂ "*

ಜ್ಯೋತಿಷದಲ್ಲಿ ಈ ಸೂತ್ರ ಪ್ರಧಾನವಾಗಿದೆ. ಇದರ ಆಧಾರದ ಮೇಲೆಯೇ ಗ್ರಹಗಳು ಫಲಕೊಡುವ ಕಾಲವನ್ನು ನಿರ್ಣಯಿಸಬೇಕಾಗುತ್ತದೆ.  ಈ ಸೂತ್ರ ವಿವರಿಸುವ ಹಾಗೆ ಕೆಲವು ಗ್ರಹಗಳು ಒಂದು ರಾಶಿಯನ್ನು ಪ್ರವೇಶ ಮಾಡಿದ ಕೂಡಲೇ ಫಲಕೊಡಲಿಕ್ಕೆ ಸಮರ್ಥವಾಗಿರುತ್ತವೆ. ಇನ್ನೂ ಕೆಲವು ಕಾಲಾನಂತರದಲ್ಲಿ ಫಲ ಕೊಡಲಿಕ್ಕೆ ಯೋಗ್ಯವಾಗುತ್ತವೆ. ಅವುಗಳನ್ನ ಅರಿಯದೇ ಫಲವನ್ನು ಹೇಳುವುದು ಕಷ್ಟವಾಗುತ್ತದೆ. ಹಾಗಾದರೆ ಯಾವ ಗ್ರಹಗಳು ಯಾವಾಗ ಫಲ ಕೊಡುತ್ತವೆ ಎಂಬುದು ನಮಗೆ ಅರ್ಥವಾಗಬೇಕು. ಮೇಲಿನ ಸೂತ್ರವೇ ವಿವರಿಸುವ ಹಾಗೆ ರಾಶಿಯನ್ನು ಪ್ರವೇಶ ಮಾಡಿದ ತಕ್ಷಣವೇ ಫಲಕೊಡುವ ಗ್ರಹಗಳೆಂದರೆ ರವಿ ಹಾಗೂ ಕುಜರು.

ಇನ್ನೂ ಕೆಲವು ಗ್ರಹಗಳು *ಭವನಸ್ಯ ಮಧ್ಯಯಾತೌ* ಅಂದರೆ, ರಾಶಿಯ ಮಧ್ಯಭಾಗದಲ್ಲಿ ಫಲವನ್ನು ಕೊಡುತ್ತಾರೆ, ಹಾಗೆ ರಾಶಿಯ ಮಧ್ಯಭಾಗದಲ್ಲಿ ಫಲ ಕೊಡುವ ಗ್ರಹಗಳು *ಗುರು ಹಾಗೂ ಶುಕ್ರರು.* ಇನ್ನೂ ಕೆಲವು ರಾಶಿಯ ಕೊನೆಯ ಭಾಗದಲ್ಲಿ ಫಲವನ್ನು ಕೊಟ್ಟು ಮುಂದಿನ ರಾಶಿಗೆ ಹೋಗಲಿವೆ. ಆ ಗ್ರಹಗಳೆಂದರೆ *ಶನಿ ಹಾಗೂ* *ಚಂದ್ರರು* . ಇನ್ನು *ಬುಧ ಗ್ರಹ* ಮಾತ್ರ ಎಲ್ಲ ಕಾಲದಲ್ಲೂ ಅಂದರೆ ರಾಶಿಯ ಪ್ರವೇಶದಿಂದ ಹಿಡಿದು ಮತ್ತೊಂದು ರಾಶಿಗೆ ಹೋಗುವವರೆಗೆ ಎಲ್ಲ ಸಮಯದಲ್ಲೂ ಫಲಕೊಡುತ್ತಾನೆ ಅಂತ. 

        ಅಲ್ಲಿಗೆ ಗುರು ಗ್ರಹ ಪ್ರವೇಶವಾದ ಕೂಡಲೇ ಸಂಪೂರ್ಣ ಫಲವನ್ನು ಕೊಡುವುದಿಲ್ಲ ರಾಶಿಯ ಮಧ್ಯಭಾಗದಲ್ಲಿ ತನ್ನ ಫಲವನ್ನು ಕೊಡಲಿಕ್ಕೆ ಸಂಪೂರ್ಣ ಬಲಿಷ್ಠನಾಗಿರುತ್ತಾನೆ. ರಾಶಿಯ ಮಧ್ಯ ಭಾಗ ಅಂದರೆ ಒಂದು ರಾಶಿಗೆ 30 ಅಂಶ. ಆ 30 ಅಂಶಗಳನ್ನ ಮೂರು ಭಾಗ ಮಾಡಿದರೆ ಅದನ್ನೇ ದ್ರೇಕ್ಕಾಣ ಅಂತಾರೆ. ಮೊದಲ ಭಾಗವನ್ನು ಪ್ರಥಮ ದ್ರೆಕ್ಕಾಣ ವೆಂತಲೂ ದ್ರೇಕ್ಕಾಣಗಳನ್ನು ಕಳೆದು 10 ಡಿಗ್ರಿಯಿಂದ 20 ಡಿಗ್ರಿಯವರಿದೆ ದ್ವಿತೀಯ ದೇಕ್ಕಾಣ ಎಂತಲೂ 20 ಡಿಗ್ರಿಯಿಂದ 30 ಡಿಗ್ರಿಯವರೆಗೆ ತೃತೀಯ ದೇಕ್ಕಾಣ ವೆಂತಲೂ ಕರೆಯುತ್ತಾರೆ.10 ನೇ ಡಿಗ್ರಿಯಿಂದ 20 ನೇ ಡಿಗ್ರಿಯ ಈ ದ್ವಿತೀಯ ದೇಕ್ಕಾಣದ ಭಾಗವನ್ನೇ ರಾಶಿಯ ಮಧ್ಯಭಾಗ ಅಂತ ಕರೀತಾರೆ. ಹಾಗಾಗಿ ಗುರು ಆ ಮಧ್ಯ ದ್ರೇಕ್ಕಾಣಕ್ಕೆ ಬರಲಿಕ್ಕೆ ಇನ್ನೂ ಕೆಲ ದಿನಗಳು ಬೇಕು. ಹಾಗಂತ ಫಲವಿಲ್ಲ ಅಂತಲ್ಲ, ಫಲವಿದೆ ... ಸಂಪೂರ್ಣ ಫಲ ಬರಲಿಕ್ಕೆ ಕಾಯಬೇಕು ಅಷ್ಟೆ. 

ಮುಂದುವರಿಯುತ್ತದೆ......

 *✍️ ಡಾ: B.N. ಶೈಲಜಾ ರಮೇಶ್*

ವೃಶ್ಚಿಕ ರಾಶಿಯಿಂದ ಧನಸ್ಸು ರಾಶಿಗೆ ಗುರು ಗೋಚಾರದಿಂದ ಶುಭತ್ವ ಪಡೆವ ರಾಶಿಗಳು

                               ಹರಿಃ ಓಂ
              ಓಂ ಶ್ರೀ ಮಹಾಗಣಪತಯೇ ನಮಃ
                   ಓಂ ಶ್ರೀ ಗುರುಭ್ಯೋನಮಃ


*ಗುರುಗ್ರಹವು ಧನಸ್ಸು ರಾಶಿಗೆ ಪ್ರವೇಶದಿಂದ  ಅನುಕೂಲವಾಗುವ ರಾಶಿಗಳು:--* 

         ಗುರು ಗ್ರಹ ನಮ್ಮ ಸೌರವ್ಯೂಹದಲ್ಲಿ ಅತಿ ದೊಡ್ಡ ಗ್ರಹ,  ಗುರು ಎಂದರೆ ದೊಡ್ಡದು ಜ್ಞಾನವುಳ್ಳದ್ದು  ಎಂದರ್ಥ.  ಗುರುಗ್ರಹ ತನ್ನ ಶಕ್ತಿಯಿಂದ ಪಾಪಗ್ರಹಗಳ ದೃಷ್ಟಿಯನ್ನು ಕಡಿಮೆಮಾಡುತ್ತದೆ ಗುರುಗ್ರಹವು ದ್ವಾದಶ ರಾಶಿಗಳಲ್ಲಿ ಸಂಚಾರ ಮಾಡುವಾಗ ಎಲ್ಲಾ ರಾಶಿಯಲ್ಲಿ ಒಂದು ವರ್ಷದ ಕಾಲ ಇರುತ್ತದೆ , ಒಬ್ಬ ವ್ಯಕ್ತಿಯ ಜಾತಕ ಚಕ್ರದಲ್ಲಿ ಗುರುವು ಶುಭ ಸ್ಥಾನದಲ್ಲಿರುವವರಿಗೆ ಕೀರ್ತಿ ಯಶಸ್ಸು ವಿದ್ಯೆ ಸಂಪತ್ತು ಮತ್ತು ವೈವಾಹಿಕ ಜೀವನ ಉತ್ತಮ ಇರುವಂತೆ ಮಾಡುತ್ತದೆ ಮತ್ತು ಒಳ್ಳೆಯ ಅದೃಷ್ಟವನ್ನು ತಂದುಕೊಡುತ್ತದೆ. ಗುರು ಗ್ರಹವನ್ನು ಸಂಪೂರ್ಣವಾದ ಶುಭಗ್ರಹ ಅಂತಾನೆ ಹೇಳಬಹುದು ದೇವರ ಮೇಲೆ ಭಕ್ತಿ ಹೆಚ್ಚಾಗುವಂತೆ ಮಾಡುತ್ತದೆ ಉಳಿದ ಗ್ರಹಗಳ ಗೋಚಾರದ ಫಲಾಫಲಗಳು ಗುರುಗ್ರಹದ ಮೇಲೆ ಆಧಾರವಾಗಿರುತ್ತದೆ. ಅಂತಹ ಗುರು ಗ್ರಹವು ಶುಭಸ್ಥಾನದಲ್ಲಿದ್ದರೆ ಅನುಕೂಲ ಫಲಿತಾಂಶಗಳನ್ನು ಕಾಣಬಹುದು. ನಮ್ಮ ಕೆಲಸಗಳು ನಿಧಾನವಾಗುವುದು ಇನ್ನಿತರ ಕೆಲಸಕಾರ್ಯಗಳಲ್ಲಿ ತಡೆ ಮತ್ತು ಮದುವೆ ಕಾರ್ಯದಲ್ಲಿ ತಡವಾಗುವುದು  ಆಗುತ್ತಿದ್ದರೆ  ಜಾತಕದಲ್ಲಿ ಗುರುವಿನ ಸ್ಥಾನವು ಅನುಕೂಲವಾಗಿಲ್ಲ ಎಂದು ತಿಳಿಯಬಹುದು.  

           ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ 2019ರ ನವೆಂಬರ್ 5ನೆ ತಾರೀಖು  ಬೆಳಿಗ್ಗೆ 2 - 45 ರಿಂದ 3  ಗಂಟೆಯ ಮಧ್ಯದಲ್ಲಿ , ಅಂದರೆ ಇಂದು ಬೆಳಗಿನ ಜಾವ ಗುರು ಗ್ರಹವು ವೃಶ್ಚಿಕ ರಾಶಿಯಿಂದ  ತನ್ನ ಸ್ವಸ್ಥಾನವಾದ ಧನಸ್ಸುವಿಗೆ  ಪ್ರವೇಶಿಸಿದೆ.  

         ಗುರುವು ಧನುರ್ ರಾಶಿಗೆ  ಪ್ರವೇಶಿಸಿರುವುದರಿಂದ  ದ್ವಾದಶ ರಾಶಿಗಳಲ್ಲಿ ಕೆಲವು ರಾಶಿಗಳಿಗೆ ಲಾಭದಾಯಕವಾಗಿದೆ.... ಆ ರಾಶಿಗಳು ಯಾವುದೆಂದು ತಿಳಿಯೋಣ.

         *ಗುರುಗ್ರಹವು ಗೋಚಾರದಲ್ಲಿ   ಎರಡನೇ ಸ್ಥಾನ 5 ನೇ ಸ್ಥಾನ ಏಳನೇ ಸ್ಥಾನ 9ನೇ ಸ್ಥಾನ ಮತ್ತು 11ನೇ ಸ್ಥಾನದಲ್ಲಿ  ಸಂಚರಿಸುವಾಗ ಒಳ್ಳೆಯ ಫಲಿತಾಂಶ ನೀಡುತ್ತದೆ . ಗುರುವು ಈ ಸ್ಥಾನಗಳಲ್ಲಿ ಸಂಚರಿಸುವಾಗ ಗುರುಬಲ ಇದೆಯೆಂದು ತಿಳಿಯಬೇಕು.* 

     ಮೊದಲಿಗೆ *ಮೇಷ ರಾಶಿಗೆ* ಗುರುವು  9ನೇ ಸ್ಥಾನದಲ್ಲಿ ಸಂಚರಿಸುವುದರಿಂದ ಈ ಸಮಯದಲ್ಲಿ ಮೇಷ ರಾಶಿಯವರಿಗೆ ಅದ್ಭುತವಾದ ಫಲಿತಾಂಶ ಸಿಗುತ್ತದೆ.  ಮುಖದಲ್ಲಿ ಶಾಂತಿ ಹೆಚ್ಚಾಗುತ್ತದೆ. ವೇದಶಾಸ್ತ್ರಗಳು ಕಲಿಯಬೇಕು ಎಂಬ ಆಸೆಗಳು ಹೆಚ್ಚಾಗುತ್ತದೆ . ವ್ಯಾಪಾರದಲ್ಲಿ ಆರ್ಥಿಕವಾಗಿ ಅಭಿವೃದ್ಧಿಯನ್ನು ಕಾಣುತ್ತಾರೆ. ಮದುವೆ ಪ್ರಯತ್ನ ಮಾಡುವವರಿಗೆ ಇದು ಒಳ್ಳೆಯ ಸಮಯ . ಶತ್ರುಗಳ ಮೇಲೆ ಜಯಭೇರಿಯನ್ನು ಸಾಧಿಸಬಹುದು,  9 ನೇ ಸ್ಥಾನದಲ್ಲಿ ಅದೂ ತನ್ನ ಸ್ವಸ್ಥಾನದಲ್ಲಿ ಗುರು  ಇರುವಾಗ ಕಾರ್ಯಸಿದ್ದಿ ,ಕುಟುಂಬ ಸೌಖ್ಯ ,ಅಧಿಕಾರವಿರುತ್ತದೆ .ಮತ್ತು ಅಭಿವೃದ್ಧಿಯನ್ನು ಕಾಣಲು ಅನುಕೂಲವಾಗಿರುವುದು ರಿಂದ ಇದು ಒಳ್ಳೆಯ ಯೋಗ ಅಂತಾನೆ ಹೇಳಬಹುದು.

        *ಮಿಥುನ ರಾಶಿ :* ನಿಮಗೆ ಗುರು ಏಳನೇ ಸ್ಥಾನದಲ್ಲಿ ಇರುವುದರಿಂದ ಆರೋಗ್ಯವನ್ನು ಸುಧಾರಿಸುತ್ತದೆ. ಮತ್ತು  ಪ್ರಶಾಂತತೆಯಿಂದ ಸಂತಸದಿಂದ ಇರುವ ಯೋಗ, ಆರ್ಥಿಕವಾಗಿ ಅಭಿವೃದ್ಧಿಯನ್ನು  ಕಾಣಬಹುದು, ವಿದೇಶ ಪ್ರಯಾಣಕ್ಕೆ ಅನುಕೂಲವಾಗುತ್ತದೆ. ವಿವಾಹ ಪ್ರಯತ್ನ ಮಾಡುವವರಿಗೆ ಒಳ್ಳೆಯ ಸಮಯ ಅಂತಾನೆ ಹೇಳಬಹುದು ವಿದ್ಯಾರ್ಥಿಗಳಿಗೆ ಅನುಕೂಲವಾದ ಸಮಯ ಇರುತ್ತದೆ. ಪುಣ್ಯಕ್ಷೇತ್ರ ತೀರ್ಥಕ್ಷೇತ್ರ ದರ್ಶನ. ಧನಲಾಭ, ಕುಟುಂಬ ಸೌಖ್ಯ, ಆರ್ಥಿಕವಾಗಿ ಅಭಿವೃದ್ಧಿ ಕಾಣಬಹುದು,ದೈವಾನುಗ್ರಹದಿಂದ  ಇದು ಒಳ್ಳೆಯ ಸಮಯ ಅಂತಾನೆ ಹೇಳಬಹುದು.

         *ಸಿಂಹ ರಾಶಿ:*  ಈ ರಾಶಿಗೆ ಗುರುವು ಐದನೇ ಸ್ಥಾನದಲ್ಲಿ ಇರುವುದರಿಂದ ಮಾಡುವ ಕೆಲಸದಲ್ಲಿ ವ್ಯಾಪಾರದಲ್ಲಿ ಒಳ್ಳೆಯ ಅದ್ಭುತವಾದ ಫಲಿತಾಂಶ ಕಾಣುವುದು. ಉದ್ಯೋಗದಲ್ಲಿರುವವರಿಗೆ ವೇತನ ಹೆಚ್ಚಾಗುತ್ತದೆ. ವ್ಯಾಪಾರ ವಿಸ್ತಾರವಾಗಿ ಆರ್ಥಿಕವಾಗಿ ಅಭಿವೃದ್ಧಿ ಕಾಣಬಹುದು ಮತ್ತು  ತುಂಬಾ ದಿನದಿಂದ ಅನುಭವಿಸುತ್ತಿರುವ ಸಮಸ್ಯೆಗಳು ದೂರವಾಗುತ್ತದೆ. ಮಾನಸಿಕ ಚಿಂತೆ ದೂರವಾಗುತ್ತದೆ . ಪ್ರತಿಭೆಗಳಿಗೆ ಪ್ರಶಾಂತತೆ ಸಿಗುತ್ತದೆ. ಸಿಂಹ ರಾಶಿಗೆ ಗುರುವು ಶುಭ ಸ್ಥಾನದಲ್ಲಿರುವುದರಿಂದ ಧನಲಾಭ, ಶತ್ರುನಾಶ , ಶುಭಕಾರ್ಯ ನಡೆಯುತ್ತದೆ ಆರ್ಥಿಕವಾಗಿ ಅಭಿವೃದ್ಧಿ ಕಾಣುತ್ತಿದೆ.

       *ವೃಶ್ಚಿಕ ರಾಶಿಗೆ :* ಗುರುವು ಎರಡನೇ ಸ್ಥಾನದಲ್ಲಿ ಇರುವುದರಿಂದ  ಆರ್ಥಿಕವಾಗಿ ಒಳ್ಳೆಯ ಫಲಿತಾಂಶ ಕಾಣಲಿದೆ. ಅದೃಷ್ಟ ಒಲಿದು ಬಂದು ಗೌರವ ಪ್ರಾಪ್ತಿಯಾಗುತ್ತದೆ. ಆಕಸ್ಮಿಕ ಧನಲಾಭ ಸಿಗುತ್ತದೆ. ಉದ್ಯೋಗದಲ್ಲಿ ಅದ್ಭುತವಾದ ಫಲಿತಾಂಶವನ್ನು ಕಾಣಬಹುದು.  ಬಾಳಸಂಗಾತಿಯ ಜೊತೆ ಬಾಂಧವ್ಯ ಹೆಚ್ಚಾಗುತ್ತದೆ. ಋಣಬಾಧೆ ತೀರುತ್ತದೆ. ಅನಾರೋಗ್ಯ ಸಮಸ್ಯೆಯಿಂದ ಹೊರ ಬರುಬಹುದು.  ಗುರುವು ಅನುಕೂಲ ವಾಗಿರುವುದರಿಂದ ಈಗ ಒಳ್ಳೆಯ ಕಾಲ ಅಂತನೇ ಹೇಳಬಹುದು.

      *ಕುಂಭ ರಾಶಿ:*  ಈ ರಾಶಿಗೆ ಗುರು 11 ನೆ ಸ್ಥಾನದಲ್ಲಿರುವುದರಿಂದ  ಉದ್ಯೋಗ ಹುಡುಕುವವರಿಗೆ ಇದು ಒಳ್ಳೆಯ ಸಮಯ.  ಮತ್ತು  ವ್ಯಾಪಾರದಲ್ಲಿ ಒಳ್ಳೆಯ ಲಾಭವನ್ನು ಕಾಣುಬಹುದು. ಆತ್ಮವಿಶ್ವಾಸದಿಂದ ತೆಗೆದುಕೊಳ್ಳುವ ನಿರ್ಣಯದಿಂದ ವೃತ್ತಿ ವ್ಯಾಪಾರದಲ್ಲಿ ವಿಜಯವನ್ನು ಸಾಧಿಸಬಹುದು, ಆರೋಗ್ಯ ಚೆನ್ನಾಗಿರುತ್ತದೆ.  ಹೊಸ ವಾಹನ ಖರೀದಿಯಿಂದ ಒಳ್ಳೆಯ ಲಾಭವಾಗುತ್ತದೆ ಆರ್ಥಿಕವಾಗಿ ಅಭಿವೃದ್ಧಿ ಕಾಣುಬಹುದು. ಮಾನಸಿಕವಾಗಿ ಪ್ರಶಾಂತತೆಯಿಂದ ಕುಟುಂಬ ಸದಸ್ಯರ ಜೊತೆ ಸಂತೋಷದಿಂದ

ಇರಬಹುದು. ಗುರುವು ಈ ರಾಶಿಗೆ 11ನೇ ಸ್ಥಾನದಲ್ಲಿ ಸಂಚರಿಸುತ್ತಿರುವುದರಿಂದ  ಧನಲಾಭ ಕೀರ್ತಿ ಯಶಸ್ಸು ಕುಟುಂಬ ಸೌಖ್ಯ ಸಿಗುತ್ತದೆ.

    ✍️ *ಡಾ: B.N. ಶೈಲಜಾ ರಮೇಶ್*

ದುರ್ಗಾಷ್ಟಮಿ

                                 ಹರಿಃ ಓಂ

                 ಓಂ ಮಹಾ ಗಣಪತಯೇ ನಮಃ

                     ಓಂ ಶ್ರೀ ಗುರುಭ್ಯೋನಮಃ

ದುರ್ಗಾಷ್ಟಮಿ ಮಹತ್ವ

       ಪಾರ್ವತಿಯು ದುರ್ಗೆಯಾಗಿ, ಚಾಮುಂಡಿಯಾಗಿ  ಮಹಿಷಾಸುರ ಮತ್ತು ಅವನ ಸಹಚರರ ಅಧರ್ಮಗಳನ್ನು ತೊಡೆದು ದಾನವರನ್ನು ಸಂಹಾರ ಮಾಡಿದ ದಿನವೇ ದುರ್ಗಾಷ್ಟಮಿ, ದುರ್ಗೆಯ ಜನನ ದುಷ್ಟ ಸಂಹಾರದ ಪ್ರತೀಕವಾಗಿದೆ . ದುಷ್ಟ ಸಂಹಾರಕ್ಕಾಗಿ ಶಿಷ್ಟ ರಕ್ಷಣೆಗಾಗಿ ಮಾತೆಯು ತ್ರಿಮೂರ್ತಿ ಸ್ವರೂಪಿಣಿಯಾಗಿ ಚಾಮುಂಡೇಶ್ವರಿಯಾಗಿ ಭೂಮಿಗೆ ಬಂದ ಈ ದಿವಸಗಳಲ್ಲಿ ಭೂಮಿಯ ಮೇಲೆ ದೈವಶಕ್ತಿಯ ಪ್ರಭಾವ ಅತ್ಯಧಿಕವಾಗಿರುತ್ತದೆ ಎಂಬುದು ನಮ್ಮ ಹಿರಿಯರ  ಅನಿಸಿಕೆ.

        ನವರಾತ್ರಿಯ ಎಂಟನೇ ದಿನದಂದು ಜಗನ್ಮಾತೆಯು ದುರ್ಗೆಯ ರೂಪ ತಾಳಿ ಚಂಡ, ಮುಂಡ ಮತ್ತು ರಕ್ತ ಬೀಜಾಸುರರನ್ನು ಸಂಹರಿಸಿದ ದಿನವಾಗಿದ್ದರಿಂದ ದುರ್ಗಾಷ್ಟಮಿಯಾಗಿ ಆಚರಿಸಲ್ಪಡುತ್ತದೆ. ಈ ದಿನದಂದು ಮಾತೆಯನ್ನು ೬೪ ಯೋಗಿನಿಗಳ ರೂಪದಲ್ಲಿ, ದುರ್ಗೆಯ ಸಹಚರರಾದ ಅಷ್ಟ ಮಾತೃಕೆಯರ ಪೂಜೆ ಮಾಡಲಾಗುತ್ತದೆ. ಬ್ರಹ್ಮಾಣೀ, ಮಹೇಶ್ವರಿ, ಕೌಮಾರಿ, ವೈಷ್ಣವಿ, ವಾರಾಹಿ, ನರಸಿಂಗಿ, ಇಂದ್ರಾಣಿ ಮತ್ತು ಚಾಮುಂಡಾ ರೂಪದಲ್ಲಿ ಅಷ್ಟನಾಯಿಕೆಯರ ಪೂಜೆಗೈಯಲಾಗುತ್ತದೆ.

         ದುರ್ಗೆಯು ಭಗವಂತನ ಪತ್ನಿಯೇ ಆಗಿದ್ದಾಳೆ. ಈ ದುರ್ಗೆಯ ಪೂಜೆಯನ್ನು ನವರಾತ್ರಿಯಲ್ಲಿ ದುರ್ಗಾಷ್ಟಮಿಯ ದಿನ ಮಾಡುವುದು ವಿಹಿತವಾಗಿದೆ.

ಶ್ರೀವಾದಿರಾಜಪೂಜ್ಯ ಚರಣರು ದುರ್ಗಾದೇವಿಯನ್ನು ಹೀಗೆ ಸ್ತುತಿಸಿದ್ದಾರೆ .

" ದುರ್ಜ್ಞೇಯತ್ವಾತ್ ದುಃಖದತ್ವಾತ್ ದುಷ್ಪ್ರಾಪ್ಯತ್ವಾಚ್ಚ ದುರ್ಜನೈಃ |
ಸತಾಮಭಯಭೂಮಿತ್ವಾತ್ ದುರ್ಗಾತ್ವಂ ಹೃದ್ಗುಹಾಶ್ರಯಾತ್ ||"

ದುರ್ಗಾ ಎನ್ನುವ  ಪದ ವಿವಿದಾರ್ಥಗಳನ್ನು ಹೊಂದಿದೆ, 
     ➡ ಭಕ್ತರ ಕಷ್ಟಗಳನ್ನು ದೂರ ಮಾಡುವವಳಿಗೆ ದುರ್ಗಾ ಎಂದು ಹೆಸರು

     ➡ ಸಾಕಲ್ಯೇನ ಬ್ರಹ್ಮಾದಿಗಳಿಂದ ತಿಳಿಯಲಶಕ್ಯಳಾದ್ದರಿಂದ ಲಕ್ಷ್ಮೀದೇವಿಯರಿಗೆ ದುರ್ಗಾ ಎಂದು ಹೆಸರು.

     ➡ ದುಷ್ಟಜನರಿಗೆ ದುಃಖವನ್ನು ಕೊಡುವುದರಿಂದ ಅವಳಿಗೆ ದುರ್ಗಾ ಎಂದು ಹೆಸರು.

     ➡ ದುಷ್ಟ ಜನರಿಂದ ಹೊಂದಲು ಅಶಕ್ಯಳಾದ್ದರಿಂದ ಅವಳಿಗೆ ದುರ್ಗಾ ಎಂದು ಹೆಸರು.

     ➡ ಸಜ್ಜನರಿಗೆ ಶ್ವೇತದ್ವೀಪ, ಅನಂತಾಸನ, ವೈಕುಂಠಗಳೆಂಬ ತ್ರಿಧಾಮರೂಪಳಾಗಿ ಅಭಯಸ್ಥಾನೀಯಳಾದ್ದರಿಂದ ಅವಳಿಗೆ ದುರ್ಗಾ ಎಂದು ಹೆಸರು.

    ➡ ಸಕಲ ಜೀವರ ಹೃದಯಗಳಲ್ಲಿ ನಿಯಾಮಕತ್ವೇನ ನೆಲೆಸಿರುವುದರಿಂದ ಅವಳಿಗೆ ದುರ್ಗಾ ಎಂದು ಹೆಸರು.

       ದುರ್ಗಾಷ್ಠಮಿಯದಿನ ಮಹಾಗೌರಿಯನ್ನು ಪೂಜಿಸಲಾಗುತ್ತದೆ

ಶ್ವೇತೇ ವೃಷೇ ಸಮಾರೂಢಾ ಶ್ವೇತಾಂಬರ ಧರಾ ಶುಚಿಃ|
ಮಹಾಗೌರಿ ಶುಭಂ ದಧ್ಯಾನ್ಮಹಾದೇವ ಪ್ರಮೋದದಾ ||

        ಒಂಬತ್ತು ರಾತ್ರಿಗಳಲ್ಲಿ ಎಂಟನೆಯ ದಿನ ಪೂಜಿಸಲ್ಪಡುವ ದೇವತೆಯೇ ಈ ಮಹಾಗೌರಿ. ತೇಜಸ್ಸನ್ನು ಪ್ರಾಪ್ತಿ ಮಾಡಿಕೊಂಡವಳೇ ಮಹಾಗೌರಿ ಎನ್ನಲಾಗಿದೆ. ಗೌರ ಎಂದರೆ ತೇಜಸ್ಸು ಎಂದರ್ಥ. ಮಹತ್ತರವಾದ ತೇಜಸ್ಸನ್ನು ಹೊಂದಿದವಳೂ ಆ ತೇಜಸ್ಸಿನಿಂದಲೇ ಶಿಷ್ಟರನ್ನು ಪಾಲಿಸುವ ಕಾರ್ಯವನ್ನು ಮಾಡುವವಳೇ ಈ ಮಹಾಗೌರಿ. ಮಹಾಗೌರಿಯನ್ನು ಶಿವೆ ಎಂಬುದಾಗಿಯೂ ಕರೆಯುತ್ತಾರೆ. ಈಕೆ ಚತುರ್ಭುಜೆಯಾಗಿದ್ದು ತ್ರಿಶೂಲ ಮತ್ತು ಡಮರು ಇವಳ ಕೈಯಲ್ಲಿದೆ. ಶುಭ್ರವಾದ ಬಿಳಿಯ ಸೀರೆಯನ್ನು ಈಕೆ ಧರಿಸಿದ್ದಾಳೆ. ಶ್ವೇತವೃಷಭ ಇವಳ ವಾಹನ. ಶಾಂತಸ್ವರೂಪಿಣಿಯಾದ ಮಹಾಗೌರಿಯನ್ನು ದುರ್ಗಾಷ್ಟಮಿಯದಿನ ಪೂಜಿಸಿದರೆ ವಿಶೇಷ ಫಲ ಲಭಿಸುವುದು.

        ಮಹಾಗೌರಿಯನ್ನು ಪೂಜಿಸುವುದರಿಂದ ದುಃಖ ಸಂತಾಪಗಳು ದೂರವಾಗುತ್ತವೆ. ಶೀಘ್ರಫಲದಾಯಕಿ ಎಂದೇ ಪ್ರಖ್ಯಾತಿಯಾಗಿರುವ ಈಕೆ ನಮಗೆ ಲೌಕಿಕ ಮತ್ತು ಅಲೌಕಿಕ ಸುಖವನ್ನು ಕರುಣಿಸುತ್ತಾಳೆ. ದುಷ್ಟರಿಂದ ರಕ್ಷಿಸುವುದರ ಜೊತೆಗೆ ನಮ್ಮೊಳಗಿದ್ದುಕೊಂಡು ನಮ್ಮನ್ನಾಳುವ ದುಷ್ಟತನವನ್ನೂ ದೂರ ಮಾಡುತ್ತಾಳೆ. ಮಹಾಗೌರಿಯನ್ನು ಆದಿಶಕ್ತಿ ಎನ್ನಲಾಗಿದೆ. ಇವಳ ಪೂಜೆಗೆ ಈ ದುರ್ಗಾಷ್ಟಮಿಯ ಪುಣ್ಯಕಾಲವೇ ಅತ್ಯಂತ ಶ್ರೇಷ್ಠವಾದ ದಿನವಾಗಿದೆ. ಮಹಾಗೌರಿಯನ್ನು ಶ್ರದ್ಧಾ ಭಕ್ತಿಪೂರ್ವಕವಾಗಿ ಪೂಜಿಸುವುದರಿಂದ ಸಕಲ ಸಂಪತ್ತು ಪ್ರಾಪ್ತಿಯಾಗುವುದು.

        ಮಹಾ ಎಂದರೆ ದೊಡ್ಡದು ಎಂದರ್ಥ. ಮನುಜ ಜನ್ಮವೇ ದೊಡ್ಡದು. ಗೌರಿ ಇಲ್ಲಿ ತೇಜಸ್ಸಿನ ಪ್ರತೀಕ. ಈ ತೇಜಸ್ಸನ್ನು ಹೊಂದಲು ಆಕೆ ತಪಸ್ಸನ್ನು ಮಾಡಿದ್ದಾಳೆ. ಮಹಾಗೌರಿಯೆಂದರೆ ಮಹಾನ್ ತಪಸ್ಸೂ ಹೌದು. ಇದು ನಮ್ಮ ಜೀವನವನ್ನು ಸೂಕ್ಷ್ಮವಾಗಿ ವಿವರಿಸಿದ ರೂಪ. ಮನುಷ್ಯ ಜನ್ಮವೇ ಮಹಾನ್, ಅಲ್ಲದೆ ಇದೊಂದು ತಪಸ್ಸು ಕೂಡ ಆಗಿದೆ ಎಂಬುದನ್ನು ಈ ದೇವಿಯ ರೂಪ ಹೇಳುತ್ತದೆ. ಉಳಿದ ಯಾವ ಜನ್ಮವನ್ನೂ ಮಾನವನ ಜನ್ಮಕ್ಕೆ ಹೋಲಿಸಲಾಗದು. ಹಾಗಾಗಿಯೇ ಮಾನವ ಜನ್ಮ ಮಹಾತಪಸ್ಸು. ಜಗತ್ತಿನಲ್ಲಿ ಬದಲಾವಣೆಯೊಂದೇ ಶಾಶ್ವತ ಎಂಬಂತೆ ನಮ್ಮ ಮನಸ್ಸನ್ನು ಹಿಡಿತದಲ್ಲಿಟ್ಟುಕೊಳ್ಳುವುದು ಸುಲಭವಲ್ಲ. ತ್ಯಾಗ ಮತ್ತು ಏಕಾಗ್ರತೆ ಇಲ್ಲಿ ಮುಖ್ಯ. ಅಂತಹ ಶಕ್ತಿಯನ್ನು ಹೊಂದಲು ಮತ್ತು ಮನಸ್ಸನ್ನು ಕೇಂದ್ರೀಕರಿಸಲು ದೇವ ದೇವತೆಯರ ಸಹಾಯ ನಮಗೆ ಬೇಕು. ಹಾಗಾಗಿಯೇ ಮೂರ್ತಿಗಳು, ಮಂತ್ರ ಶ್ಲೋಕಾದಿಗಳು ಮತ್ತು ಪೂಜೆಗಳು ಹುಟ್ಟಿಕೊಂಡವು.

        ಒಂದೊಂದು ದೇವತೆಯಲ್ಲಿಯೂ ಒಂದೊಂದು ಭಿನ್ನವಾದ ಶಕ್ತಿಯಿದೆ. ಆ ಶಕ್ತಿಯ ಸ್ವರೂಪವೇ ನಮಗೆ ಆಶ್ರಯ. ಅರಿವಿನ ದೀಪ ಉರಿಯುತ್ತಿರಲೆಂದು ಮಹಾಗೌರಿಯಲ್ಲಿ ಪ್ರಾರ್ಥಿಸಬೇಕು. ಮಹಾಗೌರಿಯು ತೇಜಸ್ಸನ್ನು ಗಳಿಸಿ ಶಿವನನ್ನು ಸೇರಿದಂತೆ ಮಾನವನೂ ಕೊನೆಯಲ್ಲಿ ಸೇರುವುದು ಶಿವನನ್ನೇ. ಹಾಗಾಗಿ ಆತ ನಮಗೆ ಮುಕ್ತಿಯನ್ನು ಕರುಣಿಸಬೇಕಾದರೆ ನಾವು ತೇಜಸ್ಸನ್ನು ಹೊಂದಬೇಕು. ಈ ದುರ್ಗಾಷ್ಟಮಿಯ ದಿನ ಮಹಾಗೌರಿಯನ್ನು ಆರಾಧಿಸುವ ಮೂಲಕ ದ್ವೇಷ ಅಸೂಯೆಗಳನ್ನು ಬಿಟ್ಟು, ಪ್ರೀತಿ, ಸ್ನೇಹ, ಸತ್ಯ, ಮತ್ತು ನಿಷ್ಠೆಯಿಂದ ಬದುಕಿ ತೇಜೋಮಯರಾಗಲು ಪ್ರಾರ್ಥಿಸಬೇಕು.

       ದುರ್ಗಾ ಮಂತ್ರವು ಹೀಗಿದೆ -

        "  ಓಂ ದುಂ ದುರ್ಗಾಯೈ ನಮಃ "  ಈ ಮಂತ್ರವನ್ನು ತ್ರಿಕರಣ ಪೂರ್ವಕವಾಗಿ ಯಥಾಶಕ್ತಿ ಜಪಿಸಿದರೆ ಭಕ್ತರ ಸಂಕಷ್ಟಗಳನ್ನು ದೂರಮಾಡಿ ಸಲಹುವುದರಲ್ಲಿ ಸಂದೇಹವಿಲ್ಲ.

        ನವರಾತ್ರಿಯ 8 ನೇ ದಿನವಾದ ದುರ್ಗಾಷ್ಟಮಿಯಂದು " ಓಂ ದುಂ ದುರ್ಗಾಯೈ ನಮಃ " ಈ ಮಂತ್ರದಿಂದ ಕಲಶದಲ್ಲಿ ದುರ್ಗೆಯನ್ನು ಆವಾಹಿಸಿ ಪೂಜಿಸಬೇಕು.
ವಿಜಯದಶಮೀ ದಿನದಂದು ದುರ್ಗೆಯ ವಿಸರ್ಜನೆಯನ್ನು ಮಾಡಬೇಕು.

     ✍  ಡಾ: ಶೈಲಜಾ ರಮೇಶ್
    (ವಿವಿಧ ಮೂಲಗಳಿಂದ ಸಂಗ್ರಹಿಸಿ ಬರೆದದ್ದು)
      

ಸಂಖ್ಯಾಶಾಸ್ತ್ರ 4

ಸಂಖ್ಯಾಶಾಸ್ತ್ರ : 4

                               ಹರಿಃ ಓಂ
                     ಶ್ರೀ ಗುರುಭ್ಯೋನಮಃ
              ಶ್ರೀ ಮಹಾಗಣಪತಯೇ ನಮಃ

ಸಂಖ್ಯೆ  :  4

Picture source: internet/ social media

          ದಿನಾಂಕ ೪,೧೩,೨೨,೩೧ ರಂದು ಜನಿಸಿದವರು ಈ ನಾಲ್ಕು ಸಂಖ್ಯೆಯಲ್ಲಿ ಬರುತ್ತಾರೆ. ಭಾರತೀಯ ಸಂಖ್ಯಾಶಾಸ್ತ್ರಜ್ಞರು ರಾಹು ಗ್ರಹ ಇದರ ಅಧಿಪತಿ ಎಂದು ನಿಗದಿಪಡಿಸಿದ್ದಾರೆ. ಪಾಶ್ಚಾತ್ಯ ಸಂಖ್ಯಾಶಾಸ್ತ್ರ ಪ್ರಕಾರ ಯುರೇನಸ್ ರೂಲಿಂಗ್ ಪ್ಲಾನೆಟ್. ಎರಡೂ ಗ್ರಹಗಳು ವಿಲಕ್ಷಣವನ್ನು ತೋರಿಸುತ್ತದೆ ಮತ್ತು ಅಸ್ತವ್ಯಸ್ತವಾಗಿದೆ. ನಾಲ್ಕು, ಅನಿರೀಕ್ಷಿತ ಸ್ವರೂಪ. ನಾಲ್ಕು ನಂಬರಿನ ವ್ಯಕ್ತಿಗಳು ಮನಸ್ಸಿನಲ್ಲಿ ಬಲಶಾಲಿಯಾಗಿದ್ದಾರೆ. ಆದರೆ ದೈಹಿಕವಾಗಿ ದುರ್ಬಲರಾಗಿರುತ್ತಾರೆ. .

Picture source: internet/ social media

          ಈ ಸಂಖ್ಯೆಯವರು ಜೀವನದಲ್ಲಿ ಮಾನಸಿಕ ತೊಂದರೆಗಳನ್ನು,  ಆರ್ಥಿಕ ತೊಂದರೆಗಳನ್ನೂ ಎದುರಿಸಿ ತಡವಾಗಿ ಜೀವನದಲ್ಲಿ ಸ್ಥಿರನೆಲೆ ಕಂಡುಕೊಳ್ಳುತ್ತಾರೆ. ಈ ಸಂಖ್ಯೆಯವರು ಭಾನುವಾರ ಜನಿಸಿದ್ದು ಅದೃಷ್ಟ ಸಂಖ್ಯೆಯೂ 4  ಆಗಿದ್ದರೆ ಶುಭಫಲ ನಿರೀಕ್ಷಿಸಬಹುದು.  ಹಾಗೆಯೇ ನಾಲ್ಕು ಎಂಬುದು ಭದ್ರತೆಯ ಗುರುತಾಗಿದೆ. ಹಾಗಾಗಿ ಈ ಸಂಖ್ಯೆಯಲ್ಲಿ ಜನಿಸಿದವರು ತಡವಾಗಿಯಾದರೂ ಸುಭದ್ರವಾದ ಸ್ಥಿತಿಯನ್ನು ತಲುಪುತ್ತಾರೆ.

       ರೂಪ ಮತ್ತು ಆಕಾರ :- ಸಾದಾರಣ ಎತ್ತರ  ವಿಶಾಲವಾದ ಭುಜಗಳು,  ಕೊಬ್ಬಿದ  ಶರೀರದವರಾಗಿರುತ್ತಾರೆ. ಸೊಂಪಾಗಿ ಬೆಳೆದ ಕೂದಲು, ಸಣ್ಣದಾಗಿ ಕಪ್ಪಾದ ಆಕರ್ಷಕ ನೇತ್ರಗಳು, ದೊಡ್ಡಕಿವಿಗಳು ಉಳ್ಳವರಾಗಿರುತ್ತಾರೆ.   ಕಪ್ಪು ಅಥವ ಎಣ್ಣೆಗೆಂಪಿನಂತೆ ಇರುವರು.  ಇವರ ಕಾಲುಗಳು ದೇಹಕ್ಕೆ ಸರಿಯಾಗಿ ಇರದೆ ಚಿಕ್ಕದಾಗಿ ಇರುವುವು.  ವಿಚಿತ್ರವಾದ ದೇಹರಚನೆಯಿಂದ ಎಲ್ಲರನ್ನೂ ತಮ್ಮ ಕಡೆಗೆ ಆಕರ್ಷಿಸುವರು. ನಗುತ್ತಾ ನಗುವಿನಲ್ಲಿ ಸಂತೋಷ ಪಡುವವರಾಗಿರುತ್ತಾರೆ.

ಗುಣ ನಡತೆ:- ಈ ಸಂಖ್ಯೆಯವರು ಬಹು ವಿದೇಯರು ಅಷ್ಟೇಅಲ್ಲ ಕುಟುಂಬದಲ್ಲಿರುವ ಎಲ್ಲರೊಡನೆ ವಿಶ್ವಾಸದಿಂದ ಇರುವವರು. ಮೇಲಾಧಿಕಾರಿಗಳೊಂದಿಗೆ ವಿನಯದಿಂದ ವರ್ತಿಸುವರು, ಇವರಲ್ಲಿ ನಡತೆಯಿಂದಲೂ ಮಾತಿನಿಂದಲೂ ಸ್ನೇಹಿತರನ್ನಾಗಿ ಮಾಡಿಕೊಳ್ಳುವ ಆಕರ್ಷಣಾ ಶಕ್ತಿಯು ಸ್ವಭಾವ ಸಿದ್ದವಾಗಿದೆ. ಯಾವುದನ್ನಾದರೂ ಒಡನೆಯೇ ನಂಬಿ ಇವರು ಕಾರ್ಯದಲ್ಲಿ ಪ್ರವರ್ತಿಸುವವರಲ್ಲ ಪ್ರತಿಯೊಂದನ್ನೂ ಇವರು ಸಂದೇಹಾತ್ಮಕವಾಗಿ ನೋಡುವರು, ಆದರೆ ಯಾವುದರಲ್ಲೂ ಹಿಂಜರಿಯುವ ಸ್ವಭಾವವುಳ್ಳವರಲ್ಲ.  ಇವರ ಅದೃಷ್ಟ ಅಷ್ಟಾಗಿ ಸರಿ ಇರುವುದಿಲ್ಲ,  ತುಂಬಾ ಕಷ್ಟಪಟ್ಟು ದುಡಿದರೂ ಕಷ್ಟಕ್ಕೆ ತಕ್ಕ ಪ್ರತಿಫಲ ದೊರೆಯುವುದಿಲ್ಲ,  ಇವರ ಕಷ್ಟಗಳಿಗೆ ಯಾರೂ ಸ್ಪಂದಿಸುವುದಿಲ್ಲ,  ಮನ್ನಣೆ ಕೊಡುವುದಿಲ್ಲ,  ಆದರೂ ಸಮಾಜ ಇವರನ್ನು ಉಪಯೋಗಿಸಿಕೊಳ್ಳುತ್ತದೆ,  ಇವರು ಸಮಾಜದಲ್ಲಿ ಗಣ್ಯರಾಗಿಯೇ  ಉಳಿಯುತ್ತಾರೆ. ಇವರು ಹೆಚ್ಚು ಭರವಸೆ ಕೊಡುವುದಿಲ್ಲ, ನ್ಯಾಯವಾದುದಕ್ಕೆ ಇವರ ಸಹಾಯ ಇರುತ್ತದೆ,  ಎಲ್ಲಾ ಪ್ರಮುಖ ಕಾರ್ಯಗಳಿಗೆ ಇವರ ಸಹಾಯ ಹಾಗೂ ಮುಂದಾಳತ್ವ ಇರುತ್ತದೆ.   ಅದೃಷ್ಟಕ್ಕಿಂತಲೂ ಸ್ವಪ್ರಯತ್ನದಿಂದಲೇ ಮುಂದುವರಿಯಬೇಕೆಂಬ ಸ್ವತಂತ್ರವಾದ ಮನೋಧರ್ಮವುಳ್ಳವರು. ನೀತಿನಿಯಮಗಳ ಜಾತಿ ನಿಯಮಗಳ ಬಂಧನಕ್ಕೆ ಒಳಗಾಗಿರಬೇಕೆಂಬ ಶ್ರೇಷ್ಟವಾದ ಮನೋಭಾವನೆಯುಳ್ಳವರು. ಇವ್ರು ಎಲ್ಲಾ ಕೆಲಸ ಗಳಲ್ಲಿಯೂ ನಿಪುಣರು.  ಇವರಿಗೆ ಐಡಿಯಾಗಳು ಸಮೃದ್ಧವಾಗಿರುತ್ತದೆ, ಆದರೆ ನಂಬರ್ 4 ಗೊಂದಲವನ್ನುಂಟು ಮಾಡುತ್ತದೆ. ಇವರಿಗೆ ಮನಸ್ಸಿನಲ್ಲಿ ಅನೇಕ ಅಲೋಚನೆಗಳು ಇರುತ್ತವೆ. ಆದರೆ ಗೊಂದಲ ಹೆಚ್ಚು. ಇವರು ಇದ್ದಕ್ಕಿದ್ದಂತೆ ಪ್ರತಿಕ್ರಿಯಿಸುತ್ತಾರೆ. ಅವರು ಕ್ರಾಂತಿಕಾರಿಗಳು ಮತ್ತು ಸಮಾಜದ ನಿಯಮಗಳನ್ನು ಬದಲಾಯಿಸಲು ಬಯಸುತ್ತಾರೆ. ಇವರಿಗೆ ತಮ್ಮ ಕೆಲಸದ ಮೇಲೆ ನಂಬಿಕೆ ಮತ್ತು ಯಾರು ಸಮಯ ವೇಸ್ಟ್ ಮಾಡುತ್ತಾರೆ ಅವರನ್ನು ಟೀಕಿಸುತ್ತಾರೆ. ಇವರು ಉತ್ತಮ ನಿರ್ವಾಹಕರಾಗಿ ಕೆಲಸ ಮಾಡುತ್ತಾರೆ ಮತ್ತು ಅದನ್ನು ನಿಯೋಜಿಸುವರೆಗೆ ಅಲ್ಲಿಗೆ ಅಂಟಿಕೊಂಡಿರುತ್ತಾರೆ. ಪ್ರಮಾಣಿಕ ಮತ್ತು ಹಾರ್ಡ್‌ವರ್ಕಿಂಗ್ ವ್ಯಕ್ತಿಗಳು.  ನಾಲ್ಕನೇ ಸಂಖ್ಯೆಯಲ್ಲಿ ಶ್ರೀಮಂತರೂ ಹಾಗೆಯೇ ಬಡವರೂ ಸಹ ಇದ್ದಾರೆ.  ಇವರು ಎಲ್ಲವನ್ನೂ ಮೀರಿ ನಿರ್ಣಯಗಳನ್ನು ತೆಗೆದುಕೊಳ್ಳುವ ಸ್ವಭಾವದವರು.  ಆತ್ಮವಿಶ್ವಾಸ, ಧೈರ್ಯ, ಕೋಪ  ಜೊತೆಗೆ ದುಡುಕುತನ ಹೆಚ್ಚು. ಇತರರ ಅಭಿಪ್ರಾಯಕ್ಕೆ ಸಮ್ಮತಿಸುವವರಲ್ಲ,  ತಮ್ಮದೇ ಆದ ಆಲೋಚನೆ, ನಿರ್ಧಾರಕ್ಕೆ ಹೆಚ್ಚಿನ ಆದ್ಯತೆ ನೀಡುತ್ತಾರೆ.  ಇವರ ಚಿಂತನೆಗಳು  ಸ್ವಲ್ಪಮಟ್ಟಿಗೆ ಹೊಸದಾಗಿರುತ್ತದೆ.

          ಇವರ ಭಕ್ತಿ ಆಡಂಬರಪೂರ್ಣವಾಗಿಯೂ ಕೃತಕವಾಗಿಯೂ ಇರದೆ ಸದಾ ದೈವನಂಬಿಕೆಯುಳ್ಳವರಾಗಿ ಇರುವರು. ಆತ್ಮಗೌರವವನ್ನು ಕಾಪಾಡಿಕೊಳ್ಳುವ ಪ್ರವೃತ್ತಿಯು ಇವರಲ್ಲಿ ತುಂಬಿ ತುಳುಕುತ್ತಿರುತ್ತದೆ. ಅಹಂಕಾರವಿಲ್ಲದೆ ಸಾದಾರಣ ಉಡುಪನ್ನೇ ಧರಿಸುವರು.

        ಗೃಹಸ್ಥ ಜೀವನ:- ಇವರಿಗೆ ಚಿಕ್ಕವಯಸ್ಸಿನಲ್ಲಿಯೇ ವಿವಾಹವು ನಡೆಯುವುದು. ಆದುದರಿಂದ ಕುಟುಂಬವನ್ನು ಸುಸೂತ್ರವಾಗಿ ನಿರ್ವಹಿಸುವ ಭಾರವು ಇವರಿಗೆ ಚಿಕ್ಕವಯಸ್ಸಿನಲ್ಲಿಯೇ ಸಂಭವಿಸುತ್ತದೆ. ಸತಿಪತಿಗಳ ಮಧ್ಯೆ ಪ್ರೇಮ ಬಂಧನವು ಸ್ವಾಭಾವಿಕವಾಗಿ ಇರುವಂತೆ ಕಂಡುಬಂದರೂ ಆಗಾಗ್ಗೆ ಇವರ ಮದ್ಯೆ ಮನಸ್ಥಾಪವು, ಬಿನ್ನಾಬಿಪ್ರಾಯವು ಉಂಟಾದರೂ ಕೂಡಲೇ ಎಲ್ಲವೂ ಸರಿಹೋಗುತ್ತದೆ.  ಇವರಿಗೆ ಸೂಕ್ತ ಜೋಡಿ ಎಂದರೆ ಒಂದನೇ ತಾರೀಖಿನಲ್ಲಿ ಹುಟ್ಟಿರುವವರು.  2,  6 ನೇ ತಾರೀಖಿನಲ್ಲಿ ಜನಿಸಿದ ಸಂಗಾತಿಯೂ ಸಹ ಸೂಕ್ತವಾಗಿರುತ್ತಾರೆ.  ನಂಬರ್ 4 ಮತ್ತು 8 ಚೆನ್ನಾಗಿ ಇರುವುದಿಲ್ಲ: ಇವರು 1, 2, 4, 7 ಮತ್ತು 8 ದಿನಾಂಕದಲ್ಲಿ ಜನಿಸಿದವರೊಂದಿಗೆ ಚೆನ್ನಾಗಿ ಸಂವಹನ ನಡೆಸಬಲ್ಲರು. 8 ಸಂಖ್ಯೆಯು 4 ಸಂಖ್ಯೆಯವರನ್ನು ಅತಿಯಾಗಿ ಆಕರ್ಷಿಸುತ್ತದೆ. ಆದರೆ ಇವರಿಬ್ಬರು ಸ್ವಲ್ಪಮಟ್ಟಿನ ವೈರಿಗಳೂ ಹೌದು. ಇವರಿಬ್ಬರೂ ತಂದೆಯೊಂದಿಗೆ ಕೆಟ್ಟ ಸಂಬಂಧವನ್ನು ಹೊಂದಿರುತ್ತಾರೆ. ಒಂದೋ ಇವರ ತಂದೆ ಜೀವಂತ ಇರುವುದಿಲ್ಲ ಅಥವಾ ತಂದೆ-ಮಗನಲ್ಲಿ ಕಾಂಪ್ಲೆಕ್ಸ್ ರಿಲೇಶನ್‌ಶಿಪ್ ಇರುತ್ತದೆ. ಮಹಿಳೆಯರಾದರೆ ಕುಟುಂಬದ ಎಲ್ಲ ಜವಾಬ್ದಾರಿಯನ್ನು ತೆಗೆದುಕೊಳ್ಳುತ್ತಾರೆ. ಆದರೆ ಅವರಿಗೆ ಯಾವುದೇ ಮನ್ನಣೆ ಸಿಗುವುದಿಲ್ಲ. 

       ಆರ್ಥಿಕ ಪರಿಸ್ಥಿತಿ:- ಈ ಸಂಖ್ಯೆಯವರಲ್ಲಿ ಹಲವರು ಲಕ್ಷ್ಮಿಪುತ್ರರಂತೆ  ಇರುತ್ತಾರೆ, ಪಿತ್ರಾರ್ಜಿತವಾದ  ಆಸ್ತಿಯೊಂದಿಗೆ ಸ್ವಯಾರ್ಜಿತವೂ ಬೇಕಾದಷ್ಟಿದ್ದರೂ ಕೈಗಳು ಮನಸ್ಸು ಧಾರಾಳವಾಗಿರುವುದರಿಂದ  ಧನವನ್ನು ಕೂಡಿಡುವ ಅವಕಾಶವೇ ಇವರಿಗೆ  ಒದಗದು. ಆದರೆ ಇವರುಗಳು ಮಾಡುವ ಖರ್ಚುವ್ಯರ್ಥ ಖರ್ಚಾಗಿರದೆ ಪರೋಪಕಾರಕ್ಕಾಗಿಯೇ ಖರ್ಚಾಗುವುದು.
ಒಂದು ದಿನದಲ್ಲಿ ರಾಜನಾಗಬಹುದು ಮತ್ತು ಮರುದಿನವೇ ದಿವಾಳಿಯಾಗಬಹುದು. ಇವರ ಆರ್ಥಿಕತೆಯಲ್ಲಿ ಏರುಪೇರು ಇರುತ್ತದೆ , ಮತ್ತು ಮಳೆಗಾಲದ ಸಂದರ್ಭಕ್ಕಾಗಿ ಎಂದು ಉಳಿತಾಯ ಮಾಡುವ ಹವ್ಯಾಸವನ್ನು ಹೊಂದಿರುತ್ತಾರೆ.  ಇವರು ಸಾಂದರ್ಭಿಕ ಸಾಲ ಕೊಡುವುದನ್ನು ಕೂಡ ತಪ್ಪಿಸಿಕೊಳ್ಳುತ್ತಾರೆ.  ಇವರಿಗೆ ಇದ್ದಕ್ಕಿದ್ದಂತೆ ದುಡ್ಡು ಬರುತ್ತದೆ ಮತ್ತು ಕಳೆದುಕೊಳ್ಳುತ್ತಾರೆ. ಇವರು ಅಸಾಮಾನ್ಯ ರೀತಿಯಲ್ಲಿ ಹಣ ಖರ್ಚು ಮಾಡುತ್ತಾರೆ. ಮನೆಯಲ್ಲಿ ಎಲ್ಲ ಅನುಕೂಲಗಳು ಇರುತ್ತವ,ೆ ಮತ್ತು ಲಕ್ಷುರಿ ವಾಹನ ತೆಗೆದುಕೊಳ್ಳುವುದು ಎಂದರೆ ಬಹಳ ಇಷ್ಟ.
          ಚೀನಾದ ಸಂಖ್ಯಾಶಾಸ್ತ್ರ ಪ್ರಕಾರ ಸಂಖ್ಯೆ 4 ಎಂದರೆ ಆರ್ಥಿಕತೆ ಎಂದರ್ಥ. 

      ಆರೋಗ್ಯ:- ನಾಲ್ಕನೇ ಸಂಖ್ಯೆಯವರಲ್ಲಿ ಪಿತ್ತದ ತೊಂದರೆ ಹೆಚ್ಚಾಗಿ ಇರುವುದು. ಆದುದರಿಂದ ಇದನ್ನು ಉದ್ರೇಕಿಸುವ ಹಸಿರು ಪದಾರ್ಥಗಳನ್ನು ಅಥವ ಅದಕ್ಕೆ ಸಂಬಂದಿಸಿದ ಆಹಾರವಸ್ತುಗಳನ್ನು ಉಪಯೋಗಿಸದಿರುವುದು  ಒಳ್ಳೆಯದು. ಮೆದುಳಿಗೆ ಸಂಬಂದಿಸಿದ ಕಾಯಿಲೆ, ಅನೀಮಿಯಾ ಮೊದಲಾದ ಕಾಯಿಲೆಗಳು  .ಮತ್ತು  ಅರಿಸಿನ ಕಾಮಾಲೆಯೂ ಇವರಿಗೆ ಬರುತ್ತದೆ.   ಇವರಿಗಿರುವ ರೋಗವನ್ನು ಪತ್ತೆ ಮಾಡುವುದು ಕಷ್ಟ. ಇವರು ಶ್ವಾಸನಾಳ ಕಾಯಿಲೆ, ಪಾರ್ಶ್ವವಾಯು, ಕಣ್ಣು ನೋವು, ಹೃದಯ ಸಂಬಂಧಿ ಕಾಯಿಲೆ, ಅಧಿಕ ರಕ್ತದೊತ್ತಡ, ಮಧುಮೇಹ ಮತ್ತು ಮಾನಸಿಕ ಕಾಯಿಲೆಯಿಂದ ಬಳಲುತ್ತಿರುತ್ತಾರೆ. ಉತ್ತಮ ಆರೋಗ್ಯಕ್ಕಾಗಿ ಮಾಂಸಾಹಾರವನ್ನು ತಪ್ಪಿಸಿ ಒಳ್ಳೆಯ  ತರಕಾರಿ ಸೇವಿಸಬೇಕು ಮತ್ತು ಯೋಗ ಮಾಡಬೇಕು. ಜೊತೆಗೆ ಗಣೇಶನನ್ನು ಪೂಜಿಸಬೇಕು.

       ಮಾನಸಿಕ ಆರೋಗ್ಯ: -- ಮಾನಸಿಕ ಸಮಸ್ಯೆಯಿಂದ ಬಳಲುತ್ತಿದ್ದರೆ ಮೃತ್ಯುಂಜಯ ಮಂತ್ರವನ್ನು ಹೇಳಬೇಕು. ಕುಂಡಲಿಯಲ್ಲಿಯೂ ಸಂಖ್ಯೆ 4 ಆಕ್ಟಿವ್ ಆಗಿದ್ದರೆ ಇವರು ತಂತ್ರ, ಮಂತ್ರ ಮತ್ತು ಯೋಗದಲ್ಲಿ ಆಸಕ್ತಿ ಹೊಂದಿರುತ್ತಾರೆ. ಸರಿಯಾದ ಮಾರ್ಗದರ್ಶನದಲ್ಲಿ ಇವರ ಕುಂಡಲಿಯನ್ನು ಸಕ್ರಿಯಗೊಳಿಸಬಹುದು. ಇವರ ಆರೋಗ್ಯವು ಸಾಮಾನ್ಯವಾಗಿ ಜನವರಿ, ಫೆಬ್ರವರಿ, ಆಗಸ್ಟ್ ಮತ್ತು ಸೆಪ್ಟೆಂಬರ್‌ನಲ್ಲಿ ದುರ್ಬಲವಾಗಿರುತ್ತದೆ. 

         ಉದ್ಯೋಗ  ಮತ್ತು ವ್ಯಾಪಾರ:- ಈ ಸಂಖ್ಯೆಯುಳ್ಳವರಲ್ಲಿ ಕೆಲವರನ್ನುಳಿದು ಇತರರು ಪರಾಧೀನರಾಗಿದ ಕೆಲಸ ಮಾಡುತ್ತಾರೆ,  ತಾವು ಮಾಡುವ ಕೆಲಸವನ್ನು ಎಲ್ಲರೂ ಮೆಚ್ಚುವಂತೆ ತೃಪ್ತಿಕರವಾಗಿ ಮಾಡಿ ಸತ್ಯ ಸಂದರೆನಿಸಿಕೊಳ್ಳುವರು. ಕೆಲವರು ಸರ್ಕಾರದ ಉದ್ಯೋಗದಲ್ಲಿ ಸೇರಿದವರಾಗಿಯೂ ವಕೀಲರಾಗಿಯೂ  ಮಧ್ಯವರ್ತಿಗಳಾಗಿಯೂ  ಕೇಲಸ ಮಾಡುತ್ತಾರೆ. ಹಾಸ್ಟೆಲ್,ಹೋಟೆಲ್ ಗಳನ್ನು ನಡೆಸುವವರು, ಹಾಲ್ಕೋಹಾಲ್ ಮೊದಲಾದವುಗಳನ್ನು ಬೆರೆಸಿದ ಔಷಧಗಳನ್ನು ಮಾರುವವರು ಕೂಡ ಈ ನಾಲ್ಕನೇ ಸಂಖ್ಯೆಯವರಾಗಿರುತ್ತಾರೆ. ಈ  ಸಂಖ್ಯೆಯವರು ಹೆಚ್ಚಿನ ವಿಶ್ಲೇಷಣಾ ಸಾಮರ್ಥ್ಯವನ್ನು ಹೊಂದಿರುತ್ತಾರೆ. ಹಾರ್ಡ್‌ವರ್ಕ್ ಮಾಡುತ್ತಾರೆ. ಆದರೆ ಅರ್ಹತೆಗೆ ತಕ್ಕಂತೆ ಗುರುತಿಸುವಿಕೆ ಇರುವುದಿಲ್ಲ. ಕಂಪ್ಯೂಟರ್, ಸಾಫ್ಟ್‌ವೇರ್ ತಂತ್ರಜ್ಞಾನ, ಮಾಧ್ಯಮ, ಸಂಶೋಧನೆ, ಜ್ಯೋತಿಷ್ಯ, ಕ್ರಿಮಿನಲ್ ಲಾಯರ್, ಸರ್ಜನ್, ಅಸಮಾನ್ಯ ವೃತ್ತಿ, ಆನ್‌ಲೈನ್ ವರ್ಕ್, ಎಂಜಿನಿಯರ್ ವೃತ್ತಿ ಚೆನ್ನಾಗಿ ಹಿಡಿಸುತ್ತದೆ.   
         ಸರಕಾರಿ ಕೆಲಸ ಇವರಿಗೆ ಅಷ್ಟಾಗಿ ಸೂಟ್ ಆಗುವುದಿಲ್ಲ. ಸಾಮಾನ್ಯವಾಗಿ ಹಗರಣಗಳಲ್ಲಿ ತೊಡಗಿಸಿಕೊಂಡಿರುತ್ತಾರೆ ,  ಮತ್ತು ಲಂಚದ ಆರೋಪವಿರುತ್ತದೆ.  ವ್ಯಾಪಾರಸ್ಥರಾಗಿದ್ದರೂ ಸರಕಾರಿ ಟೆಂಡರ್ ಅನ್ನು ತಿರಸ್ಕರಿಸುತ್ತಾರೆ. ಇನ್ಷೂರೆನ್ಸ್, ಪ್ರಾಪರ್ಟಿ ಡೀಲರ್ಸ್‌ ವರ್ಕ್, ಮ್ಯಾಟ್ರಿಮೋನಿಯಲ್ ಸರ್ವಿಸಸ್,  ಷೇರು ಬ್ರೋಕರ್ ಮೊದಲಾದ ಕಮಿಷನ್ ಆಧಾರಿತ ಕೆಲಸವನ್ನು ಚೆನ್ನಾಗಿ ನಿಭಾಯಿಸಬಲ್ಲರು. ಇವರು ಷೇರಿನಲ್ಲಿ ಹಣ ತೊಡಗಿಸಿಕೊಂಡರೆ ಕಳೆದುಕೊಳ್ಳುತ್ತಾರೆ. ಆದರೆ ಇವರ ಸಲಹೆ ಮೇರೆಗೆ ಇತರರು ಹಣ ಹೂಡಿಕೆ ಮಾಡಿದರೆ ಲಾಭ ಪಡೆಯುತ್ತಾರೆ.

        ಇವರಿಗೆ ಸಂಗೀತದಲ್ಲಿ ಆಸಕ್ತಿ, ಹಳೆಯ ಚಿತ್ರಗೀತೆ, ದುಃಖದ ಹಾಡು ಮತ್ತು ಸ ಅರ್ಥಗರ್ಭಿತವಾದ ಮ್ಯೂಸಿಕ್ ಅನ್ನು ಬಹಳ ಇಷ್ಟಪಡುತ್ತಾರೆ.

        ರಾಹುವಿನ ಕಾಲ:- ರಾಹುವಿಗೆ ಪ್ರತ್ಯೇಕವಾದ ಕಾಲವಿಲ್ಲ ಆದರೆ ಶನಿವಾರ ರಾಹುವಿಗೆ ಸೂಕ್ತವಾದ ವಾರ,ರಾಹುಕಾಲ ಪ್ರತಿದಿನದಲ್ಲಿಯೂ ಇರುತ್ತದೆ. ಆ ಒಂದು ಕಾಲವನ್ನು ಅಂದರೆ ೧.೧/೨(ಒಂದುವರೆಗಂಟೆ)ರಾಹುಕಾಲದಲ್ಲಿ ಮಾಡುವ ಎಲ್ಲಕಾರ್ಯಗಳು ಫಲಿಸುವುದಿಲ್ಲ. 

         ರಾಹುವಿನ ದಿಕ್ಕು ಮತ್ತು ಪ್ರದೇಶ:-
ತೆಂಕಣ ದಿಕ್ಕು(ದಕ್ಷಿಣ)ರಾಹುವಿಗೆ ಸೇರಿದ್ದು,ಗುಹೆಗಳು,ಸ್ಮಶಾನಗಳು,ಸುರಂಗಗಳು ಹೆಂಚಿನಮನೆಗಳು ಹಾಳುಬಿದ್ದ ಕಟ್ಟಡಗಳು, ಶುಷ್ಕಕ್ಷೇತ್ರಗಳು ರಾಹುವಿನ  ಸ್ಥಳವಾದ್ದರಿಂದ  ನಾಲ್ಕನೇ ಸಂಖ್ಯೆಯವರು ವಾಸಿಸುವ  ಅಥವ ಸಂಚರಿಸುವ ಸ್ಥಳಗಳು ಸಾಮಾನ್ಯವಾಗಿ ಈ ರೀತಿಯ ಸ್ಥಳಗಳೇ ಆಗಿರುತ್ತವೆ.

        ಅದೃಷ್ಟದ ರತ್ನ:- ರಾಹುವಿಗೆ ಗೋಮೇಧಕ ಶುಭರತ್ನವಾಗಿದೆ,  ಹಳದಿ ಬಣ್ಣದ ರತ್ನವನ್ನು ಉಂಗುರದಲ್ಲಾಗಲಿ ಕೊರಳಲ್ಲಾಗಲಿ ಧರಿಸುವುದರಿಂದ ಇವರುಗಳಿಗೆ ಬರಬಹುದಾದ ರೋಗಗಳನ್ನು ತಡೆದು ಕಾಪಾಡುತ್ತದೆ. ಜಯವನ್ನುತರುತ್ತದೆ.

         ಅದೃಷ್ಟದ ಬಣ್ಣ :-- ಬೂದುಬಣ್ಣ(ಗ್ರೇಕಲ್ಲರ್) ಸಾದಾರಣ ಹಳದಿ ಬಣ್ಣವು ನಾಲ್ಕನೇ ಸಂಖ್ಯೆಯವರಿಗೆ ಶುಭ ತರುತ್ತವೆ. ಐಶ್ವರ್ಯ ವನ್ನು ಕೊಡುವಂಥದು

          ಅನುಕೂಲ ದಿನಾಂಕಗಳು:-೧,೧೦.೧೯. 2, 11,20  ದಿನಾಂಕಗಳು ಲಾಭತರುತ್ತವೆ,ಯಾವುದೇ ಶುಭಕಾರ್ಯ ಆರಂಭ ಮತ್ತು ಹೊಸ ಉದ್ಯೋಗಾರಂಭಕ್ಕೆ ಈ ದಿನಾಂಕದಂದು ಆರಂಬಿಸುವುದು ಅನುಕೂಲವುಂಟಾಗುತ್ತದೆ. ಹಾಗೆಯೇ  ಭಾನುವಾರ ಯಾವ ಕೆಲಸ ಪ್ರಾರಂಭಿಸಿದರೂ ಶುಭವಾಗುವುದು. 

       ಉಳಿದ ದಿನಾಂಕಗಳು ಶುಭಕಾರ್ಯಾರಂಭಕ್ಕೆ ಶುಭಪ್ರದವಲ್ಲ.

      ಗ್ರಹಪ್ರೀತಿ :---

      ರಾಹುಗ್ರಹದ ಅಧಿದೇವತೆ ದುರ್ಗಾಮಾತೆ,  4 ಸಂಖ್ಯೆಯವರಿಗೆ ಕಷ್ಟ ಬಂದ ಕಾಲದಲ್ಲಿ  ದುರ್ಗಾ ಸಪ್ತಶತಿ ಪಾರಾಯಣ ಮಾಡಬಹುದು.

ಓಂ ಹ್ರೀಂ  ದುಂ ದುರ್ಗಾಯೈ ನಮಃ

ಈ  ದುರ್ಗಾಮಂತ್ರವನ್ನು  ಜಪಿಸುವುದರಿಂದ ಕೂಡ  ರಾಹುವಿನ  ಕೃಪೆಗೆ  ಪಾತ್ರರಾಗಬಹುದು.

 ಬೀಜಾಕ್ಷರಿ  ಮಂತ್ರ  :--- 

ಓಂ  ಬ್ರಾಂ  ಬ್ರೀಮ್  ಬ್ರೌಮ್  ನಮಃ  ಶ್ರೀ  ರಾಹವೇ ನಮಃ
 ( ಜಪ ಸಂಖ್ಯೆ  18,000 )

"  ಯೋ ವಿಷ್ಣುನೈವಾಮೃತಮ್ ಪೀಯಮಾನ0
ಶಿರಶ್ಚಿತ್ವಾಗ್ರಹಭಾವೇನಾಯುಕ್ತಃ
ಯಶ್ಚಂದ್ರಸೂರ್ಯೋಗ್ರಸತೇ ಪರ್ವಕಾಲೇ
ರಾಹುಂ ಸದಾ ಶರಣಮಹಂ ಪ್ರಪದ್ಯೇ"

"  ಅರ್ಧಕಾಯಮ್  ಮಹಾವೀರ್ಯಂ
ಚಂದ್ರಾದಿತ್ಯ  ವಿಮರ್ಧನಮ್
ಸಿಂಹಿಕಾ  ಗರ್ಭ  ಸಂಭೂತಮ್
ತಂ  ರಾಹುಂ  ಪ್ರಣಮಾಂಯಹಂ "

ರಾಹು ಪೀಡಾ ಪರಿಹಾರ ಸ್ತೋತ್ರ :--

ಮಹಾಶಿರಾ  ಮಹಾವಕ್ರೋ
ಧೀರ್ಘದಂಸ್ಟ್ರೋ  ಮಹಾಬಲಃ
ಆತನುಶ್ಚೊರದ್ವಕೇಶಶ್ಚ
ಪೀಡಾಂ ಹರತು ಮೇ ಶಿಖೀ

ರಾಹು  ಗಾಯತ್ರಿ ಮಂತ್ರ :-- 

ಓಂ  ನಾಗದ್ವಜಾಯ  ವಿದ್ಮಹೇ
ಪದ್ಮಹಸ್ತಾಯ  ಧೀಮಹಿ
ತನ್ನೋ ರಾಹು  ಪ್ರಚೋದಯಾತ್

ಈ  ಮಂತ್ರಗಳ  ಪಠಣೆಯಿಂದ  ರಾಹುವಿನ  ಕೃಪೆಗೆ  ಪಾತ್ರರಾಗ ಬಹುದು. 

ರಾಹು : ಸಹೋದರತ್ವ, ಮಮತೆಯ ಸಂಕೇತ.
ಗುರು, ಹಿರಿಯರನ್ನು ಗೌರವಿಸಿ. ಕ್ಯಾನ್ಸರ್‌ನಂತ ಮಾರಣಾಂತಿಕ ಕಾಯಿಲೆಗಳಿಂದ ಬಳಲುತ್ತಿರುವವರಿಗೆ ಆರ್ಥಿಕವಾಗಿ ಸಹಾಯ ಮಾಡಿ. ಅವರನ್ನೂ ನಿಮ್ಮ ಮಕ್ಕಳಂತೆ ಉಪಚರಿಸಿ,  ಆಗ ರಾಹು ಗ್ರಹ ಖಂಡಿತ ಒಳ್ಳೆಯದನ್ನು.ಮಾಡುತ್ತದೆ.

       ✍ ಡಾ: B.N. ಶೈಲಜಾ ರಮೇಶ್

ಕೋಪ : ಜ್ಯೋತಿಷ್ಯದ ಕಾರಣಗಳು

                              ಹರಿಃ ಓಂ

                      ಶ್ರೀ ಗುರುಭ್ಯೋನಮಃ

             ಶ್ರೀ  ಮಹಾ  ಗಣಪತಯೇನಮಃ

ಕೋಪ :--
ಜ್ಯೋತಿಷ್ಯದ ಕಾರಣಗಳು :---

Picture source : internet/ social media

           ಕೋಪ ಅಥವಾ ಕ್ರೋಧ ವ್ಯಕ್ತ ಪಡಿಸುವಿದು ಮನುಷ್ಯನ ಅಸಾಮಾನ್ಯ ನಡತೆ.  ಈ ಅಸಾಮಾನ್ಯ ನಡತೆ ಕೆಲವರಲ್ಲಿ  ಹೆಚ್ಚಾಗಿದ್ದರೆ ಕೆಲವರಲ್ಲಿ ಸಾಧಾರಣವಾಗಿರುತ್ತದೆ.  ಕೆಲವರಲ್ಲಂತೂ ಕೋಪಬಂದರೆ  ಮುಖ ಕೆಂಪಾಗಿ ಮುಖದ ಆಕಾರವೇ ಬದಲಾಗಿ ನೋಡಲು ತುಂಬಾ ವ್ಯಗ್ರ ರಂತೆ ಕಾಣುತ್ತಾರೆ ಇಂಥವರನ್ನು  " ಕೋಪಿಷ್ಟ "  ಎಂದೇ ಗುರುತಿಸುತ್ತಾರೆ.  ಜ್ಯೋತಿಷ್ಯ ದ ದೃಷ್ಟಿಯಿಂದ  ಈ ಅಧಿಕ ಸಿಟ್ಟಿಗೆ  ಕಾರಣವೇನು ಎಂಬುದನ್ನು ತಿಳಿಯೋಣ.

           ಜ್ಯೋತಿಷ್ಯದಲ್ಲಿ ಮನುಷ್ಯನ ಪ್ರವೃತ್ತಿಯ ಅಧ್ಯಯನವನ್ನು  ಸಾಮಾನ್ಯವಾಗಿ  ಲಗ್ನ,  ಲಗ್ನಾಧಿಪತಿ,  ಸೂರ್ಯ, ಚಂದ್ರ ಹಾಗೂ  ಕುಜನ ಆಧಾರದ ಮೇಲೆ  ಮಾಡಲಾಗುತ್ತದೆ. ಮನುಷ್ಯನ ಪ್ರವೃತ್ತಿ ತುಂಬಾ ಕ್ಲಿಷ್ಟವಾದುದು,  ಹಾಗೆ ನೋಡಿದರೆ ಇದರ ಅಧ್ಯಯನವನ್ನು  ಒಂದೆರಡು ಭಾವ ಅಥವಾ ಒಂದೆರಡು ಗ್ರಹಗಳ ಆಧಾರದಿಂದ ಮಾಡಲಾಗದು.  ಇದನ್ನು ಹನ್ನೆರಡು ಭಾವಗಳು ಹಾಗೂ ಒಂಬತ್ತು ಗ್ರಹಗಳ ಸಂಯೋಗದಿಂದ ಅರ್ಥೈಸಬಹುದು,  ಯಾವುದೇ ವ್ಯಕ್ತಿಗೆ ಅಧಿಕ ಕೋಪ ಬರಲು  ಈ  ಕೆಲವು ಜ್ಯೋತಿಷ್ಯ ಕಾರಣಗಳಿರುತ್ತವೆ.

ಅವುಗಳು ಯಾವುವು ಎಂಬುದನ್ನು  ನೋಡೋಣ

1.  ಮೇಷ,  ಸಿಂಹ,  ವೃಶ್ಚಿಕ ಲಗ್ನದ ಜಾತಕರಿಗೆ                                                            ಸಾಮಾನ್ಯ ಕೋಪ ಹೆಚ್ಚು.

2.  ಲಗ್ನದಲ್ಲಿ  ಕುಜ ಅಥವಾ ರವಿ ಸ್ಥಿತರಿದ್ದರೆ ಜಾತಕ ರಿಗೆ ಅಧಿಕ ಕೋಪ,  ಇಂಥವರನ್ನು ಕೋಪ ಪ್ರವೃತ್ತಿಯವರೆಂದೇ ಪರಿಗಣಿಸಲಾಗುತ್ತೆ.

3.  ಕುಂಡಲಿಯ ಸಪ್ತಮಭಾವದಲ್ಲಿ ಕುಜ ಅಥವಾ ರವಿ ಸ್ಥಿತವಾಗಿದ್ದರೂ  ಕೋಪ ಜಾಸ್ತಿ.

4.  ಷಷ್ಟ ಭಾವದಲ್ಲಿ ಕುಜ ಸ್ಥಿತನಾಗಿದ್ದರೂ   ಕೋಪ ಜಾಸ್ತಿ.

5.  ಲಗ್ನಾಧಿಪತಿ ದುರ್ಬಲನಾಗಿದ್ದು ಮತ್ತು ಕುಜನ ಯುತಿ ಅಥವಾ ದೃಷ್ಟಿಯಿದ್ದರೆ  ಸಾಮಾನ್ಯಕ್ಕಿಂತ ಅಧಿಕ ಕೋಪ.

6.  ಜಾತಕದಲ್ಲಿ  ಚಂದ್ರನಿಗೆ ಕುಜನ ಸಂಬಂಧ ಬಂದರೂ ( ದೃಷ್ಟಿ ಅಥವಾ ಯುತಿ)  ಜಾತಕನಿಗೆ ಅಧಿಕ ಕೋಪ.

7.  ಕುಜನ ನಕ್ಷತ್ರ ದಲ್ಲಿ ಲಗ್ನಾಧಿಪತಿ ಸ್ಥಿತನಿದ್ದರೆ, ಅಥವಾ ಕುಜನೊಂದಿಗೆ ಯುತಿ ಪಡೆದ ಗ್ರಹದ ನಕ್ಷತ್ರ ದಲ್ಲಿ ಲಗ್ನಾಧಿಪತಿ ಇದ್ದರೂ ಜಾತಕನಿಗೆ ಕೋಪ ಬರುವ ಸಂಭವ ಜಾಸ್ತಿ.

8.  ಚಂದ್ರನು ಷಷ್ಟ ಅಥವಾ ಅಷ್ಟಮದಲ್ಲಿದ್ದರೆ  ಅಥವಾ ಷಷ್ಟಾಷ್ಟಮ ಭಾವಾಧಿಪತಿಗಳ ಯುತಿಯಲ್ಲಿದ್ದರೆ ಜಾತಕನಿಗೆ ಕೋಪ ಬರುತ್ತದೆ,  ಈ ಕೋಪ ಅಲ್ಪಕಾಲವಿದ್ದರೂ... ಇದರ ತೀವ್ರತೆ ಮಾತ್ರ ಅಧಿಕವಾಗಿರುತ್ತದೆ.

9.  ಜಾತಕದಲ್ಲಿ ಶುಭ ಯೋಗಗಳಿಗಿಂತ ಅಶುಭಯೋಗಗಳು ಜಾಸ್ತಿಯಿದ್ದರೂ ಕೂಡ ಜಾತಕನು ಕೋಪಾವಿಷ್ಟನಾಗುತ್ತಾನೆ.

10.  ಜಾತಕದಲ್ಲಿ ಲಗ್ನಾಧಿಪತಿಯೊಂದಿಗೆ  2,  9, 10 ನೇ ಅಧಿಪತಿಗಳು ದುರ್ಬಲರಾಗಿದ್ದರೂ ಕೂಡ  ಜಾತಕನಿಗೆ ಕೋಪ.

11.  ಜನ್ಮ ಕುಂಡಲಿಯ ಸಪ್ತಮ ಭಾವದಲ್ಲಿ ಪಾಪಗ್ರಹಗಳು ಸ್ಥಿತರಾಗಿದ್ದರೆ,  ಜಾತಕನಿಗೆ ಕುಜದೋಷವಿದ್ದರೂ ಸಹ ಅಧಿಕ ಕೋಪ.

12.  ಸಪ್ತಮಾಧಿಪತಿ  ದುರ್ಬಲನಾಗಿದ್ದರೂ,  ಸಪ್ತಮಾಧಿಪತಿ ಪಂಚಮದಲ್ಲಿದ್ದರೂ ಅಥವಾ ಪಾಪ ಗ್ರಹಗಳ ಸಂಪರ್ಕ ಪಡೆದಿದ್ದರೂ  ಜಾತಕನಿಗೆ ಕೋಪವಿರುತ್ತದೆ.

13.  ಲಗ್ನಾಧಿಪತಿ  6, 8 ರಲ್ಲಿ ಸ್ಥಿತರಾದರೂ ಜಾತಕನಿಗೆ ಕೋಪ ಬರುವ ಸಂಭವ ಹೆಚ್ಚು.

14.  ರಾಹುವಿನ ನಕ್ಷತ್ರ ದಲ್ಲಿ ಲಗ್ನಾಧಿಪತಿ ಇದ್ದರೆ ಅಧಿಕ ಕೋಪ.

15.  ಒಂದು ವೇಳೆ ಷಷ್ಟಾಧಿಪತಿ, ಅಷ್ಟಮಾಧಿಪತಿ, ಅಥವಾ  ಮಾರಕ ಗ್ರಹಗಳಿಂದ ಜಾತಕನು ಪೀಡಿತನಾಗಿದ್ದರೂ ಕೂಡ ಜಾತಕನಿಗೆ ಅಧಿಕ ಕೋಪವಿರುತ್ತದೆ.

16.  ಗೋಚಾರ ದಲ್ಲಿ ರವಿಯು  ಲಗ್ನ, ಷಷ್ಟ,  ಸಪ್ತಮ, ಅಷ್ಟಮ, ದ್ವಾದಶ ಭಾವದಲ್ಲಿ ಸಂಚರಿಸುತ್ತಿದ್ದರೆ  ಮತ್ತು ಲಗ್ನದ ಮೇಲೆ ಕುಜನ, ರಾಹುವಿನ  ಅಥವಾ  ಶನಿಯ ಗೋಚಾರದ ಪ್ರಭಾವವಿದ್ದರೆ,  ಆ ಸಮಯದಲ್ಲಿ ಜಾತಕನಿಗೆ ಅಧಿಕ ಕೋಪವಿರುತ್ತದೆ.

17.  ಗೋಚಾರದಲ್ಲಿ ಕುಜನು 1, 4, 6, 7, 8, 12 ನೇ ಮನೆಯಲ್ಲಿ ಸಂಚರಿಸುತ್ತಿದ್ದರೆ.  ಮತ್ತು ಜಾತಕನಿಗೆ  ಸಾಡೇಸಾತಿ ನಡೆಯುವಾಗ ಅಧಿಕ ಕೋಪ ಬರುತ್ತದೆ.

18.  ಲಗ್ನಾಧಿಪತಿ ದುರ್ಬಲನಾಗಿದ್ದು,  ಗೋಚಾರದಲ್ಲಿ  ಚಂದ್ರನು 4, 8, 12 ನೇ ಭಾವದ ಮೇಲೆ ಪರಿಭ್ರಮಣ ಮಾಡುವಾಗ ಜಾತಕನಿಗೆ ಅಧಿಕ ಕೋಪ ಬರುತ್ತದೆ.

           ಕೋಪವು ಪ್ರಗತಿಯನ್ನು ಕುಂಠಿತಗೊಳಿಸುತ್ತದೆ.  ಹಾಗಾಗಿ  ಯಾವ ಜಾತಕರು  ಪ್ರತೀಕೂಲ ಗ್ರಹಗಳ ದೆಸೆಯಿಂದ ಕೋಪಾವಿಷ್ಟರಾಗುತ್ತಾರೋ  ಆಗ ಅದರಿಂದ ಆಗುವ ಹಾನಿಯಿಂದ ರಕ್ಷಣೆ ಪಡೆಯಲು  ಈ ಕೆಳಗಂಡ ಪರಿಹಾರವನ್ನು ಮಾಡಬಹುದು.

◆  ಲಗ್ನಾಧಿಪತಿಯ  ರತ್ನ ಧರಿಸಬಹುದು.

◆   ಏಕಮುಖಿ ರುದ್ರಾಕ್ಷಿ ಧಾರಣೆ ಮಾಡಬಹುದು

◆   ಯಾವ ಗ್ರಹದ ಕಾರಣದಿಂದ ಕೋಪ ಉತ್ಪನ್ನಗೊಳ್ಳುತ್ತಿದೆಯೋ  ಆ ಗ್ರಹದ ಮಂತ್ರಜಪ ಮಾಡಬೇಕು.

         ✍   B.N.ಶೈಲಜಾ ರಮೇಶ್

ಕರಣದಿಂದ ಕಾರ್ಯಸಿದ್ಧಿ

                             ಹರಿಃ ಓಂ

                   ಶ್ರೀ ಗುರುಭ್ಯೋನಮಃ

             ಶ್ರೀ ಮಹಾಗಣಪತಯೇ ನಮಃ

*ಕರಣದಿಂದ ಕಾರ್ಯಸಿದ್ಧಿ.*

*****************

          ನಾವು ಮಾಡುವ ಪ್ರತಿ ಶುಭ ಕಾರ್ಯಕ್ಕೆ  ಗುರುಬಲ,  ತಾರಾಬಲ,  ಚಂದ್ರಬಲ, ಪಂಚಾಂಗ ಶುದ್ಧಿ ನೋಡಿ  ಕಾರ್ಯ ಶುರು ಮಾಡುತ್ತೇವೆ.   ಹಾಗೆಯೇ ಪ್ರತಿ ಹೊಸ ಕೆಲಸ ಪ್ರಾರಂಭಿಸುವಾಗ  ಗುರುಬಲದ ಹೊರತಾಗಿಯೂ  ತಾರಾಬಲ ಚಂದ್ರಬಲ ನೋಡಿ ಕಾರ್ಯಾರಂಭ ಮಾಡುತ್ತೇವೆ..  ಆದರೂ ಒಮ್ಮೊಮ್ಮೆ ಕಾರ್ಯವಿಘ್ನವಾಗಿ ಮಾನಸಿಕವಾಗಿ ಬಳಲುತ್ತೇವೆ. ಕೆಲವು ವೇಳೆ ಶತ್ರುಗಳಿಂದ  ಮಾಂತ್ರಿಕ ರೀತಿಯಿಂದಲೂ ಅಡ್ಡಿ ಆತಂಕಗಳು ಬರಬಹುದು ನಮ್ಮ ಪ್ರಯತ್ನ ವಿಫಲವಾದಾಗ,  ನಮ್ಮ ಏಳಿಗೆಗೆ ಅಡ್ಡಿ ಆತಂಕಗಳು ಬಂದಾಗ ಜ್ಯೋತಿಷ್ಯ ಶಾಸ್ತ್ರದ ಬಗ್ಗೆ ನಂಬಿಕೆ ಕಳೆದುಕೊಳ್ಳುವುದು ಸಹಜ.

         ಕೇವಲ   ತಾರಾಬಲ, ಚಂದ್ರಬಲ,  ತಿಥಿವಾರ ನಕ್ಷತ್ರ ಗಳಷ್ಟೇ ಅಲ್ಲ  ನಾವು ಕರಣಗಳಿಗೂ ಪ್ರಾಮುಖ್ಯತೆ ಕೊಡಬೇಕಾಗುತ್ತದೆ. 

ಯಾವ ಯಾವ ಕರಣಗಳಲ್ಲಿ ಯಾವ ಕೆಲಸ ಶುಭವಾಗುವುದೆಂದು  ನೋಡೋಣ.

ಕರಣಗಳು ಒಟ್ಟು ಹನ್ನೊಂದು

ಅವುಗಳೆಂದರೆ 1, ಭವ.     2,  ಬಾಲವ.    3,  ಕೌಲವ.    4,  ತೈತುಲ.   5,  ಗರಜ.    6,  ವಣಿಜ.    7,  ಭದ್ರ.    8,   ಶಕುನಿ.   9,  ಚತುಶ್ಮಾನ್.   10  ನಾಗವಾನ್.   11,  ಕಿಂಸ್ತುಜ್ಞ

        ಯಾವ ಕರಣಗಳಲ್ಲಿ  ಯಾವ ಕಾರ್ಯ ಮಾಡಬಹುದು, ಫಲಗಳೇನೆಂದು ತಿಳಿಯೋಣ.

*1.  ಭವ*   ಈ ಕರಣದಲ್ಲಿ ಯಾವುದೇ ಹೊಸ ಕೆಲಸ ಪ್ರಾರಂಭಿಸಿದರೆ  ಶುಭ.  ಉತ್ತಮ ಫಲಿತಾಂಶ ವನ್ನು ನಿರೀಕ್ಷಿಸಬಹುದು.

*2,  ಬಾಲವ :*  ಈ  ಕರಣದಲ್ಲಿ  ಬ್ಯಾಂಕು,  ವಿದ್ಯಾಸಂಸ್ಥೆ,  ಒಪ್ಪಂದ ಮುಂತಾದ ಕೆಲಸಗಳು  ಪ್ರಾರಂಭಿಸಬಹುದು.   ಶುಭ

*3,  ಕೌಲವ :*  ಸರಕಾರದ ಕೆಲಸ,  ಪಾರ್ಟ್ನರ್ಶಿಪ್  ವ್ಯಾಪಾರ,  ಹೊಸ ವ್ಯವಹಾರಕ್ಕೆ ಮಾತುಕತೆಗೆ  ಉತ್ತಮ.

*4,  ತೈತುಲ :*   ಶುಭಕಾರ್ಯಕ್ಕೆ ಅಷ್ಟು ಸಮಂಜಸವಲ್ಲ  ಯಾವುದೇ ಸಂಸ್ಥೆ ಯಾಗಲೀ,  ಮನೆ ಕಟ್ಟಡ ನಿರ್ಮಾಣ,  ಭೂಮಿ ಅಗೆಯುವ ಕೆಲಸ ಮಾಡಬಾರದು.   ಮಿಶ್ರಫಲ.

*5,  ಗರಜ:*  ಭೂಮಿ ಕ್ರಯ - ವಿಕ್ರಯ,  ರಸ್ತೆ ನಿರ್ಮಾಣ, ಮನೆ ಕಟ್ಟಲು ಭೂಮಿ ಅಗೆಯುವುದು,  ಕಟ್ಟಡ ನಿರ್ಮಾಣಕ್ಕೆ,  ಫ್ಯಾಕ್ಟರಿ ನಿರ್ಮಾಣಕ್ಕೆ ಉತ್ತಮವಾದುದು.. ಶುಭ.

*6,  ವಣಿಜ :* ಹೊಸ ವ್ಯಾಪಾರ - ವ್ಯವಹಾರ ಪ್ರಾರಂಭ,  ಅಂಗಡಿ  ಪ್ರಾರಂಭ,  ಬ್ಯಾಂಕಿನ  ವಹಿವಾಟು,  ಸಾಲ ಕೊಡುವುದು - ಪಡೆಯುವುದು,  ಬಂಡವಾಳ ಹೂಡುವುದು,  ಹಣ ಶೇಖರಣೆ ಮುಂತಾಡುವಕ್ಕೆ ಈ ಕರಣವು ಸೂಕ್ತ.    ಶುಭ.

*7,  ಭದ್ರ :*  ಯಾವುದೇ ಕೆಲಸವಾದರೂ ಪೂರ್ತಿ ಆಗುವುದಿಲ್ಲ,  ಅರ್ಧಕ್ಕೇ ನಿಲ್ಲುವುದು,  ನ್ಯಾಯಾಲಯದ ಮೆಟ್ಟಲೇರಬೇಕಾಗುವುದು,  ನೆರೆಹೊರೆಯರಲ್ಲಿ ಜಗಳ ಆಗುವುದು,  ಒಂದುವೇಳೆ ಬಲವಂತವಾಗಿ ಕಾರ್ಯ ಸಾಧಿಸಿದರೆ  ಮರಣದಲ್ಲಿ ಪರ್ಯಾವಸಾನವಾಗುವುದು.

         ವಿವಾಹವಾದರೆ ನೆಮ್ಮದಿ ಜೀವನವಿಲ್ಲ, ಗೃಹಾರಂಭ,  ಗೃಹಪ್ರವೇಶ  ಮಾಡಿದರೆ ಆ ಮನೆಯು ಅನ್ಯರ ವಶವಾಗುವುದು,  ದೇವತಾ ಪ್ರತಿಷ್ಟಾಪನೆ  ಮಾಡಿದರೆ ಮಾಡಿದ ವ್ಯಕ್ತಿಗೆ ತೊಂದರೆ.     ಅಶುಭ.

*8, ಶಕುನಿ :*   ಈ ಕರಣದಲ್ಲಿ ಪ್ರಾರಂಭಿಸಿದ  ಯಾವುದೇ ಕೆಲಸವು  ಪುನಃ ಪುನಃ ಪ್ರಾರಂಭಿಸುವ ಹಾಗೆ ಆಗುತ್ತದೆ , ಕೆಲಸ ಪೂರ್ತಿಯಾಗುವುದಿಲ್ಲ,  ವಿಪರೀತ ಖರ್ಚು,  ಮನಃಶಾಂತಿ ಇರುವುದಿಲ್ಲ.     ಅಶುಭ.

*9, ಚತುಶ್ಮಾನ್ :* ಇದೊಂದು ಕ್ರೂರ ಕರಣ,  ಅಶಾಂತಿಯ ವಾತಾವರಣ  ನಿರ್ಮಾಣ ವಾಗುತ್ತದೆ,  ವಿಪರೀತ ಧನಹಾನಿ, ಕೋರ್ಟು ವ್ಯವಹಾರದಲ್ಲಿ ಅಪಜಯ,  ದುಷ್ಟ ಜನರಿಂದ.ಮಾನಸಿಕ ಹಿಂಸೆ, ಚಿಂತೆ.     ಅಶುಭ.

*10,  ನಾಗವಾನ್*: ಈ ಕರಣದಲ್ಲಿ  ಯಾವ ಕೆಲಸ ಮಾಡಿದರೂ  ಜಗಳ, ಕದನ,  ಅಪಘಾತ,  ಕಾರ್ಯವಿಘ್ನ,  ಶತ್ರುಭಯ,  ಅಶಾಂತಿಯ ವಾತಾವರಣ,  ಮಾಂತ್ರಿಕ ಭಾಧೆ ಉಂಟಾಗುತ್ತದೆ.

*11,  ಕಿಂಸ್ತುಜ್ಞ :* ಈ ಕರಣದಲ್ಲಿ ಪ್ರಾರಂಭಿಸಿದ  ಯಾವುದೇ ಕೆಲಸವು ಪರರ ಪಾಲಾಗುತ್ತದೆ,  ಸ್ವಾತಂತ್ರ್ಯ ದಿಂದ  ವಂಚಿತರಾಗುತ್ತಾರೆ, ಭ್ರಮಾಜೀವನ.   ಅಶುಭ.

          

          ಆದಕಾರಣ  ಯಾವುದೇ ಕೆಲಸ ಪ್ರಾರಂಭಿಸುವಾಗ  ತಾರಾಬಲ,  ಚಂದ್ರಬಲ, ದಿನಶುದ್ಧಿಯ ಜೊತೆಗೆ  ಕರಣ ಶುದ್ಧಿಯೂ ನೋಡಿ ಮಾಡಿದರೆ ಒಳಿತು.

✍  *ಡಾ: B.N. ಶೈಲಜಾ ರಮೇಶ್*

ಯುಗಾದಿ

                             ಹರಿಃ ಓಂ

                  ಶ್ರೀ ಗುರುಭ್ಯೋ ನಮಃ

           ಶ್ರೀ.ಮಹಾಗಣಪತಯೇ ನಮಃ



                  ಬೇವಿನ ಕಹಿಯ ಮರೆತು
                  ಬೆಲ್ಲದ ಸಿಹಿಯ ಜೊತೆಗೆ
                  ಬೇಳೆಯ  ಸವಿ  ಹೂರಣ

                 ಹಳೆಯದೆಲ್ಲ ಕಹಿ ಮರೆತು
                 ಹೊಸವರ್ಶದ ಸಂಭ್ರಮದೇ
                 ಬದುಕಾಗಲಿ ಪೂರ್ಣ

        ನನ್ನೆಲ್ಲ ಸನ್ಮಿತ್ರರಿಗೆ  ಶ್ರೀ ವಿಕಾರಿ ನಾಮ  ಸಂವತ್ಸರವು ಸಕಲ ವಿಧವಾದ  ಸುಖ ಸಂಪದ  ತರಲೆಂದು ಹಾರೈಸುವೆ

ಯುಗಾದಿ ಹಬ್ಬದ ಹಾರ್ದಿಕ ಶುಭಾಶಯಗಳು
               

ನವಯುಗಾದಿ  ಆಚರಣೆ, ಜ್ಯೋತಿಷ್ಯ ಹಾಗೂ ವೈಜ್ಞಾನಿಕ ಹಿನ್ನಲೆ:---

        ಯುಗಾದಿ  ಹೆಸರೇ ಹೇಳುವಂತೆ ಯುಗದ ಆದಿ.  "ಯುಗಾದಿ" ಪದದ ಉತ್ಪತ್ತಿ "ಯುಗ+ಆದಿ" - ಹೊಸ ಯುಗದ ಆರಂಭ ಎಂದು.

        ಯುಗಾದಿ ಅಥವಾ ಉಗಾದಿ ಎಂದರೆ ಸೃಷ್ಟಿಯ ಆರಂಭ ಅಥವಾ ಹೊಸ ಸಂವತ್ಸರ ಎಂದು ಹಿರಿಯರು ಹೇಳುತ್ತಾರೆ.   ಸೃಷ್ಟಿಕರ್ತನಾದ ಬ್ರಹ್ಮದೇವನು ಈ ದಿನದಿಂದಲೇ ತನ್ನ ಸೃಷ್ಟಿ ಕ್ರಿಯೆ ಆರಂಭಿಸಿದ್ದು ಎನ್ನುವ ಅಂಶವೂ ಯುಗಾದಿಯ ಆಚರಣೆಯೊಂದಿಗೆ ಸೇರಿಕೊಂಡಿದೆ.

        ಯುಗಾದಿ ತತ್ಸಮ ಪದವಾದರೆ ಉಗಾದಿ ತದ್ಭವ, ಯುಗಾದಿ ಹಬ್ಬವು ಪೌರಾಣಿಕ ಹಾಗೂ ಐತಿಹಾಸಿಕ ವಿಶೇಷತೆಗಳ ದಿನವಾಗಿದೆ. ಇದು ಬ್ರಹ್ಮದೇವನ ಸೃಷ್ಟಿಯ ದಿನ.  ಚೈತ್ರಶುದ್ಧ ಪಾಡ್ಯದಂದು  ಸೂರ್ಯೋದಯವಾಗುತ್ತಿರುವಾಗ ಬ್ರಹ್ಮನು ವಿಶ್ವವನ್ನು ಸೃಷ್ಟಿಸಿದನೆಂದೂ, ಅಂದಿನಿಂದ ಕಾಲಗಣನೆಗಾಗಿ ಗ್ರಹ-ನಕ್ಷತ್ರ-ಮಾಸ-ಋತು-ವರ್ಷ ಇವುಗಳನ್ನು ಏರ್ಪಡಿಸಿದನೆಂದು ಪುರಾಣಗಳಲ್ಲಿ ಉಲ್ಲೇಖವಿದೆ.

       ಯುಗಾದಿ ಅತಿ ದೊಡ್ಡ ಹಬ್ಬ. ಗುಜರಾತ್- ರಾಜಸ್ಥಾನದ ಕೆಲವು ಭಾಗಗಳನ್ನು ಹೊರತುಪಡಿಸಿ ಇತರ ಕಡೆಗಳಲ್ಲಿ ಚೈತ್ರಮಾಸದಿಂದ ಹಿಂದೂ ಸಂವತ್ಸರದ ಹೊಸವರ್ಷಾಚರಣೆ ನಡೆದು ಬಂದಿದೆ. ಉತ್ತರ ಕನ್ನಡ- ದಕ್ಷಿಣ ಕನ್ನಡದ ಕೆಲವು ಭಾಗ, ಕೇರಳ, ತಮಿಳುನಾಡುಗಳಲ್ಲಿ ಸೌರಮಾನದ ರೀತ್ಯ ಯುಗಾದಿ ಆಚರಿಸುತ್ತಾರೆ.

        ಚಾಂದ್ರಮಾನ ಯುಗಾದಿಯನ್ನು ಚಂದ್ರಾ ಚಾರದಿಂದಲೂ, ಸೌರಮಾನ ಯುಗಾದಿಯನ್ನು ಸೂರ್ಯ ಭಗವಾನನು ಮೇಷ ರಾಶಿಯನ್ನು ಪ್ರವೇಶಿಸುವ ದಿನದಿಂದ ಆಚರಿಸುತ್ತಾರೆ. ಬಾರ್ಹಸ್ಪತ್ಯಮಾನ ಎಂಬ  ಆಚರಣೆಯೂ ಭಾರತದಲ್ಲಿ ಚಾಲ್ತಿಯಲ್ಲಿದೆ. ಯುಗಾದಿಯೆಂದರೆ  ಹೊಸವರ್ಷದ ಆರಂಭದ ದಿನವಾದರೂ ಭಾರತದಲ್ಲಿ ಈ ದಿನವನ್ನು ನಿರ್ಧರಿಸುವ ರೀತಿ ಹಲವಾರಿವೆ. ಮುಖ್ಯವಾಗಿ ಚಾಂದ್ರಮಾನ ಹಾಗೂ ಸೌರಮಾನ ಎಂಬ ಎರಡು ಪ್ರಭೇದಗಳಿದ್ದು, ಹಿಂದೂಧರ್ಮದ ವೇದಾಂಗ ಜ್ಯೋತಿಷ ಶಾಸ್ತ್ರದಿಂದ ನಿರ್ಣಯಗೊಳ್ಳುತ್ತವೆ.  ಚಂದ್ರನ ಚಲನೆಯನ್ನಾಧರಿಸಿ,  ದಿನಗಣನೆ ಮಾಡುವುದನ್ನು ಚಾಂದ್ರಮಾನ ಹಾಗೂ ಸೂರ್ಯನ ಗತಿಯಿಂದ ಎಣಿಕೆ ಮಾಡುವುದನ್ನು ಸೌರಮಾನ ಎನ್ನುತ್ತಾರೆ. 

        ಕರ್ನಾಟಕದಲ್ಲಿ ಚಾಂದ್ರಮಾನಪದ್ಧತಿ ಮೊದಲಿನಿಂದ ರೂಢಿಯಲ್ಲಿದೆ. ಭೂಮಿಯಿಂದ   ನೋಡಿದಾಗ, ಸೂರ್ಯ, ಚಂದ್ರ, ಗ್ರಹಗಳು, ನಕ್ಷತ್ರಮಂಡಲದಿಂದ ಉಂಟಾದ ರಾಶಿಚಕ್ರದಲ್ಲಿ ದಿನೇ ದಿನೇ ಸ್ವಲ್ಪ ಸ್ವಲ್ಪವಾಗಿ ಸಂಚರಿಸಿದಂತೆ ಕಾಣುತ್ತವೆ. ವೇದಾಂಗ ಜ್ಯೋತಿಷದಂತೆ, ಮೊದಲ ನಕ್ಷತ್ರ ಅಶ್ವಿನಿ - ಅಂದರೆ ಮೇಷ ರಾಶಿಯ ೦ - ೧೩:೨೦ ಭಾಗ (ಡಿಗ್ರಿ). ಅಲ್ಲಿ ಸೂರ್ಯನಿದ್ದಾಗ ಭೂಮಿಯ ಉತ್ತರಾರ್ಧಗೋಳದಲ್ಲಿ ಸಸ್ಯಗಳಲ್ಲಿ ಚಿಗುರು ಕಾಣುತ್ತದೆ, ಅಂದರೆ ಹೊಸಹುಟ್ಟು, ಆದ್ದರಿಂದ ಅಶ್ವಿನೀ ನಕ್ಷತ್ರಕ್ಕೆ ರವಿಯು ಪ್ರವೇಶಿಸುವ ಕಾಲವನ್ನು ಹೊಸವರ್ಷ ಎಂದು ಪರಿಗಣಿಸುತ್ತಾರೆ. ಇದೇ ಸೌರಮಾನ ಯುಗಾದಿ. ಸಾಮಾನ್ಯವಾಗಿ ಈಗ ಇದು ಏಪ್ರಿಲ್ ತಿಂಗಳ 14  ಅಥವಾ ೧೫ ನೇ ತಾರೀಖಿಗೆ ಬೀಳುತ್ತದೆ.  ಆದರೆ ಚಂದ್ರನ ಗತಿ ಅತಿವೇಗವಾದ್ದರಿಂದ ಪ್ರತಿ ಪ್ರದಕ್ಷಿಣೆಗೂ ಒಂದೊಂದು ತಿಂಗಳಾಗಿ, ಹನ್ನೆರಡು ಪ್ರದಕ್ಷಿಣೆಗಳಿಗೆ ಸರಿಯಾಗಿ ಒಂದು ಚಾಂದ್ರಮಾನ ಸಂವತ್ಸರವಾಗುತ್ತದೆ. ರವಿಚಂದ್ರರ ಗತಿಯನ್ನವಲಂಬಿಸಿ, ೧೧ ರಿಂದ ೧೩ ಪೂರ್ಣಿಮೆ/ಅಮಾವಾಸ್ಯೆಗಳಿಗೊಂದು ಚಾಂದ್ರಮಾನ ಯುಗಾದಿಯಾಗುತ್ತದೆ.  ಈ ಯುಗಾದಿ ನಿರ್ಣಯದ ಹಿಂದೆ ವೇದಾಂಗ ಜ್ಯೋತಿಷದ ಮಹತ್ತರ ಸಾಧನೆಗಳೇ ಅಡಗಿವೆ; ಅದರಿಂದ ನಮ್ಮ ಪೂರ್ವಿಕರ ಖಗೋಲಗಣಿತದ ಅಪಾರ ಜ್ಞಾನ ವ್ಯಕ್ತವಾಗುತ್ತದೆ.

         ಯುಗಾದಿ ಹಬ್ಬದ ಸಾಂಪ್ರದಾಯಿಕ ಆಚರಣೆಗಳಲ್ಲಿ ಕೆಲವೆಂದರೆ ಸೂರ್ಯ ನಮಸ್ಕಾರ, ಪಂಚಾಂಗ ಪೂಜೆ, ಹಾಗೂ ಸರ್ವೇ-ಸಾಮಾನ್ಯವಾಗಿ  ಬೇವು - ಬೆಲ್ಲ ಜೀವನದ ಸಿಹಿ-ಕಹಿಗಳೆರಡನ್ನೂ ಪಡೆಯಬೇಕೆಂದು ನೆನಪಿಸಲು ಬೇವು-ಬೆಲ್ಲಗಳ ಮಿಶ್ರಣವನ್ನು ತಿನ್ನಲಾಗುತ್ತದೆ.

       ಯುಗಾದಿಯಂದು ಹೆಚ್ಚಿನ ವಿಶೇಷ ಆಚರಣೆಗಳಿಲ್ಲವಾದರೂ, ಸಾಮಾನ್ಯ ಜನರು ಆ ದಿನ ಉಷಾಕಾಲದಲ್ಲಿ ಪರಮಾತ್ಮನ ಸ್ಮರಿಸುತ್ತಾ ಹಾಸಿಗೆಯಿಂದೆದ್ದು, ನಿತ್ಯಕರ್ಮ ಮುಗಿಸಿ, ಮನೆಯ ಮುಖ್ಯದ್ವಾರ ಹಾಗೂ ದೇವರ ಮನೆಯ ದ್ವಾರವನ್ನು ಮಾವಿನ ತಳಿರು ತೋರಣದಿಂದ ಅಲಂಕರಿಸಿ ಮನೆಯ ಮುಂದೆ ಬಣ್ಣಬಣ್ಣದ ರಂಗೋಲಿ ಹಾಕಿ, ಅಭ್ಯಂಜನಸ್ನಾನ ಮಾಡಿ, ದೇವತಾರ್ಚನೆ ಮಾಡಿ, ಬೇವು ಬೆಲ್ಲ ತಿಂದು, ಹೊಸಬಟ್ಟೆ ತೊಟ್ಟು, ಪರಸ್ಪರ ಶುಭಾಶಯ ಕೋರಿ, ದೇವಾಲಯಗಳಿಗೆ ಹೋಗಿ ಬಂದು, ಸಿಹಿಯೂಟ ಮಾಡುವಲ್ಲಿಗೆ ಯುಗಾದಿ ಹಬ್ಬ ಮುಗಿದಂತೆ.

         ಆದರೆ, ಹಳ್ಳಿಗಳಲ್ಲಿ ಹಾಗೂ ಇನ್ನೂ ಸಂಪ್ರದಾಯ - ಆಚರಣೆ ಉಳಿಸಿಕೊಂಡಿರುವ ಅಗ್ರಹಾರಗಳಲ್ಲಿ ಪುರೋಹಿತರು, ಪಂಡಿತರು ಯುಗಾದಿಯಂದು ಸ್ನಾನ ಸಂಧ್ಯಾದಿ ಮುಗಿದ ಬಳಿಕ ಕುಲದೇವರನ್ನೂ, ಪಂಚಾಗವನ್ನೂ ಪೂಜಿಸಿ, ಅಗಲ ಬಾಯಿಯ ಪಾತ್ರೆಯಲ್ಲಿ ತುಪ್ಪ ಹಾಕಿ ಮನೆಮಂದಿಯೆಲ್ಲ ಅದರಲ್ಲಿ ಮುಖ ನೋಡಿಕೊಳ್ಳುತ್ತಾರೆ. ಆನಂತರ ಕನ್ನಡಿಯಲ್ಲಿ ಮುಖ ನೋಡಿಕೊಳ್ಳುತ್ತಾರೆ. (ಹೀಗೆ ಮಾಡುವುದರಿಂದ  ಸರ್ವದೋಷ ಪರಿಹಾರ ಆಗತ್ತೆ ಎಂಬುದು ನಂಬಿಕೆ.) ಸಂಜೆ ಊರಿನ ಅರಳಿ ಕಟ್ಟೆಯಲ್ಲಿ ಸೇರಿ, ಪಂಡಿತರು ಊರಿನ ಜನಕ್ಕೆ ಪಂಚಾಂಗ ಓದಿ ಹೇಳುತ್ತಾರೆ. ವರ್ಷಫಲ ಕೇಳುವ ಸಂಪ್ರದಾಯ ಹಳ್ಳಿಗಳ ಕಡೆ ಇನ್ನೂ ಜೀವಂತವಾಗಿದೆ.

       ಕಾಲ ದೇಶ ಪರಿಸರಕ್ಕನುಗುಣವಾಗಿ ಕರ್ನಾಟಕದ ಕೆಲವು ಭಾಗಗಳಲ್ಲಿ ಯುಗಾದಿಯ ದಿನ ಜೂಜಾಡುವುದೂ ಒಂದು ಸಂಪ್ರದಾಯವಾಗಿ ಬೆಳೆದುಬಿಟ್ಟಿದೆ. ಯುಗಾದಿಯ ಮಾರನೇ ದಿನವನ್ನು ವರ್ಷತೊಡಕು ಎಂದೂ ಆಚರಿಸುತ್ತಾರೆ. ಅಂದು ಮಾಂಸಾಹಾರಿಗಳು ಕಡ್ಡಾಯವಾಗಿ ಮಾಂಸದ ಊಟ ಮಾಡುತ್ತಾರೆ. ಮದ್ಯ ಸೇವನೆಯೂ ಈ ವರ್ಷತೊಡಗಿನ ಆಚರಣೆಯ ಭಾಗಗಳಲ್ಲೊಂದು.

       ಈ ಹಬ್ಬವನ್ನು ಹೆಚ್ಚಾಗಿ ಕರ್ನಾಟಕ  ಆಂಧ್ರ ಮತ್ತು ಮಹಾರಾಷ್ಟ್ರ ದಲ್ಲಿ  ಆಚರಿಸುವರು.  ಆಂಧ್ರ ಮತ್ತು ಕರ್ನಾಟಕಗಳಲ್ಲಿ ಇದು ಯುಗಾದಿಯಾದರೆ, ಮಹಾರಾಷ್ಟ್ರದಲ್ಲಿ ಇದು ಗುಡಿಪಾಡ್ವ. ಪಾಡ್ಯಮಿ ದಿವಸ ಗುಡಿಯನ್ನು ಏರಿಸುವುದೇ ಗುಡಿಪಾಡ್ವ - ಒಂದು ಕೋಲಿಗೆ ವಸ್ತ್ರವನ್ನು ಕಟ್ಟಿ, ಹೂವಿನ ಹಾರವನ್ನು ಏರಿಸಿ 'ಗುಡಿ' ಎಂದು ಮೂಲೆಯಲ್ಲಿ ಇರಿಸುವರು. ಇದು ಹೊಸ ವರುಷದ ಆಗಮನಕ್ಕೆ ಬಾವುಟವನ್ನು ಹಾರಿಸುವುದರ ಸಂಕೇತ. ಹುಣಿಸೇಹಣ್ಣು, ಬೆಲ್ಲ, ಮಾವಿನಕಾಯಿ ಉಪ್ಪು, ಮೆಣಸು, ಬೇವು ಇತ್ಯಾದಿಗಳ ಮಿಶ್ರಣ ಮಾಡಿ ಯುಗಾದಿ ಪಚ್ಚಡಿ ಎಂಬ ಹೆಸರಿನ ಪದಾರ್ಥವನ್ನು ಸೇವಿಸುವರು. ಅಂದು ದೇವಸ್ಥಾನಗಳಲ್ಲಿ ವಿಶೇಷ ಪೂಜೆ ಇರುವುದು.  ತಳಿರು ತೋರಣವನ್ನು (ಎಳೆಯ ಹಸಿರು ಮಾವಿನೆಲೆ ಮಧ್ಯೆ ಮಧ್ಯೆ ಬೇವಿನ ಎಲೆ ಹೂಗಳ ಗೊಂಚಲು) ಮನೆಗಳ ಮುಂಬಾಗಿಲಿಗೆ ಮತ್ತು ದೇವರ ಮನೆಯ ಬಾಗಿಲಿಗೆ ತಳಿರು ತೋರಣವಾಗಿ ಕಟ್ಟುವರು. ಮನೆಯ ಮುಂದೆ ಬಣ್ಣ ಬಣ್ಣದ ರಂಗವಲ್ಲಿಗಳನ್ನಿಡುವುದು,. ಮುಂಜಾನೆ ಬೇಗನೆದ್ದು ಅಭ್ಯಂಜನ ಸ್ನಾನ ಮಾಡಿ ಪುಣ್ಯಾಹ ಮಂತ್ರಗಳನ್ನು ಉಚ್ಚರಿಸಿ ಮಾವಿನೆಲೆಯಿಂದ ಮನೆಯ ಎಲ್ಲ ಕಡೆ ಕಳಶದ ನೀರನ್ನು ಸಿಂಪಡಿಸುವರು. ನಂತರ ಹೊಸ ಬಟ್ಟೆ ಧರಿಸಿ ಪಂಚಾಂಗವನ್ನು ಮನೆಯ ಹಿರಿಯರು ಓದುವರು ಮತ್ತೆಲ್ಲರೂ ಅದನ್ನು ಕೇಳುವರು,        

          ಪಂಚಾಂಗವು  ಹಿಂದೂ ಸಂಪ್ರದಾಯದ ಕ್ಯಾಲೆಂಡರ್. ಇದು ದಿನಸೂಚಿಯಷ್ಟೆ ಅಲ್ಲದೇ ಆ ವರುಷದಲ್ಲಿ ಮಳೆ ಬೆಳೆ ಹೇಗಿದೆ, ರಾಶಿಫಲ, ಮದುವೆ ಉಪನಯನಗಳಿಗೆ ಒಳ್ಳೆಯ ಮುಹೂರ್ತಗಳು, ಒಟ್ಟಾರೆಯಾಗಿ ಜನಜೀವನದ ಸ್ಥಿತಿಯನ್ನು ಸೂಚಿಸಿರುವುದು. ಅಂದು ಹಿರಿಯ ಕಿರಿಯರೆಲ್ಲರೂ ಹೊಸ ಬಟ್ಟೆಗಳನ್ನು ಧರಿಸಿ ಸಂತೋಷದಿಂದ ಹಾಡಿ ನಲಿವರು
     
       ಕರಾವಳಿಯ ಸೌರಮಾನ ಯುಗಾದಿಯ ವಿಶೇಷತೆ ಖಣಿ ಇಡುವುದು. ಬಾಳೆ ಎಲೆ, ತಟ್ಟೆಯಲಿ ಅಕ್ಕಿ ಹಾಕಿ ಅದರ ಮೇಲೆ ತೆಂಗಿನಕಾಯಿ, ಸೌತೇಕಾಯಿ, ರವಿಕೆ ಕಣ, ಹೊಸ ಬಟ್ಟೆ, ಚಿನ್ನ, ಬತ್ತದ ತೆನೆ, ಹಣ್ಣು, ದೇವರ ಪ್ರತಿಮೆ ಅದರ ಮುಂದೆ ಒಂದು ಕನ್ನಡಿ ಇಟ್ಟು ಆ ಕನ್ನಡಿಯಲಿ ದೇವರ ಪ್ರತಿಮೆ ಹಾಗೂ ತಟ್ಟೆಯಲಿ ಇಟ್ಟಂತಹ ವಸ್ತುಗಳನ್ನು ಕಾಣುವ ಹಾಗೆ ಇಡುತ್ತಾರೆ. ಇವೆಲ್ಲವನ್ನೂ  ದೇವರ ಮುಂದೆ ಹಿಂದಿನ ರಾತ್ರಿ ಮಲಗುವ ಮುನ್ನ ಇಡುತ್ತಾರೆ. ಯುಗಾದಿ ಹಬ್ಬದಂದು ಬೆಳಿಗ್ಗೆ ಬೇಗ ಎದ್ದು ದೇವರ ದೀಪ ಹಚ್ಚಿ ಖಣಿಯಲ್ಲಿನ ಕನ್ನಡಿಯಲಿ ದೇವ ದರ್ಶನ ಪಡೆಯುವುದು ಅಂದಿನ ವಿಶೇಷ. ನಂತರ ಸ್ನಾನ, ಹೋಳಿಗೆ ಚಿತ್ರಾನ್ನದೂಟ, ದೇಗುಲಕ್ಕೆ ಹಾಗೂ ಹಿರಿಯರ ಭೇಟಿ, ಪಂಚಾಂಗ ಶ್ರವಣ ಮಾಡುತ್ತಾರೆ.

          ಯುಗಾದಿಯ ದಿನ ಸುಖದ ಸಂಕೇತವಾದ ಬೆಲ್ಲವನ್ನೂ ಮತ್ತು ಕಷ್ಟದ ಸಂಕೇತವಾದ ಬೇವನ್ನೂ  ಸಮನಾಗಿ ಸ್ವೀಕರಿಸುವರು. ತಿಂದ ಮೇಲೆ ಬೆಲ್ಲವು ಹೊಟ್ಟೆಯೊಳಗೆ ಉರಿಯ ಅಥವಾ ಶಾಖವನ್ನು ಉಂಟು ಮಾಡಿದರೆ ಬೇವು ಆ ಉರಿಯ ಶಮನಕಾರಿ. ಬೇವು - ಬೆಲ್ಲದ ಮಿಶ್ರಣವನ್ನು ತಿನ್ನುವಾಗ ಹೇಳುವ ಒಂದು ಶ್ಲೋಕ ಹೀಗಿದೆ:

ಶತಾಯು: ವಜ್ರದೇಹಾಯ ಸರ್ವಸಂಪತ್ಕರಾಯಚ|ಸರ್ವಾರಿಷ್ಟ ವಿನಾಶಾಯ ನಿಂಬಕಂದಳ ಭಕ್ಷಣಂ|| -

ಅದರರ್ಥ ಹೀಗಿದೆ - ನೂರು ವರುಷಗಳ ಆಯುಷ್ಯ, ಸದೃಢ ಆರೋಗ್ಯ, ಸಕಲ ಸಂಪತ್ತುಗಳ ಪ್ರಾಪ್ತಿಗಾಗಿಯೂ, ಸಕಲ ಅರಿಷ್ಟ ನಿವಾರಣೆಗಾಗಿಯೂ ಬೇವು ಬೆಲ್ಲ ಸೇವನೆ ಮಾಡುತ್ತೇನೆ.

        ಪಂಚಾಂಗ ಮತ್ತು ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಶುಭದಿನ ಹಾಗೂ ಅತ್ಯಂತ ಶುಭ ಮೂಹೂರ್ತದ ಮೂರುವರೆ ದಿನಗಳೆಂದರೆ  ಯುಗಾದಿ, ವಿಜಯದಶಮಿ,  ಬಲಿಪಾಡ್ಯಮಿ ಮತ್ತು  ಅಕ್ಷಯ ತದಿಗೆ. ಅದರಲ್ಲಿ ಯುಗಾದಿ ಅತೀಶ್ರೇಷ್ಠ ಮೂಹೂರ್ತ ಎಂದು ಭಾರತಿಯರು ನಂಬುತ್ತಾರೆ.

        ಯುಗಾದಿಯು,  ಧಾರ್ಮಿಕ,  ಸಾಮಾಜಿಕ, ವೈಜ್ಞಾನಿಕ ತಳಹದಿಯ ಮೇಲೆ ಆಚರಿಸಲ್ಪಡುವ  ಸಾಂಪ್ರದಾಯಿಕ ಹಬ್ಬ.  ಪ್ರಕೃತಿಯೊಂದಿಗಿನ  ಮಾನವನ  ಅವಿನಾಭಾವ ಸಂಬಂಧದ ದ್ಯೋತಕವಾದ ಈ ಹಬ್ಬವು  ನಳನಳಿಸುವ  ಹೊಸ ಚಿಗುರಿನಂತೆಯೇ ಪ್ರತಿಯೊಬ್ಬರ ಬಾಳಿನಲ್ಲಿಯೂ  ಹೊಸತನವನ್ನು ತರಲಿ,  ಈ  ಶ್ರೀ ವಿಕಾರಿ ನಾಮ ಸಂವತ್ಸರವು  ಸರ್ವರಿಗೂ ಶುಭ ತರಲಿ.

ಮತ್ತೊಮ್ಮೆ ಎಲ್ಲರಿಗೂ ಯುಗಾದಿ ಹಬ್ಬದ ಹಾರ್ದಿಕ ಶುಭಾಶಯಗಳು


   ✍ ಡಾ: B.N. ಶೈಲಜಾ ರಮೇಶ್
                    ಜ್ಯೋತಿಷಿ

ಜಾತಕದಲ್ಲಿ ಧನಯೋಗ

                             ಹರಿಃ ಓಂ

                    ಶ್ರೀ ಗುರುಭ್ಯೋನಮಃ

                  ಶ್ರೀ  ಗಣಪತಯೇ ನಮಃ

ಜಾತಕದಲ್ಲಿ ಧನಯೋಗ
*********************

          ಮಾನವನ ಜೀವನವಿರುವುದು 'ಧರ್ಮಾರ್ಥ ಕಾಮ ಮೋಕ್ಷಾಯ' ಎಂಬ ಉಕ್ತಿಯ ಮೇಲೆ. ಅಂದರೆ ಚತುರ್ವಿಧ ಪುರುಷಾರ್ಥಗಳನ್ನು ಎಲ್ಲರೂ ಪಾಲಿಸಬೇಕಾಗುತ್ತದೆ. ಈ ಪುರುಷಾರ್ಥಗಳಲ್ಲಿ ಪ್ರಧಾನವಾದುದು ಅರ್ಥ. ಉಳಿದ ಪುರುಷಾರ್ಥಗಳಾದ ಧರ್ಮ, ಅರ್ಥ, ಕಾಮ ಮತ್ತು ಮೋಕ್ಷ ಸಾಧನೆಗಳಿಗೆ ಹಣ ಸಂಪಾದನೆ ಮುಖ್ಯ ಪಾತ್ರ ವಹಿಸುತ್ತದೆ.

          ಧನವಿಲ್ಲದೇ ಏನನ್ನೂ ಸಾಧಿಸಲಾಗುವುದಿಲ್ಲ. ಅವರವರ ಯೋಗ್ಯತೆಗೆ ಅನುಸಾರವಾಗಿ ಧನ ಸಂಪಾದನೆ ಆಗುತ್ತದೆ. ಆದ್ದರಿಂದ ಧನಾಗಮನ ಯೋಗವನ್ನು ಪ್ರತಿಯೊಬ್ಬರೂ ಜಾತಕ ಪರಿಶೀಲಿಸಿ ತಿಳಿಯಬಹುದು.

          ಧನಭಾವ ಲಗ್ನದಿಂದ 2ನೇ ಮನೆ. ಇದು ಮುಖ್ಯ. ಧನಯೋಗವನ್ನು ತಿಳಿಯಲು ಇದರ ಜೊತೆಗೆ 5, 9, 10, 11ನೇ ಭಾವಗಳೂ ಪ್ರಧಾನವಾಗುತ್ತದೆ. ಈ ಭಾವಗಳಿಗೆ ಹೆಚ್ಚಿನ ಸಂಬಂಧ ಉಂಟಾದಲ್ಲಿ ಧನಪ್ರಾಪ್ತಿಯಾಗುವ ಸಂಭವವಿರುತ್ತದೆ.

          ಈ ಧನಪ್ರಾಪ್ತಿಯ ಯೋಗಯೋಗಗಳನ್ನು ಪರಿಶೀಲಿಸಬೇಕಾದರೆ..

ಮೊದಲನೆಯದಾಗಿ...
1) ಭಾವ
2) ಭಾವಾಧಿಪತಿ
3) ಭಾವಾಧಿಪತಿ ಸ್ಥಿತ ಸ್ಥಾನ
4) ಭಾವಾಧಿಪತಿಯನ್ನು ದೃಷ್ಟಿಸುವ ಗ್ರಹ
5) ಯುತಿ
6) ಧನಕಾರಕ
7) ಧನಯೋಗ...
ಇವಿಷ್ಟನ್ನೂ ಪರಿಶೀಲಿಸಬೇಕಾಗುತ್ತದೆ.

     ★ 2ನೇ ಭಾವಕ್ಕೆ ಅತೀ ಹೆಚ್ಚಿನ ಪ್ರಾಮುಖ್ಯತೆ .. ಏಕೆಂದರೆ 80% ರಿಸಲ್ಟ್ ಬಾವದಿಂದ ಸಿಗುತ್ತೆ.

     ★ ನಂತರ ಧನಕಾರಕ(ಗುರು) ವನ್ನು ನೋಡಬೇಕು, ಗುರು ಉತ್ತಮ ಸ್ಥಾನದಲ್ಲಿ ಸ್ಥಿತನಾಗಿದ್ರೆ ಒಳ್ಳೆಯ ಫಲ... ಇಲ್ಲದಿದ್ದರೆ ಫಲದಲ್ಲಿ ವ್ಯತ್ಯಾಸ.

     ★ ನಂತರ ಧನಭಾವ ಯಾವ ಸ್ವಭಾವ ಅನ್ನೋದನ್ನ ತಿಳಿಬೇಕು.

     ★ಧನಭಾವ ಚರರಾಶಿಯಾದರೆ.. ಒಮ್ಮೆಗೇ ಧಿಡೀರ್ ಹಣದ ಹರಿವು, ಉತ್ತಮ ಸಂಪಾದನೆ.

     ★ಧನಭಾವ  ಸ್ಥಿರರಾಶಿಯದರೆ..ಜೀವನ ಪೂರ್ತಿ ನಿಶ್ಚಿತ ಹಣದ ಹರಿವು .

     ★ದ್ವಿಸ್ವಭಾವ ರಾಶಿಯಾದರೆ.. ಧನದ ಹರಿವಿನಲ್ಲಿ ಏರಿಳಿತವಿರುತ್ತದೆ.

     ★ ನಂತರ ಧನಸ್ಥಾನ ಅಥವಾ ಧನಾಧಿಪತಿ ಇರುವ ದಿಕ್ಕು.. ತತ್ವ.. ಇವುಗಳ ಆಧಾರದ ಮೇಲೆ  ಧನದ ಮೂಲ ಯಾವುದರಿಂದ ಅನ್ನುವುದನ್ನು ತಿಳಿಯಬಹುದು.

     ★12 ಭಾವಗಳಿಂದಲೂ  ಹಣದ ಹರಿವನ್ನು ತಿಳಿಯಬಹುದು.  ಆದ್ರೆ 1, 2, 9, 10, 11 , 12 ನೇ ಭಾವಗಳು ಮುಖ್ಯ.

      ದಾರಿದ್ರ್ಯಭಾವ..  3, 6, 8, 12.

        ಇಲ್ಲಿ ..ಧನ - ಹಾಗೂ ದಾರಿದ್ರ್ಯಭಾವಗಳೆರಡರಲ್ಲೂ  12ನೇ ಮನೆಯನ್ನು ಪರಿಗಣಿಸಬೇಕು.
   
     ★ 12ನೇ ಮನೆ  ಧನಭಾವಗಳ ಜೊತೆ ಸಂಬಂಧ ಬಂದರೆ ಧನಭಾವ...

     ★ 12ನೇ ಮನೆ ದರಿದ್ರಭಾವಗಳ ಜೊತೆ ಸಂಬಂಧ ಬಂದರೆ ದರಿದ್ರಭಾವ.
( 12 ನೇ ಭಾವ ದೂರಪ್ರಯಾಣ - ವಿದೇಶಿಪ್ರಯಾಣವನ್ನು ಸೂಚಿಸುತ್ತೇ)

     ★ನಕ್ಷತ್ರ ಗಳೂ... ಎಷ್ಟು ಪ್ರಮಾಣದಲ್ಲಿ ಧನಲಾಭವಾಗುತ್ತೆ ಅನ್ನುವುದನ್ನು ತಿಳಿಸುತ್ತೆ, ಯಾವರೀತಿಯ ಧನಾಗಮ... ಶೀಘ್ರ,  ಲಘು, ಚರ, ಸ್ಥಿರ ಫಲಗಳು ..ಯಾವ ಸಮಯದಲ್ಲಿ ಅನ್ನುವುದನ್ನು ನಕ್ಷತ್ರ ಗಳಿಂದಲೂ ತಿಯಬಹುದು.

     ★ಧನಭಾವಾಧಿಪತಿಗಳು ಕೆಲವೊಮ್ಮೆ ಎರಡು ರೀತಿಯಲ್ಲಿ ವರ್ತಿಸುತ್ತೆ
      ಉತ್ಪತ್ತಿ ಇಲ್ಲ
      ಉತ್ಪತ್ತಿ ನಿಲ್ಲುತ್ತಿಲ್ಲ..

     ★ ಧನಭಾವಾಧಿಪತಿಗಳು  ದಾರಿದ್ರ್ಯ ಭಾವದಲ್ಲಿದ್ದರೆ. ಅಥವಾ ದಾರಿದ್ರ್ಯಭಾವಾಧಿಪತಿಗಳು ಧನಭಾವದಲ್ಲಿದ್ದರೆ, ಹಣದ ಹರಿವು ಇರೋಲ್ಲ.

      ★ ಧನಭಾವಾಧಿಪತಿಗಳ ಸಂಬಂಧ ಧನಭಾವದಲ್ಲೇ ಇದ್ದರೆ ಹಣದ ಉತ್ಪತ್ತಿ ಚೆನ್ನಾಗಿರುತ್ತೆ
ಭಾಗ್ಯಾಧಿಪತಿ 12ನೇ ಭಾವಕ್ಕೆ ಹೋಗಬಹುದು. ಆದರೆ 3, 6, 8 ಕ್ಕೆ ಹೋಗಬಾರದು. 

      ★ದುಸ್ಥಾನಾಧಿಪತಿಗಳು ದುಸ್ಥಾನದಲ್ಲೇ ಇದ್ದರೂ ಸಹ  ಧನಲಾಭವಿರುತ್ತೆ( ವಿಪರೀತ ರಾಜಯೋಗ).

ಗ್ರಹಗಳಿಂದ ಧನಲಾಭ :---
********************

       ★ ಶುಭ ಗ್ರಹಗಳಾದ ಗುರು, ಶುಕ್ರ, ಬುಧ, ಗ್ರಹಗಳು ಕೂಡಾ ಧನಲಾಭ ಅಥವಾ ಧನಗಳಿಕೆಯ ವಿಚಾರದಲ್ಲಿ ಮಹತ್ವದ ಪಾತ್ರ ನಿರ್ವಸುತ್ತದೆಯಾದರೂ  ಚಂದ್ರ,ಕುಜ ಹಾಗೂ ಶನಿ ಗ್ರಹಗಳು ಜನ್ಮಕುಂಡಲಿಯ ಮೂಲಕ ಒಬ್ಬ ವ್ಯಕ್ತಿಯ ಜಾತಕದಲ್ಲಿ ನಿರ್ವಹಿಸುವ ಭೂಮಿಕೆಗೆ ಪ್ರತ್ಯೇಕವಾದದ್ದೊಂದು ತೂಕವೇ ಇದೆ. ರವಿ, ರಾಹು ಮತ್ತು ಕೇತುಗಳು ಕೂಡಾ ಆರ್ಥಿಕ ವಿಚಾರದಲ್ಲಿ ಸಕಾರಾತ್ಮಕವಾದ ಬಲವನ್ನು ನೀಡಬಲ್ಲವಾದರೂ ಈ ಗ್ರಹಗಳು ಬೇರೊಂದು ಗ್ರಹಗಳ ಜತೆಗೂಡಿದಾಗ, ಧನಹಾನಿಯನ್ನು ಸೃಷ್ಟಿಸಿ, ದುಡಿದು ಹಣ ಗಳಿಸಿದರೂ ಉಳಿಸಲಾಗದ ಪರದಾಟಗಳನ್ನು ಸೃಷ್ಟಿಸಿಬಿಡುತ್ತದೆ. ಚಂದ್ರ, ಕುಜ ಹಾಗೂ ಶನಿಗ್ರಹಗಳು ವಿಪತ್ತುಗಳನ್ನು ಸೃಷ್ಟಿಸಬಲ್ಲವಾದರೂ ಆರ್ಥಿಕವಾಗಿ ಒಬ್ಬ ವ್ಯಕ್ತಿಯನ್ನು ಬಲಾಡ್ಯವಾಗಿಸುವಲ್ಲಿ ಹಲವು ರೀತಿಯ , ಸ್ಥೈರ್ಯ ಮುನ್ನುಗ್ಗುವಿಕೆಗೆ ಪ್ರೇರಣೆ ನೀಡಿ ಮುಂದಡಿ ಇಡಲು  ಸಹಕರಿಸುತ್ತದೇ. ಹಾಗೆಯೇ ಈ ಗ್ರಹಗಳ  ಕೆಟ್ಟ ಪ್ರಭಾವ ಬಹು ದೊಡ್ಡ ಹೊಡೆತವನ್ನು ನೀಡುತ್ತದೆ.

         ★  ಜಾತಕದಲ್ಲಿ ರವಿ ಚೆನ್ನಾಗಿದ್ದರೆ ತಂದೆ ಅಥವಾ ಸರ್ಕಾರದಿಂದ ಅಥವಾ ದೇವಸ್ಥಾನದಿಂದ ಹಣಗಳಿಕೆ.  
         ★ ಹಾಗೆಯೇ ಯಾವ ಭಾವದಿಂದ ಧನಾಗಮ ಎಂಬುದನ್ನೂ ತಿಳಿಯಬೇಕು, 
         ಭಾಗ್ಯಾಧಿಪತಿ ಲಗ್ನದಲ್ಲಿದ್ದರೆ ತಂದೆಯಿಂದ ಧನಲಾಭ, 
         ಭಾಗ್ಯಭಾವಕ್ಕೆ ಗುರುಸಂಬಂಧ ಬಂದರೆ ದೇವಸ್ಥಾನದಿಂದ ಧನಲಾಭ,
         3 - 11 ನೇ ಭಾವಕ್ಕೆ ಸಂಬಂದವಿದ್ದರೆ ಅಣ್ಣತಮ್ಮಂದಿರಿಂದ  ಧನಲಾಭ.

         ★ ಚಂದ್ರ ಭಲಾಢ್ಯ ನಾಗಿದ್ದರೆ, ತಾಯಿಯ ಮೂಲಕ ಧನಾಗಮ
         ★ ಬುಧ ಚನ್ನಾಗಿದ್ದರೆ ( ಭಲಾಢ್ಯ )  ಮಾತಿನ ಮೂಲಕ, ಮಾತಿನ ಚಾಕಚಕ್ಯತೆ ಯಿಂದ, L. I. C ಮೂಲಕ ಹಣ ಬರುತ್ತೆ ( L. I C ಅಂದ್ರೆ 6th ಗೆ ಸಂಬಂಧ ಬಂದಿರಬೇಕು).  8th ಸಂಬಂಧ ಬಂದಿದ್ರೆ ಗುಪ್ತನಿಧಿ ಸಿಗುತ್ತದೆ. ಭಚಕ್ರದ 6 ನೆ ಮನೆ ಅಧಿಪತಿ ಬುಧ ಸೇವೆಯನ್ನೂ ( service) ಸೂಚಿಸುತ್ತಾನೆ.

         ಪ್ರತಿಯೊಂದು ಜಾತಕದಲ್ಲಿ ಹಣ ಸಂಪಾದನೆಯನ್ನು ಪ್ರತಿಪಾದಿಸುವ ಸ್ಥಾನಗಳು ಲಗ್ನಾತ್ 2-8-11.

        ★ ದ್ವಿತೀಯ ಭಾವ:--  ಸ್ವಯಾರ್ಜಿತ, ಶ್ರಮದ ದುಡಿಮೆಯಿಂದ ಬರುವ ಹಣವನ್ನು

         ★ ಅಷ್ಟಮ ಭಾವ:--  ಕಳತ್ರ (ಪತಿ, ಪತ್ನಿ) ಮೂಲದ ಹಣವನ್ನು
     ಹಾಗೂ ....

         ★ ಲಾಭ ಸ್ಥಾನವೆನಿಸಿರುವ 11ನೇ ಮನೆಯು ನಿರಾಯಾಸವಾಗಿ ಉಂಟಾಗುವ ಲಾಭವನ್ನು ಸೂಚಿಸುತ್ತದೆ.

        ★ ಇದರೊಂದಿಗೆ ಆಕಸ್ಮಿಕ ಧನಾಗಮನವನ್ನು ಜಾತಕದಲ್ಲಿ ಸೂಚಿ ಸುವ ಸ್ಥಾನಗಳು ಎಂದರೆ, ಐದು ಹಾಗೂ ಎಂಟು.

        ★ ಈ ಪಂಚಮ ಅಷ್ಟಮ ಭಾವಾಧಿಪತಿಗಳು ಯುತಿ ಅಥವಾ ಪರಸ್ಪರ ದೃಷ್ಟಿಯಲ್ಲಿಯೋ ಇದ್ದಲ್ಲಿ ದಶಾಭುಕ್ತಿ ಕಾಲದಲ್ಲಿ ಖಂಡಿತ ಆಕಸ್ಮಿಕ ಧನ ಯೋಗ ಉಂಟಾಗುತ್ತದೆ.  ಈ  ಧನಯೋಗವು ಗ್ರಹಗಳ ಬಲಾಬಲಗಳು ಹಾಗೂ ಶತ್ರು ಮಿತ್ರತ್ವವನ್ನು ಆಧರಿಸಿರುತ್ತದೆ.

        .★ ಪಂಚಮ ಹಾಗೂ ಅಷ್ಟಮಾಧಿಪತಿಗಳು ಶುಭಗ್ರಹಗಳಾದಲ್ಲಿ ಒಳ್ಳೆಯ ರೀತಿಯ ಧನ ಸಂಪಾದನೆಯೂ, ಅಶುಭರಾದಲ್ಲಿ ಅಶುಭ ರೀತಿಯಿಂದಲೂ ಉಂಟಾಗುವುದು.

        ★ ಅಷ್ಟಮವು ಮರಣಪತ್ರ (ಉಯಿಲು), ಕೋರ್ಟು ಕಚೇರಿಗಳಿಂದ ಉಂಟಾಗುವ ಲಾಭ ಹಾಗೂ ಭೂಮ್ಯಾಂತರ್ಗತ ನಿಧಿ ಇವುಗಳಿಂದಾಗುವ ಧನಲಾಭವನ್ನು ಸೂಚಿಸುತ್ತದೆ.

        ★ ರಾಹು-ಕೇತುಗಳಂತ ಅಶುಭ ಹಾಗೂ ಭಯವನ್ನುಂಟು ಮಾಡುವ  ಗ್ರಹಗಳು ಲಾಭ ಸ್ಥಾನದಲ್ಲಿ ಸ್ಥಿತರಾದಲ್ಲಿ ಅನಿರೀಕ್ಷಿತ ಧನ ಪ್ರಾಪ್ತಿಯಾದರೂ, ಒಮ್ಮೆಲೆ ಅನಿರೀಕ್ಷಿತ ತೊಂದ್ರೆಯಾಗಿ, ಎಲ್ಲ ಹಾಳಾಗುವ ಸಂಭವವುಂಟು. ಅದರಲ್ಲಿಯೂ ರಾಹು ಗ್ರಹವು ಸಟ್ಟಾ, ಜೂಜುಗಳಿಂದ ಉಂಟಾಗುವ ನಷ್ಟಕ್ಕೆ ಕಾರಕನಾಗುತ್ತಾನೆ. ರಾಹು - ಕೇತುಗಳು ಭಲಾಢ್ಯ ರಾಗಿ  11 ರ ಸಂಬಂದವಿದ್ದರೇ ತಾತನ ಆಸ್ತಿ ಸಿಗುತ್ತದೆ.
.
ಜ್ಯೋತಿಷ್ಯದಲ್ಲಿ ಹಲವು ಪ್ರಧಾನ ಧನಯೋಗಗಳನ್ನು ಗುರುತಿಸಬಹುದು...

ಅವುಗಳೆಂದರೆ...

ತ್ರಿಲೋಚನಾ ಯೋಗ:---
*******************

           ★ ಸೂರ್ಯ, ಅಂಗಾರಕ, ಚಂದ್ರ ಪ್ರಸ್ಪರ ಕೋಣದಲ್ಲಿದ್ದು, ಬಲಶಾಲಿಗಳಾಗಿ ಒಂದರ ನಂತರ ಒಂದರಂತಿದ್ದರೆ ತ್ರಿಲೋಚನಾ ಯೋಗ ಉಂಟಾಗಿ ಜಾತಕನು ಮಹದೈಶ್ವರ್ಯವಂತನಾಗಿ, ಬುದ್ಧಿಶಾಲಿಯಾಗಿ ಚಿರಕಾಲ ಬಾಳುವನು.

ಧನಾಕರ್ಷಣಾ ಯೋಗ:---
********************

           ★ ಲಗ್ನಾಧಿಪತಿಯು ಧನಭಾವದಲ್ಲಿದ್ದು, ನವಮಾಧಿಪತಿ ಲಾಭದಲ್ಲಿದ್ದು, ಸಪ್ತಮಾಧಿಪತಿ ಪಂಚಮದಲ್ಲಿದ್ದು, ಪಂಚಾಮಾಧಿಪತಿ ತೃತೀಯಾಧಿಪತಿ ಲಗ್ನದಲ್ಲಿದ್ದರೆ ಧನಾಕರ್ಷಣ ಯೋಗ ಉಂಟಾಗಿ ಜಾತಕ ಯಾರ ಮನೆಯಲ್ಲಿರುತ್ತಾನೋ ಆ ಮನೆಯವರು ಧನವಂತರಾಗುತ್ತಾರೆ.

ರಸಾತಲ ಯೋಗ:---
****************

           ★ ದ್ವಾದಶಾಧಿಪತಿಯು ಪರಮೋಚ್ಚದಲ್ಲಿದ್ದು, ದ್ವಾದಶದಲ್ಲಿ ಶುಕ್ರನಿದ್ದು, ನಾಲ್ಕನೇ ಸ್ಥಾನಾಧಿಪತಿಯಿಂದ ನೋಡಲ್ಪಟ್ಟರೆ ರಸಾತಲ ಯೋಗ ಉಂಟಾಗಿ ಜಾತಕರು ಭೂಮಿಯಲ್ಲಿ ಬಚ್ಚಿಟ ಧನವನ್ನು ಹೊಂದಿ ಶ್ರೀಮಂತರಾಗಿ  ಬಾಳುತ್ತಾರೆ.

ಉಪಚಯ ಯೋಗ:---
*****************
           ★ ತೃತೀಯ, ಷಷ್ಠ, ಏಕಾದಶಗಳಲ್ಲಿ (3,6,11) ಶುಭಗ್ರಹಗಳು ಸ್ಥಿರರಾದರೆ, ಶುಭಾಶುಭವನ್ನು ಉಂಟುಮಾಡುವ ಈ ಯೋಗ ಉಂಟಾಗಿ ಜಾತಕನು ಶುಕ್ಲಪಕ್ಷದ ಚಂದ್ರನಂತೆ ವೃದ್ಧಿಹೊಂದಿ ಧನವಂತನಾಗಿ ಸುಖದಿಂದ ಬಾಳುತ್ತಾನೆ.

ಲಕ್ಷ್ಮೀಯೋಗ:---
************
            ★ ಭಾಗ್ಯಾಧಿಪತಿಯು ಭಾಗ್ಯದಲ್ಲಿ ಉಚ್ಚನಾಗಿದ್ದು, ಪಂಚಮಾಧಿಪತಿಯೊಂದಿಗಿದ್ದರೆ ಜಾತಕನಿಗೆ ಲಕ್ಷ್ಮೀಯೋಗ ಉಂಟಾಗಿ, ಬಹಳ ಧನಿಕನಾಗಿ, ಕೀರ್ತಿವಂತನಾಗಿ ಬಾಳುತ್ತಾನೆ.

ಕುಲಸಂವರ್ಧನ ಯೋಗ:---
*********************

           ★ ಚಂದ್ರನಿಗೆ, ಸೂರ್ಯನಿಗೆ, ಲಗ್ನಕ್ಕೆ ಪಂಚಮದಲ್ಲಿ ಸರ್ವಶುಭಗ್ರಹಗಳು ಬಲವಂತರಾಗಿದ್ದರೆ ಕುಲವರ್ಧನ ಯೋಗ ಉಂಟಾಗಿ, ಈ ಜಾತಕನು ಮಕ್ಕಳು, ಮೊಮ್ಮಕ್ಕಳನ್ನು, ಆರೋಗ್ಯಾದಿಗಳನ್ನು ಹೊಂದಿ, ಧನಿಕನಾಗಿ ಸೌಖ್ಯದಿಂದ ಬಾಳುವನು.

ಅಮೋಘ ಯೋಗ,:---
*****************

            ★ ಅನೇಕ ಶುಭ ಗ್ರಹಗಳು ಉಚ್ಚ, ಮೂಲ ತ್ರಿಕೋಣಗಳಲ್ಲಿದ್ದರೆ, ರಾಜನ ಮೂಲಕ (ಸರ್ಕಾರದ ಮೂಲಕ) ಮಹಾಧನವನ್ನೀಯುವ ಅಮೋಘವಾದ ಧನಯೋಗ ಉಂಟಾಗಿ ಜಾತಕನು ಸುಖದಿಂದ ಬಾಳುವನು.

ಅರ್ಥಯೋಗ:---
*************

           ★ನವಮದಲ್ಲಿ  ದ್ವಿತೀಯಾಧಿಪತಿಯು ಚತುರ್ಥ ಆಧಿಪತಿಯೊಂದಿಗಿದ್ದು, ನವಮಾಧಿಪತಿಯು ಬಲಾಢ್ಯನಾಗಿ ದ್ವಿತೀಯ ಸ್ಥಾನದಲ್ಲಿದ್ದು, ಲಾಭಾಧಿಪತಿ ಲಾಭ ಭಾವದಲ್ಲಿದ್ದು, ಆ ಭಾವವು ಲಗ್ನಾಧಿಪತಿಗೆ ಉಚ್ಚಸ್ಥಾನವಾಗಿದ್ದರೆ ಅರ್ಥಯೋಗ ಉಂಟಾಗಿ ಜಾತಕ  ಅತ್ಯಧಿಕ ಧನವನ್ನು ಹೊಂದಿ ರಾಜನಂತೆ ಬಾಳುವನು.

ದೇವೇಂದ್ರ ಯೋಗ:---
*****************

          ★ ಲಗ್ನಾಧಿಪತಿ  ಹಾಗೂ ಲಾಭಾಧಿಪತಿ ಪರಿವರ್ತನೆ ಯಲ್ಲಿದ್ದು,  ದ್ವಿತೀಯಾಧಿಪತಿ ಹಾಗೂ ದಶಮಾಧಿಪತಿ  ಪರಿವರ್ತನೆ ಯಲ್ಲಿದ್ದರೆ  ಜಾತಕನು ದೇವೇಂದ್ರನಂತೆ  ವೈಭವೋಪೇತ ಜೀವನವಿದ್ದು ಕೀರ್ತಿವಂತನಾಗಿ ಬಾಳುವನು.  

ಹೋರಾ ವರ್ಗ ಕುಂಡಲಿಯಲ್ಲಿ ಧನಯೋಗ
************************************

      30° ಯ  ರಾಶಿಯನ್ನು ಸಮಭಾಗ ಮಾಡಿದಾಗ ಪ್ರತಿ ಭಾಗ ಒಂದೊಂದು ಹೋರೆಯಾಗುತ್ತದೆ. ಅಂದರೆ ಒಂದು ರಾಶಿಯಲ್ಲಿ ಎರಡು ಹೋರೆಗಳು.

        ಸಮರಾಶಿಯಲ್ಲಿ ಮೊದಲ 15° ಯ ವರೆಗಿನದ್ಧು ಚಂದ್ರಹೋರೆ, ನಂತರದ 15° (15° -30°) ವರೆಗೆ ರವಿಹೋರೆ.
        ಬೆಸರಾಶಿಗಳಲ್ಲಿ ಮೊದಲ 15° ಯವರೆಗೆ ರವಿ ಹೋರೆ, ನಂತರದ 15° (15° -30°) ವರೆಗೆ ಚಂದ್ರ ಹೋರೆ.
       ಚಂದ್ರ ಹೋರೆಯಲ್ಲಿ ಜಾಸ್ತಿ ಗ್ರಹಗಳಿದ್ದರೆ, ಕಡಿಮೆ ಪ್ರಯತ್ನ ಕ್ಕೇ ಹೆಚ್ಚು ಸಂಪಾದನೆ.
       ರವಿ ಹೋರೆಯಲ್ಲಿ ಜಾಸ್ತಿ ಗ್ರಹಗಳಿದ್ದರೆ ಪ್ರಯತ್ನಕ್ಕೆ ತಕ್ಕಂತೆ ಫಲ.  ಒಳ್ಳೇ ಗ್ರಹಗಳಿದ್ದರೆ ಒಳ್ಳೇ ದಾರಿಯಲ್ಲಿ ಸಂಪಾದನೆ.
       ಇದು ಮೇಲ್ನೋಟಕ್ಕೆ ಕಾಣುವ ವಿಚಾರ, ಆಳ ಅಧ್ಯಯನದ ಮೂಲಕ ಯಾವ ಪ್ರಮಾಣದಲ್ಲಿ ಧನ ಸಂಪಾದನೆ ಅಥವಾ ಧನಲಾಭ ಅನ್ನುವ ವಿಚಾರವನ್ಮು ತಿಳಿಯಬಹುದು..

          ಅವುಗಳೆಂದರೆ....

      ★ ಪುರುಷ ರಾಶಿಯಲ್ಲಿನ ಪುರುಷ ಗ್ರಹಗಳು ರವಿ ಹೋರೆಯಲ್ಲಿದ್ದರೆ....
       ★  ಸ್ತ್ರೀ ರಾಶಿಯಲ್ಲಿನ ಸ್ರೀಗ್ರಹಗಳು ಚಂದ್ರಹೋರೆಯಲ್ಲಿದ್ದರೆ 100% ಶುಭಫಲ ( ಅನಾಯಾಸ ಧನಲಾಭ ).

       ★ ಸ್ತ್ರೀ ರಾಶಿಯಲ್ಲಿನ ಪುರುಷ ಗ್ರಹಗಳು ರವಿ ಹೋರೆಯಲ್ಲಿದ್ದರೆ...
       ★ ಪುರುಷ ರಾಶಿಯಲ್ಲಿನ  ಸ್ತ್ರೀ ಗ್ರಹಗಳು ಚಂದ್ರ ಹೋರೆ ಯಲ್ಲಿದ್ದರೆ..75% ಫಲ ( ಕಡಿಮೆ ಪರಿಶ್ರಮದಿಂದ ಅಧಿಕ ಧನಲಾಭ ).

      ★ ಪುರುಷ ರಾಶಿಯಲ್ಲಿನ ಪುರುಷ ಗ್ರಹ ಚಂದ್ರ ಹೋರೆ ಯಲ್ಲಿದ್ದರೆ...
      ★ ಸ್ತ್ರೀ ರಾಶಿಯಲ್ಲಿನ ಸ್ತ್ರೀ ಗ್ರಹ ರವಿ ಹೋರೆ ಯಲ್ಲಿದ್ದರೆ.. 50% ಫಲ ( ಶ್ರಮಕ್ಕೆ ತಕ್ಕಂತೆ ಧನಲಾಭ ).

       ★ ಸ್ತ್ರೀ ರಾಶಿಯಲ್ಲಿನ ಪುರುಷ ಗ್ರಹಗಳು ರವಿ ಹೋರೆಯಲ್ಲಿದ್ದರೆ ...
        ★ ಪುರುಶ ರಾಶಿಯಲ್ಲಿನ ಸ್ತ್ರೀ ಗ್ರಹಗಳು ಚಂದ್ರ ಹೋರೆ ಯಲ್ಲಿದ್ದರೆ..25% ಫಲ (  ಅಧಿಕ ಶ್ರಮ ಅಲ್ಪಲಾಭ ).

        ಜಾತಕದಲ್ಲಿ ಈ ರೀತಿಯ  ಗ್ರಹ ಸಂಯೋಜನೆ ಯಿಂದ ನಮ್ಮ ಧನ ಸಂಪಾದನೆಯನ್ನು ನಿರ್ಧರಿಸಬಹುದು.

ಡಾ:  ಶೈಲಜಾ ರಮೇಶ್

ವಿದ್ಯಾಭ್ಯಾಸ

                            ಹರಿಃ ಓಂ
             ಶ್ರೀ ಮಹಾಗಣಪತಯೇ ನಮಃ
                   ಶ್ರೀ ಗುರುಭ್ಯೋ ನಮಃ

ವಿದ್ಯಾಭ್ಯಾಸ
***********

         ವಿದ್ಯಾರ್ಜನೆಗೆ ಲಗ್ನದಿಂದ ಚತುರ್ಥ ಸ್ಥಾನವನ್ನೂ,  ಜ್ಞಾನಾರ್ಜನೆಗೆ ಪಂಚಮ ಸ್ಥಾನವನ್ನೂ  ಪರಿಶೀಲಿಸಬೇಕು.  ಆದ್ರೆ ಯಾವುದೇ ವಿದ್ಯೆಗೆ ಪ್ರಾಥಮಿಕ ವಿದ್ಯಾರ್ಜನೆಗೆ 2ನೇ ಮನೆಯನ್ನು ನೋಡಬೇಕು. ಏಕೆಂದರೆ ವಾಕ್ ಸ್ಥಾನವಾದ ಧನಸ್ಥಾನವು ಮಗುವಿನ ತೊದಲ್ನುಡಿಗಳಿಂದಿಡಿದು  ಹೇಳಿಕೊಟ್ಟದ್ದನ್ನು ಕಲಿತು ಮತ್ತೆ ನೆನಪಿಸಿಕೊಂಡು ಹೇಳುವುದನ್ನು ಸೂಚಿಸುತ್ತೆ.  ಎಲ್ಲಾ ವಿದ್ಯೆಗೂ ಮೂಲ ಸ್ಥಾನ ಧನಭಾವ ( 2ನೇ ಮನೆ ) ವೇ ಆಗಿದೆ.  ಅಕ್ಷರದ ಪರಿಚಯವಿಲ್ಲದೆ ವಿದ್ಯಾವಂತನಾಗಲು ಸಾಧ್ಯವಿಲ್ಲ.  ಧನಭಾವ ಚನ್ನಾಗಿದ್ದರೆ ಅಕ್ಷರಜ್ಞಾನ ಹೊಂದಿ ಪ್ರಾಥಮಿಕ ಶಿಕ್ಷಣವನ್ನು ಗಳಿಸಿರುತ್ತಾನೆ.

          ಧನಭಾವ ಬಲವಿಲ್ಲದೆ 5, 9 ನೇ ಸ್ಥಾನಗಳು ಪ್ರಭಲವಾಗಿದ್ದರೂ ವಿದ್ಯಾವಂತರಾಗಲಾರರು,  ಧನಭಾವ ಪ್ರಬಲವಾಗಿದ್ದು 5, 9th ಬಲಹೀನವಾಗಿದ್ರೆ ಪೂರ್ಣಪ್ರಮಾಣದಲ್ಲಿ ವಿದ್ಯಾವಂತನಾಗದಿದ್ದರೂ,  ಅಕ್ಷರಸ್ಥರಾಗಿ ವ್ಯಾವಹಾರಿಕ ಜ್ಞಾನವನ್ನು ಪಡೆಯಬಹುದು.  ಹಾಗಾಗಿ  ಜಾತಕದಲ್ಲಿ ವಿದ್ಯಾಭ್ಯಾಸವನ್ನು ಪರಿಶೀಲಿಸಬೇಕಾದರೆ... ಮೊದಲು  2, 5 ನೇ ಭಾವಗಳನ್ನು,  ಅದರ ಭಾವಾಧಿಪತಿಗಳನ್ನ, ಮತ್ತವುಗಳ ಬಲಾಬಲಗಳನ್ನು ತಿಳಿಯಬೇಕಾಗುತ್ತದೆ.

■  ಬುಧ, ಗುರು, ಶುಕ್ರರು ವಿದ್ಯಾಕಾರಕರು.
■ ಬುಧ ---- ವಿದ್ಯಾಗ್ರಹಣ ಶಕ್ತಿ
■ ಗುರು ---- ಜ್ಞಾನಾರ್ಜನಾ ಶಕ್ತಿ
■ ಶುಕ್ರ ----  ಮೇಧಾ ಶಕ್ತಿ.

ಜಾತಕದಲ್ಲಿ ಈ ವಿದ್ಯಾಸಂಬಂಧ ಗ್ರಹಗಳಾದ  ಬುಧ , ಗುರು, ಶುಕ್ರರು  ಪೀಡಿತರಾದಾಗ  ವಿದ್ಯಾರ್ಜನಗೆ   ಅಡಚಣೆ, ತೊಂದರೆಗಳಾಗುತ್ತವೆ.

★ ಧನ, ಚತುರ್ಥ, ಪಂಚಮಭಾವಗಳು --- ವಿದ್ಯಾಭಾವಗಳು.
★ ಧನಭಾವ ---- ಗ್ರಹಣಶಕ್ತಿ, ಬರವಣಿಗೆ.
★ ಚತುರ್ಥ ಭಾವ ---- ಮನಸ್ಸಿಟ್ಟು ಕಲಿಕೆ, ಮಧ್ಯಮ ಹಾಗೂ ಉನ್ನತ ಶಿಕ್ಷಣ
★ ಪಂಚಮಭಾವ ----  ಬುದ್ಧಿಶಕ್ತಿ, ಜ್ಞಾನ ಸಂಪಾದನಾ ದಾಹ.
★ ನವಮಭಾವ  --- ಉನ್ನತವಿದ್ಯೆ.
★ ದಶಮ ಭಾವ ---- ವಿದ್ಯಾವರ್ಗ ( ಶ್ರೇಣಿ).

    ವಿದ್ಯೆಗೆ ತೊಂದರೆ ಮಾಡುವ ಗ್ರಹಗಳು                      ****************************
   ★  ಕುಜ, ರವಿ, ಶನಿ, ರಾಹು, ಕೇತು ಮತ್ತು ಬಲಹೀನ ಶುಕ್ರ, ಪೀಡಿತ ಬುಧ.
   ★  ಕುಜ  -- ಮರೆವು
   ★  ರವಿ   --  ವಿದ್ಯಾಕಾಲದಲ್ಲಿ ದೈಹಿಕ ತೊಂದರೆ
   ★  ಶುಕ್ರ ಹಾಗೂ ಪೀಡಿತ ಬುಧ  --  ಬುದ್ಧಿ ಮಾಂದ್ಯತೆ, ಅಲ್ಪಗ್ರಹಣಶಕ್ತಿ.
   ★  ಶನಿ -- ಸೋಮಾರಿತನ, ನಿಧಾನ,  ಗಮನ ನೀಡದೆ ಇರುವುದು.
   ★   ರಾಹು - ಕೇತುಗಳು  -- ವಿಷಯದಲ್ಲಿ ಅಲ್ಪಜ್ಞಾನ

ವಿದ್ಯೆ ಪರಿಶೀಲನೆಗೆ ನಿಯಮಗಳು
*****************************
     ◆ 2, 5 ನೇ ಅಧಿಪತಿಗಳು  ವಕ್ರೀ, ಅಸ್ತ, ನೀಚ, ಪಾಪಕರ್ತರಿ,  ಪಾಪಗ್ರಹ ಯುತಿ, ದೃಷ್ಟಿ, ಹಾಗೂ ದುಸ್ಥಾನ ಗಳಲ್ಲಿ ಸ್ಥಿತರಾದಲ್ಲಿ ವಿದ್ಯಾದೋಷ.

    ◆  ವಿದ್ಯಾಕಾರಕ ಬುಧ, ಗುರುಗಳು ದುಸ್ಥಾನ ಸ್ಥಿತ, ಬಲಹೀನ, ಪಾಪಗ್ರಹಗಳಿಂದ ಪೀಡಿತರಾದಾಗ ವಿದ್ಯೆಯಲ್ಲಿ ಕುಂಠಿತ ( ಬುಧ - ಗ್ರಹಣಶಕ್ತಿ, ಗುರು - ಶ್ರದ್ಧೆ ).

      ,◆ ವಿದ್ಯಾಸ್ಥಾನದಲ್ಲಿ  ರಾಹುಕೇತುಗಳು ಸ್ಥಿತರಾಗಿ ಪಾಪಗ್ರಹಗಳ ಸಂಬಂಧ ಬಂದಾಗ ವಿದ್ಯಾಹೀನ.

      ◆  ಕೇಂದ್ರಾದಿಪತ್ಯ ದೋಷ,  ದುಸ್ಥಾನಾಧಿಪತ್ಯ, ವಕ್ರ, ನೀಚ, ಅಸ್ತ, ರಾಶಿ - ಭಾವ ಸಂಧಿಸ್ಥಿತ  ನೈಸರ್ಗಿಕ ಶುಭಗ್ರಹಗಳಾದರೂ ವಿದ್ಯೆಗೆ ಅಡಚಣೆ.

     ◆ ನೈಸರ್ಗಿಕ ಪಾಪಗ್ರಹನಾದರೂ ಯೋಗಕಾರಕನು ವಿದ್ಯಾಸ್ಥಾನದಲ್ಲಿದ್ದಾಗ ವಿದ್ಯಾಭಿವೃದ್ಧಿ.

   ಡಾ :  ಶೈಲಜಾ ರಮೇಶ್