ಸಂಖ್ಯಾಶಾಸ್ತ್ರ ಭಾಗ 2

                             ಹರಿಃ ಓಂ

                ಓಂ  ಶ್ರೀ ಗಣೇಶಾಯ ನಮಃ

                 ಓಂ ಶ್ರೀ ಗುರುಭ್ಯೋ ನಮಃ

ಸಂಖ್ಯೆ  ಎರಡು
*********

      Picture source : internet / social media

 ೨,೧೧,೨೦,೨೯ ದಿನಾಂಕದವರು ೨   ಮೂಲಾಕ್ಷರಕ್ಕೆ  ಬರುತ್ತಾರೆ.

     ಈ ಎರಡನೇ ಸಂಖ್ಯೆಗೆ ಅಧಿಪತಿ ಚಂದ್ರ ನಾಗಿದ್ದಾನೆ,  ಸೂರ್ಯನು  ಆತ್ಮ ಕಾರಕನಾದರೆ ಚಂದ್ರನು "ಚಂದ್ರಮಾಮನಸೋಜಾತ"ನಾಗಿದ್ದಾನೆ.

Picture source : internet / social media

    ರೂಪ ಆಕಾರ :---
    *************

       ಎರಡನೇ  ಸಂಖ್ಯೆ ಯಲ್ಲಿ  ಜನಿಸಿದ ಹಲವರು ಒಳ್ಳೆಯ ರೂಪ ಶರೀರ ಹೊಂದಿ ಆಕರ್ಷಕವಾದ ಸೌಂದರ್ಯದವರಾಗಿರುತ್ತಾರೆ,  ದೇಹಕ್ಕೆ ತಕ್ಕ ಎತ್ತರವೂ   ಇವರಿಗಿರುತ್ತದೆ,  ಚಿಕ್ಕಕಿವಿಗಳು,  ಸುಂದರವಾದ,ಗುಂಡಾದ ನೇತ್ರಗಳು,ದಪ್ಪವಾದ ತುಟಿಗಳು, ನಯವಾದ ಕೂದಲು, ಮುಂದೆಬಂದಿರುವ ಹೊಟ್ಟೆ ಇವೆಲ್ಲವುಗಳೂ ಎರಡನೇ ಸಂಖ್ಯೆಯವರೆಂಬುದನ್ನು  ವ್ಯಕ್ತಪಡಿಸುತ್ತದೆ.

       ಗುಣ-ನಡತೆ :---
      **********
          ಎರಡನೇ  ಸಂಖ್ಯೆಯವರು ಚಂಚಲವಾದ ಮನಸ್ಸುಳ್ಳವರು, ಸದಾ ಸಂದೇಹ ಸ್ವಬಾವದವರು ಆಗಿರುವರು.ಆದುದರಿಂದ ಯಾವ ಕಾರ್ಯವನ್ನು ಮಾಡಬೇಕಾದರೂ ಮೊದಲು ಚೆನ್ನಾಗಿ ಯೋಚಿಸಿ ನಂತರ ನಿಧಾನವಾಗಿ ಕಾರ್ಯಗತರಾಗಬೇಕೆಂಬ ಗುಣವು ಇವರಲ್ಲಿರಲಾರದು ಪ್ರತಿಯೊಂದು ವಿಚಾರದಲ್ಲೂ ಅವಸರಪಟ್ಟು ಪ್ರವೇಶಿಸಿ ನಂತರ ಅದನ್ನು ಕೈ ಬಿಡುವುದು ಇವರ ಗುಣ, ತಾವಾಗಿಯೇ ನಿರ್ಣಯಿಸಿ ಆಮೇಲೆ ನಿಧಾನವಾಗಿ ಕಾರ್ಯದಲ್ಲಿ ಪ್ರವರ್ತಿಸುವ ಸ್ವಭಾವವು ಇವರಲ್ಲಿ ಇಲ್ಲದಿದ್ದರೂ ಇತರರು ಹೇಳುವ ಆಲೋಚನೆಗಾದರೂ ಕಿವಿಗೊಟ್ಟು ಅವರು ಹೇಳುವ ದಾರಿಯಲ್ಲಿ ಕೆಲಸಮಾಡಿಕೊಳ್ಳಬಹುದು, ಆದರೆ ಇವರು ಪರರನ್ನು ನಂಬಿಯೂ ನಂಬದೆಯೂ ಇರುವ ಸ್ವಬಾವವುಳ್ಳವರಾಗಿ ಕಂಡುಬರುತ್ತಾರೆ ಇದು ಇವರ ಸಹಜ ಗುಣ. ತಮ್ಮ ಕೆಲಸಗಳನ್ನು ಬದಿಗೆ ಸರಿಸಿ ಪರರಿಗೆ ತಮ್ಮಿಂದ ಏನಾದರೂ ಉಪಕಾರ ಮಾಡಲು ಸಾದ್ಯವಿದೆಯೇ ಎಂಬಯೋಚನೆಯಲ್ಲಿಯೇ ಇರುತ್ತಾರೆ. ಪ್ರಾಪಂಚಿಕ ವಿಷಯದ ಚಿಂತನೆಗಿಂತ ಆಧ್ಯಾತ್ಮಿಕ ವಿಷಯದ ಚಿಂತನೆ  ಅಧಿಕವಾಗಿರುವುದು,  ಆಧ್ಯಾತ್ಮಿಕ ಚರ್ಚೆಯನ್ನು ಮಾಡುವಾಗ ಇವರಿಗೆ ಸಮಯವು ಕಳೆದುದೇ ತಿಳಿಯದು ತಮ್ಮ ಸಮಸ್ಯೆಗಳಿಗೆ ಏಕಾಂತದಲ್ಲಿ ತಾವೇ ಸ್ವತಃ ಚಿಂತಿಸಿ  ಪರಿಹಾರವನ್ನು ಕಂಡುಕೊಳ್ಳುವ ಅಭ್ಯಾಸ ವುಳ್ಳವರು.
ಪ್ರಾಕೃತಿಕ ಸೌಂದರ್ಯವನ್ನು ಅನುಭವಿಸುವ ಜೊತೆಗೆ ಈಜುವುದರಲ್ಲಿಯೂ ಅಭಿರುಚಿಯುಳ್ಳವರು, ಇವರಿಗೆ  ಸ್ವಬಾವಿಕವಾಗಿರುವ ಮುಂಗೋಪವು, ಅವಸರದಲ್ಲಿ ಆರಂಭಿಸುವ ಕೆಲಸವೂ ಇವರು ಕೈಗೊಳ್ಳುವ ಕಾರ್ಯಗಳಲ್ಲಿ ಜಯಶೀಲರಾಗಲು ಭಾದಕವಾಗಬಹುದು. ಜೀವನದ ತೊಡಕುಗಳಲ್ಲಿ ನೊಂದು-ಬೆಂದು ಹೋಗಿರುವ ಎರಡನೇ ಸಂಖ್ಯೆಯವರು ಕೆಲವರು ಜಲಸಮಾಧಿಗೆ ಶರಣು ಹೋಗುವುದೂ ಇದೆ. ಸ್ವತಂತ್ರವಾಗಿ ಜೀವಿಸುವುದರಲ್ಲಿ ನಂಬಿಕೆ ಸಾಲದುದರಿಂದ ಇತರರ ಅಧೀನದಲ್ಲಿ ಸೇವಕರಾಗಿ ಇರುವುದಕ್ಕೂ ಸಿದ್ದರಾಗಿ ಕಾಲತಳ್ಳುವಸ್ವಭಾವ ಇವರದು,  ಭೂತ  ಪಿಶಾಚಿಗಳೆಂದರೆ ಇವರಿಗೆ ಭಯಜಾಸ್ತಿ.

        ಎರಡನೆ ಸಂಖ್ಯೆಯ ಸ್ತ್ರೀಯರು ಬಹಳ ಹೇಡಿಗಳು,  ಸ್ವಲ್ಪಗದರಿಸಿದರೂ ಭಯಬೀತರಾಗುವರು  ಹಸಿರು ಬಣ್ಣಗಳುಳ್ಳ ವಸ್ತುಗಳನ್ನು  ವಸ್ತ್ರಆಭರಣಗಳನ್ನೂ ಉಪಯೋಗಿಸುವುದೆಂದರೆ ಇವರಿಗೆ ಪ್ರೀತಿ, ಹೆಂಗಸರು ಹೆಚ್ಚಾಗಿ ಸೌಂದರ್ಯ ವೃದ್ದಿಗಾಗಿ ಸಮಯ ಕಳೆಯುತ್ತಾರೆ.

          ಗೃಹಸ್ಥ ಜೀವನ :----
          ***********
       ಇವರ ಸಾಂಸಾರಿಕ ಜೀವನ ಸುಖವಾಗಿರುತ್ತದೆ,
ಇವರು ಜನಿಸಿದ ದಿನಾಂಕ ತಿಂಗಳು  ವರ್ಷಗಳ ಭವಿಷ್ಯ  ಸಂಖ್ಯೆಯು ಎರಡು ಆಗಿರುವುದರಿಂದ 5, 6, 7, ನೇ ಸಮಷ್ಟಿ ಸಂಖ್ಯೆಯುಳ್ಳವರನ್ನು ವಿವಾಹ ಮಾಡಿಕೊಂಡರೆ ದಾಂಪತ್ಯ ಜೀವನವು ಬಹಳ ಆನಂದವಾಗಿರುತ್ತದೆ,ಅಲ್ಲದೆ ೨೫ರಿಂದ ೩೦ವರ್ಷಗಳ ನಡುವೆ ಮದುವೆ ಮಾಡಿಕೊಂಡರೆ ಒಳ್ಳೆಯದು,ಪ್ರೇಮವ್ಯವಹಾರದಲ್ಲಿ ಇವರಿಗೆ ಶತ ಪ್ರತಿಶತ ಜಯವೇ ಲಭಿಸುವುದು.

ಎರಡನೇ ಸಂಖ್ಯೆಯ  ಪತಿಯಾದರೆ:---  ಹೆಚ್ಚು ನಿಸರ್ಗದ ಬಗ್ಗೆ ಪ್ರೀತಿ, ಆಕರ್ಷಣಾ ಶಕ್ತಿಯುಳ್ಳವರು,  ಎರಡನೇ ಸಂಖ್ಯೆ ಋಣಾತ್ಮಕ ವಾಗಿದ್ದರೆ (Negative) ,  ಬರೀ ತಪ್ಪುಗಳನ್ನು ಕಂಡುಹಿಡಿಯುವುದೇ ಕೆಲಸ, ಅವರನ್ನು ತೃಪ್ತಿ ಪಡುಸಲಾಗುವುದಿಲ್ಲ,  ಸೋಮಾರಿ, ಇವರು ಹಣದ ಆಸೆಗಾಗಿಯೇ ಮದುವೆಯಾಗುತ್ತಾರೆ,  ಇಂತಹ ಸಂಗಾತಿಯಿಂದ ಜೀವನ ಸುಗಮವಾಗಿರುವುದಿಲ್ಲ.
ಎರಡನೇ ಸಂಖ್ಯೆ ಧನಾತ್ಮಕ ವಾಗಿದ್ದರೆ (positive),  ತುಂಬಾ ಕಾಳಜಿ ಯಿಂದ ನೋಡಿಕೊಳ್ಳುವ ಸ್ವಭಾವದವರು, ದಯಾಪರರು, ಎಲ್ಲಾ ವಿಷಯಗಳಲ್ಲೂ ಸಹಾಯಕಾರಿ, ತುಂಬು ಪ್ರೀತಿಯನ್ನು ಕೊಡುವವರು.

ಎರಡನೇ ಸಂಖ್ಯೆಯ  ಪತ್ನಿಯಾಗಿದ್ರೆ :--- ಸೂಕ್ಮ ಮನಸ್ಸಿನವರು, ದಯಾಪರರು, ವಾತ್ಸಲ್ಯ ಪ್ರೀತಿಯಿಂದ ಮನೆಯ ಜನರನ್ನು ನೋಡಿಕೊಳ್ಳುವವರು, ಏನೇ ಅನುಕೂಲ - ಅನಾನುಕೂಲವಿದ್ದರೂ  ತೃಪ್ತಿ ಕರವಾಗಿರುತ್ತಾರೆ,  ಪತಿಗೆ ಯಾವುದೇ ತೊಂದರೆ ಕೊಡದೆ ತಮ್ಮ ಕೆಲಸ ಜವಾಬ್ದಾರಿಗಳನ್ನು ಅಚ್ಚುಕಟ್ಟಾಗಿ ನಿರ್ವಹಿಸುತ್ತಾರೆ.

        ಆರ್ಥಿಕ ಪರಿಸ್ಥಿತಿ:---
        ************
      
           ಚಂದ್ರನಿಗೆ, ಶುಕ್ಲಪಕ್ಷ, ಕೃಷ್ಣಪಕ್ಷ ಇರುವಂತೆ ಎರಡನೇ ಸಂಖ್ಯೆಯವರಿಗೂ  ಆರ್ಥಿಕ ಪರಿಸ್ಥಿತಿಯಲ್ಲಿ ಏರುಪೇರು ಸಹಜವಾಗಿರಿತ್ತದೆ ,  ಪ್ರತಿನಿತ್ಯ ದಿಟ್ಟವಾಗಿ ನಿಂತು ಕೆಲಆ ಮಾಡುವ ಭೌತಿಕ  ಆರೋಗ್ಯವಿರುವುದಿಲ್ಲ  ಆದರಿಂದ  ಧನ  ಸಂಪಾದನೆ ಸಾಮಾನ್ಯವಾಗಿರುತ್ತದೆ, ಆದರೆ ಇವರು ನಡೆಸಿಕೊಂಡು ಬರುವ ವ್ಯಾಪಾರವು ಇವರಿಗೆ ಲಾಭದಾಯಕವಾಗಿಯೇ ಇರುವುದು.  ಸಂಪಾದನೆ  ಅಭಿವೃದ್ಧಿ ಆಗಬೇಕಾದರೆ  ಕಲ್ಪನಾ ಸಾಗರದಿಂದ ಹೊರಬಂದು ಕ್ರಿಯಾಶೀಲ ರಾಗಿರಬೇಕು.

        ದೇಹಾರೋಗ್ಯ :---
        **********
          ಎರಡನೇ ಸಂಖ್ಯೆಯವರಿಗೆ ಉದರಕ್ಕೆ ಸಂಬಂಧಪಟ್ಟ ವ್ಯಾಧಿಗಳು ಆಗಾಗ್ಗೆ ಭಾದಿಸುತ್ತವೆ, ಕೆಲವರಿಗೆ "ಗನೇರಿಯಾ"ದಂತಹ ರೋಗವು ಬರಬಹುದು, ಕೆಲವರಿಗೆ ಮನೋವ್ಯಾಧಿಯು ಭಾದಿಸುವುದು , ಆದುದರಿಂದ ದುಃಖಕರವಾದ ಸಮಾಚಾರವನ್ನು ಇಂಥವರಿಗೆ ಹೇಳದೇ ಇರುವುದೇ ಉತ್ತಮವಾದುದು.ಒಂದು ವೇಳೆ ಹೇಳಿದರೂ ನಿಧಾನವಾಗಿ ಗಾಬರಿಯಾಗದಂತೆ ಹೇಳಬೇಕು  ಚಂದ್ರಗ್ರಹವು ತಂಪಾದ ಗ್ರಹವಾದ್ದರಿಂದ ಇವರಿಗೆ ಶೈತ್ಯ ಸಂಬಂದವಾದ ವ್ಯಾಧಿಗಳು ಹೆಚ್ಚಾಗಿ ಬರಬಹುದು.  ಚಂದ್ರಗ್ರಹವು ಕೆಲವರಿಗೆ ದುರ್ಬಲವಾಗಿರುವುದು ಅಂತಹವರಿಗೆ ಜಲಗಂಡಾಂತರವು ಬರುವ ಸಂಭವ ವಿರುತ್ತದೆ. ಅಂಗೈಯಲ್ಲಿರುವ ಚಂದ್ರನ ಪರ್ವದಲ್ಲಿ, ದ್ವೀಪಅಕಾರ ಹಾಗೂ  ವಲಯದಂತಿರುವ ರೇಖೆಗಳಿದ್ದರೆ ಜಲಸಮಾಧಿಯನ್ನು ತಪ್ಪಿಸಲು ಸಾಧ್ಯವಿಲ್ಲ. ಆದುದರಿಂದ ಇವರು ನೀರಿನ ಬಳಿ ಜಾಗೃತರಾಗಿರುವುದೇ ಲೇಸು.

          ಉದ್ವೇಗ ಮತ್ತು  ಚಿಂತೆಗಳು ಇವರನ್ನು   ಕಾಡುತ್ತಿರುತ್ತದೆ,  ಅಲ್ಪಸ್ವಲ್ಪ ವಿಷಯಕ್ಕೂ  ಚಿಂತಾಕ್ರಾಂತರಾಗುತ್ತಾರೆ,  ಈ ರೀತಿಯ  ಚಿಂತೆಗಳಿಂದ  ಹೃದಯವು ಬಲಹೀನವಾಗಿ ದುರ್ಬಲವಾಗುತ್ತದೆ,  ಆಗಾಗ ನರಗಳ ದೌರ್ಬಲ್ಯ ಕಾಡುತ್ತಿರುತ್ತದೆ,  ಅಲರ್ಜಿಗಳು  ಸೋಂಕು,  ಟೈಫಾಯಿಡ್,  ಬಿಟ್ಟು ಬಿಟ್ಟು ಬರುವ ಜ್ವರ,  ರಕ್ತ ಹೀನತೆ  ಕಡಿಮೆ ರಕ್ತ ಸಂಚಾರ,  ಅಸ್ತಮಾ, ಮಧುಮೇಹ  ಬರುವ  ಸಾಧ್ಯತೆಗಳಿರುತ್ತವೆ.

     ಉದ್ಯೋಗ ಮತ್ತು ವ್ಯಾಪಾರ:---
    ******************

       ಈ ಸಂಖ್ಯೆಯವರು ಹಲವರು ವ್ಯಾಪಾರವನ್ನೇ ಮಾಡಿಕೊಂಡಿರುವರು.ಇತರರೊಡನೆ ಪಾಲುಗಾರರಾಗುದು ಇವರಿಗೆ ಸರಿಯಾಗುವುದಿಲ್ಲ ಆದುದರಿಂದ ಪ್ರತ್ಯೇಕವಾಗಿ ವ್ಯಾಪಾರ ನಡೆಯಿಸುವುದೇ  ಇವರಿಗೆ ಲಾಭದಾಯಕವಾಗಿರುವುದು,  ಈ  ಸಂಖ್ಯೆಯವರು  ಹೆಚ್ಚಾಗಿ ಸೌಂದರ್ಯ ವರ್ಧಕ ವೃತ್ತಿ, ಅಥವಾ  ಸೌಂದರ್ಯ ವರ್ಧಕಗಳ ತಯಾರಿಕಾ ಘಟಕಗಳಲ್ಲೂ ವೃತ್ತಿ ಮಾಡುತ್ತಾರೆ, ವಸ್ತ್ರದ ಗಿರಣಿ ಮತ್ತು ಕಾರ್ಖಾನೆಗಳು ನಡೆಯಿಸುವುದು, ,ಪರಿಮಳ ದ್ರವ್ಯಗಳನ್ನು ತಯಾರುಮಾಡುವುದು ಲಾಭದಾಯಕವಾಗಿರುತ್ತದೆ,  ಉದ್ಯೋಗಗಳಲ್ಲಿ ಸರ್ಕಾರದ ಕೆಲಸಗಳಲ್ಲಿ ದೊಡ್ಡಪದವಿಯನ್ನು ಅಲಂಕರಿಸಬಹುದು,  ಕೆಲಸದ ಆಳುಗಳು,ಸೇವಕರು ಮೊದಲಾದವರೊಡನೆ ಆಡಂಬರದ ಜೀವನ ನಡೆಸುವರು.  
          ಕವಿಗಳು,  ಸಾಹಿತಿಗಳು,  ಹಾಡುಗಾರರು,  ಲಲಿತಕಲೆಗಳಲ್ಲಿ  ಆಸಕ್ತಿಯುಳ್ಳವರೂ  ಹರಿಕಥೆಗಳನ್ನು ಮಾಡುವವರು,ಪುರಾಣ ಪುಣ್ಯಪ್ರವಚನಗಳನ್ನು ಹೇಳುವವರು ಈ ಎರಡನೇ ಸಂಖ್ಯೆಯಲ್ಲಿ ಜನಿಸಿದವರಾಗಿರುತ್ತಾರೆ.

         ಚಂದ್ರಬಲವಿಲ್ಲದ ಈ ಎರಡನೇ ಸಂಖ್ಯೆಯವರು ಮನೆಕೆಲಸ ಮಾಡುವ ಸೇವಕರಾಗಿ ,ದೋಣಿ ಹಡಗು ನಡೆಸುವರಾಗಿ,   ನರ್ಸ್ಗಳಾಗಿ ಸೇವಾವೃತ್ತಿಯ ಕೆಲಸಮಾಡುತ್ತಾರೆ. ಲೋಕಸಂಚಾರ ಮಾಡುವುದರಲ್ಲಿ  ಆಸಕ್ತಿ,  ಹಾಗಾಗಿ  ವಿದೇಶ ಪರ್ಯಟನೆ ಮಾಡುತ್ತಾರೆ.

        ಚಂದ್ರನ ಕಾಲ ಜೂನ್ ೨೧ರಿಂದ ಜುಲೈ ೨೨
ಈ ವೇಳೆಯಲ್ಲಿ ೨,೧೧.೨೯ ಈ ದಿನಾಂಕಗಳಲ್ಲಿ ಸೋಮವಾರ  ಶುಕ್ರವಾರ  ಜನಿಸಿದವರಿಗೆ ವಿಶೇಷವಾಗಿ ಚಂದ್ರ ಬಲಶಾಲಿಯಾಗಿರುತ್ತಾನೆ ಅಂತವರು ತುಂಬಾ ಹೆಸರುವಾಸಿಯಾದ (ಪ್ರಖ್ಯಾತಿಹೊಂದಿ) ವ್ಯಕ್ತಿಗಳಾಗಿ ಬಾಳುತ್ತಾರೆ,

       ಚಂದ್ರನ ದಿಕ್ಕು-ಪ್ರದೇಶ:---
      ****************   

               ಉತ್ತರದಿಕ್ಕು, ಏರಿಗಳು, ಕೊಳಗಳು, ಬಾವಿಗಳು,ಸ್ನಾನಗೃಹಗಳು,ಶೀತಪ್ರದೇಶಗಳು ಎರಡನೇ  ಸಂಖ್ಯೆಯವರಿಗೆ ಉತ್ತರದಿಕ್ಕಿಗೆ ಪ್ರಯಾಣ ಶುಭಕರ,  ಯಾವುದೇ ಕಾರ್ಯರಂಭವನ್ನು ಉತ್ತರಾಭಿಮುಖವಾಗಿ  ಕುಳಿತು ಮಾಡಿದರೆ ಒಳ್ಳೆಯದು, ಕಛೇರಿಯಲ್ಲಿ ಉತ್ತರಾಭಿಮುಖವಾಗಿ ಕುಳಿತುಕೊಳ್ಳುವುದು ಒಳ್ಳೆಯ ಪ್ರಭಾವಮತ್ತು ಜಯವನ್ನು ತರುತ್ತದೆ.

       ಅದೃಷ್ಟದ ರತ್ನ:--
       **********

        ಮುತ್ತು ಇಲ್ಲವೇ ಚಂದ್ರಕಾಂತಮಣಿ ಧರಿಸಿದರೆ ಉತ್ತಮ ,  ಚಂದ್ರನ ಲೋಹವಾದ ಬೆಳ್ಳಿಯಲ್ಲಿ  ಧರಿಸಿದರೆ ಇನ್ನೂ  ಉತ್ತಮ,  ಗ್ರಹಪೀಡೆ, ಶತೃಭಾದೆ, ಋಣಭಾದೆ, ನಿವಾರಣೆಯಾಗುತ್ತದೆ.

       ಅದೃಷ್ಟದ ವರ್ಣ :--
       ***********
ಬಿಳಿ,ಎಲೆ ಹಸಿರು ಈ ಬಣ್ಣಗಳ ವಸ್ತ್ರ,ಆಭರಣಗಳನ್ನು ಧರಿಸಿದರೆ ಶುಭ. ಈ  ಬಣ್ಣಗಳು  ಮಾನಸಿಕ ಶಕ್ತಿಯನ್ನು ವೃದ್ಧಿಸುತ್ತದೆ,  ಮಂಜಿನತಹ ಬಿಳಿಬಣ್ಣ  ತೇಜಸ್ಸು ಪರಾಕ್ರಮ ನೀಡುತ್ತದೆ.

ಅನುಕೂಲಕರ ದಿನಾಂಕಗಳು:---
******************
೨,೭,೧೧,೨೦,೨೫,೨೯(೨,೭)
ಶುಭವಾದವು.

ಅನಾನುಕೂಲಕರ ದಿನಾಂಕಗಳು:---
*******************

೪,೮,೯,೧೮,೨೭(೪,೮,೯)

ಉತ್ತಮ ದಿಕ್ಕು :--   ವಾಯುವ್ಯ
*************

ಉತ್ತಮ ವಾರಗಳು :--                                  
*************
ಸೋಮವಾರ, ಬುಧವಾರ,ಶುಕ್ರವಾರ

ಗ್ರಹಪ್ರೀತಿಗೆ:- --
**********
       ಸೋಮವಾರ ವ್ರತ ದುರ್ಗಾಪೂಜೆ  ಸ್ತೋತ್ರ ಪಾರಾಯಣ  ಅಥವ ಲಕ್ಷ್ಮಿಸ್ತೋತ್ರ,ಪಾರಾಯಣ ಮಾಡಿದರೆ ಸೂಕ್ತ.

ಓಂ  ಶ್ರೀಮ್ ಕ್ರೀಮ್ ಚಂ  ಚಂದ್ರಾಯ ನಮಃ

       ಈ ಮಂತ್ರ ಪಠಣದಿಂದ  ಮನಸ್ಸಿನ ತೊಂದರೆ, ಚಿಂತೆಯನ್ನು ದೂರಮಾಡಬಹುದು.

✍   ಡಾ : B. N. ಶೈಲಜಾ ರಮೇಶ್

ಸಂಖ್ಯಾಶಾಸ್ತ್ರ ಒಂದು ವಿಸ್ತೃತ ನೋಟ

                              ಹರಿಃ ಓಂ

            ಓಂ ಶ್ರೀ ಮಹಾಗಣಪತಯೇ ನಮಃ

                ಓಂ ಶ್ರೀ ಗುರುಭ್ಯೋನಮಃ

ಸಂಖ್ಯಾಶಾಸ್ತ್ರ  ಒಂದು ವಿಸ್ತೃತ ನೋಟ :---

Picture source : internet / social media

        ಜ್ಯೋತಿಷ್ಯ,ಹಸ್ತರೇಖೆ,ಸಂಖ್ಯಾ,ಈ ಮೂರು ಶಾಸ್ತ್ರಗಳು ಒಂದಕ್ಕೊಂದು ಹೆಣೆದುಕೊಂಡು ಇರುವ ಶಾಸ್ತ್ರಗಳು. ಕ್ರೈಸ್ತನಿಗಿಂತಲೂ ಪೂರ್ವದಲ್ಲಿಯೇ ಈ ಮೂರು ಶಾಸ್ತ್ರಗಳೂ ಭಾರತದಲ್ಲಿಯೂ ಗ್ರೀಸ್ ದೇಶದಲ್ಲಿಯೂ ಒಂದೇ ರೀತಿಯಾಗಿ ಅಭಿವೃದ್ದಿ ಹೊಂದುತ್ತಾ ಪ್ರಸಿದ್ದಿಗೆ ಬಂದಿತು. ಆದರೆ ಈ ಕಾಲದಲ್ಲಿ ಈ ಮೂರು ಶಾಸ್ತ್ರಗಳನ್ನು ಆಧಾರವಾಗಿಟ್ಟುಕೊಂಡು ಅತ್ಯಾಶ್ಚರ್ಯಕರವಾದ ರೀತಿಯಲ್ಲಿ ಭೂತ,ಭವಿಷ್ಯ,ವರ್ತಮಾನ ಕಾಲಗಳ ಫಲಗಳನ್ನು ತಿಳಿಸುವ ಪಂಡಿತ ದಿಗ್ಗಜರು ಪ್ರಪಂಚದಾದ್ಯಂತ ಇದ್ದಾರೆ.
          ಮಾನವನ ಭವಿಷ್ಯವನ್ನು ತಿಳಿಸುವ ಈ ಮೂರು ಶಾಸ್ತ್ರಗಳ ಮಹತ್ವವು ಸಮಾನವಾಗಿಯೇ ಇದ್ದರೂ ಜ್ಯೋತಿಷ್ಯ ಮತ್ತು ರೇಖಾಶಾಸ್ತ್ರ ಇವು ಎರಡಕ್ಕಿಂತಲೂ ಸಂಖ್ಯಾಶಾಸ್ತ್ರ(ನ್ಯೂಮರಾಲಜಿ) ದಲ್ಲಿ ಮಾತ್ರ ಒಂದು ವೈಶಿಷ್ಟ್ಯ ಇದೆ. ಜ್ಯೋತಿಷ್ಯ ಮತ್ತು ರೇಖಾಶಾಸ್ತ್ರ ಇವು ಎರಡೂ ಭವಿಷ್ಯವನ್ನು ಮಾತ್ರವೇ ತಿಳಿಸುವುದು. ಆದರೆ ಸಂಖ್ಯಾಶಾಸ್ತ್ರಾ ಆ ಬಗೆಯ ಭವಿಷ್ಯವನ್ನು ಸ್ವಾಗತಿಸಲು ಮತ್ತು ಸ್ವಲ್ಪ ಮಟ್ಟಿಗೆ ಹೆಚ್ಚು ಕಡಿಮೆ ಮಾಡಿಕೊಳ್ಳಲು ಬೇಕಾದ ಸಲಹೆಗಳನ್ನು ಕೊಡುತ್ತದೆ.

ಸಂಖ್ಯಾ ಶಾಸ್ತ್ರದ ಪೂರ್ವೋತ್ತರಗಳು:---

            ಆಕಾಶದಲ್ಲಿ ಸಂಚರಿಸುವ ಗ್ರಹಗಳಿಗೆ ಭೂಮಿಯಲ್ಲಿ ಒಂದರಿಂದ ಒಂಬತ್ತರವರೆಗೆ ಪ್ರಚಾರದಲ್ಲಿರುವ ಸಂಖ್ಯೆಗಳೊಂದಿಗೆ ನಿಕಟ ಸಂಬಂಧವಿದೆ. ಇದನ್ನು ಗ್ರಹಿಸಿ ಪ್ರತಿಯೊಂದು ಗ್ರಹಕ್ಕೂ ಸಂಬಂದ ಸಂಖ್ಯೆಯನ್ನು ನಿರ್ಣಯಿಸಿದ್ದಾರೆ. ಇದನ್ನು ನಿರ್ಣಯಿಸಿದವರಲ್ಲಿ ಚಲ್ದಿಯಾ ಎಂಬ ದೇಶದವರು ಗ್ರೀಸ್ ದೇಶದವರು ಅಗ್ರಗಣ್ಯರೆಂದು ಹೇಳಬಹುದು. ನಂತರ ಗ್ರೀಸ್ ದೇಶದ ವೇದಾಂತಿಯಾದ ಪೈಥಾಗರಸ್ ಎಂಬುವರು ಈ ಸಂಖ್ಯಾಶಾಸ್ತ್ರವನ್ನು ಅಭಿವೃದ್ದಿಗೆ ತಂದದ್ದು ಅಲ್ಲದೆ ನಿಯಮಬದ್ದವನ್ನಾಗಿ ಮಾಡಿ ಮಾನವನ ನಿತ್ಯಜೀವನಕ್ಕೆ ಉಪಯೋಗವಾಗುವಂತೆ ಈ ಶಾಸ್ತ್ರವನ್ನು ಪ್ರಚಾರಮಾಡಿಕೊಂಡು ಬಂದರು. ಆಮೇಲೆ ಹಲವು ಪಾಶ್ಚಾತ್ಯ ಪಂಡಿತರು ವಿಶೇಷವಾಗಿ ಚಿರೋ (ಕೈರೋ ) ರಂತಹ ವಿದ್ವಾಂಸರು ಈ ಶಾಸ್ತ್ರವನ್ನು ಯೋಗ್ಯರೀತಿಯಲ್ಲಿ ಉಪಯೋಗಿಸುತ್ತಾ ಪ್ರಚಾರಕ್ಕೆ ತಂದರು.  

ಸಂಖ್ಯೆಗಳ ಪ್ರಪಂಚ :- --

        ಸಂಖ್ಯೆಗಳಿಲ್ಲದೆ ಪ್ರಪಂಚದಲ್ಲಿ ಯಾವ ಕಾರ್ಯವೂ ನಡೆಯಲು ಸಾದ್ಯವಿಲ್ಲ. ಅಂದರೆ ಲೋಕದ ವ್ಯವಹಾರಕ್ಕೆ ಸಂಖ್ಯೆಗಳೇ ಆಧಾರವೆಂದು ಅರ್ಥ,  ಸಂಖ್ಯೆಗಳು ಎಲ್ಲಕ್ಕೂ ಹೇಗೆ ಆಧಾರವಾಗಿವೆ ಎಂಬುದನ್ನು ಕೆಲವು ಉದಾಹರಣೆಯೊಂದಿಗೆ ತಿಳಿಯೋಣ.

1,      ಲೋಕದ ಸೃಷ್ಟಿ,ಸ್ಥಿತಿ,ಲಯಗಳನ್ನು ತಿಳಿಯುವುದು ಸಂಖ್ಯೆಗಳ ಮೂಲಕವೇ, ಕೃತಯುಗ,ತ್ರೇತಾಯುಗ,ದ್ವಾಪರಯುಗ,ಕಲಿಯುಗ ಎಂಬುದಾಗಿ ಕಾಲವನ್ನು ನಾಲ್ಕುಭಾಗಗಳಾಗಿ ವಿಭಾಗಿಸಿ,ಒಂದೊಂದು ಯುಗಗಳಿಗೂ ಕ್ಲಿಪವಾದ ವರ್ಷಗಳನ್ನು ನಿಯಮಿಸಿ,ಒಂದು ಯುಗವು ಕಳೆದುಹೋದನಂತರ ಮತ್ತೊಂದು ಯುಗವು ಆರಂಭವಾಗುವುದೆಂದು ಕೊನೆಗೆ ಪ್ರಳಯ ಎಂದೂ ಲೆಕ್ಕಮಾಡಿ ನಿಷ್ಕರ್ಷಿಸಿರುವುದು ಸಂಖ್ಯೆಗಳ ಸಹಾಯದಿಂದಲೇ

2,      ಮನುಷ್ಯನ ಪರಮಾಯುಷ್ಯ ನೂರು ವರ್ಷವೆಂದು ಲೆಕ್ಕಹಾಕುವುದು ಕೂಡ  ಸಂಖ್ಯೆಯ ಮುಖಾಂತರವೇ,  ಮನುಷ್ಯನ ಶ್ವಾಸೋಚ್ವಾಸದ ಲೆಕ್ಕದ  ಮೂಲಕ ಅವನ ಆಯಸ್ಸನ್ನು ನಿರ್ಣಯಿಸಿರುವುದು  ಸಂಖ್ಯೆಗಳ ಮೂಲಕವೇ.

3,     ಕಾಲವನ್ನು ಕ್ಷಣ , ಗಳಿಗೆ,  ಗಂಟೆ, ದಿನ, ತಿಂಗಳು,ವರ್ಷಎಂಬರೀತಿಯಾಗಿ ಅದಕ್ಕೆ ಬೇಕಾದ ಸಂಖ್ಯೆಯಿಂದ ಎಣಿಸಿಯೇ ತೀರ್ಮಾನಿಸುತ್ತೇವೆ.

4,      ಬಟ್ಟೆ , ನೆಲ-ಹೊಲಗಳನ್ನು  ಮೀಟರ್, ಸೆಂಟೀಮೀಟರ್ ಎಕರೆ, ಎಂಬ ಲೆಕ್ಕದೊಂದಿಗೆ ಅಳೆಯುತ್ತೇವೆ.

5,       ದವಸ ದಾನ್ಯಗಳನ್ನು ಒಂದು ಗ್ರಾಂ ನಿಂದ ಹಲವು ಕಿಲೋ ತೂಕದಲ್ಲಿ ಅಳೆಯುತ್ತೇವೆ.
ಈ ಪ್ರಕಾರ  ನಮ್ಮ ಜೀವನದ ಪ್ರತಿನಿತ್ಯ ದ  ಆಗುಹೋಗುಗಳು ಎಲ್ಲಾ  ಸಂಖ್ಯೆ ಗಳ ಮೂಲಕವೇ  ಗುರುತಿಸಲ್ಪಡುತ್ತದೆ

6,       ಪ್ರಾತಃಕಾಲ ಹಾಸಿಗೆ ಬಿಟ್ಟು ಏಳುವುದರಿಂದ ಆರಂಬಿಸಿ ರಾತ್ರಿ ಮಲಗುವವರೆಗೂ ಪ್ರಪಂಚದ ವ್ಯವಹಾರಗಳು ನಡೆಯುತ್ತಲೇ ಇರುವುದು ಸಂಖ್ಯೆಗಳನ್ನು ಅನುಸರಿಸಿಯೇ, ಆದುದರಿಂದ ಸಂಖ್ಯೆಯೇ ಜಗತ್ತು ಎಂಬುದರಲ್ಲಿ ಆಶ್ಚರ್ಯವೇನೂ ಇಲ್ಲ.

       ಸಂಖ್ಯೆಗಳು ಒಂದರಿಂದ ಒಂಬತ್ತರ ವರೆಗೆ:---

      ಒಂದರಿಂದ ಕೋಟಿ ವರೆಗಿನ ಸಂಖ್ಯೆಗಳಾದರೂ ಅವುಗಳು ಒಂದರಿಂದ ಒಂಬತ್ತರ ವರೆಗಿನ ಸಂಖ್ಯೆಗಳೊಳಗೆ ಅಡಗಿಬಿಡುವುದು. ಅಂದರೆ,ಒಂದರಿಂದ ಒಂಬತ್ತರ ವರೆಗಿನ ಸಂಖ್ಯೆಗಳನ್ನು   ಒಂದರ ಪಕ್ಕದಲ್ಲಿ ಇನ್ನೋಂದನ್ನು ಬರೆಯುವುದರಿಂದಲೇ ಲೋಕದಲ್ಲಿರುವ ಸಂಖ್ಯೆಗಳು ಎಲ್ಲವೂ ತಿಳಿದುಬರುವುದು.

        987654321  ಈ ದೊಡ್ಡಲೆಕ್ಕದಲ್ಲಿ ಒಂಬತ್ತರ ಒಳಗೇ ಇರುವ ಸಂಖ್ಯೆಗಳನ್ನು ಒಂದರ ಪಕ್ಕದಲ್ಲಿ ಇನ್ನೊಂದನ್ನು ಬರೆದುದು ಕಂಡುಬರುತ್ತದೆ ಆದುದರಿಂದಲೇ ಇಷ್ಟು ದೊಡ್ಡಲೆಕ್ಕವೂ ೯ ರ ಅಂತರ್ಗತವಾಗಿರುವ ಸಂಖ್ಯೆಯನ್ನೇ ಸ್ಥಾನ ಭೇದದಿಂದ ಉಪಯೋಗಿಸಿರುವುದೆಂಬುದನ್ನು ಸುಲಬವಾಗಿ ತಿಳಿದುಕೊಳ್ಳಬಹುದು.

          ಸೊನ್ನೆಗೆ ಸ್ವತಃ ಸ್ಥಾನ-ಮಾನಗಳಿಲ್ಲ. ಅಂದರೆ,ಬೇರೊಂದು ಸಂಖ್ಯೆಯೊಂದಿಗೆ ಸೇರಿದಾಗಲೇ ಸೊನ್ನೆಗೆ ಬೆಲೆ ಇರುವುದು.ಹಾಗೆ ಸಂಖ್ಯೆಯೊಂದಿಗೆ ಸೇರಿದಾಗಲೂ ಒಂದು ಸಂಖ್ಯೆಯನ್ನು ಅದರ ಪಕ್ಕದಲ್ಲಿ ಬರುವ ಸೊನ್ನೆಗೆ ಸ್ಥಾನ ಇರುವುದು.
    
          ಉದಾ:- ೦-ಇದಕ್ಕೆ ಬೆಲೆ ಇಲ್ಲ. ೦೧-ಈ ಸೊನ್ನೆಗೂ ಬೆಲೆ ಇಲ್ಲ. ೧೦-ಇದಕ್ಕೆ ಬೆಲೆ ಇದೆ. ಅಂದರೆ,ಒಂದರಿಂದ ಒಂಬತ್ತರ ವರೆಗಿನ ಸಂಖ್ಯೆಗಳ ನಂತರ ಬರುವ ಸೊನ್ನೆಗೆ ಮಾತ್ರವೇ ಬೆಲೆ ಇರುವುದು. ಆದರೆ ಸಂಖ್ಯಾಶಾಸ್ತ್ರದಲ್ಲಿ ಸೊನ್ನೆಯನ್ನು ತೆಗೆದುಕೊಂಡು ಇತ್ಯರ್ಥ ಮಾಡಬೇಕಾದ ಸ್ಥಾನ ಮಾನಗಳಿಲ್ಲವೆಂದು ತೀರ್ಮಾನಿಸಬಹುದು.

        ಜ್ಯೋತಿಷ್ಯ ಮತ್ತು  ಸಂಖ್ಯೆಗಳು:---

         ಒಂದರಿಂದ ಒಂಬತ್ತರವರೆಗಿನ ಒಂಬತ್ತು ಸಂಖ್ಯೆಗಳನ್ನು ಮಾತ್ರ(ಅಂದರೆ ಆಧಾರ ಸಂಖ್ಯೆಗಳು ಮಾತ್ರ) ಈ ಶಾಸ್ತ್ರದಲ್ಲಿ ತೆಗೆದುಕೊಂಡಿರುವುದಕ್ಕೆ ಕಾರಣವು ಇಲ್ಲದಿಲ್ಲ. ಇದಕ್ಕೆ ಜ್ಯೋತಿಷ್ಯ ಶಾಸ್ತ್ರದೊಂದಿಗೆ ಸಂಬಂದವಿದೆ  ಎಂಬುದು ಎಲ್ಲರಿಗೂ ತಿಳಿದ ವಿಷಯವೇ ಆಗಿದೆ.
  
       ೧೨ರಾಶಿಗಳು,  ೯ಗ್ರಹಗಳು,  ೨೭ನಕ್ಷತ್ರಗಳು-  ಈ ಮೂರನ್ನೂ ಆಧಾರವಾಗಿಟ್ಟುಕೊಂಡು ಜ್ಯೋತಿಷ್ಯಶಾಸ್ತ್ರವು ಮುಂದುವರಿಯುತ್ತದೆ.  ೧೨ರಾಶಿಗಳಲ್ಲಿ ೨೭ ನಕ್ಷತ್ರಗಳಿವೆ.  ಅಂದರೆ ಒಂದೊಂದು ರಾಶಿಗೂ ಸರಾಸರಿ  ೨ ೧/೪ನಕ್ಷತ್ರಗಳು. ಒಂದೊಂದು ನಕ್ಷತ್ರಕ್ಕೂ ೪ ಪಾದಗಳು,  ೨ ೧/೪ ನಕ್ಷತ್ರಗಳಿಗೆ ೯ ಪಾದಗಳು.  ಅಂದರೆ  ಒಂದೊಂದು ರಾಶಿಯಲ್ಲಿಯೂ  ೯ ಪಾದಗಳು ಇವೆ.  ೧೨  ರಾಶಿಗಳಿಗೆ  ಒಟ್ಟು ೧೦೮ ಪಾದಗಳು.  
ಅಂದರೆ  ೨೭ ನಕ್ಷತ್ರ ಎಂದರೆ   ೨+೭=೯,  
೧೦೮  ಪಾದಗಳು ಎಂದರೆ ೧+೦+೮=೯,
ಡಿಗ್ರಿ ಎಂಬ ಲೆಕ್ಕವನ್ನು ತೆಗೆದುಕೊಂಡರೂ ರಾಶಿಗೆ ೩೦ ಡಿಗ್ರಿಗಳಂತೆ  ೧೨ರಾಶಿಗಳಿಗೆ ೩೬೦ ಡಿಗ್ರಿಗಳು. ಹೀಗೆ ಇವುಗಳ ಆಕಾರ ಲೆಕ್ಕ ೩+೬+೦=೯,
ಈ ಡಿಗ್ರಿಗಳನ್ನು ಕಲೆ(ಮಿನಿಟ್ಟು)ಗಳಾಗಿ ಪರಿವರ್ತಿಸಿದರೆ ೩೬೦ × ೬೦ = ೨೧೬೦೦
ಅಂದರೆ  ೨+೧+೬+೦+೦ = ೯ ಮಾತ್ರವೇ ಬರುತ್ತದೆ.

         ಆದುದರಿಂದಲೇ ಒಂಬತ್ತು ಗ್ರಹಗಳನ್ನೂ ೧೨ರಾಶಿಗಳನ್ನೂ ೨೭ನಕ್ಷತ್ರಗಳನ್ನೂ ಆಧಾರವಾಗಿಟ್ಟುಕೊಂಡು ಜ್ಯೋತಿಷ್ಯಶಾಸ್ತ್ರದಲ್ಲಿಯೂ ಸಂಖ್ಯೆಗಳಲ್ಲಿ ಪ್ರಧಾನಗಿರುವುದೂ ಉತ್ತಮವಾಗಿರುವುದೂ ೯ ರ ಸಂಖ್ಯೆ ಎಂದೇ ತಿಳಿದು ಬರುತ್ತದೆ. ಇದರಿಂದ ಜ್ಯೋತಿಷ್ಯಕ್ಕೂ ಸಂಖ್ಯೆಗಳಿಗೂ ಇರುವ ಸಂಬಂಧವು ಚೆನ್ನಾಗಿ ಅರ್ಥವಾಗುತ್ತದೆ.

ಆಧಾರ ಸಂಖ್ಯೆಗಳು  ಮತ್ತು ವಿಸ್ತಾರ ಸಂಖ್ಯೆಗಳು :---

        ಸಂಖ್ಯೆಗಳನ್ನು ಆಧಾರ ಸಂಖ್ಯೆ ಮತ್ತು ವಿಸ್ತಾರ ಸಂಖ್ಯೆಗಳೆಂದು ಎರಡು ಬಗೆಯಾಗಿ ವಿಂಗಡಿಸಬಹುದು.
 
ಆಧಾರ ಸಂಖ್ಯೆಗಳು:---

        ೧ ರಿಂದ ೯ ರವರೆಗಿನ ೯ ಸಂಖ್ಯೆಗಳು ಆಧಾರ ಸಂಖ್ಯೆಗಳು. ಈ  ಸಂಖ್ಯೆಗಳು ಹಿಂದೆ ಮುಂದೆ ಬಂದರೆ   ಇತರ ಸಂಖ್ಯೆಗಳು ರೂಪಾಂತರವನ್ನು ಹೊಂದುತ್ತವೆ.  ಅಲ್ಲದೆ  ಅಷ್ಟು  ಸಂಖ್ಯೆಗಳನ್ನೂ ಸೇರಿಸಿ ಕೂಡಿಸಿದರೂ ಒಂಬತ್ತರ ಒಳಗೇ ಅಡಗಿಬಿಡುತ್ತದೆ.

ವಿಸ್ತಾರ ಸಂಖ್ಯೆಗಳು:---

      ೧೦  ರಿಂದ ಹಿಡಿದು ಕೋಟಿವರೆಗಿನ ಸಂಖ್ಯೆಗಳು ಎಲ್ಲವೂ  ವಿಸ್ತಾರ  ಸಂಖ್ಯೆಗಳು. ಅಂದರೆ  ಒಂದರಿಂದ  ಒಂಬತ್ತರವರೆಗಿನ  ಸಂಖ್ಯೆಗಳನ್ನು ಪಕ್ಕದಲ್ಲಿಯೇ  ಬರೆದುಕೊಂಡು ಹೋದರೆ ಈ ಸಂಖ್ಯೆಗಳು ವಿಸ್ತಾರವನ್ನೂ ಅರ್ಥಾತ್ ವ್ಯಾಪಕತ್ವವನ್ನೂ  ಹೊಂದುತ್ತವೆ. ಆದುದರಿಂದ ಇವುಗಳನ್ನು ವಿಸ್ತಾರ ಸಂಖ್ಯೆಗಳು ಎನ್ನುತ್ತಾರೆ.

     ಉದಾ:- ೧,೨,೩,೪,೫,೬,೭,೮,೯  ಇವು ಆಧಾರ ಸಂಖ್ಯೆಗಳು. ೧೦  ರಿಂದ  ಕೋಟಿವರೆಗಿರುವ ಸಂಖ್ಯೆಗಳು ಎಲ್ಲವೂ ವಿಸ್ತಾರಸಂಖ್ಯೆಗಳು.

           ನ್ಯೂಮರಾಲಜಿ ಎಂಬ ಸಂಖ್ಯಾ ಶಾಸ್ತ್ರಕ್ಕೆ ವಿಸ್ತಾರ ಸಂಖ್ಯೆಗಳ ಅವಶ್ಯಕತೆಯೇ ಇಲ್ಲ. ಅದಕ್ಕೆ ಆಧಾರ ಸಂಖ್ಯೆಯೇ ಬೇಕಾಗಿರುವುದು. ಅದು ಎಷ್ಟು ದೊಡ್ದ ಸಂಖ್ಯೆಯಾಗಿದ್ದರೂ ಅದನ್ನು ಆಧಾರ ಸಂಖ್ಯೆಗೆ ಬದಲಾಯಿಸಿಕೊಳ್ಳಬೇಕು.

      ಉದಾ:- ಒಂದು ವಿಸ್ತಾರ ಸಂಖ್ಯೆ  99೪೫891317  ಆಗಿದ್ದರೆ ಇದನ್ನು
9+9+4+5+8+9+1+3+1+7  =  56 
5+ 6 = 11
1+ 1 =  2
    ಹೀಗೆ ಇದನ್ನು ಎರಡು  ಎಂಬ ಆಧಾರ ಸಂಖ್ಯೆಯನ್ನಾಗಿ ಮಾರ್ಪಡಿಸಿಕೊಳ್ಳಬೇಕು.
      ಇದೇ ರೀತಿಯಾಗಿ ಒಬ್ಬರ ಜನ್ಮದಿನ, ತಿಂಗಳು, ವರ್ಷ,ಈ ಮೂರನ್ನೂ ಸೇರಿಸಿ  ಆಧಾರ ಸಂಖ್ಯೆಯನ್ನಾಗಿ  ಮಾರ್ಪಡಿಸಿಕೊಂಡ ನಂತರವೇ ಅವರ  ಭವಿಷ್ಯ ಫಲವನ್ನು ಹೇಳಬೇಕು.

ಮೂರುವಿಧವಾದ ಆಧಾರ ಸಂಖ್ಯೆಗಳು:---

         ಈ ಶಾಸ್ತ್ರದಲ್ಲಿ ಮೂರುವಿಧವಾದ ಆಧಾರ ಸಂಖ್ಯೆಗಳನ್ನು ಇಟ್ಟುಕೊಂಡು ಫಲಗಳನ್ನು ಹೇಳಿರುತ್ತಾರೆ.

     ಒಬ್ಬ ವ್ಯಕ್ತಿಯ ಜನ್ಮದಿನ, ತಿಂಗಳು, ವರ್ಷ ಈ ಮೂರನ್ನೂ ಸೇರಿಸಿ ಆಧಾರ ಸಂಖ್ಯೆಯನ್ನಾಗಿ ಪರಿವರ್ತಿಸಿ ನಂತರ ಆ ಸಂಖ್ಯೆಯನ್ನು ಆಧರಿಸಿ ಭವಿಷ್ಯ ಫಲವನ್ನು ಹೇಳಲಾಗುತ್ತದೆ.

           ಮೇಲೆ ಹೇಳಿದ ಪ್ರಕಾರ ಮೂರು ವಿಧವಾದ ಸಂಖ್ಯೆಗಳನ್ನು ಇಟ್ಟುಕೊಂಡು ಈ ಶಾಸ್ತ್ರ ರೀತ್ಯಾ ಫಲಗಳನ್ನು ಹೇಳಬೇಕು. ಆದರೆ ಮನುಷ್ಯನ ಭವಿಷ್ಯವನ್ನು ಹೇಳುವುದಕ್ಕೆ ಹುಟ್ಟಿದ ದಿನಾಂಕ ಮಾತ್ರವೇ ಸಾಕೆಂದು ಸಂಖ್ಯಾಶಾಸ್ತ್ರ ನಿಪುಣರು ನಿರ್ಣಯಿಸಿದ್ದಾರೆ.

        ನಾಮದ ಸಂಖ್ಯೆ :---

           ಪ್ರತಿಯೊಬ್ಬ ಮನುಷ್ಯನಿಗೂ ಒಂದು ಹೆಸರು ಇದೆ. ಆ ಹೆಸರು ವ್ಯಕ್ತಿಯ  ಪರಿಚಯಕ್ಕಾಗಿ ಇಟ್ಟಿದ್ದರೂ  ಸಹ  ಅದು ದೈವಾದೀನವಾಗಿಯೂ ಕರ್ಮಧೀನವಾಗಿಯೂ ಬಂದ ಹೆಸರು. ಆದುದರಿಂದ ಆ ಹೆಸರಿನ ಅಕ್ಷರಗಳಿಗೆ ಇರುವ ಒಟ್ಟು ಸಂಖ್ಯೆಯ ಆಧಾರ ದಿಂದ ಫಲವನ್ನು ಹೇಳಲಾಗುತ್ತದೆ. ಅಲ್ಲದೆ ಹೆಸರಿನಲ್ಲಿರುವ ಅಕ್ಷರಗಳನ್ನು ಆಂಗ್ಲ ಭಾಷೆಯ ಅಕ್ಷರಗಳನ್ನಾಗಿ ಇಟ್ಟುಕೊಳ್ಳಬೇಕು. ಆಗ ಮಾತ್ರ ಈ ಕಾಲದ ಶಾಸ್ತ್ರ ಪ್ರಮಾಣದಿಂದ ಫಲವನ್ನು ಹೇಳಲು ಸಾಧ್ಯವಾಗುವುದು.

         ವ್ಯಕ್ತಿಯ ಹೆಸರಿನ ಇಂಗ್ಲಿಷ್ ಅಕ್ಷರಗಳನ್ನು ಬಳಸಿಕೊಂಡು, ಒಂದೊಂದು ಅಕ್ಷರಕ್ಕೆ ಬರುವ ಸಂಖ್ಯೆಯನ್ನು ಸೇರಿಸಿ ಕೂಡಿಸಿ. ಬಂದ ಆಧಾರ ಸಂಖ್ಯೆಯನ್ನು ಇಟ್ಟುಕೊಂಡು ಭವಿಷ್ಯ ಹೇಳಲಾಗುತ್ತದೆ.
(ಇಂಗ್ಲಿಷಿನ 'ಎ'ಯಿಂದ 'ಝಡ್‌' ಅಕ್ಷರಗಳಿಗೆ  ಸಂಖ್ಯೆಗಳನ್ನು ನೀಡಲಾಗಿದೆ)

A . I. J. Q. Y             1 ನೆ ಸಂಖ್ಯೆಯಾಗುತ್ತದೆ.
B.  K.  R.                   2 ನೆ ಸಂಖ್ಯೆಯಾಗುತ್ತದೆ.
C.  G. L.  S.               3 ನೆ ಸಂಖ್ಯೆಯಾಗುತ್ತದೆ.
D. T. M.                     4 ನೆ ಸಂಖ್ಯೆಯಾಗುತ್ತದೆ.
E.  H.  N. X.              5 ನೆ ಸಂಖ್ಯೆಯಾಗುತ್ತದೆ.
U.  V.  W.                   6 ನೆ ಸಂಖ್ಯೆಯಾಗುತ್ತದೆ.
Q . Z.                         7 ನೆ ಸಂಖ್ಯೆಯಾಗುತ್ತದೆ.
F . P.                          8 ನೆ ಸಂಖ್ಯೆಯಾಗುತ್ತದೆ.

           ಒಂಬತ್ತನೇ  ಸಂಖ್ಯೆಗೆ  ಯಾವ ಅಕ್ಷರವೂ  ಬರೆದಿರುವುದು  ಒಂದು  ವಿಶೇಷ,   ಒಂಬತ್ತು  ಎನ್ನುವುದು  ಶಬ್ದಗಳ  ಸಂಯುಕ್ತವಾಗಿ  ಇದಕ್ಕೆ  ಯಾವ  ಅಕ್ಷರ ವನ್ನೂ  ಕೊಟ್ಟಿಲ್ಲ.

           ಹೀಗೆ ಪ್ರತಿಯೊಬ್ಬ ವ್ಯಕ್ತಿಗೂ ಒಂದೊಂದು ಸಂಖ್ಯೆ ಇರುತ್ತದೆ. ಹಾಗೂ ಒಂದೊಂದು ಸಂಖ್ಯೆಗೂ ಒಂದೊಂದು ಗ್ರಹ ಅಧಿಪತಿಯಾಗಿರುತ್ತಾನೆ.
                 
                ಒಂದಕ್ಕೆ     --   ಸೂರ್ಯ,
                ಎರಡಕ್ಕೆ     --   ಚಂದ್ರ,
                ಮೂರಕ್ಕೆ.   --   ಗುರು,
                ನಾಲ್ಕಕ್ಕೆ     --   ರಾಹು
                ಐದಕ್ಕೆ        --   ಬುಧ
                ಆರಕ್ಕೆ         --   ಶುಕ್ರ,
                ಏಳಕ್ಕೆ         --   ಕೇತು
                ಎಂಟಕ್ಕೆ      --   ಶನಿ,
                ಒಂಬತ್ತಕ್ಕೆ   --   ಕುಜ 

          ಹೀಗೆ  ಪ್ರತಿ  ಸಂಖ್ಯೆಗೂ ಅಧಿಪತಿಯಾಗಿರುತ್ತಾರೆ,  ಈ ಗ್ರಹಗಳು ನೀಡುವ ಫಲಗಳ ಆಧಾರದ ಮೇಲೆ ವ್ಯಕ್ತಿಯ ಜೀವನ ಕ್ರಮ ನಡೆಯುತ್ತದೆ.

   ೧)  ಹುಟ್ಟಿದ ದಿನಾಂಕ(ಇಂಗ್ಲೀಷ್ ತಾರೀಖು),
   ೨)  ಹುಟ್ಟಿದ ದಿನಾಂಕ,ತಿಂಗಳು,ವರ್ಷ ಇವುಗಳ
        ಒಟ್ಟು ಸಂಖ್ಯೆ.
   3)  ಒಬ್ಬರ ಹೆಸರಿನಲ್ಲಿರುವಅಕ್ಷರಗಳನ್ನು                         ಕೂಡಿಸಿದರೆ ಬರುವ ಸಮಷ್ಟಿ ಸಂಖ್ಯೆ.
(ಸೂಚನೆ: ಈ ಸಮಷ್ಟಿ ಸಂಖ್ಯೆಯು ದೊಡ್ಡದಾಗಿದ್ದರೆ ಅದನ್ನು ಆಧಾರ ಸಂಖ್ಯೆಯನ್ನಾಗಿ ಬದಲಾಯಿಸಿಕೊಳ್ಳಬೇಕು.)

   ಉದಾ:- ಒಬ್ಬರು ಹುಟ್ಟಿದ ದಿನಾಂಕ
25 - 03 - 1998 ,   ಇವರ ಹೆಸರು   R. ಸ್ಮರಣ್  R. SMARAN (ಇಂಗ್ಲೀಷ್)
ಇವರ- ೧) ದಿನಾಂಕ ಸಂಖ್ಯೆ. ೨ + 5 = 7
೨)  ದಿನಾಂಕ, ತಿಂಗಳು, ವರ್ಷ ಇವುಗಳ ಸಮಷ್ಟಿ ಸಂಖ್ಯೆ
      2 + 5 + 0 + 3 + 1 + 9 + 9+ 8 = 37
      3 + 7 = 10
      1 + 0 = 1
3)  ಹೆಸರಿನ  ಸಂಖ್ಯೆ  R.  SMARAN
       2 + 3 + 4 + 1 + 2 + 1 + 5 = 18
       1 + 8 = 9
.    9. ಇದೇ ಇವರ ಹೆಸರಿನ ಸಂಖ್ಯೆ.

ಆದುದರಿಂದಲೇ. (೧) ಜನ್ಮ ದಿನಾಂಕ ಸಂಖ್ಯೆ
(೨) ಹುಟ್ಟಿದ ದಿನಾಂಕ, ತಿಂಗಳು, ವರ್ಷ ಇವುಗಳ ಸಮಷ್ಟಿಸಂಖ್ಯೆ
(೩)ಹೆಸರಿನ ಸಂಖ್ಯೆ-
ಈ ಮೂರು ಸಂಖ್ಯೆಗಳೂ ಸಂಖ್ಯಾ ಶಾಸ್ತ್ರ ರೀತಿಯಾಗಿ ಜೀವನದ ಫಲವನ್ನು ಹೇಳುವಾಗ ಸಹಾಯವಾಗುತ್ತದೆ.ಈ ಮೂರು ಸಂಖ್ಯೆಗಳು ಒಂದೇ ವಿಧವಾಗಿಯೂ ಅನುಕೂಲ ಸಂಖ್ಯೆಗಳಾಗಿಯೋ ಇದ್ದರೆ ಅವರಿಗೆ ಒಳ್ಳೆಯದು, ಕೆಟ್ಟದ್ದು ಆಗುವ ಕಾಲವನ್ನು ಸರಿಯಾಗಿ ನಿರ್ಣಯಿಸಿ ಹೇಳಲು ಅನುಕೂಲವಾಗುವುದು. ಆದುದರಿಂದ ಈ ಶಾಸ್ತ್ರವನ್ನು ಬಲ್ಲವರು ಒಬ್ಬರ ಹುಟ್ಟಿದ ದಿನಾಂಕವನ್ನು ಇಟ್ಟುಕೊಂಡು ಸ್ವಬಾವ,ಗುಣ,ನಡತೆ ಮೊದಲಾದವುಗಳನ್ನು ತಿಳಿದುಕೊಳ್ಳಬೇಕು.ಹುಟ್ಟಿದ ದಿನಾಂಕ,ತಿಂಗಳು,ವರ್ಷ ಇವುಗಳ ಸಮಷ್ಟಿ ಸಂಖ್ಯೆಯನ್ನು ಇಟ್ಟುಕೊಂಡು ಅದೃಷ್ಟ  ಯೋಗಗಳನ್ನು ತಿಳಿದುಕೊಳ್ಳಬೇಕು ಹೆಸರಿನ ಸಂಖ್ಯೆಗಳ ಮೂಲಕ ಮೇಲೆ ಹೇಳಿದ ಫಲಗಳು ಉತ್ತಮವಾಗಿ ಕೂಡಿಬರುವುದೆಂದು ತಿಳಿಯಬೇಕು. ಇನ್ನೂ ಹುಟ್ಟಿದ ದಿನಾಂಕ ಸಂಖ್ಯೆ,ಹುಟ್ಟಿದ ದಿನ,ತಿಂಗಳು,ವರ್ಷ ಇವುಗಳ ಸಮಷ್ಟಿ ಸಂಖ್ಯೆ,ಹೆಸರಿನ ಸಂಖ್ಯೆ ಈ ಮೂರಕ್ಕೂ ಸಮಾನತೆ(ಹೊಂದಾಣಿಕೆ)ಯನ್ನು ತರಬೇಕು,.ಆದರೆ ಹುಟ್ಟಿದ ದಿನಾಂಕವನ್ನಾಗಲೀ ಇವುಗಳ ಸಮಷ್ಟಿ ಸಂಖ್ಯೆಯನ್ನಾಗಲೀ ಬದಲಾಯಿಸಲಾಗದು. ಆದುದರಿಂದ  ಹೆಸರಿನಲ್ಲಿರುವ  ಸಮಷ್ಟಿ ಸಂಖ್ಯೆಯನ್ನು ಬದಲಾಯಿಸಲು  ಸಾಧ್ಯವಿದೆ,

        ಅದು ಹೇಗೆಂದರೆ,ಮೇಲೆ ಉದಾಹರಿಸಿದ: ಆರ್ , ಸ್ಮರಣ್.  R. Smaran  ಎಂಬ ಹೆಸರಿನಲ್ಲಿ ಒಂದು ಅಕ್ಷರವನ್ನು ಕಡಿಮೆಮಾಡಿಯೋ ಅಥವ ಸೇರಿಸಿಯೋ ಬದಲಾಯಿಸಿದರೆ ಆ ಹೆಸರಿನ ಸಂಖ್ಯೆಯು ಬದಲಾಗುವುದು.
         ಉದಾ: ಮೇಲೆ ಕೊಟ್ಟಿರುವ ಹೆಸರಿನಲ್ಲಿ N ಎಂಬ ಅಕ್ಷರದ ನಂತರ  ಇನ್ನೊಂದು ಎ- ಯನ್ನು
ಸೇರಿಸಿದರೆ    ಹೆಸರಿನ  ಸಮಷ್ಟಿ  ಸಂಖ್ಯೆ  1  ಆಗುತ್ತದೆ. ಇದೇ ರೀತಿಯಾಗಿ ತಮ್ಮ ಹೆಸರಿನಲ್ಲಿ ಕೆಲವು ಬದಲಾವಣೆಯನ್ನು ಮಾಡಿಕೊಳ್ಳಬಹುದು.

          ಮೇಲೆ ಹೇಳಿದ ಪ್ರಕಾರ ಮೂರು ವಿಧವಾದ ಸಂಖ್ಯೆಗಳನ್ನು ಇಟ್ಟುಕೊಂಡು ಈ ಶಾಸ್ತ್ರ ರೀತ್ಯಾ ಫಲಗಳನ್ನು ಹೇಳಬೇಕು. ಆದರೆ ಮನುಷ್ಯನ ಭವಿಷ್ಯವನ್ನು ಹೇಳುವುದಕ್ಕೆ ಹುಟ್ಟಿದ ದಿನಾಂಕ ಮಾತ್ರವೇ ಸಾಕೆಂದು ಸಂಖ್ಯಾಶಾಸ್ತ್ರ ನಿಪುಣರು ನಿರ್ಣಯಿಸಿದ್ದಾರೆ.

        ವಿವಾಹ  :--- ವಿವಾಹವು ಆಗಬೇಕಾಗಿರುವ ಗಂಡು ಮತ್ತು ಹೆಣ್ಣು ಮಕ್ಕಳಿಗೆ ವಿವಾಹ ಯೋಗ್ಯವಾದ  ಘಟನೆಗಳನ್ನು ನೋಡುವ ಕ್ರಮವೂ ಈ ಶಾಸ್ತ್ರದಲ್ಲಿ ಹೇಳಿದೆ,  ಈ ಘಟನೆಗಳನ್ನು ಅವರವರು ಹುಟ್ಟಿದ ದಿನಾಂಕ,  ತಿಂಗಳು, ವರ್ಷ,ಇವುಗಳ ಸಮಷ್ಟಿ ಸಂಖ್ಯೆಯನ್ನು ತಗೆದುಕೊಂಡೇ ನೋಡಬೇಕು ಎಂದು ಶಾಸ್ತ್ರಜ್ಞರು ತೀರ್ಮಾನಿಸಿದ್ದಾರೆ,
            .ಈ ಘಟನೆಗಳನ್ನು ಮದುವೆಯಾಗಲಿರುವ ವ್ಯಕ್ತಿಗಳಿಗೆ ಮಾತ್ರವಲ್ಲದೆ,ವ್ಯಾಪಾರ ವ್ಯವಹಾರಗಳು ಮತ್ತು ಇತರ ಕಾರ್ಯ ಕಲಾಪಗಳಲ್ಲಿಯೂ, ಅಂದರೆ ಪಾಲುದಾರಿಕೆ ,  ಯಜಮಾನ -ಸೇವಕರು,  ಮೊದಲಾದವರಿಗೂ ಅನ್ವಯಿಸಿಕೊಳ್ಳಬಹುದು.  ಹೀಗೆ  ಹುಟ್ಟಿದ ದಿನಾಂಕ ಗಳೊಂದಿಗೆ  ತಮ್ಮ ಸ್ವಭಾವ ವನ್ನು  ಅವರ ಸ್ವಭಾವದಿಂದಿಗೆ ನಿರ್ಣಯಿಸಿ  ವ್ಯವಹರಿಸುವುದಕ್ಕೆ  ಸಂಖ್ಯಾ ಶಾಸ್ತ್ರವು ಸಹಕಾರಿಯಾಗಿದೆ.

        ಗ್ರಹ ಪ್ರೀತಿ  :---

          ಈ ರೀತಿ ಸಂಖ್ಯೆಗಳುಳ್ಳ ಒಬ್ಬೊಬ್ಬರೂ ತಮಗೆ ಅನುಕೂಲರಾಗಿರುವ ಗ್ರಹಗಳು ಇನ್ನೂ ಹೆಚ್ಚು ಸುಖವನ್ನು ಅನುಗ್ರಹಿಸುವಂತೆ ಮತ್ತು ಪ್ರತಿಕೂಲವಾಗಿರುವ (ಅಶುಭವಾಗಿರುವಾಗ) ಗ್ರಹಗಳ ಶಾಂತಿಯೂ ಪ್ರತಿ ದಿನವೂ ದೇವರ ಪ್ರಾರ್ಥನೆ,ಪೂಜೆ,ವ್ರತ ಮೊದಲಾದವನ್ನು ಮಾಡಬೇಕಾದ ಕ್ರಮಗಳನ್ನು ಆಯಾಯ ಸಂಖ್ಯೆಗಳಿಗಿರುವ ಫಲಗಳನ್ನು   ಮುಂದಿನ  ಭಾಗದಲ್ಲಿ ತಿಳಿಸಲಾಗುವುದು.

      ಮುಂದುವರೆಯುವುದು.......

✍   ಡಾ : B. N. ಶೈಲಜಾ ರಮೇಶ್...

ಒಗಟುಗಳಲ್ಲಿ ನವಗ್ರಹಗಳು

                             ಹರಿಃ  ಓಂ

               ಶ್ರೀ ಮಹಾಗಣಪತಯೇ ನಮಃ

                   ಶ್ರೀ ಗುರುಭ್ಯೋನಮಃ

ಒಗಟುಗಳಲ್ಲಿ  ನವಗ್ರಹಗಳು  :---

ಹೇಳಿ... ನಾನ್ಯಾರು..??
********************

ನಾ ರಾಜ ನಾ ತಂದೆ
ನಾ ನಿನ್ನ ಆತ್ಮ
ನಾ ಒಲಿಯೇ ನಿನಗೀವೆ
ಉನ್ನತ ಸ್ಥಾನ
ನಾ ಜ್ಞಾನಿ  ನಾ  ಗ್ರೀಷ್ಮ
ನಾ ನಿನ್ನ ನೇತ್ರ
ನಾ ಒಲಿಯೇ.. ಧಾರಾಳಿ
ನೀ ಗೌರವಕೆ ಪಾತ್ರ
ನಾ ಧೀರ, ನಾ  ಶೂರ
ನಾ ಧೈರ್ಯವಂತ
ಗಂಭೀರ ನಡೆ
ನೋಟ ಆಕಾಶದೆಡೆ,
ನಾನೀವೆ  ಉತ್ಸಾಹ  ಧರ್ಮಕಾರ್ಯಗಳತ್ತ
ನಾನೆಲ್ಲರಿಗೂ ಕೇಂದ್ರಬಿಂದು
ಪೂರ್ವಮುಖಿ ನಾನು
ಎಲ್ಲರಿಹರು ಸುತ್ತುವರೆದು
ಲಗಾಮಿಹುದೆನ್ನಲಿ ಗೊತ್ತೇನು.?
ನಾನಿಲ್ಲದಿರೆ ಜಗವೇ ಮಂಕು
ಜಗಜನರ ಉತ್ಸಾಹಕೆ ನಾನಿರಬೇಕು
ಶ್ರೀ ಹರಿಯ ಒಲುಮೆಯಲಿ
ಸತ್ತು ಬದುಕಿದ ನಾನು
ದಿನದಿನವೂ  ಆಯುಷ್ಯ
ಕಿತ್ತು ನಡೆವವನು
ನಾನೆಲ್ಲರ ಹೃದಯಾಧೀಶ
ನೆನೆದೊಡನೆ ಹರಿವುದು ಕ್ಲೇಶ
ನಿನ್ನ ನೋಡಲು ದಿನವೂ ನಾ ಬರುವೆ
ನಾ ಯಾರೆಂದು ಹೇಳು ನೀ ಮಗುವೇ
ಸರಿಯಾಗಿ  ಹೇಳಿದರೆ
ಹರಸುತಲಿ ಕಾಯ್ವೆ
ಆರೋಗ್ಯ ಜ್ಞಾನದ ಬೆಳಕ
ದಾಯಪಾಲಿಸುವೆ
ಶ್ರೀ ಶೈಲನಾಥನ ದಯದಿಂದ
ಸಕಲ ಸನ್ಮಂಗಳವ ನಾ ನೀಡುವೆ...

           
                               ನೀ  ಮಾರ್ತಾಂಡ
                               ನೀ ಭಾಸ್ಕರ
                               ಪ್ರತಿದಿನವೂ ಉದಿಸುವೆ
                               ನಮಗೋಸ್ಕರ
                               ಆರೋಗ್ಯ ಪ್ರದಾತ
                               ಗ್ರಹಣಾಮಾದಿರಾದಿತ್ಯ
                               ಸಂಜ್ಞಾ ಛಾಯಾವಲ್ಲಭ
                               ಶ್ರೀ ವಿಷ್ಣು ಪ್ರಭಾವ
                               ಸಿಂಹರಾಷ್ಯಾಧೀಶ
                               ಗ್ರಹನಾಯಕ
                               ಶ್ರೀಶೈಲ ನಾಥನನುಗ್ರಹದ
                               ಬಲದಿ ಪರಿಹರಿಸು
                               ಸಕಲದೋಷ ಪ್ರಭೇಬೀರು
                               ಬಾಳಲ್ಲಿ ಓ.. ದಿವಾಕರಾ....
                                

              

ಹೇಳಿ  ನಾನ್ಯಾರು ??
******************

ನಾ ಶೀತಲ ನಾ ಮೋಹಕ
ಅಚ್ಚ ಶ್ವೇತ ವರ್ಣ..
ನಾ ಸೌಮ್ಯ ಸತ್ವವಂತ
ಮನವು ಚಂಚಲವಣ್ಣ..
ಆಕರ್ಷಕ ಸಿಹಿಮಾತಿನ
ಮಾತೃ ಹೃದಯದವನು
ನಾ ಒಲಿದರೆ ನೀ ದಯಾಮಯ
ಹಾಸ್ಯಪ್ರವೃತ್ತಿಯುಳ್ಳವನು
ನಾನೂ  ಕೂಡ  ಆಗಸಕೆ ಕಣ್ಣು
ಏರಿಳಿತವುಳ್ಳವನು
ಮನಸ್ಸಿದ್ದರೆ ನಿರ್ಮಲ
ಯಶಸ್ಸನ್ನೀಯುವವನು
ನಾನಿಲ್ಲದಿರೆ ಜಗತ್ತೇ ಶೂನ್ಯ
ಮನುಜಕುಲಕೆ  ಬ್ರಾಂತಿ
ನಾನೊಲಿಯೆ ಜೀವಿಗೆ ಪೋಷಣೆ
ನೀಡುವೆ ಮನಃಶಾಂತಿ
ಪ್ರೀತಿ ಪ್ರೇಮ ಪ್ರಣಯ
ಲೀಲೆಗಳಿಗೆ ನಾನೇ ಕಾರಣ
27 ಪತ್ನಿಯರ ಪತಿ ನಾನು
ಇದೆ ಅದಕೆ ಸಕಾರಣ
ನಾ ಕ್ಷೀಣಿಸಲು ಅಮೃತವಿಲ್ಲ
ದೇವತೆಗಳಿಗೆ ಕಷ್ಟವಂತೆ
ಸಾಗರದಿ ಆವಿರ್ಭವಿಸಿದವ
ಸರ್ವರಿಗೂ  ಇಷ್ಟವಂತೆ
ಕ್ಷೀಣನಾದೊಡೆ ಬಲವಿಲ್ಲ
ವೃದ್ಧಿಯಲಿ ಪ್ರವರ್ಧಮಾನ
ನಾ ಒಲಿಯೇ ವರವೀವೆ
ಮನವು ಉತ್ತಮೊತ್ತಮ
ಹೇಳು ನೀ ನಾ ಯಾರೆಂದು
ಕೊಡುವೆ ಅಮೃತದ ಬಿಂದು
ಆರೋಗ್ಯ ಸ್ಥಿರ ಮನಸು
ನೀಡಿ ಹರಸುವೆ ಎಂದೆಂದೂ
ಶ್ರೀ ಶೈಲನಾಥನ ದಯದಿಂದ
ಸಕಲ ಸೌಭಾಗ್ಯಗಳು ನಿನಗಿರಲಿ ಎಂದೂ....
               
                      
                             ನೀ ನೀಡುವೆ ಯಶಸ್ಸು
                             ನಿರ್ಮಲ ಮನಸ್ಸು
                             ಸೌಮ್ಯ ಸ್ವಭಾವದ ಸುಂದರ
                             ನೀ  ಬಾನ ಚಂದಿರ
                             ಅತ್ರಿನೇತ್ರ ಸಂಭೂತ
                             ರೋಹಿಣೀ ಪ್ರಿಯ
                             ಇಂದು.ಶೀತಲ ನೀ
                             ಕುಮುದಬಾಂಧವ
                             ಮಾತೃಸುಖವನೀವ
                             ಶಂಭೋರ್ಮುಕುಟ ಭೂಷಣ
                             ಕ್ಷೀರೋರ್ದಾರ್ಣವ ಸಂಭೂತ
                             ಹೇ ಚಂದ್ರಮಾ
                             ಶ್ರೀಶೈಲನಾಥನ
                             ಅನುಗ್ರಹದಿಕಾಯೋ
                             ಕಟಕರಾಷ್ಯಾಧೀಶ
                             ಚಂಚಲ ಚಿತ್ತ..

                           

             

ಹೇಳಿ .. ನಾನ್ಯಾರು ??
*******************

ನಾ  ಅವನಿಜ... ಆದರೂ
ಸಹನೆಯಿಲ್ಲ ಸಿಡುಕಿನವ
ರುಧಿರ ವರ್ಣ ನನ್ನದು
ಕಲಹಪ್ರಿಯನು..
ನನ್ನ  ದೃಷ್ಟಿಯದು ಕ್ರೂರ
ಹೋರಾಟವೇನಗಿಷ್ಟ, ನಾ ಧೀರ ಯೋಧ
ಸಸ್ಯಾದಿಪ ನಾನು ಅರಣ್ಯಾಧಿಪತಿಯು
ಪಾಕಶಾಸ್ತ್ರ ಪ್ರವೀಣನೂ ಹೌದು
ಸ್ವಚ್ಛ ಉಚ್ಚಾರಕನು
ದೇಶ ಸೇವೆಯೇ ಧ್ಯೇಯ
ಭೂಮಿಗಧಿಪತಿ ನಾನೇ
ನಾ ಮುನಿಯೇ  ಸ್ಪೋಟಗಳು
ಭೂಮಿ ಬಿರಿಯುವುದು
ದ್ವೇಷಾಸೂಯೆಯ ಅಹಂಕಾರದಿ
ಜಗ  ಹೊತ್ತಿ ಉರಿವುದು
ಭಯೋತ್ಪಾದನೆ ಆಕ್ರಮಣ
ಉರಿಬೆಂಕಿ ನಾನೇ
ಅನೈತಿಕತೆಯ ಬಲೆಯಲ್ಲಿ
ಬೀಳಿಸುವವ  ನಾನೇ
ಪಂಚಭೂತಾತ್ಮಗಳಿಗೆ ನಾನೇ ಅಧಿಪ
ಸರ್ವ ಮಂಗಳ ಮಾಂಗಲ್ಯ ಸ್ವರೂಪ
ಶುಭನಾದರೆ ನಾ ಯಂತ್ರ ಮಂತ್ರ ಸಿದ್ಧಿ
ಸುಂದರ ಸಂಸಾರ ನೈತಿಕತೆಯಲಿ ಬುದ್ಧಿ
ನಾನೊಲಿಯೇ ದೃಢಶಕ್ತಿ ಧೈರ್ಯವನೀವೆ
ಸಂಸಾರ ಸುಖವಿತ್ತು ಸೋದರರ ಕಾಯ್ವೆ
ಹೇಳು ನೀ ನಾನ್ಯಾರೆಂದು
ಕೀರ್ತಿಯನ್ನು ಕೊಡುವೆ
ಶ್ರೀ ಶೈಲನಾಥನ ದಯೆಯಿಂದ
ಸನ್ಮಂಗಳವಿತ್ತು ಕಾಯ್ವೆ....

                               ಅಡಿಗಡಿಗೆ ಕುದಿದು,
                               ಉರಿಗಣ್ಣಿಂದಳೆದು
                               ಕೋಪಾಗ್ನಿಯಲಿ ಕೊಂದು
                               ದೇವಸೇನಾನಿಯಾದೆ
                               ಪಂಚಭೂತಗಳಿಗಧಿಪ
                               ಹೇ ಭೂಮಿಸುತ
                               ಮಹಾತೇಜ  ಅತಿ
                               ಭಯಂಕರ ರೂಪ
                               ಮೇಶವೃಶ್ಚಿಕಾಧೀಶ
                               ಹೇ ಅವನಿಜ
                               ನೀ  ಅಂಗಾರಕ ಕುಜ
                               ಮಂಗಳ  ಭೌಮ
                               ಇರಲೆಮ್ಮ ಮೇಲೇ
                               ಶ್ರೀ ಶೈಲನಾಥನ ಪ್ರೇಮ
                           

               

ಹೇಳಿ.... ನಾನ್ಯಾರು .?
*******************

ನಾ ಕಿರಿಯ ನಾ ಚತುರ
ಸೌಮ್ಯ ಸ್ವಭಾವದವನು
ಶಕ್ತಿಪೀತ ರಥದಲ್ಲಿ
ವಿರಾಜಿಸುತ್ತಿರುವವನು
ಭೂತತ್ವಾಧಿಪತಿಯು ನಾ
ಜ್ಯೋತಿಷ್ಯಾಸ್ತ್ರ  ಬಲ್ಲವನು
ನಿಪುಣ ಚತುರ  ವಿವೇಕಿ
ನಾ ವಿನೋದ ಹಾಸ್ಯ ಪ್ರಿಯನು
ಚಿಗುರು ದೂರ್ವಾದಳ ಸಮದ ವರ್ಣ
ಹಾಸ್ಯಪ್ರಜ್ಞೆ ಯುಳ್ಳವನು
ದೋಷತ್ರಯದಧಿಪತಿಯು ನಾ
ತಾಯಿಯ ಕಡೆಯ  ಬಂಧು
ವ್ಯಾಪಾರ - ವ್ಯವಹಾರದಲ್ಲಿ
ನಾ ಒಂದು ಹೆಜ್ಜೆ ಮುಂದು
ರಾಜಸ ಗುಣದವನು ನಾ
ಬಹುವೇಷಧಾರಿ...
ನಾಟ್ಯಶಾಲೆ, ಉದ್ಯಾನಗಳಲಿ
ನಡೆ, ಗ್ರಾಮ ಸಂಚಾರಿ..
ಧರ್ಮ ಸಮ್ಮತವಾದ ನಡೆ ಇಷ್ಟ
ನಾ ಒಲಿಯದಿರೆ.ಕಷ್ಟ
ನಾ ಮುನಿಯೇ ಅಲ್ಲೋಲ ಕಲ್ಲೋಲ
ಮನಸ್ಸಿನಾಳದಲ್ಲಿ
ದಿಕ್ಕು ಕಾಣದೆ ಮುಳುಗಿ ಹೋದೀರಿ
ನೀವು ನಿತ್ಯ ವ್ಯವಹಾರದಲ್ಲಿ
ಮಧ್ಯಸ್ಥಿಕೆ ಗೂ ನಾನಿರಬೇಕು
ಮಾಧ್ಯಮ ಸಂಪರ್ಕ ಸಾಧಕನು
ಅಸಾಧಾರಣ ಭೌದ್ಧಿಕತೆಯ ರೂಪ
ನಾ ಒಲಿಯೇ ನೀಡುವೆನು
ಕಾರ್ಯಕಾರಣ ಬುದ್ಧಿ
ಚಮತ್ಕಾರ ನೀಡುವೆನು
ಕರಕುಶಲ ಬಂಧು ಮಿತ್ರ
ವಿದ್ಯಾವಿನಯ ಕೊಡುವೆನು
ನಾ ಒಲಿಯಲಿಹುದು
ವಾಕ್ಚಾತುರ್ಯ ಬಲವು
ಉನ್ನತ ವಿದ್ಯಾಭ್ಯಾಸ
ಮಾಯಾಜಾಲವು
ಹಸಿರಿರುವಲ್ಲಿ ಉಸಿರಾಗಿಹೆ ನಾ
ನೆಡು ಹಸಿರು ಗಿಡಗಳನು
ಹರಸಿ ಹಾರೈಸಿ ನಿಮ್ಮ
ಬಾಳ ಹಸಿರಾಗಿಸುವೆನು
ನಾನ್ಯಾರೆಂದು ಹೇಳು ನೀ
ವಿಚಾರ ಪರ ಮಾತಿನಲಿ
ಶ್ರೀ ಶೈಲನಾಥನ ದಯೆ ಇರಲಿ
ವಿಮರ್ಶಾತ್ಮಕ ಗುಣ ಬರಲಿ

                                ಹೇ ಸುಧಾಂಶುತನಯ
                                ನೀ ಪ್ರಜ್ಞಾವಂತನು
                                ಮಾತಿನಲಿ ಚಾತುರ್ಯ
                                ನೀ ಇಳಾಪ್ರಿಯನು
                                ಹುಟ್ಟಿನಿಂದಲೇ.ಚತುರ
                                ಅಪ್ರತಿಮ ಭೌದ್ಧಿಕ ರೂಪ
                                ಯುಕ್ತಿ ಚಮತ್ಕಾರಗಳನೀವ
                                ಶ್ರೀ ಮಹಾವಿಷ್ಣು ಸ್ವರೂಪ
                                ಮಿಥುನ ಕನ್ಯಾದೀಶ
                                ಹೇ.ಚಂದ್ರ ಪುತ್ರ
                                ಪಚ್ಚೆವರ್ಣದ. ಚೆಲುವ
   .                            ಹೇ.. ಬುಧದೇವ
                                ಶ್ರೀಶೈಲನಾಥನ ದಯವಿರಲಿ
                                ಪ್ರಖರ ಬುದ್ಧಿಯು ಒಲಿದು ಬರಲಿ
                               

                         

ಹೇಳಿ... ನಾನ್ಯಾರು ???
********************

ನಾ  ಆಧ್ಯಾತ್ಮಿಕತೆಯ  ಪ್ರತೀಕ
ಧಾರ್ಮಿಕ ಪ್ರವರ್ತಕ
ಮೃದು ಭಾವದ ಮನಸು
ಅಧರ್ಮದಲಿ ಮುನಿಸು
ಉನ್ನತ ಸಂಸ್ಕಾರ ವಂತ
ನಾ  ವೇದ ಪಂಡಿತ
ಮಂತ್ರ ದ್ರಷ್ಟ್ರಾರನೂ ನಾನೇ
ಬ್ರಹ್ಮಜ್ಞಾನ ಉಳ್ಳವನು
ಸ್ಮೃತಿ ಶಾಸ್ತ್ರ ವೇದಪುರಾಣಗಳಿಗೆ
ನಾನೇ ಅಧಿಪತಿಯು
ಬಂಗಾರದಂತ ಮನಸ್ಸಿನವ
ಅದರದೇ ಬಣ್ಣ
ಶುಭಕರ್ಮಗಳಲಿ ಆಸ್ಥೆ
ಅಲ್ಲಿಯೇ ನಿಲ್ಲುವ ವ್ಯವಸ್ಥೆ
ಸುರರ, ಸುರರಂಥ ನಡೆಯವರ
ರಕ್ಷಣೆಯ ಭಾರ ಹೊಣೆ ನನ್ನದೇ
ಶರಣಾಗತರ  ಕಾಯ್ವ ಪ್ರಭೆ ನನ್ನದೇ
ಇಡು ನೀ ನನ್ನಲ್ಲಿ  ಶರಣಾಗತಿ
ನೀಡಿ ಶುಭಮತಿ
ಕರುಣಿಸುವೆ ಉತ್ತಮೊತ್ತಮ ಸಂತತಿ
ನನ್ನ ದಯೆಯಿಂದಲೇ ಆರ್ಥಿಕ ಪ್ರಗತಿ
ನಡೆದು ಉತ್ತಮ ರೀತಿ ಗಳಿಸು ಸದ್ಗತಿ
ನಾ ಮುನಿಯೇ ನೀ  ಅಳಿವೆ
ದುಃಖ ಮಲಿನತೆಯಲಿ ಅಲೆವೆ
ಕಷ್ಟಕೋಟಲೆಗಳ ನಡುವೆ
ಮರುಗಿ ಕೊರಗುವೆ
ದುಸ್ತರ ಬದುಕಲಿ ದಾರಿ ಕಾಣದೆ ತೊಳಲುವೆ
ಎಲ್ಲ ಶುಭಕಾರ್ಯಕ್ಕೆ ನನ್ನ ಬಲವಿರಬೇಕು
ಬದುಕು ನಳನಳಿಸಿ ನಗಲು
ನನ್ನ ಒಲವಿರಬೇಕು
ಹೇಳು ನೀ ನಾನ್ಯಾರೆಂದು
ಹರಸುವೆ ಬಳಿಬಂದು
ಶ್ರೀಶೈಲ ನಾಥನ  ದಯದಿಂದ
ದೈವಾನುಗ್ರಹವಿರಲಿ ಎಂದೂ...

                                 ಗೌರವಾದರಕೆ ಪಾತ್ರ
                                 ನೀ  ಪರಮ ಪವಿತ್ರ
                                 ಜ್ಞಾನ ಸುಖವನೀವ
                                 ಧನ, ಪುತ್ರದಾತ
                                 ತಾರಾಪತ್ನೀ ಸಹಿತ
                                 ಜ್ಯೋತಿಶ್ಯಾಸ್ತ್ರ ಪ್ರದಾತ
                                 ಧನುರ್ಮೀನಾಧಿಪತಿಯೇ
                                 ಹೇ  ದೇವಗುರುವೆ
                                 ಬೃಹತ್ ಬುದ್ಧಿಯ ದಾತ
                                 ಹೇ  ಬೃಹಸ್ಪತಿ
                               ಶ್ರೀಶೈಲನಾಥನನನುಗ್ರಹದಿಂದ
                                ನೀಡೆಮಗೆ ಸಕಲ ಶುಭಮತ

       

                    

: ಹೇಳಿ ...ನಾನ್ಯಾರು???
********************

ನಾ ಮೃದು ಸ್ವಭಾವದ ರಸಿಕ
ಭೋಗಭಾಗ್ಯ ಉಳ್ಳವನು
ಅಚ್ಚ ಶ್ವೇತ ವರ್ಣದ ಚೆಲುವ
ಬಿಳಿದಾವರೆಯ ಮುಖದವನು
ಯಜುರ್ವೇದಾಧಿಪತಿಯು ನಾ
ಸ್ವದೇಶಾಭಿಮಾನ ಉಳ್ಳವನು
ಸಂಗೀತ ಸಾಹಿತ್ಯ ನಾಟ್ಯಅಲಂಕಾರ
ಕವಿತ್ವ ಗುಣವುಳ್ಳವನು
ಹೂವು ಪರಿಮಳ ಗಂಧ
ವಿನೋದ ಲಾಸ್ಯವೇ ಚಂದ
ಶಯ್ಯಾಗೃಹವೆನಗಿಷ್ಟ
ಭೋಗಪ್ರಧಾನ ವಿಷಯಾಸಕ್ತ
ಕಲ್ಯಾಣ ಕಾರಕನೂ  ನಾನೇ
ಸೌಂದರ್ಯೋಪಾಸಕನು
ನಾ ರಕ್ಕಸ ಕುಲಕೆ ಮಿತ್ರ
ಸರಿದಾರಿಯ ತೋರಿಸುವವ
ಸನ್ಮಾರ್ಗಕ್ಕೆಳೆದುತರಲು
ಸಾಕಷ್ಟು ಪ್ರಯತ್ನಿಸುವವ
ಶ್ರೀಶೈಲ ನಾಥನನುಗ್ರಹದಿಂದ
ಸಂಜೀವಿನಿ ವಿದ್ಯೆ ಪಡೆದವ
ಷಂಡರಿಗನುಗ್ರಹಿಸಿದ ದೆಸೆ
ಶ್ರೀಚಕ್ರಾಧಿದೇವತೆಯಿಂದ
ಶಾಪಕ್ಕೊಳಗಾದವ
ಜಗದ ಜೀವಿಗಳು ಹಂಬಲಿಸಿ
ಹಾತೊರೆವ ಪ್ರತಿ ಸುಖದಲ್ಲಿ
ನಾನಡಗಿ ಕುಳಿತಿರುವೆ
ಒಲಿದು ಹಾರೈಸಲು ನಿಮ್ಮ
ದಾಂಪತ್ಯ ಸುಖವಿರಿಸುವೆ
ಸಕಲ ಭೋಗಭಾಗ್ಯಗಳನಿತ್ತು ಹರಸುವೆ
ಕಾಮಕಳತ್ರ ವೀರ್ಯ ಕಾರಕನು ನಾನೇ
ಸಿರಿ ಗೌರವಾದರ ಗೃಹಸೌಖ್ಯ ನೀಡುವವ ನಾನೇ
ನಾ ಮುನಿಯೇ ಜಯವಿಲ್ಲ
ಸಂಸಾರದಲಿ ಮುನಿಸು
ಭೋಗಲಾಲಸೆಗೆ ಮಿತಿಯಿಲ್ಲ
ಅನೈತಿಕತೆಯಲಿ  ಮನಸು
ಮುನಿದು ನಾ ಸಿಡಿದರೆ
ನಿನ್ನ ಅದಃಪತನಕೆ ದಾರಿ
ಒಲಿದು ಹರಸಿದರೆ
ಸಿರಿ ಸೌಭಾಗ್ಯವೀವ ನಾರಿ
ಹೇಳು ನೀ  ನಾನ್ಯಾರೆಂದು
ಸಿರಿದೇವಿ ಹರಸುವಳು ಬಂದು
ಶ್ರೀಶೈಲನಾಥನೊಲವಿರಲಿ
ಭೋಗಭಾಗ್ಯಗಳು ನಿನ್ನನರಸಿ ಬರಲಿ...

  

                                 ಕಾವ್ಯ ಕೋಮಲಮಯ
                                 ವಚನ,  ಮೃದುಹೃದಯ
                                 ಭೋಗಭಾಗ್ಯವನೀವ
                                 ಲಘುಸ್ವಭಾವದವ
                                 ಜ್ಞಾನವೀರ್ಯಕಾರಕ
                                 ನೀ  ಭೋಗಪ್ರಧಾನ ಗ್ರಹ
                                 ಅಸುರ ಗುರುವೇ ನೀ
                                 ಶಸ್ತ್ರಾಸ್ತ್ರ ಕೋವಿದ
                                 ಸಂಗೀತ ನಾಟ್ಯ ಗಾನ
                                 ಸಕಲ ಕಲಾವಿದ
                                 ವೃಷಭತುಲಾಧೀಶ
                                 ಹೇ.ಭಾರ್ಗವಾ
                                 ಶ್ರೀ ಶೈಲನಾಥನನುಗ್ರಹ
                                 ಇರಲಿ ಹೇ ಶುಕ್ರ ದೇವಾ..
                                      

                                    

ಹೇಳಿ...  ನಾನ್ಯಾರು..??
*********************

ಉತ್ತಮ  ಶಿಕ್ಷಕ ನು ನಾ ಪಕ್ಷಪಾತ ವಿಲ್ಲದವನು
ನೀ ನಡೆದ ನಡೆಯಂತೆಯೇ ಫಲಾಫಲವನೀಯುವನು

ವಾಯುತತ್ವ ಪ್ರಧಾನ ಶ್ರಮದಿಂದಲೇ ಜೀವನ
ತಮೋಗುಣದವನು ಸ್ಥಿರಕಾರ್ಯ ತತ್ಪರನು ನಾ

ನಿಧಾನವೇ ಪ್ರಧಾನಗುಣ ಧೀರ್ಘವ್ಯಾಧಿಯ ಜನ್ಯ
ಧರ್ಮಶಾಸ್ತ್ರಾಸಕ್ತನು ನಾ ಉತ್ತಮಕಾರ್ಯಕ್ಕೆ ಮಾನ್ಯ

ಮುನಿಸಿರಲು ಅಲ್ಲೋಲ ಕಲ್ಲೋಲ ಜಗವೇ ನಡುಗುವುದು
ಸಿಕ್ಕರೆನ್ನ ದೃಷ್ಟಿಗೆ ಬದುಕು ದುಸ್ತರವಾಗುವುದು

ಹೆಸರಲೇ ಇಹುದು ನಡುಕ ನಾ ವಯಸ್ಸಾದ ಮುದುಕ
ಅಹಿತಕರ್ಮಕ್ಕೆ ನಾ ಎಂದೂ ದುಃಖಕಾರಕ

ನೈತಿಕತೆಯ ಜರಿದು ಆದರೆ ಪತಿತ
ಆಗುವೆ.ಘೋರ ಶಿಕ್ಷಾರ್ಹ ಅವಸಾನ ಖಚಿತ

ಸುಕೃತ ಫಲವಿಲ್ಲದಿರೆ ನೀ  ಸಾಮಾನ್ಯ ಸೇವಕ
ಧರ್ಮಮಾರ್ಗದೊಳಿರಲು ನ್ಯಾಯಾಸ್ಥಾನಕೆ ಪ್ರೇರಕ

ಮುನಿಯೇ ನಾ ಅದಃಪತನ ಏಳುಬೀಳಿನ ಜೀವನ
ದಾರಿದ್ರ್ಯಾಪಮಾನ ಕಟ್ಟಿಟ್ಟ ಬುತ್ತಿ ಜೀವನವೇ ಅಯೋಮಯ

ಸೃಷ್ಟಿಯ ಸಮತೋಲನಕೆ ಹರನಿಂದ ನಿಯೋಜಿತನಾದವನು
ನ್ಯಾಯಮಾರ್ಗದಿ ನಡೆದು ಅವನ್ಹೆಸರ ಪಡೆದವನು

ಪ್ರಚೋದನೆಯಿಹುದು ನನ್ನದು ಕೆಟ್ಟಕಾರ್ಯಗಳಲ್ಲಿ
ಚಂಚಲೆಯಿತ್ತು ಮನಕೆ ಮುಳುಗಿಸಿ ಬಿಡುವೆ ಆಲಸ್ಯದಲ್ಲಿ

ಅಂಜಿ ಅಳುಕದೆ ದೃತಿಗೆಡದೆ ಮುನ್ನುಗ್ಗುವವರೇನಗಿಷ್ಠ
ನಡೆಯಿರಲು ನಿಸ್ಪೃಹತೆ ಯಲಿ ಹರಿಸುವೆ ಸಕಲ ಸಂಕಷ್ಟ

ಎಣಿಸಿ ಗುಣಿಸಿ ಹಿಂದಿನದನೆಲ್ಲ ಮಾರಣಾಂತಕನಾಗುವವನು
ಕೃತಿಯಂತೆಯೇ ಫಲವೀವ ಆಯುರ್ನಿರ್ಧಾರಕನು

ಮುನಿಸಿಹುದೆನಗೆ ಪಿತನಲ್ಲಿ ನಾನವನ ಕಡುವೈರಿ
ಹರಸಿ ಹಾರೈಸಿ ಹೆಸರಿತ್ತ ಸರ್ವಮಾನ್ಯ ತ್ರಿಪುರಾರಿ

ನಾ ಒಲಿಯೇ ಸಕಲಸುಖಭೋಗ ಹಿರಿತನದ ಜೀವನ
ಹಿರಿಯರ ಪದಸೇವೆಯಲಿಹುದು ಸರ್ವ ಕಷ್ಟ ನಿವಾರಣ

ನಾ ಒಲಿಯೇ ಆಸ್ತಿಕನು ನೀ ಆಧ್ಯಾತ್ಮ ದಲಿ ಪ್ರಗತಿ
ಧಾರ್ಮಿಕತೆ ಯಲಿ  ಮುನ್ನಡೆಯೇ ಕೊಡುವೆ ನಾ  ಪದೋನ್ನತಿ

ಹೇಳು ನೀ  ನಾನ್ಯಾರೆಂದು ದಯೆಯಿರಲಿ ಶ್ರೀ ಶೈಲನಾಥನದು
ನಿಸ್ಪೃಹ ಸೇವಾನಿರತರಿಗೆ ಉತ್ತಮೊತ್ತಮ  ಪದವಿಹುದು

                              ಸಕಲ ಕಾರ್ಯಗಳ ನಿಜ
                              ನಿರೀಕ್ಷಕನು ನೀನು
                              ಮನೋಬಲದ  ಸತ್ವ
                              ಪರೀಕ್ಷಕನು ನೀನು
                              ಕಾಶ್ಯಪಗೋತ್ರ ಸಂಜಾತ
                              ನೀ ಮಾರ್ತಾಂಡ ಸುತ
                              ಜ್ಯೇಷ್ಠಾ ಪತ್ನೀ ಸಮೇತ
                              ಆಯುಃಪ್ರಧಾತ
                              ಪ್ರಾರಬ್ಧದಂತೆ ಫಲವೀವ
                              ಉತ್ತಮ  ಅಧ್ಯಾಪಕ
                              ನಿಸ್ಪೃಹತೆ ಯ ನಡೆಯಿರೆ
                              ಅವ ವಂಶ ಪ್ರದೀಪಕ
                              ತಪ್ಪಿನಡೆದರೆ ಶಿಕ್ಷಿಸುವ
                              ಧರ್ಮದೇವತೆ
                              ಸನ್ಮಾರ್ಗದಲಿ ನಡೆಯಿರೆ
                              ನೀಡುವೆ ಆಧ್ಯಾತ್ಮಿಕತೆ
                              ತನ್ನ ಹೆಸರಿತ್ತು ಪೊರೆದ
                              ಆ ಪರಮೇಶ್ವರ
                              ಶ್ರೀಶೈಲನಾಥನ ದಯೆಯಿರಲಿ
                              ಶ್ರೀ ಶನೈಶ್ಚರ.....

                              

                   

ಹೇಳಿ ..... ನಾನ್ಯಾರು..??
**********************

ಹೂಟ  ಹೂಡುವ ಮಾಟ
ಕುಟಿಲ ಯೋಜನೆಯ ಆಟ
ನೀಡುವೆ ಎಲ್ಲರಿಗೂ ಕಾಟ
ಇದೆನ್ನ  ಪರಿಪಾಠ...!!

ಕೆಡುಕುಂಟುಮಾಡುವ ಕೆಲಸ
ಬದುಕಾಗುವುದು ಅಸ್ತವ್ಯಸ್ತ
ಭೌತಿಕ ರೂಪವೇ ಅಸ್ಪಷ್ಟ
ನಾ ನಶ್ವರತೆಯ ಸಂಕೇತ...!!

ತಂತ್ರ ಕುತಂತ್ರಕೆ ನಾನೆಜಮಾನ
ಅನಿಯಂತ್ರಿತ ಜೀವನಕೆ ಕಾರಣ
ಸುರಳಿ ಸರಪಳಿಗಳ ನೆರಳಿನಾಟದ
ಬವಣೆ ಬದುಕಿಗೆ ಮೂಲ ನಾನೇ...!!

ವಲ್ಮೀಕವೆನ್ನ ಸ್ಥಾನ
ಮೋಡಿ ಗಾರುಡಿ ಸಮ್ಮೋಹನ
ಮಾಯಾ ಮಾಟ ಕೂಟ
ಅಭಿಚಾರದೆಡೆ  ನೋಟ...!!

ನಾ ಒಲಿಯೇ  ಬಲವಿಹುದು
ಚಿತ್ರ - ಛಾಯೆಗಳಲಿ ಒಲವಿಹುದು
ಯಂತ್ರ ತಂತ್ರಗಳ ಸಾರಥ್ಯ
ಕಲೋಪಾಸನೆಗೆ ನಿಮಿತ್ತ...!!

ಭೂಗರ್ಭ ದೊಳಗಣ ಧನ
ಬೃಹತ್ ಬುದ್ಧಿಯ ಮನ
ಅಮೋಘ ಧೈರ್ಯ ಯುಕ್ತಿಬಲ
ನಾನೊಲಿಯೆ ಲೀಲಾಜಾಲ...!!

ಮುನಿದಿರಲು ವಿದ್ವಂಸಕ ಕೃತ್ಯ
ವ್ಯಾಧಿ ಬಾಧೆ ಪ್ರತಿನಿತ್ಯ
ಅಮಂಗಳ ಬೇನೆ ಮೈಲಿ ವಮನ
ವಿಷಪ್ರಾಶನ ಪುತ್ರಹೀನ...!!

ಜಗಚ್ಛಕ್ಷುಗಳೆನ್ನ ವೈರಿ
ಕಾಡಿ ಕಾಡಿಸುವೆ ಬಲು ಕ್ರೂರಿ
ಹಠದಿಂ ಪಡೆದೆ ಸ್ಥಾನಮಾನ
ಸುರರ ದ್ವೇಷ ವಿದಕೆ ಕಾರಣ...!!

ಹೇಳು ನೀ ನಾನ್ಯಾರೆಂದು
ಶ್ರೀಶೈಲನಾಥನರಸಿಯು ಹರಸಿ
ಹಾರೈಸುವಳು ಬಳಿಬಂದು
ಶ್ರೀವಲ್ಲಿನಾಥನ ದಯವಿರಲಿ ಎಂದೂ...!!

                               ಬಾಹುಬಲವೇ ಪ್ರಧಾನ
                               ಮಾಡು ವಿರೋಧ ಶಮನ
                               ಮಹಾಭಯಂಕರ ನೀ
                               ಪೊರೆ ..ಮಾತಾಮಹ
                               ಚಂದ್ರಾದಿತ್ಯರೊಡನೆ ವೈರ
                               ನೀ ಕಾಡಿ ಕಾಡಿಸುವ ಅಸುರ
                               ಸಿಂಹಿಕಾಗರ್ಭಸಂಭೂತ
                               ನೀ ಸಕಲಕಲಾ ಪಾರಂಗತ
                               ಛಾಯಾಗ್ರಹ ನೀನೇ
                               ಹೇ ನಾಗದ್ವಜನೆ
                               ಸರ್ವದೋಷಗಳ ಕ್ಷಯಿಸಿ
                               ನೀಡು ಮಂಗಳವ ಶಿಖೀ
                               ಮಹಾವೀರ ರಾಹು
                               ನೀನೊಲಿದರೆ ಪರಮಸುಖಿ
                               ಶ್ರೀಶೈಲನಾಥನನನುಗ್ರಹದಿ
                               ಕಾಯೋ ಅರ್ಧಕಾಯನೇ
                                         

                     

ಹೇಳಿ....  ನಾನ್ಯಾರು..??
**********************

ಅಸ್ಪಷ್ಟ ಭೌತಿಕ ರೂಪ
ಉರಿಕೆಂಡದಂತ ಕೋಪ
ವಿಷಕಾರುವ  ವಚನ
ಚಿತ್ರಚಿಚಿತ್ರ ವಸನ
ಗೂಢವಿದ್ಯಾಪ್ರವೀಣ
ಮಂತ್ರಶಾಸ್ತ್ರ ಬಲ್ಲವನು ನಾ
ರಜೋಗುಣವೇ ಪ್ರಧಾನ
ಚಿತ್ರಾಂಗ ಧೂಮ್ರವರ್ಣ
ಮಾಯಾಮಾಟ ಅಭಿಚಾರ
ತಂತ್ರಕುತಂತ್ರದ ವಿಚಾರ
ಅನ್ಯಸಂಸ್ಕೃತಿ ಸಂಸ್ಕಾರ
ನೀಚಸಂಗ ಹೀನ  ಆಚಾರ
ಕೃಪೆಯಿರಲು ಜ್ಞಾನವನೀವೆ
ಮೋಕ್ಷಜ್ಞಾನ ಪ್ರಧಾನಿಸುವೆ
ಗಂಗಾಸ್ನಾನ ಪುಣ್ಯಫಲ
ಬ್ರಹ್ಮಜ್ಞಾನ ಅಚಲ
ತಪಸ್ಸಿನೋಳಾಸಕ್ತಿ
ದೈವೀಕತೆ  ಸಂಸಾರ ನಿರಾಸಕ್ತಿ
ಮಹಾ ಮೇಧಾವಿ ವಿದ್ಯಾಪೂರ್ಣ
ಮುನಿದೊಡೆಲ್ಲವೂ ಅಪೂರ್ಣ
ಚಿತ್ತಭ್ರಮೆಯ ಘೋರ
ಮಾಯೆ ಮೋಡಿ ಚೋರ
ಸುಳಿಯೇ ಪ್ರೇಮ ಕಾಮ
ಅದಃಪತನ ನಿರ್ನಾಮ
ಒಲಿದರಿಹುದು ಯೋಗಾಯೋಗ
ಯಾತ್ರಾಫಲ ಯಜ್ಞಯಾಗ
ದೈವಸೇವಾಯೋಗ
ಆಧ್ಯಾತ್ಮಿಕತೆಯ ಪ್ರಭಾವ
ಹೇಳು ನೀ ನಾನ್ಯಾರೆಂದು
ಕೀರ್ತಿ ಪತಾಕೆ ಹಾರಿಸುವೆ ಬಂದು
ಕುಲೋಸ್ಯೋನ್ನತಿಯನೀವೆ
ಮೋಕ್ಷಜ್ಞಾನ ವಿತ್ತು ಕಾಯ್ವೆ
ಶ್ರೀಶೈಲನಾಥನ ಸುತನ
ದಯೆಯಿರಲು ಕಾಯ್ವೆ
ಉದ್ಧರಿಸಿ ಕುಲವನ್ನು
ಸತ್ಸಂತಾನಾಭಿವೃದ್ಧಿಯನೀವೆ..

                                       ರಕ್ತ ಕಾಂತಿಯುಕ್ತ
                                       ಭಯಂಕರ ನೇತ್ರ
                                       ವಸ್ತ್ರವೋ ಚಿತ್ರವಿಚಿತ್ರ
                                       ನಾನಾ ವರ್ಣಯುಕ್ತ
                                       ಸಕಲರಲಿ.ದುರ್ಬಲ
                                       ಹೇ ಧೂಮ್ರವರ್ಣ
                                       ಕ್ರೂರತೆಯ ಪ್ರತೀಕ
                                       ದೇಹವೆಲ್ಲ ವ್ರಣ
                                       ಮಂತ್ರಶಾಸ್ತ್ರ ದಷ್ಟ್ರಾರ
                                       ಮೋಕ್ಷ ಪ್ರದಾತ
                                       ಹರಸಿ ಹಾರೈಸಲು
                                       ಕೀರ್ತಿ ದ್ವಜದ ಸಂಕೇತ
                                       ಗೂಢವಿದ್ಯಾ ಚತುರ
                                       ಹೇ ಪಿತಾಮಹ
                                       ಚಿತ್ರಲೇಖಾ ಸಮೇತ
                                      ಪೀಡಾಂಹರತು ಮೇ ತಮ
                                       ಶ್ರೀಶೈಲನಾಥನ
                                       ಸುತನ ದಯವಿರಲಿ
                                       ಕುಲಸ್ಯೋನ್ನತಿಯ ನೀಡು
                                       ಕೇತುನಿನ್ನನುಗ್ರಹವಿರಲಿ
                                   

                               

🙏🙏🙏

    ನಮೋ ಮಾರ್ತಾಂಡ ನಮೋ ಶಶಧರ 

     ನಮೋ ಭೂಮಿಸುತ ನಮೋ ಸೋಮಾತ್ಮಜ

 ನಮೋ ಗುರುರ್ಗೌರವಾಧೀಶ ನಮೋ ಭಾರ್ಗವ

   ನಮೋ ನೀಲಾಂಬರ ಛಾಯಾಸುತ ನಮೋ ಶನೈಶ್ಚರ 

             ನಮೋ ಸಿಂಹಿಕಾಸೂನು ಧೀರ್ಘಬಾಹವೇ

                       ನಮೋ ಶಿಖೀ ಶತಕೇತವೇ  

     ಭಕ್ತಿಯಲಿ  ಬೇಡುವೆನು ನಿಮ್ಮಲ್ಲಿ ಶುಭಮತಿಯ ನೀಡಿ                                     ಪಾಲಿಸಿರಿ ಎನ್ನ 

                                       🙏🙏

          ✍    ಡಾ||  B. N. ಶೈಲಜಾ ರಮೇಶ್.....

ಕುಜದೋಷದ ಸ್ವರೂಪ, ಫಲ ಹಾಗೂ ಪರಿಹಾರೋಪಾಯಗಳು

                             ಹರಿಃ  ಓಂ

             ಶ್ರೀ ಮಹಾಗಣಪತಯೇ  ನಮಃ

                 ಶ್ರೀ  ಗುರುಭ್ಯೋನಮಃ

          ಕುಜದೋಷ  :--

ಕುಜದೋಷದ  ಸ್ವರೂಪ,  ಫಲ  ಹಾಗೂ  ಪರಿಹಾರೋಪಾಯಗಳು  :---

          ಜಾತಕರ  ಜನ್ಮ ಕುಂಡಲಿಯಲ್ಲಿ  ಕುಜ  ಎಷ್ಟು  ಅಶುಭನಾಗುತ್ತಾನೆ  ಎಂಬುದನ್ನು  ಕುಜದೋಷದ ಅಂತರ್ಗತ  ವಿಚಾರ ಮಾಡಬೇಕಾಗುತ್ತದೆ.

          ಕುಂಡಲಿಯಲ್ಲಿ  ಪ್ರಥಮ,  ದ್ವಿತೀಯ  ಚತುರ್ಥ, ಪಂಚಮ,  ಸಪ್ತಮ ,  ಅಷ್ಟಮ  ಹಾಗೂ  ದ್ವಾದಶ  ಭಾವಗಳಲ್ಲಿ  ಕುಜನಿದ್ದರೆ  ದೋಷವೆಂದೇನಿಸುತ್ತದೆ,  ಈ  ಭಾವಗಳಿಗೆ ತಮ್ಮದೇ  ಆದ  ಒಂದು ವಿಶಿಷ್ಟ  ಮಹತ್ವವಿದೆ.

   
          ■  ಪ್ರಥಮ  ಭಾವದಿಂದ  ಜಾತಕನ  ಶರೀರ,

          ■  ದ್ವಿತೀಯ ಭಾವದಿಂದ  ಕುಟುಂಬ ಸೌಖ್ಯ,

          ■  ಚತುರ್ಥ  ಭಾವದಿಂದ  ಸುಖ  ಅಂದರೆ  ಭೂಮಿ, ವಾಹನ, ಮನೆ  ಹಾಗೇ ಪ್ರಯೋಜನಕ್ಕೆ  ಬರುವ  ಅವಶ್ಯಕ  ಸಾಮಗ್ರಿಗಳು,

          ■  ಪಂಚಮ  ಭಾವದಿಂದ  ಸಂತಾನ  ಸುಖ

          ■  ಸಪ್ತಮ  ಭಾವದಿಂದ  ಕಾಮ, ಪತಿ ಅಥವಾ  ಪತ್ನಿ,  ರತಿಸುಖ,

          ■  ಅಷ್ಟಮ  ಭಾವದಿಂದ ಜೀವನದಲ್ಲಿ  ತಲೆದೋರುವ  ಬಾಧೆಗಳು  ಅಥವಾ  ಮೃತ್ಯು  ಅಥವಾ  ಆಯಸ್ಸಿನ  ವಿಚಾರ,

          ■  ದ್ವಾದಶ ಭಾವದಿಂದ  ವ್ಯಯ  ಅಥವಾ ಖರೀದಿ  ಶಕ್ತಿಯ  ವಿಚಾರಗಳನ್ನು  ಮಾಡಲಾಗುತ್ತದೆ.  ಆದ್ದರಿಂದ  ಜನ್ಮ ಕುಂಡಲಿಯಲ್ಲಿ ಕೌಟುಂಬಿಕ  ಸುಖ  ದುಃಖಾದಿಗಳ  ವಿಚಾರ  ಮಾಡುವಾಗ  ಈ   7  ಭಾವಗಳಿಗೆ  ವಿಶೇಷ  ಮಹತ್ವ  ಕೊಡಲಾಗುತ್ತದೆ.

          ಈ  ಭಾವಗಳಲ್ಲಿ  ಪಾಪಗ್ರಹಗಳ  ಸ್ಥಿತಿಯಾಗಲೀ  ಅಥವಾ  ಈ  ಭಾವಗಳ  ಮೇಲೆ  ಪಾಪಗ್ರಹಗಳ  ದೃಷ್ಟಿಯಾಗಲೀ  ಇದ್ದರೆ  ಜಾತಕರಿಗೆ  ಆ  ಭಾವಗಳ  ಸುಖದಲ್ಲಿ  ತೊಂದರೆಗಳು  ಲಭಿಸುತ್ತದೆ.

          ■   ಕುಜನು  ಪಾಪಗ್ರಹವಾಗಿದ್ದು,  ಒಂದು ವೇಳೆ  ಕುಜನು  ಲಗ್ನ,  ದ್ವಿತೀಯ,  ಚತುರ್ಥ,  ಪಂಚಮ,  ಸಪ್ತಮ,  ಅಷ್ಟಮ,  ದ್ವಾದಶ  ಭಾವಗಳಲ್ಲಿ  ಸ್ಥಿತನಿದ್ದರೆ  ತನ್ನ  ಕೆಟ್ಟ  ಪ್ರಭಾವ ವನ್ನು  ತೋರುತ್ತಾನೆ.

          ■   ಲಗ್ನದಲ್ಲಿ  ಮಂಗಳನಿದ್ದರೆ,  ಅಥವಾ  ಅವನ  ದೃಷ್ಟಿ  ಲಗ್ನದ  ಮೇಲಿದ್ದರೆ,  ಜಾತಕನ ಆರೋಗ್ಯ  ಉತ್ತಮವಾಗಿರುವುದಿಲ್ಲ,  ಸ್ವಭಾವದಲ್ಲಿ  ಕೂಡ  ಹಠಮಾರಿತನ  ಹಾಗೂ  ಉಗ್ರತನವಿರುತ್ತದೆ.

          ■   ದ್ವಿತೀಯದಲ್ಲಿ ಕುಜನಿದ್ದರೆ,  ಅಥವಾ  ಅವನ  ದೃಷ್ಟಿ  ದ್ವಿತೀಯದ  ಮೇಲಿದ್ದರೆ,  ಮಾತಿನಲ್ಲಿ  ಒರಟುತನ  ಹಾಗೂ  ಕುಟುಂಬದಲ್ಲಿ  ಹೊಂದಾಣಿಕೆಯ  ವಿಷಯದಲ್ಲಿ  ಕೊರತೆಯಿರುತ್ತದೆ.

          ■    ಚತುರ್ಥ  ಭಾವದಲ್ಲಿ  ಕುಜನಿದ್ದರೆ  ಅಥವಾ  ಅವನ ದೃಷ್ಟಿ  ಚತುರ್ಥ ದ  ಮೇಲಿದ್ದರೆ,  ಸುಖ ಭೋಗೋಪ ಸಾಧನಗಳಲ್ಲಿ  ಕೊರತೆಯಿರುತ್ತದೆ.

      
          ■    ಪಂಚಮ  ಭಾವದಲ್ಲಿ  ಕುಜನಿದ್ದರೆ  ಅಥವಾ  ಪಂಚಮದ  ಮೇಲೆ  ಕುಜನ  ದೃಷ್ಟಿಯಿದ್ದರೆ,  ಮೃತ ಸಂತಾನ, ಗರ್ಭಪಾತ,ಸಂತಾನ  ವಿಷಯದಲ್ಲಿ  ದುಃಖ, 

          ■    ಸಪ್ತಮ  ಭಾವದಲ್ಲಿ  ಕುಜನಿದ್ದರೆ  ಅಥವಾ  ಆ  ಭಾವದ ಮೇಲೆ  ಕುಜನ  ದೃಷ್ಟಿಯಿದ್ದರೆ,  ಕೌಟುಂಬಿಕ  ಜೀವನ  ಸುಖಮಯವಾಗಿ  ಇರುವುದಿಲ್ಲ,  ಒಮ್ಮೊಮ್ಮೆ ದ್ವಿಕಳತ್ರ,

          ■   ಅಷ್ಟಮ  ಭಾವದಲ್ಲಿ  ಕುಜನಿದ್ದರೆ  ಅಥವಾ ಕುಜನ  ದೃಷಿಯಿದ್ದರೆ,  ಜೀವನದಲ್ಲಿ  ತೊಂದರೆಗಳು,  ಕಲತ್ರನಾಶ,  ಹಾಗೂ  ಅನಿಷ್ಟ ಗಳು  ಭಾಧಿಸುತ್ತವೆ.

          ■   ದ್ವಾದಶ  ಭಾವದಲ್ಲಿ  ಕುಜನಿದ್ದರೆ  ಅಥವಾ  ಆ  ಭಾವದ ಮೇಲೆ  ಕುಜನ  ದೃಷ್ಟಿಯಿದ್ದರೆ,  ಅಧಿಕ  ವ್ಯಯ  ಚಿಂತೆ,  bed  comfort ವಿಚಾರದಲ್ಲಿ  ತೊಂದರೆಗಳು  ಪೀಡಿಸುತ್ತವೆ.

          ಆದ್ದರಿಂದ  ಈ  ಏಳು  ಭಾವಗಳಲ್ಲಿ  ಎಲ್ಲಿಯಾದರೂ  ಕುಜ  ಸ್ಥಿತನಿದ್ದರೆ  ಆ  ಜಾತಕರು  ಕುಜದೋಷವುಳ್ಳವರು  ಎಂದೆನಿಸಿಕೊಳ್ಳುತ್ತಾರೆ.

            ಲಗ್ನದಿಂದ,  ಚಂದ್ರರಾಶಿಯಿಂದ  ಹಾಗೂ  ಶುಕ್ರನಿಂದ ಕೂಡ   ಈ  ಭಾವಗಳಲ್ಲಿ  ಕುಜನು  ಸ್ಥಿತನಿದ್ದರೂ  ಕೂಡ  ಕುಜದೋಷವಾಗುತ್ತದೆ.

 
           ಕುಜ  ಶನಿ,  ಸೂರ್ಯ,  ರಾಹು,  ಕೇತು  ಇವರು ತಮ್ಮ  ದೃಷ್ಟಿ ,  ಯುತಿ ಅಥವಾ   ಸ್ಥಿತಿಯಿಂದ ಯಾವುದೇ  ಭಾವದ  ಶುಭ ಫಲಗಳನ್ನು  ನಷ್ಟಗೊಳಿಸುವ  ಸಾಮರ್ಥ್ಯ ವನ್ನು  ಹೊಂದಿರುವರು,  ಆದ್ದರಿಂದ  ಈ  ಗ್ರಹರು  ನೈಸರ್ಗಿಕವಾಗಿ ಪಾಪಗ್ರಹರು,   ಈ  ಪಾಪಗ್ರಹಗಳು 1,  2,  4,  5,  7,  8,  12  ಈ  ಭಾವಗಳಲ್ಲಿ  ಸ್ಥಿತರಿದ್ದರೆ  ಕುಜದೋಷದಷ್ಟೇ  ಪ್ರಭಾವ  ಉಂಟಾಗುತ್ತದೆ,   ಆದ್ದರಿಂದ  ಇದರ  ವಿಚಾರವನ್ನೂ  ಮಾಡುವುದು  ಅವಶ್ಯಕ,  ಏಕೆಂದರೆ  ಲಗ್ನ ಶರೀರವನ್ನೂ,  ಚಂದ್ರ  ಮನಸ್ಸನ್ನೂ,  ಹಾಗೂ  ಶುಕ್ರ  ದಾಂಪತ್ಯ ಸುಖದ  ಪ್ರತಿನಿಧಿತ್ವ  ವಹಿಸುತ್ತಾರೆ.

          ದಾಂಪತ್ಯ  ಸುಖದಲ್ಲಿ  ಶರೀರ,  ಮನಸ್ಸು  ಹಾಗೂ  ರತಿಸುಖ  ತಮ್ಮದೇ  ಆದ  ಮಹತ್ವಹೊಂದಿದೆ.   ರವಿ , ಶನಿ, ರಾಹು, ಕೇತುಗಳಿಂದ  ನಿರ್ಮಾಣವಾಗುವ  ದುರ್ಯೋಗಗಳು  ಅಲ್ಪ ಪ್ರಭಾವವುಳ್ಳದ್ದಾಗಿರುತ್ತದೆ,   ಆದ್ರೆ ಕುಜನಿಂದ  ದುರ್ಯೋಗ  ನಿರ್ಮಾಣವಾದಾಗ  ಅದರ  ದುಷ್ಪ್ರಭಾವವನ್ನು  ಅಧಿಕವೆಂದು  ತಿಳಿಯಲಾಗುತ್ತದೇ,   ಕೇತುವಿನಿಂದ  ನಿರ್ಮಾಣವಾಗುವ  ಯೋಗ ಎಲ್ಲಕ್ಕಿಂತ  ಕಡಿಮೆ  ಪ್ರಭಾವ  ಹೊಂದಿರುತ್ತದೆ,  ಲಗ್ನ,  ಚತುರ್ಥ,  ಅಷ್ಟಮ ಹಾಗೂ  ವ್ಯಯಭಾವಗಳಲ್ಲಿ  ಪಾಪಗ್ರಹದ  ಸ್ಥಿತಿ ಯಿಂದ  ನಿರ್ಮಾಣವಾಗುವ  ದುರ್ಯೋಗಗಳ  ಪ್ರಭಾವ  ಭಾವಗಳ  ಕ್ರಮಾನುಸಾರ ಕಡಿಮೆಯಿರುತ್ತದೆ , ಆದರೆ  ಈ  ಪ್ರಭಾವ  ಸಪ್ತಮ  ಭಾವದಲ್ಲಿ  ಎಲ್ಲಕ್ಕಿಂತ  ಅಧಿಕವಿರುತ್ತದೆ,  ದ್ವಾದಶ  ಭಾವದಲ್ಲಿ  ಎಲ್ಲಕ್ಕಿಂತ  ಕಡಿಮೆಇರುತ್ತದೇ.
         

            ಮದುವೆ ಎಂಬುದು ಮನುಷ್ಯನ ಜೀವನವನ್ನೇ ಬದಲಿಸುವ ಕಾಲ ಘಟ್ಟ. ಇದು ಎರಡು ಜೀವಗಳು ಸಮ್ಮಿಳಿತಗೊಳ್ಳುವ ಕಾರ್ಯ.  ಕುಜದೋಷ ಎಷ್ಟಿದೆ ಎಂದು ಇಬ್ಬರ ಜಾತಕವನ್ನು (ವಧು-ವರ) ಕೂಲಂಕಷವಾಗಿ ಪರಿಶೀಲಿಸಿ ವಿವಾಹ ಮಾಡುವುದರಿಂದ ದಾಂಪತ್ಯ ಜೀವನ ಸುಖವಾಗಿರಲು ಸಹಾಯವಾಗುತ್ತದೆ.

          ದಾಂಪತ್ಯ ಯೋಗ ನಿರ್ಧರಿಸುವಾಗ ವಧು-ವರರ ದಿನಾದಿಕೂಟಗಳನ್ನು ಸೂಕ್ತವಾಗಿ ಪರಿಶೀಲಿಸುವುದರೊಂದಿಗೆ, ಜನ್ಮ ಜಾತಕದಲ್ಲಿ ಬರುವ ಕುಜದೋಷ, ವಿಷಕನ್ಯಾಯೋಗವನ್ನು ಪರಿಶೀಲಿಸಿ ವಿವಾಹವನ್ನು ನಿರ್ಧರಿಸಬೇಕಾಗಿರುವುದರಿಂದ ಈ ಕುಜದೋಷ ನೋಡಬೇಕು.

         ಕುಜ ದೋಷಗಳು ಬರಲು ಕಾರಣ:

         ■   ಜನನ ಕಾಲದಲ್ಲಿ ಗ್ರಹಗಳು, ಉಪಗ್ರಹಗಳು, ಉಲ್ಕಶಿಲೆಗಳು, ಧೂಮಕೇತುಗಳು ಮತ್ತು ಯಾವುದಾದರೊಂದು ಕ್ಷುದ್ರವಸ್ತು ಸೂರ್ಯನಿಗೆ ಅಡ್ಡಬಂದಾಗ ಸಂಕ್ರಮಣ ಏರ್ಪಟ್ಟು ಸೂರ್ಯನಿಂದ ಹೊರಹೊಮ್ಮುವ  ಕಿರಣಗಳು ವಕ್ರಸ್ಥಿತಿಯಲ್ಲಿ ಭೂಮಿಯ  ಮೇಲೆ ಬಿದ್ದಾಗ,

          ■  ಜ್ಯೋತಿಷ್ಯಶಾಸ್ತ್ರದ ರೀತ್ಯ  ಜಾತಕರ  ಜನ್ಮಕುಂಡಲಿಯಲ್ಲಿ ಕುಜ ಮತ್ತು ಶನಿಗ್ರಹಗಳು ಅಷ್ಟಮ ಸ್ಥಾನಕ್ಕೆ ಬಂದಾಗ,

          ■  ವಾಸಿಸುವ  ಮನೆ  ಮತ್ತು ಪರಿಸರದ ನೈರ್ಮಲ್ಯ ಕೆಟ್ಟು ವಾಸ್ತು ದೋಷಗಳು ಉದ್ಭವಿಸಿದಾಗ,

         ■  ಕುಲದೇವರನ್ನು ಪೂಜಿಸುವುದು ಮರೆತಾಗ,

  
         ■  ಪೌರ್ಣಮಿ ಅಮಾವಾಸ್ಯೆ ಮತ್ತು ಗ್ರಹಣ ಕಾಲದಲ್ಲಿ ಸೂರ್ಯೋದಯ ಮತ್ತು ಸೂರ್ಯಾಸ್ತಮ ಸಮಯದಲ್ಲಿ ಜನಿಸಿದವರು ಕುಜ ದೋಷಕ್ಕೆ ತುತ್ತಾಗುತ್ತಾರೆ. 

ಕುಜದೋಷ  ಪರಿಶೀಲಿಸುವುದು ಮುಖ್ಯವಾಗಿ

          ■ ಮೊದಲನೆಯದಾಗಿ ಜನ್ಮ ಜಾತಕದಲ್ಲಿ ಬರುವ ಕುಜದೋಷ

          ■  ಎರಡನೆಯದಾಗಿ ವಿವಾಹ ಸಮಯದ ಲಗ್ನಕುಂಡಲಿಯಲ್ಲಿ ದೋಷಯುತ ಮಂಗಳನಿರದಂತೆ ಎಚ್ಚರವಹಿಸಬೇಕು.

          ■  ಮೂರನೆಯದಾಗಿ ಸ್ತ್ರೀಯ ಪ್ರಥಮ ರಜೋದರ್ಶನ ಕಾಲದಲ್ಲಿ ಸ್ಪಷ್ಟ ಲಗ್ನ ಕುಂಡಲಿಯಲ್ಲಿ ಕುಜದೋಷ ಅತಿ ಮಹತ್ವದ್ದು.

         ಕುಜದೋಷದ  ಸ್ವಯಂ  ನಿವೃತ್ತಿ

        ಜನ್ಮ ಕುಂಡಲಿಯಲ್ಲಿ  ಈ  ಕೆಳಗೆ  ತಿಳಿಸಿರುವ  ಸ್ಥಿತಿಗಳು  ನಿರ್ಮಾಣವಾಗಿದ್ದರೆ  ಪ್ರಾಯಶಃ  ಕುಜದೋಷ  ಸ್ವಯಂ  ನಿವಾರಣೆಯಾಗುತ್ತದೆ.

    
       ■   ವಧೂ -  ವರರ ಕುಂಡಲಿಗಳನ್ನು  ಕೂಡಿಸಲು  ಪರಿಶೀಲಿಸುವಾಗ,  ಕುಜದೋಷವಿದ್ದು,   ಯಾರೊಬ್ಬರ  ಕುಂಡಲಿಯಲ್ಲಿ,  1,  4,  7,  8,  12  ಭಾವದಲ್ಲಿ  ಶನಿ  ಸ್ಥಿತನಿದ್ದರೆ,

      ■   ಮೇಷ   ರಾಶಿ, ಲಗ್ನದಲ್ಲಿ  ಅಥವಾ  ವೃಶ್ಚಿಕ ರಾಶಿ,  ಲಗ್ನದ  ಚತುರ್ಥ ದಲ್ಲಿ,  ಅಥವಾ  ಮಕರ ರಾಶಿ,  ಲಗ್ನದ  ಸಪ್ತಮದಲ್ಲಿ  ಅಥವಾ  ಕಟಕ  ರಾಶಿ,  ಲಗ್ನದ ಅಷ್ಟಮದಲ್ಲಿ  ಅಥವಾ ಧನಸ್ಸು  ರಾಶಿಯ  ದ್ವಾದಶ  ಭಾವದಲ್ಲಿದ್ದರೆ,

      ■   ದ್ವಿತೀಯ ಭಾವದಲ್ಲಿ  ಚಂದ್ರ -  ಶುಕ್ರರ  ಯುತಿಯಿದ್ದರೆ,  ಕೇಂದ್ರದಲ್ಲಿ  ಶಶಿಮಂಗಳ ಯೋಗವಿದ್ದರೆ,   ಗುರು - ಕುಜರ  ಯುತಿಯಿದ್ದರೆ,  ಅಥವಾ  ಕುಜನ ಮೇಲೆ  ಗುರುವಿನ  ಪೂರ್ಣ ದೃಷ್ಟಿ ಇದ್ದರೆ,

       ■  ಗುರು  ಅಥವಾ  ಶುಕ್ರನ  ರಾಶಿಯು  ಅಷ್ಟಮ ಭಾವವಾಗಿದ್ದು, ಸಪ್ತಮಾಧಿಪತಿ  ಬಲಿಷ್ಠನಾಗಿ  ಕೇಂದ್ರ  ಅಥವಾ .ತ್ರಿಕೋಣದಲ್ಲುದ್ದರೆ,

       ■  ಸಪ್ತಮ ಭಾವಾಧಿಪತಿ ಅಥವಾ  ಶುಕ್ರ  ಬಲಿಷ್ಠರಾಗಿ  ಸಪ್ತಮ ಭಾವದಲ್ಲಿ  ಅಥವಾ  ಸಪ್ತಮಕ್ಕೆ  ದೃಷ್ಠಿ ಇದ್ದರೆ,

        ■   ದೋಷ ಕಾರಕನಾದ  ಕುಜ  ಸ್ವಕ್ಷೇತ್ರ,  ಉಚ್ಚಕ್ಷೇತ್ರ,  ಅಥವಾ  ಮೂಲತ್ರಿಕೋನ ದಲ್ಲಿ ಸ್ಥಿತನಿದ್ದರೆ  ಕುಜದೋಷ  ಸ್ವಯಂ ದೂರಾಗುತ್ತದೆ.

        
         ■  ಕಟಕ ಮತ್ತು ಸಿಂಹ ಲಗ್ನದವರಿಗೆ ಕುಜದೋಷವಿಲ್ಲ. ಅಶ್ವಿನಿ, ಮೃಗಶಿರ, ಪುನರ್ವಸು, ಪುಷ್ಯ, ಆಶ್ಲೇಷಾ, ಸ್ವಾತಿ, ಅನುರಾಧ, ಪೂರ್ವಷಾಢಾ, ಉತ್ತರಾಷಾಢಾ, ಶ್ರವಣ, ಉತ್ತರಾಭಾದ್ರ, ರೇವತಿ ಈ ನಕ್ಷತ್ರಗಳಲ್ಲಿ ಜನಿಸಿದವರಿಗೆ ಕುಜದೋಷವಿಲ್ಲ.

         ■  ಪಂಚಮಹಾಪುರುಷ ಯೋಗದಲ್ಲಿ ರುಚಿಕಯೋಗವಿದ್ದರೆ ಕುಜದೋಷವಿಲ್ಲ.

   
         ■  ರವಿ, ಚಂದ್ರ, ಕುಜ ಉಚ್ಚರಾಶಿಗಳಲ್ಲಿದ್ದರೆ ಹಾಗೂ ಕುಜನು ಶನಿರಾಹು, ರವಿಯ ಯುತಿಯಲ್ಲಿದ್ದರೂ ಕುಜದೋಷವಿಲ್ಲ.

         ವಿವಾಹ ಸಮಯದಲ್ಲಿ ವಧು- ವರರ ಸಾಲಾವಳಿಗೆ ತೆಗೆದುಕೊಂಡಾಗ ಗಂಡಿನ ಜಾತಕದಲ್ಲಿ (ವರ) ಕುಜನ 2,5,7ನೇ ಭಾವಗಳಲ್ಲಿ ಕುಜನಿದ್ದರೆ ಬಲಿಷ್ಠ ಕುಜದೋಷ. ಗಂಡಿನ ಜಾತಕದಲ್ಲಿ ಹೆಚ್ಚು ಕುಜದೋಷವಿದ್ದು, ಹೆಣ್ಣಿನ ಜಾತಕದಲ್ಲಿ ಕಡಿಮೆ ಕುಜದೋಷವಿದ್ದರೆ ವಿವಾಹ ಮಾಡಬಹುದು. ಆದರೆ, ಗಂಡಿನ ಜಾತಕದಲ್ಲಿ ಕಡಿಮೆ ಕುಜದೋಷವಿದ್ದು, ಹೆಣ್ಣಿನ ಜಾತಕದಲ್ಲಿ ಹೆಚ್ಚಿನ ಕುಜದೋಷವಿದ್ದರೆ ವಿವಾಹ ಮಾಡಬಾರದು.

         ಈ ಕುಜದೋಷ ಉಂಟಾಗುವುದಕ್ಕೂ ಸಮಯವುಂಟು. ಕುಜ ಬಲಿಷ್ಠನಿದ್ದರೆ ಅಥವಾ ಮಾರಕನಾಗಿದ್ದರೆ 28ನೇ ವಯಸ್ಸಿನಿಂದ 32ನೇ ವರ್ಷದವರೆಗೆ ತನ್ನ ಇಷ್ಟ- ಅನಿಷ್ಟಾದಿ ಫಲಗಳನ್ನು ಕೊಡುವನು. ಅಂದಿನ ಗೋಚಾರ ಸ್ಥಾನ ಮತ್ತು ಅಷ್ಟಕವರ್ಗ ಬಿಂದುಗಳನ್ನು ಗಮನಿಸಬೇಕು. ಇದರೊಂದಿಗೆ ದಶಾಕಾಲ ಬಹಳ ಮಹತ್ವದಾಗಿದೆ. ಈ ಅನಿಷ್ಟ ಫಲಗಳು ದಶಾಕಾಲದಲ್ಲೇ ಹೆಚ್ಚಾಗಿ ನೀಡುತ್ತಾನೆ. ಒಬ್ಬೊಬ್ಬರ ಜಾತಕದಲ್ಲಿ ಕುಜದಶಾಕಾಲ  ಬರದೇ ಹೋಗಬಹುದುದು. ಆಗ ಕುಜನ ಅನಿಷ್ಟ ಫಲಗಳು   ಕೂಡ  ಕಡಿಮೆಯಾಗುತ್ತದೆ.

  
ದ್ವಾದಶ ಲಗ್ನಗಳಲ್ಲಿ  ಕುಜದೋಷ  ಹಾಗೂ  ಲಾಲ್ ಕಿತಾಬ್  ರೀತ್ಯಾ  ಪರಿಹಾರೋಪಾಯಗಳು:---

          ಮೇಶಲಗ್ನ:--

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ಕೆಂಪು ಬಣ್ಣದ ಕರವಸ್ತ್ರವನ್ನು ಬಳಿಯಲ್ಲಿರಿಸಿಕೊಳ್ಳಬೇಕು.

2, ತಾಮ್ರ ಅಥವಾ  ಚಿನ್ನದ  ಉಂಗುರದಲ್ಲಿ  ಹವಳವನ್ನು ಧರಿಸಬೇಕು.

3, ಮಂಗವನ್ನು  ಸಾಕಬೇಕು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :-

1,  ಸಂತಾನಹೀನ  ವ್ಯಕ್ತಿ ಯಿಂದ ಯಾವುದೇ ಉಡುಗೊರೆಗಳನ್ನು  ಪಡೆಯಬಾರದು.

2,  ದಕ್ಷಿಣ ದಿಕ್ಕಿನ ಕಡೆ  ಬಾಗಿಲಿರುವ  ಮನೆಯಲ್ಲಿ  ವಾಸಿಸಬಾರದು.

3,  ಬೆಳ್ಳಿಯ ಕಡಗವನ್ನು ಧರಿಸಬೇಕು.

ಸಪ್ತಮಸ್ಥಿತ  ಕುಜನಿಗೆ  ಪರಿಹಾರೋಪಾಯ :---

1,  ಸುಳ್ಳನ್ನಾಡಬಾರದು,  ಸುಳ್ಳು ಸಾಕ್ಷಿ  ಹೇಳಬಾರದು.

2, ಚಿನ್ನದ  ಉಂಗುರದಲ್ಲಿ  ಹವಳ ಧರಿಸಬೇಕು.

3,  ಸಹೋದರಿ  ಅಥವಾ  ಪುತ್ರಿಗೆ  ಸಿಹಿ ತಿನ್ನಿಸಬೇಕು.

ಅಷ್ಟಮಭಾವ ಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ನದಿಯ  ನೀರಿನಲ್ಲಿ ಸಕ್ಕರೆಯನ್ನು  ಪ್ರವಹಿಸಿಬೇಡಬೇಕು.

2, ಬೆಳ್ಳಿ ಉಂಗುರವನ್ನು  ಧರಿಸಬೇಕು.

3, ದಕ್ಷಿಣ ದಿಕ್ಕಿಗೆ  ಬಾಗಿಲಿರುವ ಮನೆಯಲ್ಲಿ  ವಾಸಿಸಬಾರದು.

ದ್ವಾದಶಸ್ಥಿತ  ಕುಜನಿಗೆ  ಪರಿಹಾರೋಪಾಯ:---

1,  ಜನರಿಗೆ  ಸಿಹಿ  ಹಂಚಬೇಕು.

2, ಮಾಂಸಾಹಾರ  ಸೇವಿಸಬಾರದು.

3, ಗಾಯತ್ರೀ ಮಂತ್ರ  ಅಥವಾ  ದುರ್ಗಾ  ಸಪ್ತಶತಿಯ  ಪಾರಾಯಣ  ಮಾಡಬೇಕು.

          ವೃಷಭಲಗ್ನ  :---

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ಶುದ್ಧ  ಚಾರಿತ್ರ್ಯ ವಿರಬೇಕು.

2, ದಾನ ರೂಪದಲ್ಲಿ  ಕೊಡುವ ವಸ್ತುಗಳನ್ನು  ಸ್ವೀಕರಿಸಬಾರದು.

3, ಕೆಂಪು ಬಣ್ಣದ  ಕರವಸ್ತ್ರವನ್ನು ಬಳಿಯಲ್ಲಿರಿಸಿಕೊಳ್ಳಬೇಕು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ

1, ಬೆಳ್ಳಿಯ  ಕಡಗದಲ್ಲಿ ತಾಮ್ರದ ಮೊಳೆ ಯನ್ನು ಸೇರಿಸಿ ಧರಿಸಬೇಕು.

2,  ಜೇನುತುಪ್ಪ ಹಾಗೂ  ಸಿಂಧೂರವನ್ನು  ನದಿಯಲ್ಲಿ ಪ್ರವಹಿಸಿಬೇಡಬೇಕು.

3, ಸಹೋದರಿ  ಅಥವಾ  ಪುತ್ರಿಯ  ಸೇವೆ ಮಾಡಬೇಕು.

ಸಪ್ತಮಸ್ಥಿತ  ಕುಜನಿಗೆ  ಪರಿಹಾರೋಪಾಯ :---

1,  ಶುದ್ಧ  ಚಾರಿತ್ರ್ಯ ವಿರಬೇಕು.

2,  ಪ್ರತಿದಿನ  ಸುಂದರಕಾಂಡ  ಪಠಿಸಬೇಕು.

3,  ಹವಳದ  ಉಂಗುರ  ಧರಿಸಬೇಕು.

ಅಷ್ಟಮಭಾವ ಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ದಕ್ಷಿಣದ ದ್ವಾರದ ಮನೆಯಲ್ಲಿ  ವಾಸಿಸಬಾರದು.

2,  ಮಾಂಸಾಹಾರ  ಮತ್ತು  ಮದ್ಯಪಾನ  ಸೇವಿಸಲೇ ಬಾರದು.

3,  ವಿಧವೆಯರಿಗೆ  ಗೌರವಿಸಿ  ಪಾಲನೆ , ಪೋಷಣೆ  ಮಾಡಬೇಕು.

ದ್ವಾದಶಸ್ಥಿತ  ಕುಜನಿಗೆ  ಪರಿಹಾರೋಪಾಯ:---

1, ಸಿಹಿ ಭೋಜನವನ್ನು  ಅನ್ಯರಿಗೂ  ಮಾಡಿಸಿ  ತಾನೂ  ಸೇವಿಸಬೇಕು.

2,  ಹಿರಿಯ ಸಹೋದರನ ಕೈಯಿಂದ  ಹಾಲು  ಸೇವಿಸಬೇಕು.

3,  ಹವಳದ  ಉಂಗುರವನ್ನು  ಧರಿಸಬೇಕು.

          ಮಿಥುನಲಗ್ನ :---

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ಹನುಮಂತ  ದೇವರಿಗೆ  ನೈವೇದ್ಯವನ್ನು  ಸಮರ್ಪಿಸಿ ಪ್ರಸಾದವನ್ನು  ಸ್ವೀಕರಿಸಬೇಕು.

2,  ಬೆಳ್ಳಿಯ  ಬಳೆಗೆ  ಕೆಂಪು ವರ್ಣವನ್ನು  ಲೇಪಿಸಿ ,  ಸ್ತ್ರೀಯರು  ಧರಿಸಬೇಕು.

3,  ದಾನವಾಗಿ  ಯಾವುದೇ  ವಸ್ತುವನ್ನು  ಪಡೆಯಬಾರದು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ

1,  ಯಾರನ್ನೂ  ಅವಾಚ್ಯ ಶಬ್ದಗಳಿಂದ  ನಿಂದಿಸಬಾರದು.

2,  ಸಂತಾನಹೀನರು, ಒಕ್ಕಣ್ಣರು, ಕೆಡಕನ್ನುಂಟುಮಾಡುವ  ವ್ಯಕ್ತಿಗಳಿಂದ  ದೂರವಿರಬೇಕು.

3,  ಬೆಳ್ಳಿಯ  ಕಡಗವನ್ನು  ಧರಿಸಬೇಕು.

ಸಪ್ತಮಸ್ಥಿತ  ಕುಜನಿಗೆ  ಪರಿಹಾರೋಪಾಯ :---

1,  ಸಹೋದರನ  ಮಕ್ಕಳ  ಪಾಲನೆ   (ಸೇವೆ ) ಮಾಡಬೇಕು.

2,  ಸಹೋದರಿ  ಅಥವಾ  ಪುತ್ರಿಗೆ  ಪ್ರತಿನಿತ್ಯ  ಸಿಹಿಯನ್ನು  ತಿನ್ನಿಸಬೇಕು.

3, ಇಟ್ಟಿಗೆಯಿಂದ  ಹಸಿಗೋಡೆ ನಿರ್ಮಿಸಿ,  ಮತ್ತೆ  ಕೆಡವಬೇಕು.

ಅಷ್ಟಮ ಸ್ಥಿತ ಕುಜನಿಗೆ  ಪರಿಹಾರೋಪಾಯ:---

1,  ದಕ್ಷಿಣದ ದ್ವಾರದ  ಮನೆಯಲ್ಲಿ  ವಾಸಮಾಡಬಾರದು.

2,  ಯಾರನ್ನೂ  ಬೈಯಬಾರದು.

3, ವಿಧವಾ ಸ್ತ್ರೀಯರ ಸೇವೆ  ಮಾಡಬೇಕು.

ದ್ವಾದಶಸ್ಥಿತ  ಕುಜನಿಗೆ  ಪರಿಹಾರೋಪಾಯ:---

1, ಬೆಳಿಗ್ಗೆ  ಎದ್ದ ತಕ್ಷಣ ಜೇನುತುಪ್ಪದಿಂದ  ಬಾಯಿ  ಸಿಹಿ ಮಾಡಿಕೊಳ್ಳಬೇಕು.

2,  ದೇವಸ್ಥಾನಗಳಲ್ಲಿ  ಸಿಹಿ  ಹಂಚಬೇಕು.

3,  ಸಂತೋಷದ  ಸಂದರ್ಭಗಳಲ್ಲಿ  ಸಿಹಿ  ಹಂಚಬೇಕು.

          ಕಟಕಲಗ್ನ  :---

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ಮನೆ  ಹಾಗೂ  ಕಾರ್ಯಾಲಯದಲ್ಲಿ  ಸೇವಕರನ್ನು  ನೇಮಿಸಿಕೊಳ್ಳಬೇಕು.

2,  ಪ್ರತಿನಿತ್ಯ  ಹನುಮಾನ್  ಚಾಲೀಸ  ಪಠಿಸಬೇಕು.

3,  ಹವಳವನ್ನು  ತಾಮ್ರ ಅಥವಾ  ಚಿನ್ನದ  ಉಂಗುರದಲ್ಲಿ  ಧರಿಸಬೇಕು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಸಂತಾನ  ಹೀನ  ವ್ಯಕ್ತಿ ಗಳಿಂದ  ಯಾವುದೇ  ದಾನವನ್ನು  ಪಡೆಯಬಾರದು.

2,  ಸಹೋದರಿ  ಅಥವಾ  ಪುತ್ರಿಗೆ  ಪ್ರತಿನಿತ್ಯ  ಸಿಹಿಯನ್ನು  ತಿನ್ನಿಸಬೇಕು.

3, ಇಟ್ಟಿಗೆಯಿಂದ  ಹಸಿಗೋಡೆ ನಿರ್ಮಿಸಿ,  ಮತ್ತೆ  ಕೆಡವಬೇಕು.

ಸಪ್ತಮಸ್ಥಿತ  ಕುಜನಿಗೆ  ಪರಿಹಾರೋಪಾಯ :---

1,  ಬೆಳ್ಳಿ  ಬಳೇಯನ್ನು ಕೆಂಪು  ಬಣ್ಣದಿಂದ  ಅಲಂಕರಿಸಿ  ಸ್ತ್ರೀಯರು  ಧರಿಸಬೇಕು.

2,  ಉತ್ತಮ  ಚಾರಿತ್ರ್ಯ ವಂತರಾಗಿರಬೇಕು.

3,  ಸ್ರ್ತೀ  ಸಂಬಂಧಿಗಳ  ಮನೆಗೆ  ಹೋಗುವಾಗ  ಸಿಹಿ  ತಿನಿಸನ್ನು  ತೆಗೆದುಕೊಂಡು  ಹೋಗಬೇಕು.

ಅಷ್ಟಮ ಸ್ಥಿತ ಕುಜನಿಗೆ  ಪರಿಹಾರೋಪಾಯ:---

1,  ನದಿಯ  ನೀರಿನಲ್ಲಿ ಸಕ್ಕರೆಯನ್ನು  ಪ್ರವಹಿಸಿಬೇಡಬೇಕು.

2, ಬೆಳ್ಳಿ ಉಂಗುರವನ್ನು  ಧರಿಸಬೇಕು.

3, ದಕ್ಷಿಣ ದಿಕ್ಕಿಗೆ  ಬಾಗಿಲಿರುವ ಮನೆಯಲ್ಲಿ  ವಾಸಿಸಬಾರದು.

ದ್ವಾದಶಸ್ಥಿತ  ಕುಜನಿಗೆ  ಪರಿಹಾರೋಪಾಯ:---

1,  ತುಕ್ಕು  ಹಿಡಿದು  ಹಾಳಾದ  ಆಯುಧಗಳನ್ನು  ಮನೆಯಲ್ಲಿ  ಇಟ್ಟುಕೊಳ್ಳಬಾರದು.

2,  ಅತಿಥಿಗಳ  ಭೋಜನಾನಂತರ  ಅವರಿಗೆ ಸೋಂಪು,  ಕಲ್ಲುಸಕ್ಕರೆಯನ್ನು  ಕೊಡಬೇಕು.

3,  ಸಿಹಿಯನ್ನು  ಹಂಚುವುದು  ತುಂಬಿಕ್ಆ  ಶುಭದಾಯಕ.

          ಸಿಂಹಲಗ್ನ  :---

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ಆನೆಯ  ದಂತದಿಂದ  ತಯಾರಾದ  ಯಾವುದೇ  ವಸ್ತುಗಳನ್ನು  ಮನೆಯಲ್ಲಿಡಬಾರದು.

2,  ಯಾವುದೇ  ವಸ್ತುಗಳನ್ನು  ದಾನವಾಗಿ  ಪಡೆಯಬಾರದು.

3,  ಶುದ್ಧ  ಚಾರಿತ್ರ್ಯ ವಿರಬೇಕು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ತಾಯಿ  ಅಥವಾ  ತಾಯಿ  ಸಮನಾದ  ವ್ಯಕ್ತಿಯ  ಸೇವೆ  ಮಾಡಬೇಕು.

2,  ಸಂತಾನವಿಲ್ಲದವರಿಂದ   ಹಣವಾಗಲಿ ,  ಭೂಮಿಯನ್ನಾಗಲೀ  ಪಡೆಯಬಾರದು.

3,  ದಕ್ಷಿಣದ ಬಾಗಿಲಿನ  ಮನೆಯಲ್ಲಿ  ವಾಸಮಾಡಬಾರದು.

ಸಪ್ತಮಭಾವ ಸ್ಥಿತ ಕುಜನಿಗೆ ಪರಿಹಾರೋಪಾಯ :--

1,  ಶುಧ್ಹ ಚಾರಿತ್ರ್ಯವಿರಬೇಕು.

2,  ಮಾಂಸಾಹಾರ  ಹಾಗೂ ಮಧ್ಯಪಾನಗಳಿಂದ .ದೂರವಿರಬೇಕು.

3, ತಾಮ್ರ ಅಥವಾ  ಬಂಗಾರದಲ್ಲಿ  ಹವಳವನ್ನು  ಧರಿಸಬೇಕು.

ಅಷ್ಟಮಭಾವ ಸ್ಥಿತ ಕುಜನಿಗೆ ಪರಿಹಾರೋಪಾಯ :--

1,  ಯಾರಿಗೂ  ಬೈಯಬಾರದು ಹಾಗೂ ಕೆಟ್ಟದ್ದನ್ನು  ಬಯಸಬಾರದು.

2,  ವಿಧವೆಯರನ್ನು ಗೌರವಿಸಿ,  ಪಾಲನೆ  ಪೋಷಣೆ,  ಸೇವೆ  ಮಾಡಬೇಕು.

3,  ಬೆಳ್ಳಿಯ ಕಡಗದಲ್ಲಿ  ತಾಮ್ರದ ಮೊಳೆಯನ್ನು ಕೂಡಿಸಿ  ಧರಿಸಬೇಕು.

ದ್ವಾದಶಭಾವ ಸ್ಥಿತ ಕುಜನಿಗೆ ಪರಿಹಾರೋಪಾಯ :--

1,  ಸಿಹಿತಿನಿಸು ಹಾಗೂ ಸಿಹಿ ಭೋಜನವನ್ನು ಜನರಿಗೆ  ಬಡಿಸಬೇಕು

2,  ಗಾಯತ್ರೀ ಮಂತ್ರಜಪ ಹಾಗೂ ದುರ್ಗಾಮಾತೆಯ ಸ್ತೋತ್ರವನ್ನು ಪಠಿಸಬೇಕು.

3,  ಹನುಮಂತ  ದೇವರಿಗೆ  ನೈವೇದ್ಯ ಅರ್ಪಿಸಿ ಪ್ರಸಾದವನ್ನು ಎಲ್ಲರಿಗೂ  ಹಂಚಬೇಕು.

          ಕನ್ಯಾಲಗ್ನ  ;--

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ಆನೆಯ ದಂತದ ಯಾವುದೇ ವಸ್ತುಗಳನ್ನು  ಮನೆಯಲ್ಲಿಡಬಾರದು.

2,  ಹನುಮಾನ್  ಚಾಲೀಸಾ ವನ್ನು ಪ್ರತಿನಿತ್ಯ ತಪ್ಪದೆ ಪಠಿಸಬೇಕು.

3,  ಅಸತ್ಯ ನುಡಿಯಬಾರದು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1, ನದಿಯ ಜಲದಲ್ಲಿ  ಸಿಂಧೂರ  ಹಾಗೂ  ಜೇನುತುಪ್ಪವನ್ನು  ಪ್ರವಹಿಸಿಬಿಡಬೇಕು.

2,  ಸಂತಾನ ಹೀನ    ವ್ಯಕ್ತಿಯಿಂದ ಯಾವುದೇ  ದಾನವನ್ನು   ಸ್ನೇಕರಿಸIಬಾರದು

3,  ದಕ್ಷಿಣ ದಿಶೆಯ ಮನೆಯಲ್ಲಿ   ವಾಸ
ಮಾಡ ಬಾರದು.

ಸಪ್ತಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಶುದ್ಧ  ಚಾರಿತ್ರ್ಯವಿರಬೇಕು.

2,  ಪುತ್ರಿ  ಅಥವಾ  ಸಹೋದರಿಗೆ  ಸಿಹಿಯನ್ನು ತಿನ್ನಿಸಬೇಕು.

3,  ಬೆಳ್ಳಿಯ ಬಳೆಗಳನ್ನು ಕೆಂಪುವರ್ಣದಿಂದ  ಅಲಂಕರಿಸಿ ಸ್ತ್ರೀಯು  ಧರಿಸಬೇಕು.

ಅಷ್ಟಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ದಕ್ಷಿಣದ ದಿಕ್ಕಿನ ಮನೆಯಲ್ಲಿ  ವಾಸಿಸಬಾರದು.

2,  ಯಾರಿಗೂ  ಬೈಯಬಾರದು ಹಾಗೂ ಕೆಟ್ಟದ್ದನ್ನು  ಬಯಸಬಾರದು.

3,  ವಿಧವೆಯರ  ಸೇವೆ ಮಾಡಿ ಅವರ  ಆಶೀರ್ವಾದ ಪಡೆಯಬೇಕು.

ದ್ವಾದಶಭಾವ ಸ್ಥಿತ ಕುಜನಿಗೆ ಪರಿಹಾರೋಪಾಯ :--

1,   ಮನೆ ಹಾಗೂ ಕಾರ್ಯ ಸ್ಥಾನದಲ್ಲಿ  ಸೇವಕರನ್ನು ನೇಮಿಸಿಕೊಳ್ಳಬೇಕು.

2,  ಆಂಜನೇಯ ದೇವರಿಗೆ ನೈವೇದ್ಯವನ್ನು  ಸಮರ್ಪಿಸಿ  ಎಲ್ಲರಿಗೂ  ವಿತರಿಸಬೇಕು.

3,  ಹಿರಿಯ  ಸೋದರ ನ ಕೈಯಿಂದ  ಹಾಲನ್ನು  ಕುಡಿಯಬೇಕು.

          ತುಲಾಲಗ್ನ. :---

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ದಾನದ ರೂಪದಲ್ಲಿ ಆಗಲೀ ,  ಉಚಿತವಾಗಿ ಆಗಲೀ ಯಾರಿಂದಲೂ  ಯಾವುದೇ ವಸ್ತುವನ್ನು  ಸ್ವೀಕರಿಸಬಾರದು.

2,  ಸುಳ್ಳನ್ನು ಹೇಳುವುದು  ಹಾಗೂ  ಸುಳ್ಳು ಸಾಕ್ಷಿ ಹೇಳುವುದಾಗಲೀ  ಮಾಡಬಾರದು.

3,  ಆನೆಯ ದಂತದಿಂದ ಮಾಡಿದ ಯಾವುದೇ  ವಸ್ತುಗಳನ್ನು  ಮನೆಯಲ್ಲಿಡಬಾರದು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :-

1,  ತಾಯಿ  ಅಥವಾ  ತಾಯಿ  ಸಮಾನಳಾದ  ಸ್ತ್ರೀಯರ  ಸೇವೇ  ಮಾಡಬೇಕು.

2,  ಸಂತಾನ ಹೀನ  ವ್ಯಕ್ತಿಯಿಂದ  ಭೂಮಿ  -  ಸಂಪತ್ತನ್ನು  ಪಡೆಯಬಾರದು.

3,  ನದಿಯ ಜಲದಲ್ಲಿ  ಸಿಂಧೂರ  ಹಾಗೂ  ಜೇನುತುಪ್ಪವನ್ನು  ಪ್ರವಹಿಸಿಬೇಡಬೇಕು.

ಸಪ್ತಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಮಾಂಸಾಹಾರ,  ಹಾಗೂ  ಮದ್ಯಪಾನವನ್ನು  ವ್ಯರ್ಜಿಸಬೇಕು.

2,  ಪ್ರತಿದಿನ  ಹನುಮಾನ್  ಚಾಲೀಸಾ ಪಠಿಸಬೇಕು.

3, ವ್ಯವಹಾರಗಳು  ಹಾಗೂ  ಚಾರಿತ್ರ್ಯವನ್ನು  ಪವಿತ್ರವಾಗಿಟ್ಟುಕೊಳ್ಳಬೇಕು.

ಅಷ್ಟಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಸಂತಾನಹೀನ,  ಒಕ್ಕಣ್ಣಿನ  ಹಾಗೂ  ಕ್ರೂರ ವ್ಯಕ್ತಿ ಗಳಿಂದ  ದೂರವಿರಬೇಕು.

2,   ಸಿಹಿ ತಂದೂರಿ ರೊಟ್ಟಿಯನ್ನು  ನಾಯಿಗೆ  ತಿನ್ನಿಸಬೇಕು.

3,  ವಿಧವೆಯರ ಸೇವೆ ಮಾಡಿ  ಆಶೀರ್ವಾದ ಪಡೆಯಬೇಕು.

ದ್ವಾದಶಭಾವ ಸ್ಥಿತ ಕುಜನಿಗೆ ಪರಿಹಾರೋಪಾಯ :--

1,  ಹಾಲಿನಿಂದ ಮಾಡಿದ ಹಲ್ವಾವನ್ನು  ಸೇವಿಸಬೇಕು ಹಾಗೂ  ಅನ್ಯರಿಗೂ  ತಿನ್ನಿಸಬೇಕು.

2,  ತುಕ್ಕುಹಿಡಿದು   ಹಾಳಾದ  ಆಯುಧಗಳನ್ನು  ಮನೆಯಲ್ಲಿ ಇಡಬಾರದು.

3,  ಗಾಯತ್ರೀ ಮಾತೇ ಹಾಗೂ  ದುರ್ಗಾಮಾತೆಯ  ಸ್ತೋತ್ರವನ್ನು ಪಠಿಸಬೇಕು.

          ವೃಶ್ಚಿಕ ಲಗ್ನ  :---

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ಕೆಂಪುವರ್ಣದಿಂದ ಕೂಡಿದ ಕರವಸ್ತ್ರವನ್ನು  ಬಳಿಯಲ್ಲಿ ಇಟ್ಟುಕೊಳ್ಳಬೇಕು.

2,  ಬೆಳ್ಳಿಯ  ಉಂಗುರವನ್ನು  ಧರಿಸಬೇಕು.

3,  ಯಾರಿಂದಲೂ  ದಾನವನ್ನು  ಪಡೆಯಬಾರದು

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :-

1,  ಸಂತಾನ ಹೀನ  ವ್ಯಕ್ತಿಗಳ  ಯಾವುದೇ ರೀತಿಯ  ಸಂಪತ್ತನ್ನು  ಖರೀದಿಸಬಾರದು.

2,  ದಕ್ಷಿಣದ ದಿಕ್ಕಿನ  ಬಾಗಿಲಿನ ಮನೆಯಲ್ಲಿ  ವಾಸಮಾಡಬಾರದು.

3,  ಸುಳ್ಳನ್ನು  ನುಡಿಯುವುದಾಗಲೀ  ಬೈಯುವುದಾಗಲೀ  ಮಾಡಬಾರದು.

ಸಪ್ತಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಸಹೋದರನ  ಮಕ್ಕಳ  ಪಾಲನೆ  ಮಾಡಬೇಕು.

2,  ಹಸಿ ಇಟ್ಟಿಗೆಯಿಂದ  ಗೋಡೆಯನ್ನು  ನಿರ್ಮಿಸಿ  ಕೆಡವಬೇಕು.

3,  ಶುದ್ಧ  ಚಾರಿತ್ರ್ಯವಿರಬೇಕು.

ಅಷ್ಟಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಸಿಹಿ ತಂದೂರಿ ರೊಟ್ಟಿಯನ್ನು  ನಾಯಿಗೆ  ತಿನ್ನಿಸಬೇಕು.

2,  ಬೆಳ್ಳಿಯ ಕಡಗದಲ್ಲಿ ತಾಮ್ರದ  ಮೊಳೆಯನ್ನು ಕೂಡಿಸಿ  ಧರಿಸಬೇಕು.

3,  ಸುಳ್ಳನ್ನು  ನುಡಿಯುವುದಾಗಲೀ  ಬೈಯುವುದಾಗಲೀ  ಮಾಡಬಾರದು.

ದ್ವಾದಶಸ್ಥಿತ  ಕುಜನಿಗೆ  ಪರಿಹಾರೋಪಾಯ:---

1, ಬೆಳಿಗ್ಗೆ  ಎದ್ದ ತಕ್ಷಣ ಜೇನುತುಪ್ಪದಿಂದ  ಬಾಯಿ  ಸಿಹಿ ಮಾಡಿಕೊಳ್ಳಬೇಕು.

2,  ದೇವಸ್ಥಾನಗಳಲ್ಲಿ  ಸಿಹಿ  ಹಂಚಬೇಕು.

3,  ಸಂತೋಷದ  ಸಂದರ್ಭಗಳಲ್ಲಿ  ಸಿಹಿ  ಹಂಚಬೇಕು.

          ಧನುರ್ ಲಗ್ನ. :---

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ಆನೆಯ  ದಂತದಿಂದ  ತಯಾರಾದ  ಯಾವುದೇ  ವಸ್ತುಗಳನ್ನು  ಮನೆಯಲ್ಲಿಡಬಾರದು.

2,  ಕೆಂಪುವರ್ಣದಿಂದ ಕೂಡಿದ ಕರವಸ್ತ್ರವನ್ನು  ಬಳಿಯಲ್ಲಿ ಇಟ್ಟುಕೊಳ್ಳಬೇಕು.

3,   ಪ್ರತಿದಿನ  ಹನುಮಾನ್  ಚಾಲೀಸಾ ಪಠಿಸಬೇಕು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :-

೧,  ಮಂಗನನ್ನು  ಸಾಕಿ  ಅದರ  ಸೇವೆ  ಮಾಡಬೇಕು.

2,  ಮುತ್ತುಗದ ಗಿಡವನ್ನು ಮಕ್ನೆಯಲ್ಲಿ  ಬೆಳೆಸಬಾರದು.

3,  ತಾಯಿ  ಅಥವಾ  ತಾಯಿ  ಸಮಾನಳಾದ  ಸ್ತ್ರೀಯರ  ಸೇವೇ  ಮಾಡಬೇಕು.

ಸಪ್ತಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಮಾಂಸಾಹಾರ,  ಹಾಗೂ  ಮದ್ಯಪಾನವನ್ನು  ವ್ಯರ್ಜಿಸಬೇಕು.

2,  ಹಸಿ ಇಟ್ಟಿಗೆಯಿಂದ  ಗೋಡೆಯನ್ನು  ನಿರ್ಮಿಸಿ  ಕೆಡವಬೇಕು.

3,  ಅತ್ತೆ,  ಚಿಕ್ಕಮ್ಮ,  ನಾದಿನಿ  ಇವರಮನೆಗೆ  ಹೋಗುವಾಗ  ಸಿಹಿ  ತಿಂಡಿ ತೆಗೆದುಕೊಂಡು ಹೋಗಬೇಕು.

ಅಷ್ಟಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಸಂತಾನ ಹೀನ  ವ್ಯಕ್ತಿ ಯೊಡನೆ  ಸಂಬಂದ ಇರಿಸಿಕೊಳ್ಳಬಾರದು.

2,  ಬೆಳ್ಳಿಯ  ಊಂಗುರವನ್ನು ಧರಿಸಬೇಕು.

3,  ಗಾಯತ್ರಿ. ಮಂತ್ರ ಜಪ  ಮಾಡಬೇಕು.

ದ್ವಾದಶಸ್ಥಿತ  ಕುಜನಿಗೆ  ಪರಿಹಾರೋಪಾಯ:---

1,  ಮಾಂಸಾಹಾರ,  ಹಾಗೂ  ಮದ್ಯಪಾನವನ್ನು  ವ್ಯರ್ಜಿಸಬೇಕು.

2,  ತುಕ್ಕುಹಿಡಿದು   ಹಾಳಾದ  ಆಯುಧಗಳನ್ನು  ಮನೆಯಲ್ಲಿ ಇಡಬಾರದು.

3,  ಪ್ರಾತಃಕಾಲದಲ್ಲಿ  ಎದ್ದ ತಕ್ಷಣ ಜೇನುತುಪ್ಪ ದಿಂದ  ಬಾಯಿಯನ್ನು  ಸಿಹಿ ಗೊಳಿಸಬೇಕು.

          ಮಕರಲಗ್ನ  :---

ಲಗ್ನಸ್ಥಿತ  ಕುಜನಿಗೆ  ಪರಿಹಾರೋಪಾಯ  :--

1,  ತಾಮ್ರ ಅಥವ  ಚಿನ್ನದ ಉಂಗುರದಲ್ಲಿ ಹವಳವನ್ನು ಧರಿಸಬೇಕು.

2, ದಾನ ರೂಪದಲ್ಲಿ  ಕೊಡುವ ವಸ್ತುಗಳನ್ನು  ಸ್ವೀಕರಿಸಬಾರದು.

3,  ತಾಯಿ  ಅಥವಾ  ತಾಯಿ  ಸಮಾನಳಾದ  ಸ್ತ್ರೀಯರ  ಸೇವೇ  ಮಾಡಬೇಕು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :-

1,  ಮಂಗವನ್ನು  ಸಾಕಬೇಕು, ಅದರ ಸೇವೆ ಮಾಡಬೇಕು.

2, ದಕ್ಷಿಣದ ಬಾಗಿಲಿನ ಮನೆಯಲ್ಲಿ  ವಾಸಮಾಡಬಾರದು.

3,  ಸದಾ  ಸತ್ಯವನ್ನೇ  ನುಡಿಯಬೇಕು.

ಸಪ್ತಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಮದ್ಯಪಾನ,  ಮಾಂಸಾಹಾರ ಸೇವನೆ  ಮಾಡಬಾರದು,

2,  ಸಹೋದರಿ ಅಥವಾ  ಪುತ್ರಿಗೆ  ನಿತ್ಯವೂ  ಸಿಹಿ ತಿನ್ನಿಸಬೇಕು.

3,  ಮನೆಗೆ  ಬಂದ  ಅತಿಥಿಗಳಿಗೆ  ಸಿಹಿ ಭೋಜನ ಮಾಡಿಸಬೇಕು.

ಅಷ್ಟಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಸಂತಾನಹೀನ,  ಒಕ್ಕಣ್ಣಿನ  ಹಾಗೂ  ಕ್ರೂರ ವ್ಯಕ್ತಿ ಗಳಿಂದ  ದೂರವಿರಬೇಕು.

2, ದಕ್ಷಿಣದ ಬಾಗಿಲಿನ ಮನೆಯಲ್ಲಿ  ವಾಸಮಾಡಬಾರದು

3,  ವಿಧವೆಯರ ಸೇವೆ ಮಾಡಿ  ಆಶೀರ್ವಾದ ಪಡೆಯಬೇಕು.

ದ್ವಾದಶಸ್ಥಿತ  ಕುಜನಿಗೆ  ಪರಿಹಾರೋಪಾಯ:---

1,  ಪ್ರತಿನಿತ್ಯ  ಹನುಮಾನ್  ಚಾಲೀಸಾ ಪಠಿಸಬೇಕು.

2,  ಹಾಲಿನಿಂದ ಮಾಡಿದ ಹಲ್ವಾವನ್ನು  ಬೆರೆಯವರಿಗೂ ತಿನಿಸಿ  ತಾನೂ  ತಿನ್ನಬೇಕು.

3,  ತುಕ್ಕು ಹಿಡಿದ ಆಯುಧಗಳನ್ನು ಮನೆಯಲ್ಲಿ ಇರಿಸಬಾರದು.

           ಕುಂಭ  ಲಗ್ನ  :----

ಲಗ್ನ ಸ್ಥಿತ ಕುಜನಿಗೆ  ಪರಿಹಾರೋಪಾಯ  :---

1, ಆನೆಯ ದಂತದಿಂದ  ಮಾಡಿದ  ಯಾವುದೇ  ವಸ್ತುಗಳನ್ನು  ಮನೆಯಲ್ಲಿಡಬಾರದು.

2,  ಯಾರಿಂದಲೂ  ಯಾವುದೇ ಪದಾರ್ಥಗಳನ್ನು  ಉಚಿತವಾಗಿ  ಪಡೆಯಬಾರದು.

3,  ಆಂಜನೆಯನಿಗೆ ನೈವೇದ್ಯವನ್ನು ಮಾಡಿ  ಪ್ರಸಾದವನ್ನು  ಎಲ್ಲರಿಗೂ ಹಂಚಬೇಕು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :

1,. ನದಿಯಲ್ಲಿ ಜೇನುತುಪ್ಪ ಹಾಗೂ  ಸಿಂಧೂರ ವನ್ನು  ಪ್ರವಹಿಸಿ ಬಿಡಬೇಕು. 

2, ತಾಯಿಯ ಸೇವೆಯನ್ನು ಮಾಡಬೇಕು  ಅಥವಾ ಮಂಗವನ್ನು  ಸಾಕ ಬೇಕು.

3,  ಬೆಳ್ಳಿಯ ಕಡಗದಲ್ಲಿ  ತಾಮ್ರದ  ಮೊಳೆಯನ್ನು
ಕೂಡಿಸಿ  ಧರಿಸಬೇಕು.

ಸಪ್ತಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಸಹೋದರನ  ಸಂತಾನದ ಪಾಲನೆ ಮಾಡಬೇಕು.

2,  ಅತಿಥಿಗಳಿಗೆ  ಸಿಹಿಭೋಜನ ಮಾಡಿಸಬೇಕು.

3, ಶುದ್ಧ ನಡತೆಯಿರಬೇಕು.

ಅಷ್ಟಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಸತ್ಯವನ್ನೇ ನುಡಿಯಬೇಕು,  ವಚನಬದ್ಧ ರಾಗಿರಬೇಕು.

2,  ವಿಧವೆಯರ ಸೇವೆ ಮಾಡಿ  ಆಶೀರ್ವಾದ ಪಡೆಯಬೇಕು.

3,  ದಕ್ಷಿಣದ ದಿಕ್ಕಿನ ಮನೆಯ ವಾಸ  ಸಲ್ಲದು.

ದ್ವಾದಶಸ್ಥಿತ  ಕುಜನಿಗೆ  ಪರಿಹಾರೋಪಾಯ:---

1,  ಬೆಳ್ಳಿಯ ಬಳೆಗಳನ್ನು  ಕೆಂಪುವರ್ಣದಿಂದ ಅಲಂಕರಿಸಿ,  ಸ್ತ್ರೀಯರು. ಧರಿಸಬೇಕು.

2,   ಆಂಜನೇಯ ನಿಗೆ ನೈವೇದ್ಯವನ್ನು ಸಮರ್ಪಿಸಿ,  ಪ್ರಸಾದವನ್ನು  ಹಂಚಬೇಕು.

3,   ತುಕ್ಕುಹಿಡುದ  ವಸ್ತುಗಳನ್ನು ಮನೆಯಲ್ಲಿ ಇಡಬಾರದು.

          ಮೀನ ಲಗ್ನ :---

ಲಗ್ನ ಸ್ಥಿತ ಕುಜನಿಗೆ  ಪರಿಹಾರೋಪಾಯ  :---

1,  ಕೆಂಪು  ಬಣ್ಣದ  ಕರವಸ್ತ್ರವನ್ನು  ಸದಾ  ಬಳಿಯಲ್ಲಿ ಇರಿಸಿಕೊಳ್ಲ ಬೇಕು.

2,  ಯಾರಿಂದಲೂ  ಯಾವುದೇ ಪದಾರ್ಥಗಳನ್ನು  ಉಚಿತವಾಗಿ  ಪಡೆಯಬಾರದು.

3,  ಮನೆ ಮತ್ತು  ಕಾರ್ಯಾಲಯದಲ್ಲಿ   ಸೇವಕರನ್ನು  ನೇಮಿಸಿಕೊಳ್ಳಬೇಕು.

ಚತುರ್ಥ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :

1,  ಮಂಗವನ್ನು  ಸಾಕಬೇಕು ಹಾಗೂ  ಅದರ  ಸೇವೆ ಮಾಡಬೇಕು.

2,  ತಾಯಿಯ ಸೇವೆ ಮಾಡಬೇಕು.

3,  ಯಾರನ್ನೂ  ಬೈಯಬಾರದು.

ಸಪ್ತಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಮದ್ಯಪಾನ.. ಮಾಂಸಾಹಾರ  ಸೇವನೆ  ಮಾಡಲೇಬಾರದು.

2,  ಹಸಿ ಇಟ್ಟಿಗೆಯಿಂದ  ಗೋಡೆಯನ್ನು  ಕಟ್ಟಿ  ಕೆಡವಬೇಕು.

3,  ಬೆಳ್ಳಿಯ ಬಳೆಗಳನ್ನು  ಸ್ತ್ರೀಯರು  ಧರಿಸಬೇಕು.

ಅಷ್ಟಮ ಸ್ಥಾನಸ್ಥಿತ ಕುಜನಿಗೆ  ಪರಿಹಾರೋಪಾಯ :--

1,  ಬಂಗಾರದ ಉಂಗುರದಲ್ಲಿ  ಹವಳವನ್ನು  ಧರಿಸಬೇಕು.

2,  ಸಿಹಿ ತಂದೂರಿ  ರೊಟ್ಟಿಯನ್ನು  ನಾಯಿಗೆ  ತಿನ್ನಿಸಬೇಕು.

3,  ವಿಧವೆಯರ ಸೇವೆ ಮಾಡಿ ಆಶೀರ್ವಾದ ಪಡೆಯಬೇಕು.

ದ್ವಾದಶಸ್ಥಿತ  ಕುಜನಿಗೆ  ಪರಿಹಾರೋಪಾಯ:---

1,  ಪ್ರತಿನಿತ್ಯ  ಏಳುತ್ತಿದ್ದಂತೆಯೇ ಜೇನುತುಪ್ಪದಿಂದ  ಬಾಯಿಯನ್ನು  ಸಿಹಿಗೊಳಿಸಬೇಕು.

2,  ಹಾಲಿನಿಂದ ಮಾಡಿದ  ಹಲ್ವಾ ಸೇವನೆ ಮಾಡಬೇಕು  ಹಾಗೂ  ಬೇರೆಯವರಿಗೂ  ಹಂಚಬೇಕು.

3,  ಹನುಮಂತ ನಿಗೆ  ಸಿಂಧೂರವರ್ಣದ  ರವಿಕೆ  ಬಟ್ಟೆಯನ್ನು  ಅರ್ಪಿಸಬೇಕು.

           ಒಟ್ಟಿನಲ್ಲಿ..    ಯಾವುದೇ ಲಗ್ನವಾಗಲೀ... ಕುಜನು   ಯಾವುದೇ  ಭಾವದಲ್ಲಿರಲಿ ( 1, 2, 4, 5, 7, 8, 12 )   ಜಾತಕರು   ಪರಿಶುದ್ಧರಾಗಿರಬೇಕು,  ಸ್ರ್ತೀಯರನ್ನು  ಶುದ್ಧ ಭಾವದಿಂದ  ತಾಯಿಯಂತೆ  ನೋಡಬೇಕು,  ತಾಯಿಯ  ಸೇವೆ  ಮಾಡಬೇಕು,  ಮಾಂಸಾಹಾರ,  ಮದ್ಯಪಾನ  ವ್ಯರ್ಜಿಸಬೇಕು,  ಸಹೋದರ ರನ್ನು,  ಸಹೋದರಿಯರನ್ನು, ಹಾಗೂ  ಅವರ ಮಕ್ಕಳನ್ನು  ಪ್ರೀತಿ ವಿಶ್ವಾಸದಿಂದ  ನೋಡಬೇಕು,  ಸತ್ಯ ವಂತರಾಗಿರಬೇಕು,  ಯಾರಿಗೂ  ಅನ್ಯಾಯ ಮಾಡುವುದಾಗಲೀ,  ಬೇರೆಯವರ  ಸಂಪತ್ತಿನ ಅಪವ್ಯಯ ಮಾಡುವುದಾಗಲೀ  ಮಾಡಬಾರದು... ಎಂಬುದು  ಲಾಲ್ ಕಿತಾಬ್ ನಲ್ಲಿ  ಉಲ್ಲೇಖಿತವಾಗಿದೆ.

        ✍  ಡಾ || B. N.  ಶೈಲಜಾ  ರಮೇಶ್...